കൊച്ചി: പതിമൂന്നുകാരന്റെ കൈയില്‍നിന്ന് മൊബൈല്‍ ഫോണും, പണവും തട്ടിയെടുത്ത കേസിലെ പ്രതികള്‍ പിടിയില്‍. മട്ടാഞ്ചേരി പുത്തന്‍വീട്ടില്‍ ഹന്‍സില്‍ (18), ജൂടൗണ്‍ സ്വദേശി സുഹൈല്‍ (19) എന്നിവരാണ് പിടിയിലായത്.
മട്ടാഞ്ചേരി കൂവപ്പാടം സുജാത ജങ്ഷന് സമീപത്തുവെച്ച് നടന്നുപോവുകയായിരുന്ന കുട്ടിയുടെ കൈയില്‍നിന്ന് 15,000 രൂപ വിലമതിക്കുന്ന ഫോണാണ് ഇവര്‍ തട്ടിയെടുത്തതെന്ന് പോലീസ് പറഞ്ഞു. ഫോണ്‍ എറണാകുളത്തുള്ള മൊബൈല്‍ ഷോപ്പില്‍ വില്‍ക്കാന്‍ ശ്രമിക്കവേ പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ഇവരെ പിടികൂടിയത്.
പ്രതികള്‍ നേരത്തേ മോഷണക്കേസില്‍ പ്രതികളാണെന്ന് പോലീസ് പറഞ്ഞു.
