കിംസിന് 3,300 കോടി രൂപ മൂല്യം (400 മില്യണ് ഡോളര്) കണക്കാക്കിയാണ് കരാര് ഒപ്പുവച്ചത്.കിംസിനെ സ്വന്തമാക്കുന്നതോടെ 3,800 കിടക്കകളുമായി അപ്പോളോ ഹോസ്പിറ്റല്, മണിപ്പാല് ഹെല്ത്ത്, ഫോര്ട്ടിസ് ഹെല്ത്ത്കെയര് എന്നിവയ്ക്ക് പിന്നാലെ രാജ്യത്തെ നാലാമത്തെ വലിയ ഹോസ്പിറ്റല് ശൃംഖലയായി ക്യു.സി.ഐ.എല് മാറും.
കിംസില് 80-85 ശതമാനം ഓഹരികളാണ് ക്യു.സി.ഐ.എല് ഏറ്റെടുക്കുന്നത്. ബാക്കി 15-20 ശതമാനം ഓഹരികള് പ്രമോട്ടറായ ഡോ. എം.ഐ സഹദുള്ളയുടെ കൈവശമാകും. ഹോസ്പിറ്റലിന്റെ പ്രവര്ത്തന മേല്നോട്ടം തുടര്ന്നും ഡോ. സഹദുള്ളയ്ക്ക് തന്നെയായിരിക്കും.
2002ല് ഒരു കൂട്ടം പ്രൊഫഷണലുകളുമായി ചേര്ന്ന് ഡോ.സഹദുള്ളയുടെ നേതൃത്വത്തില് തിരുവനന്തപുരത്ത് ആരംഭിച്ചതാണ് കിംസ് ഹോസ്പിറ്റല്. നിലവില് തിരുവനന്തപുരം, കോട്ടയം, കൊല്ലം, പെരിന്തല്മണ്ണ എന്നിവിടങ്ങളിലായി കിംസിന് മൊത്തം 1,378 ബെഡുകളുണ്ട്. 2024 മാര്ച്ചില് നാഗര്കോവിലില് 300 ബെഡുകളുള്ള ഒരു ആശുപത്രി പ്രവര്ത്തനമാരംഭിക്കും.
2023-2024 സാമ്ബത്തിക വര്ഷത്തില് നികുതി, പലിശ എന്നിവയ്ക്ക് ശേഷമുള്ള കിംസിന്റെ ലാഭം 300 കോടി രൂപയും വരുമാനം 1,000 കോടി രൂപയുമായിരിക്കുമെന്നാണ് പ്രതീക്ഷിക്കുന്നത്.
