നെല്ലൂന്നി സ്വദേശി എം.വി വൈശാഖ്, പെരിഞ്ചേരി സ്വദേശി വി.ജോതിഷ് എന്നിവരെയാണ് മട്ടന്നൂര്‍ പൊലീസ് അറസ്റ്റ് ചെയ്തത്.ഇവരില്‍ നിന്ന് ആയുധങ്ങളും കണ്ടെടുത്തു.
കഴിഞ്ഞ ഒൻപതിന് വൈകിട്ട് നെല്ലൂന്നി വാവോട്ടുപാറ റോഡില്‍ വച്ചാണ് വിദ്യാര്‍ഥിയായ അജ്മലിനെ സംഘം ആക്രമിച്ചത്. കോളജ് വിട്ട് ബൈക്കില്‍ വീട്ടിലേക്ക് പോവുമ്ബോള്‍ മറ്റൊരു ബൈക്കിലെത്തി രണ്ടംഗ സംഘം ആക്രമിക്കുകയായിരുന്നു.ആക്രമണത്തിൽ അജ്മലിന്റെ കാലിന് വെട്ടേൽക്കുകയും കൈ ഒടിയുകയും ചെയ്തിരുന്നു.നാട്ടുകാർ ഓടിക്കൂടിയതോടെ ആക്രമികൾ രക്ഷപെടുകയായിരുന്നു.
നെല്ലൂന്നിയില്‍ ഒളിവില്‍ കഴിയുന്നതിനിടെയാണ് ഇരുവരും പിടിയിലായത്.ഇവരുടെ ബൈക്കും കസ്റ്റഡിയിലെടുത്തു.
