കൊൽക്കത്ത:പശ്ചമബംഗാളില്‍ പഞ്ചായത്ത് തെരഞ്ഞെടുപ്പിനിടെ നടന്ന വെടിവെയ്പിലും അക്രമത്തിലുമായി 14 പേര്‍ കൊല്ലപ്പെട്ടു.
ബംഗാളില്‍ തിരഞ്ഞെടുപ്പിന് മുന്നോടിയായി പൊട്ടിപ്പുറപ്പെട്ട സംഘര്‍ഷം പോളിങ് ദിനത്തില്‍ വ്യാപക അക്രമത്തില്‍ കലാശിക്കുകയായിരുന്നു. സംസ്ഥാനത്തെ വിവിധ ബൂത്തുകള്‍ പ്രവര്‍ത്തകര്‍ കയ്യേറി അടിച്ച്‌ തകര്‍ക്കുന്ന സ്ഥിതിവരെയുണ്ടായി. പലയിടങ്ങളിലും ബാലറ്റ് പേപ്പറുകള്‍ക്ക് തീയിട്ടതായും റിപ്പോര്‍ട്ടുകളുണ്ട്.
തിരഞ്ഞെടുപ്പ് പ്രഖ്യാപിച്ച ജൂൺ 9 മുതൽ ഇതുവരെ 33 പേരാണ് വിവിധ അക്രമ സംഭവങ്ങളിൽ ബംഗാളിൽ കൊല്ലപ്പെട്ടത്.കഴിഞ്ഞ 24 മണിക്കൂറിനിടെ മാത്രം 14 പേർക്കാണ് ജീവഹാനി സംഭവിച്ചത്.
