പാലക്കാട്: പാലക്കാട് കോട്ടേക്കുളം പൊക്കലം ജംഗ്ഷനില്‍ നിന്ന് അനധികൃത മദ്യവില്പനക്കാരനെ എക്സൈസ് പിടികൂടി. കിഴക്കഞ്ചേരി കോരഞ്ചിറ സ്വദേശി അനില്‍കുമാര്‍ ആണ് അറസ്റ്റിലായത്.
കിഴക്കഞ്ചേരി – കോട്ടേക്കുളം ഭാഗങ്ങളില്‍ ‘സഞ്ചരിക്കുന്ന ബാര്‍’ പ്രവര്‍ത്തിക്കുന്നുണ്ടെന്ന വാര്‍ത്തയുടെ അടിസ്ഥാനത്തില്‍ നടത്തിയ രഹസ്യ നീക്കത്തിലാണ് പ്രതി വില്പനയ്ക്കായി സ്‌കൂട്ടറില്‍ കൊണ്ട് വന്ന ഏഴര ലിറ്ററിലധികം മദ്യവുമായി പിടിയിലായത്.
ആലത്തൂര്‍ റേഞ്ച് എക്സൈസ് ഇൻസ്പെക്ടര്‍ ജയപ്രസാദ് പിയുടെ നേതൃത്വത്തിലുള്ള സംഘത്തില്‍ പ്രിവന്റീവ് ഓഫിസര്‍ ഷാജി, സിഇഒമാരായ പ്രസാദ്, അശോക്, പത്മദാസ്, ബാബു, സുമേഷ് എന്നിവര്‍ പങ്കെടുത്തു.
കഴിഞ്ഞ ദിവസം ന്യുസ്ദെൻ ഇത് സംബന്ധിച്ച് വാർത്ത പ്രസിദ്ധീകരിച്ചിരുന്നു.
