ബംഗളൂരു: കര്ണാടകയിലെ കുടകില് മലയാളി കുടുംബത്തെ മരിച്ച നിലയില് കണ്ടെത്തി. കൊല്ലം സ്വദേശി വിനോദ് ബാബുസേനന് (43), ഭാര്യ ജിബി അബ്രഹാം (37) മകള് ജെയ്ന് മരിയ ജേക്കബ് (11) എന്നിവരെയാണ് മരിച്ച നിലയില് കണ്ടെത്തിയത്. മൃതദേഹങ്ങള് കുടകിലെ സര്ക്കാര് ആശുപത്രിയിലേക്ക് മാറ്റി.
സാമ്പത്തികപ്രശ്നങ്ങളെ തുടര്ന്ന് ആത്മഹത്യ ചെയ്യുകയായിരുന്നുവെന്നാണ് പ്രാഥമിക നിഗമനമെന്ന് പൊലീസ് അറിയിച്ചു. ഇന്നലെ ഉച്ചയോടെയാണ് കുടുംബത്തെ മരിച്ച നിലയില് റിസോര്ട്ട് ജീവനക്കാര് കണ്ടത്.
മരണത്തിന് വേറാരും ഉത്തരവാദിയല്ലെന്ന് വിനോദും ജിബിയും എഴുതി ഒപ്പിട്ട ഒരു ആത്മഹത്യാക്കുറിപ്പും പൊലീസ് കണ്ടെടുത്തിട്ടുണ്ട്. ബന്ധുക്കളെ വിവരമറിയിച്ചിട്ടുണ്ടെന്നും പോസ്റ്റ് മോര്ട്ടത്തിന് ശേഷം മൃതദേഹങ്ങള് ബന്ധുക്കള്ക്ക് വിട്ടുനല്കുമെന്നും പൊലീസ് അറിയിച്ചു.
