Month: September 2023

കെ ജി ജോർജ്ജിന്റെ മൃതദേഹം ദഹിപ്പിച്ചു; പള്ളിയിൽ അടക്കരുതെന്ന് പ്രത്യേകം പറഞ്ഞിരുന്നു:സൽമ ജോർജ്ജ്

കൊച്ചി: അന്തരിച്ച വിഖ്യാത ചലച്ചിത്രകാരൻ കെ.ജി.ജോർജ്ജിന്റെ ശവസംസ്കാരമായി ബന്ധപ്പെട്ടും തർക്കം.സ്വത്തുമുഴുവൻ അടിച്ചുമാറ്റി വൃദ്ധസദനത്തിലാക്കിയെന്നും, അവസാനകാലത്ത് അദ്ദേഹത്തെ കുടുംബം തിരിഞ്ഞുനോക്കിയില്ല എന്നുമൊക്കെയുള്ള ആരോപണങ്ങൾക്കിടയിലാണ് പുതിയ തർക്കം. ഈ സാഹചര്യത്തില്‍, കെ ജി ജോർജ്ജിന്റെ ഭാര്യ സല്‍മാ ജോർജ്ജ് മറുപടിയുമായി എത്തിയിരിക്കുകയാണ്. കെ ജി ജോർജ്ജിന്റെ മൃതദേഹം ദഹിപ്പിച്ചത് അദ്ദേഹത്തിന്റെ ആഗ്രഹപ്രകാരമാണെന്നും, പള്ളിയില്‍ അടക്കരുത് എന്ന് പ്രത്യേകം പറഞ്ഞിരുന്നുവെന്നും സല്‍മ പറയുന്നു. ഇത്രയും സിനിമകള്‍ ചെയ്ത അദ്ദേഹം കാശൊന്നും സമ്ബാദിച്ചിരുന്നില്ലെന്നും, നല്ല പരിചരണം കിട്ടാനാണ്, എറണാംകുളത്തെ സിഗ്നേച്ചര്‍ എന്ന വയോജന കേന്ദ്രത്തിലാക്കിയതെന്നും സല്‍മ പറയുന്നു. “‍മകള് ദോഹയിലാണ്, മകൻ ഗോവയിലാണ്. അതിനാല്‍ എനിക്കിവിടെ ഒറ്റക്ക് കഴിയാൻ ആവില്ല. അതുകൊണ്ടാണ് ഞാൻ ഗോവക്ക് പോയത്. ഞാനും എന്റെ മക്കളും വളരെ നന്നായിട്ടുതന്നെയാണ് അദ്ദേഹത്തെ നോക്കിയത്്. സിഗ്നേച്ചര്‍ എന്ന സ്ഥലത്തുകൊണ്ടാക്കിയത് അവിടെ ഡോക്ടര്‍മാരുണ്ട്, നഴ്സുമാരുണ്ട്, ഫിസിയോതെറാപ്പിയുണ്ട് എന്നതിനാലാണ്. എല്ലാരീതിയിലും കൊള്ളാവുന്നത് എന്ന് തോന്നിയതുകൊണ്ട് മാത്രമാണ്.   മനുഷ്യര്‍ അതുമിതുമൊക്കെ പറയുന്നുണ്ട്. ഞങ്ങള്‍ എന്തോ വയോജന കേന്ദ്രത്തില്‍ ആക്കിയെന്നൊക്കെ. സിനിമാ…