മകളുടെ നിക്കാഹ് പന്തലിലേക്ക് മജീദിന്റെ മയ്യത്ത്, മഞ്ചേരിയില്‍ 5 പേരുടെ ജീവനെടുത്ത അപകടത്തിലെ ഓട്ടോ ഡ്രൈവര്‍ മജീദിന്റെ മയ്യത്ത് ഇന്ന് ഖബറടക്കി
മഞ്ചേരിയില്‍ ഇന്നലെ അയ്യപ്പഭക്തര്‍ സഞ്ചരിച്ച ബസ്സും ഓട്ടോറിക്ഷയും കൂട്ടിയിടിച്ചുണ്ടായ അപകടത്തില്‍ മരിച്ച ഓട്ടോ ഡ്രൈവര്‍ അബ്ദുല്‍ മജീദിന്റെ മകളുടെ നിക്കാഹ് ഇന്നാന്ന് നിശ്ചയിച്ചി ഒന്നത്. മകളുടെ നിക്കാഹ് നടക്കാനിരിക്കെയാണ് മജീദിന്റെ അപ്രതീക്ഷിത മരണം. നിക്കാഹിന് പന്തലുയര്‍ന്ന വീട്ടിലേക്ക് മജീദിന്റെ മയ്യത്തെത്തിയത് വീട്ടുകാര്‍ക്കും നാട്ടുകാര്‍ക്കും തീരാനോവായി മാറി. മഞ്ചേരിയിൽ ഓട്ടോയിൽ ബസിടിച്ച് അഞ്ച് പേർ മരിച്ച സംഭവത്തിൽ ഓട്ടോ ഓടിച്ചത് അബ്ദുല്‍ മജീദ് ആയിരുന്നു. കർണാടകയിൽ നിന്നുള്ള തീർത്ഥാടകരുമായി ശബരിമലയിലേക്ക് പോയ തീർത്ഥാടകരുടെ ബസ്സാണ് ഓട്ടോയിൽ ഇടിച്ചത്. ഓട്ടോ ഡ്രൈവർ അബ്ദുൽ മജീദിന്റെ മകളുടെ വിവാഹം നടക്കിനിരിക്കെയാണ് അബ്ദുൽ മജീദ് മരിച്ചത്. തുടർന്ന് വിവാഹം മാറ്റി വെച്ചു.
മഞ്ചേരി കിഴക്കേതലയിൽ നിന്ന് പുല്ലൂരിലേക്ക് പോകുന്ന ഓട്ടോ ആണ് അപകടത്തിൽ പെട്ടത്. ഓട്ടോ ഡ്രൈവർ അബ്ദുൽ മജീദ്,
മുഹ്സിന ,സഹോദരി തസ്നീമ, തസ്നിമയുടെ മക്കളായ
ഏഴു വയസ്സുകാരി റിൻഷ ഫാത്തിമ , മൂന്നു വയസ്സുകാരി റൈസ ഫാത്തിമ എന്നിവരാണ് മരിച്ചത്.ഇവർക്ക് ഒപ്പമുണ്ടായിരുന്ന സാബിറ, 11 വയസ്സുകാരൻ മുഹമ്മദ് നിഷാദ്, നാലു വയസ്സുകാരി അഹ്സ ഫാത്തിമ, മുഹമ്മദ് അസാൻ, റൈഹാൻ എന്നിവരെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഇറക്കം ഇറങ്ങിവന്ന ബസ്
ഓട്ടോയിലേക്ക് ഇടിക്കുകയായിരുന്നു.
അബ്ദുല്‍ മജീദിന്റെ മയ്യത്ത് ഇന്ന് രാവിലെ 10 മണിക്ക് മഞ്ചേരി സെന്‍ട്രല്‍ ജുമാമസ്ജിദ് അങ്കണത്തില്‍ ഖബറടക്കി.
