ബിഗ് ബോസ് മലയാളം സീസണ് നാലില് ഏറെ പ്രേക്ഷക പിന്തുണ ലഭിച്ച ആളാണ് റോബിന് രാധാകൃഷ്ണന്. ബിഗ് ബോസിലൂടെയാണ് റോബിന് പ്രശസ്തനായത് തന്നെ. അടുത്തിടെ താരത്തിന് നേരെ നിരവധി വിമര്ശനങ്ങള് ഉയര്ന്നിരുന്നു. ഒപ്പം ട്രോളുകളും. ഇപ്പോഴിതാ ഇക്കാര്യത്തില് പ്രതികരണവുമായി എത്തിയിരിക്കുകയാണ് റോബിന്. ഒരു പത്ത് വര്ഷം താന് ഒന്നും ചെയ്തില്ലെങ്കിലും മലയാളികളില് അധികം പേരും എന്നെ മറക്കാന് പോകുന്നില്ലെന്നും, അതിന് വേണ്ടിയുള്ള കാര്യങ്ങള് യുട്യൂബില് ഉണ്ടെന്നുമാണ് റോബിന്റെ വാദം. ഒരു ഉദ്ഘാടന ചടങ്ങില് പങ്കെടുക്കവെയായിരുന്നു റോബിന്റെ പ്രതികരണം.
”ഞാന് ട്രോളുകള് കാണാറുണ്ട്. ഹാഷ് ടാഗ് റോബിന് രാധാകൃഷ്ണന് എന്ന് സെര്ച്ച് ചെയ്ത് നോക്കിയാല് എത്രമാത്രം വീഡിയോസ് ഉണ്ടെന്ന് അറിയാന് പറ്റും. നമ്മള് നമ്മളെ പറ്റിയുള്ള വീഡിയോസ് ചെയ്യുന്നതിനെക്കാളും മറ്റുള്ളവരെ കൊണ്ട് വീഡിയോ ചെയ്യിക്കുന്നതിലാണ് കഴിവ്. അത് നിങ്ങള് മനസിലാക്കണം. എന്റെ റീച്ച് എപ്പോഴാ കുറയുക എന്ന് വച്ചാല് നിങ്ങള് എപ്പോഴാണോ എന്നെ പറ്റിയുള്ള കണ്ടന്റ് നിര്ത്തുന്നത് അന്നേ അത് കുറയത്തുള്ളൂ. നിങ്ങളുടെ സമയം എനിക്ക് വേണ്ടിയാണ് വിനിയോഗിക്കുന്നത്. എന്റെ കണ്ടന്റുകള് ആണ് നിങ്ങള് ഷൂട്ട് ചെയ്ത് കൊണ്ടിരിക്കുന്നത്. അതു നിങ്ങള് ലോജിക്കലി മനസിലാക്കുക.
ഒരു പത്ത് വര്ഷം ഞാന് ഒന്നും ചെയ്തില്ലെങ്കിലും മലയാളികളില് അധികം പേരും എന്നെ മറക്കാന് പോകുന്നില്ല. കാരണം അതിന് വേണ്ടിയുള്ള കാര്യങ്ങള് യുട്യൂബില് ഉണ്ട്. ഡീഗ്രേഡിംഗ് വന്നപ്പോള് ആരതി പൊടിയോട് ഓടി രക്ഷപ്പെട്ടോളാന് പറഞ്ഞവരുണ്ട്. ആ വെള്ളം അങ്ങ് വാങ്ങിവച്ചിരുന്നാല് മതി. സൈലന്റ് ആയി ഇരിക്കുന്നുണ്ടെങ്കിലും സോഷ്യല് മീഡിയയിലെ എല്ലാ കാര്യങ്ങളും ഞാന് കാണുന്നുണ്ട്. കണ്ടന്റ് കൊടുക്കേണ്ട സമയത്ത് അത് ചെയ്യും. കഴിഞ്ഞ മാസം 2500 ഓളം വീഡിയോസ് ആണ് എന്റെ പേരില് ഉള്ളത്. ഏത് സിനിമാ നടന് ഉണ്ട് ഒറ്റയടിക്ക് ഇത്രയും വീഡിയോസ്. സോ എന്നെ പ്രമോട്ട് ചെയ്യുന്നത് നിങ്ങള് തന്നെയാണ്. ആ ഒരു സത്യം നിങ്ങള് മനസ്സിലാക്കൂ. ഡീഗ്രേഡിംഗ് എല്ലാം ഞങ്ങള് നേരിടും” – റോബിന് പറയുന്നു.
