തൃശ്ശൂര്‍: കിഴക്കേ കോട്ട ഉദയനഗര്‍ റോഡില്‍ പ്രവര്‍ത്തിക്കുന്ന ‘നക്ഷത്ര’ ലേഡീസ് ഹോസ്റ്റലിലെ 6-ാം നമ്ബര്‍ മുറിയിൽ പെൺകുട്ടിയെ മരിച്ച നിലയിൽ കണ്ടെത്തി.
ചാവക്കാട് തൊട്ടാപ്പ് സ്വദേശിനി 24 വയസ്സുള്ള റിൻസി ആണ് മരിച്ചത്.ഇന്ന് രാവിലെ 11.30 ഓടെയായിരുന്നു സംഭവം.മുറിയിലെ ഫാനില്‍ ഷാള്‍ ഉപയോഗിച്ച്‌ കെട്ടി തൂങ്ങി മരിച്ച നിലയിലാണ് മൃതദേഹം കണ്ടെത്തിയത്.
തൃശ്ശൂര്‍ ജയ്ഹിന്ദ് മാര്‍ക്കറ്റിലെ തുണി കടയില്‍ സെയില്‍ ഗേളായി ആയി ജോലി ചെയ്ത് വരികയായിരുന്നു.ഒരു വർഷത്തിലേറെയായി റിൻസി ഈ മുറിയിലായിരുന്നു താമസം.
ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം പോസ്റ്റ് മോര്‍ട്ടത്തിനായി മെഡി.കോളേജ് മോര്‍ച്ചറിയിലേയ്ക്ക് മാറ്റി.ആത്മഹത്യയെന്നാണ് പ്രാഥമിക നിഗമനം.
