ന്യൂഡൽഹി:ജെഎൻയു ക്യാംപസില്‍ വിദ്യാര്‍ത്ഥിനികളെ തട്ടിക്കൊണ്ടു പോകാൻ ശ്രമം.കാറിലെത്തിയവരാണ് ക്യാമ്പസിനുള്ളിൽ വൈകിട്ട് നടക്കാനിറങ്ങിയ രണ്ട് യുവതികളെ തട്ടിക്കൊണ്ടുപോകാൻ ശ്രമം നടത്തിയത്.
ഇന്നലെ വൈകിട്ട് പെണ്‍കുട്ടികള്‍ നടക്കുന്നതിനിടെ ഇവരുടെ മുന്നിൽ വാഹനം നിര്‍ത്തി വഴി ചോദിച്ചതിനു ശേഷം വാഹനത്തിലേക്ക് പിടിച്ചു കയറ്റാൻ ശ്രമിക്കുകയായിരുന്നു. പെണ്‍കുട്ടികള്‍ ബഹളം വെച്ചതോടെ മറ്റ് സ്ഥലങ്ങളില്‍ നിന്ന് വിദ്യാര്‍ത്ഥികള്‍ ഓടിക്കൂടിയതോടെ ഇവർ കാറോടിച്ച് രക്ഷപെടുകയായിരുന്നു.സംഭവത്തിൽ പോലീസ് കേസെടുത്തിട്ടുണ്ട്.
