‘കുടുംബ സ്ത്രീയും കുഞ്ഞാടും’ ഫസ്റ്റ് ലുക്ക് പോസ്റ്റർ നാളെ, അന്നാ രേഷ്മ രാജനും ധ്യാൻ ശ്രീനിവാസനും നായികാനായകന്മാർ

     ‘അങ്കമാലി ഡയറീസി’ലൂടെ നായികയായി അരങ്ങേറിയ നടിയാണ് അന്നാ രേഷ്മ രാജൻ. വിജയം നേടിയ ആ ചിത്രത്തിലൂടെ അന്നയും ഏറെ ശ്രദ്ധേയയായി. പിന്നീട് ലാൽ ജോസ്- മോഹൻലാൽ ചിത്രമായ വെളിപാടിന്റെ പുസ്തകം, അയ്യപ്പനും കോശിയും തുടങ്ങിയ നിരവധി ചിത്രങ്ങളിലൂടെ അന്ന ഏറെ ശ്രദ്ധിക്കപ്പെട്ടു.
അന്ന നായികയായ ‘കുടുംബ സ്ത്രീയും കുഞ്ഞാടും’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ നാളെ രാവിലെ 9 ന് പ്രകാശനം ചെയ്യുന്നു.

മഹേഷ് പി. ശീനിവാസൻ കഥയെഴുതി സംവിധാനം ചെയ്യുന്ന ഈ ചിത്രത്തിന്റെ ഈ ചിത്രത്തിന്റെ തിരക്കഥയും സംഭാഷണവും രചിക്കുന്നത് ശീകുമാർ അറയ്ക്കലാണ്. കേന്ദ്ര കഥാപാത്രമായ ‘കുടുംബ സ്ത്രീ’യെ അവതരിപ്പിക്കുന്നത്  അന്നാ രേഷ്മ രാജനാണ് . ധ്യാൻ ശ്രീനിവാസൻ നായകനാകുന്ന ഈ ചിത്രത്തിൽ ഒരു സംഘം ജനപ്രിയരായ അഭിനേതാക്കളുമുണ്ട്.
പ്രവാസിയും സമ്പന്നനുമായ സണ്ണിച്ചായന്റെ ഭാര്യയാണ് സുന്ദരിയായ ക്ലാര ഈ ദമ്പതികൾക്ക് കുട്ടികളില്ല.
കുട്ടികളില്ലാത്തതും ഭാര്യയുടെ സൗന്ദര്യവും സണ്ണിച്ചായനെ സംശയ രോഗിയാക്കി. ഭാര്യയിൽ എപ്പോഴും സംശയം.
ഇതിന്റെ സംഘർഷങ്ങളും രസക്കൂട്ടുകളും നിറഞ്ഞു നിൽക്കുന്ന സാഹചര്യത്തിലാണ് ജോജിയും, ഉണ്ണിയും കോയയും മീരയും ഉൾപ്പെടുന്ന ഒരു സംഘം കലാകാരന്മാർ  സണ്ണിച്ചായന്റെ ജീവിതത്തിൽ അപ്രതീഷിതമായി എത്തുന്നത്. ഇവരുടെ ആഗമനം കുടുംബത്തിൽ എരിതീയിൽ എണ്ണയൊഴിക്കുന്ന സാഹചര്യമായി.

നാട്ടിലാണങ്കിൽ മോഷണ പരമ്പര ഒരു വശത്ത്. അതാകട്ടെ  പുതിയ സി.ഐ ആയ ഗോപാൽ ചുമതലയേൽക്കുന്ന സ്റ്റേഷൻ ചുറ്റളവിലാണു മോഷണ പരമ്പര അരങ്ങേറുന്നത്.
എത്ര ശമിച്ചിട്ടും സി.ഐ.ക്ക് മോഷ്ടാവിനെ കണ്ടെത്താൻ  കഴിയുന്നില്ല… പൂർണ്ണമായും നർമ്മമുഹൂർത്തങ്ങളിലൂടെ അവതരിപ്പിക്കുന്നതാണ് ഈ ചിത്രം.

കലാഭവൻ ഷാജോണാണ് സി.ഐ ഗോപാലിനെ അവതരിപ്പിക്കുന്നത്.
ജാഫർ ഇടുക്കി, പക്രു, സ്നേഹാ ബാബു എന്നിവരുടെ കൂട്ടുകെട്ട് ഏറെ ചിരിയുണർത്താൻ പോന്നതാണ്.
സലിം കുമാർ, ബെന്നി പീറ്റേഴ്സ്. മണിയൻപിള്ള രാജു, സാജു നവോദയ, സ്നേഹാ ശ്രീകുമാർ,
മങ്കാമഹേഷ്, കോബ്രാ രാജേഷ്, മജീദ്, ബിന്ദു എൽസി, ഷാജി മാവേലിക്കര എന്നിവരും പ്രധാന താരങ്ങളാണ്.
ഗാനങ്ങൾ – സിജിൽ ശ്രീകുമാർ
നാടൻ പാട്ട് – മണികണ്ഠൻ.
സംഗീതം – ശ്രീജു ശീധർ.
ഛായാഗ്രഹണം – ലോവൽ.എസ്.
എഡിറ്റിംഗ് – രാജാ മുഹമ്മദ്.
പ്രൊഡക്ഷൻ എക്സികുട്ടീവ്- ഡി. മുരളി. കൺടോളർ- ദീപു.എസ്. കുമാർ.
ഇൻഡി ഫിലിംസിന്റെ ബാനറിൽ ബെന്നി പീറ്റേഴ്സ് നിർമ്മിക്കുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായി. ‘കുടുംബ സ്ത്രീയും കുഞ്ഞാടും’ ഉടൻ തിയേറ്ററുകളിലെത്തും.

വാഴൂർ ജോസ്.
ഫോട്ടോ- ശാലു പേയാട്.