മാവേലിക്കര: ബൈക്ക് യാത്രികനായ യുവാവ് കെഎസ്‌ആര്‍ടിസി ബസ് കയറി മരിച്ചു. കല്ലുമല ഉമ്ബര്‍നാട് കെ.കെ. ആര്‍ ഭവനത്തില്‍ രാഘവൻ-അമ്മിണി ദമ്ബതികളുടെ മകൻ അഭിലാഷ് (38) ആണ് മരിച്ചത്.
തട്ടാരമ്ബലം – മാവേലിക്കര റോഡില്‍ പുളിമൂട് ജംഗ്ഷനു കിഴക്കു ഭാഗത്ത് ശനിയാഴ്ച രാത്രി ഏഴോടെയായിരുന്നു അപകടം.
ഹരിപ്പാട്ടെ ഫ്രൂട്ട്സ് കടയില്‍ ജീവനക്കാരനായ അഭിലാഷ് വീട്ടിലേക്ക് പോകുന്പോഴായിരുന്നു സംഭവം. ഇയാളുടെ ബൈക്കിനെ ആലപ്പുഴയില്‍നിന്ന് മാവേലിക്കരയിലേക്ക് വന്ന ഓര്‍ഡിനറി ബസ് മറികടക്കുന്നനിടെ ബസിന്‍റെ പിൻചക്രത്തിന് അടിയിലേക്ക് വീഴുകയായിരുന്നു.
