തിരുവനന്തപുരം: ഒന്നാം വര്‍ഷ ബിരുദ വിര്‍ദ്യാര്‍ഥിയെ സീനിയര്‍ വിദ്യാര്‍ഥികളുടെ സംഘം റാഗ് ചെയ്തതായി പരാതി. ധനുവച്ചപുരം വിടിഎം എന്‍എസ്എസ് കോളജിലെ ഒന്നാം വര്‍ഷം എക്കണോമിക്‌സ് വിദ്യാര്‍ഥി കുടപ്പനമൂട് സ്വദേശ് ബിആര്‍ നീരജാണ് പരാതി നല്‍കിയത്.
ഈ മാസം 26നാണ് സംഭവമെന്നു പരാതിയില്‍ പറയുന്നു. പാറശാല പൊലീസ്, കോളജ് പ്രിന്‍സിപ്പല്‍ എന്നിവര്‍ക്കാണ് നീരജ് പരാതി നല്‍കിയത്.
ഉച്ച ഭഷണത്തിനു ശേഷം ക്ലാസില്‍ നിന്നു പുറത്തിറങ്ങിയ നീരജിനെ അഞ്ച് സീനിയര്‍ വിദ്യാര്‍ഥികള്‍ ചേര്‍ന്നു കോളജ് വളപ്പിലുള്ള കാടുപിടിച്ച സ്ഥലത്തേക്ക് കൊണ്ടുപോയി ക്രൂരമായി മര്‍ദ്ദിച്ചെന്നും വിവസ്ത്രനാക്കി മൊബൈല്‍ ഫോണില്‍ ഫോട്ടോ എടുത്തതായും പരാതിയില്‍ പറയുന്നു. തറയില്‍ വീണപ്പോള്‍ ചിലര്‍ നെഞ്ചില്‍ ചവിട്ടിയതായും പരാതിയിലുണ്ട്.
