അബുദാബി: പേര് മാറ്റാനൊരുങ്ങി അബുദാബി അന്താരാഷ്‌ട്ര വിമാനത്താവളം. സായിദ് അന്താരാഷ്‌ട്ര വിമാനത്താവളം എന്നായിരിക്കും ഇനിമുതൽ അബുദാബി വിമാനത്താവളം അറിയപ്പെടുക.
അന്തരിച്ച മുൻ യുഎഇ പ്രസിഡന്റ് ഷെയ്ഖ് സായിദ് ബിൻ സുല്‍ത്താൻ അല്‍ നഹ്യാനോടുള്ള ബഹുമാനാര്‍ത്ഥമാ‌ണ് അബുദാബി എയര്‍പോര്‍ട്ടിന് പുതിയ പേര് നല്‍കുന്നത്. യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അല്‍ നഹ്യാന്റെ നിർദ്ദേശപ്രകാരമാണ് പുതിയ പേര്.
അടുത്ത വര്‍ഷം ഫെബ്രുവരി ഒമ്ബത് മുതല്‍ പുതിയ പേരിലാകും വിമാനത്താവളം അറിയപ്പെടുക.അതേസമയം വിമാനത്താവളത്തിലെ പുതിയ ടെര്‍മിനലിന്റെ പ്രവര്‍ത്തനം ഇന്ന് മുതല്‍ ആരംഭിക്കുകയാണ്. എയര്‍ഇന്ത്യ എക്സ്പ്രസ് വിമാനങ്ങള്‍ ഇന്നു മുതല്‍ പുതിയ ടെര്‍മിനലില്‍ നിന്നും സര്‍വ്വീസ് ആരംഭിക്കുമെന്ന് അധികൃതര്‍ അറിയിച്ചു. 15 അന്താരാഷ്‌ട്ര വിമാനക്കമ്ബനികളും നവംബര്‍ ഒന്ന് മുതല്‍ പുതിയ ടെര്‍മിനലില്‍ നിന്ന് സര്‍വ്വീസ് ആരംഭിക്കും.
