Month: July 2023

‘ഇന്ന് മണിപ്പുർ, നാളെ കേരളം:’ തിരക്കഥ തയാറാക്കി നടത്തിയ ആക്രമണമെന്ന് താമരശ്ശേരി രൂപത, മണിപ്പുർ കത്തുമ്പോൾ കോൺഗ്രസിന്റെ മൗനം വേദനിപ്പിച്ചുവെന്ന് ഇരിങ്ങാലക്കുട രൂപത

    മണിപ്പുർ വംശീയ കലാപത്തിൽ ആശങ്ക പ്രകടിപ്പിച്ച് താമരശ്ശേരി രൂപതാ ബിഷപ് മാർ റെമീജിയോസ് ഇഞ്ചനാനിയിൽ.  മണിപ്പുരിലെ സാഹചര്യം ഭീതി ഉയർത്തുന്നതാണെന്നും ഇന്നു മണിപ്പുരാണെങ്കിൽ നാളെ കേരളമാണെന്നോർക്കണമെന്നും താമരശേരി ബിഷപ് പറഞ്ഞു. മണിപ്പുരിൽ സമാധാനം പുനഃസ്ഥാപിക്കണം എന്നാവശ്യപ്പെട്ട് എം.കെ.രാഘവൻ എംപി നടത്തിയ ഉപവാസം നാരങ്ങനീരു നൽകി അവസാനിപ്പിച്ചശേഷം പ്രസംഗിക്കുകയായിരുന്നു അദ്ദേഹം. ‘‘വർഗീയതയും ആക്രമണവും കണ്ടിട്ടും പോരാടാതിരുന്നാൽ നമുക്കെതിരെയും ആക്രമണം വരുമ്പോൾ ശബ്ദിക്കാൻ ആരുമുണ്ടാവില്ല. ഇന്നു മണിപ്പുരാണെങ്കിൽ നാളെ കേരളമാകാം. ജനപ്രതിനിധികളുടെ മൗനം ഭയപ്പെടുത്തുന്നു. മണിപ്പുരിലേതു തിരക്കഥ തയ്യാറാക്കി നടത്തിയ ആക്രമണമാണ്. ഇത്തരമൊരു സാഹചര്യത്തിലാണു നമുക്കുവേണ്ടി ശബ്ദിക്കാൻ എം.കെ.രാഘവൻ എംപി ഉപവാസമിരുന്നത്. ഈ ഉപവാസം മണിപ്പുരിന്റെ നിലവിളിക്കൊപ്പം അണിചേരലാണ്. ഇതു മതേതരത്വത്തിന്റെ പ്രതീകമാണ്. എം.കെ.രാഘവൻ നടത്തിയ ഉപവാസം വ്യക്തിപരമോ ഏതെങ്കിലും പ്രസ്ഥാനത്തിനോ വേണ്ടിയല്ല. ഇതു പ്രകാശവും പ്രതീക്ഷയുമാണ്. ഒരുമിച്ചു പോരാടണം’’ ബിഷപ് പറഞ്ഞു. ‘മണിപ്പുർ  കത്തുമ്പോൾ വീണവായിച്ചവർ’ മണിപ്പുർ കത്തിയെരിയുമ്പോൾ ന്യൂനപക്ഷ സംരക്ഷകരെന്ന്‌ കരുതുന്ന കോൺഗ്രസ്‌ അവലംബിക്കുന്ന കഠിനമായ  മൗനം വേദനയുണ്ടാക്കുന്നതെന്ന്‌ കത്തോലിക്കാസഭ…