ന്യൂഡൽഹി:ഉത്സവ സീസണിലെ തിരക്കുകള്‍ ഒഴിവാക്കാൻ 283 സ്പെഷ്യല്‍ ട്രെയിനുകളുമായി റെയിൽവേ.മൊത്തം 4,480 അധിക സര്‍വീസുകളാണ് ഉണ്ടായിരിക്കുക.
ദീപാവലി, നവരാത്രി, ഛാത്ത് പൂജ എന്നീ ആഘോഷങ്ങള്‍ ഒരുമിച്ച്‌ എത്തിയതോടെ മുഴുവൻ ട്രെയിനുകളിലും വൻ തിരക്കാണ് അനുഭവപ്പെടുന്നത്. ഈ സാഹചര്യം കണക്കിലെടുത്താണ് റെയില്‍വേയുടെ പുതിയ നീക്കം.
ഉത്സവ സീസണില്‍ 4,480 അധിക സര്‍വീസുകളാണ് ഉണ്ടായിരിക്കുക. സ്പെഷല്‍ ട്രെയിനുകളുമായി ബന്ധപ്പെട്ട സമയക്രമവും, ബുക്കിംഗ് നിരക്കുകളും റെയില്‍വേ പങ്കുവെച്ചിട്ടുണ്ട്.
ഈസ്റ്റേണ്‍ സെൻട്രല്‍ റെയില്‍വേ ഡിവിഷനില്‍ നിന്നും 42 ട്രെയിനുകള്‍ 512 സര്‍വീസും, പശ്ചിമ റെയില്‍വേ ഡിവിഷനില്‍ 36 ട്രെയിനുകള്‍ 1,262 സര്‍വീസും നടത്തുന്നതാണ്. നോര്‍ത്ത്-വെസ്റ്റേണ്‍ ഡിവിഷനില്‍ 24 ട്രെയിനുകളാണ് സര്‍വീസ് നടത്തുക. തിരക്കുകള്‍ വര്‍ദ്ധിക്കുന്ന സാഹചര്യത്തില്‍ ടിക്കറ്റ് ഇല്ലാതെ യാത്ര ചെയ്യുന്നവരെ കണ്ടെത്താൻ പ്രത്യേക സ്ക്വാഡിനെയും രൂപീകരിച്ചിട്ടുണ്ട്.
