തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം ഒറ്റപ്പെട്ടയിടങ്ങളില് ഇടിമിന്നലോടുകൂടിയുള്ള ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ബംഗാള് ഉൾക്കടലിൽ ന്യൂനമർദ്ദം ശക്തി പ്രാപിക്കുന്നതായും ചുഴലിക്കാറ്റായി മാറാന് സാധ്യതയുണ്ടെന്നും കാലാവസ്ഥ വകുപ്പിന്റെ റിപ്പോര്ട്ടില് പറയുന്നു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം എന്നിവിടങ്ങളില് ശക്തമായ മഴയാണ് പ്രവചിച്ചിരിക്കുന്നത്.ഉയർന്ന തിരമാലയ്ക്ക് സാധ്യത ഉണ്ടെന്നതിനാൽ കടലിൽ പോകുന്നവർക്കും മുന്നറിയിപ്പുണ്ട്.
