എറണാകുളം: മുവാറ്റുപുഴ പണ്ടപ്പിള്ളിയില്‍ മദ്യലഹരിയില്‍ വൃദ്ധയായ അമ്മയെ മര്‍ദിച്ച് സ്റ്റീല്‍ ഗ്ലാസ് കൊണ്ട് മുഖത്തിടിച്ച് പല്ല് തകര്‍ത്ത കേസില്‍ മകന്‍ പിടിയില്‍. മുവാറ്റുപുഴ താലൂക് ആരക്കുഴ പണ്ടപ്പിള്ളി കരയില്‍ മാര്‍ക്കറ്റിന് സമീപം പൊട്ടന്‍മലയില്‍ വീട്ടില്‍ അനില്‍ രവി(38)യെയാണ് മുവാറ്റുപുഴ പോലീസ് ഇന്‍സ്‌പെക്ടര്‍ പി.എം ബൈജുവിന്റെ നേതൃത്വത്തില്‍ പിടികൂടിയത്.
സമാന രീതിയില്‍ മദ്യപിച്ച് അച്ഛനെ മര്‍ദിച്ചതിന് വര്‍ഷങ്ങള്‍ക്ക് മുന്‍പ് പോലീസ് ഇയാള്‍ക്കെതിരേ കേസെടുത്തിരുന്നു. കേസിന് ആസ്പദമായ സംഭവത്തിനു ശേഷം ഒളിവില്‍ പോയ പ്രതിയെ കോട്ടയത്തുനിന്നാണ് പോലീസ് പിടികൂടിയത്.
