കോട്ടയം: പാമ്പാടി ബ്ലോക്ക് പഞ്ചായത്തിൽ പരിസ്ഥിതി ദിനാഘോഷം വൃക്ഷത്തൈ നട്ടു കൊണ്ട് ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഏബ്രഹാം നിർവഹിച്ചു. ഈട്ടി, പ്ലാവ്, മാവ്, നെല്ലി എന്നിങ്ങനെ പതിനഞ്ചോളം വൃക്ഷത്തൈകളും വഴുതന, മുളക്, വെണ്ട, പയർ എന്നീ പച്ചക്കറിത്തൈകളും പരിസ്ഥിതി ദിനാഘോഷത്തിന്റെ ഭാഗമായി ബ്ലോക്ക് പഞ്ചായത്ത് പരിസരത്ത് നട്ട് പിടിപ്പിച്ചു. ക്ഷേമകാര്യ സ്ഥിരം സമിതി അധ്യക്ഷൻ സി.എം. മാത്യു, ആരോഗ്യ – വിദ്യാഭ്യാസ സ്ഥിരം സമിതി അധ്യക്ഷ പ്രേമ ബിജു, ബി.ഡി.ഒ. ടി.കെ. സജീവൻ , ബ്ലോക്ക് പഞ്ചായത്ത് ജീവനക്കാർ എന്നിവർ പരിപാടിയിൽ പങ്കെടുത്തു.
