മഹ്സൂസ് ഗ്യാരണ്ടീഡ് മില്യണയർ നറുക്കെടുപ്പിൽ 10 ലക്ഷം ദിർഹം സ്വന്തമാക്കി ഇന്ത്യൻ പ്രവാസി വനിത. ഏപ്രിൽ ഒന്നിന് നടന്ന 122-ാമത്തെ മഹ്സൂസ് നറുക്കെടുപ്പിലാണ് 38 വയസ്സുകാരിയായ ഹമേദ വിജയിച്ചത്. മെഡിക്കൽ കോഡിങ് ജോലി ചെയ്യുന്ന ഹമേദ നാല് മക്കളുടെ അമ്മയാണ്. അബുദാബിയിൽ കഴിഞ്ഞ മൂന്നു വർഷമായി താമസിക്കുന്ന ഹമേദ, മഹ്സൂസിൻറെ ചരിത്രത്തിലെ ആദ്യത്തെ വനിതാ ഗ്യാരണ്ടീഡ് മില്യണയറുമാണ്.
എട്ട് മാസം മുൻപാണ് സ്ഥിരമായി മഹ്സൂസ് കളിക്കാൻ ഹമേദ തീരുമാനിച്ചത്. കുട്ടിയുടെ ഫുട്ബോൾ മത്സരം കാണാൻ പോയതുകൊണ്ട് മഹ്സൂസിൻറെ നറുക്കെടുപ്പ് ഹമേദ കണ്ടിരുന്നില്ല. തൊട്ടടുത്ത ദിവസം മഹ്സൂസ് ടീം ഫോണിൽ വിളിച്ചപ്പോഴാണ് നറുക്കെടുപ്പിൽ വിജയിച്ച കാര്യം ഹമേദ അറിഞ്ഞത്. ഞാൻ നറുക്കെടുപ്പുകളിൽ പങ്കെടുക്കാറില്ല, ഇതുവരെ ഒന്നും വിജയിച്ചിട്ടുമില്ല. ഇതൊരു വളരെ സന്തോഷം തന്ന സർപ്രൈസ് ആയിരുന്നു. ഒരു സ്വപ്നം സത്യമായതുപോലെ തോന്നുന്നു, എനിക്ക് ഇത് വിശ്വസിക്കാനെ വയ്യ – ഹമേദ പറയുന്നു.
പണം എങ്ങനെ ചെലവഴിക്കും എന്നതിനെക്കുറിച്ച് ഹമേദ ആലോചിക്കുകയാണ്. മെഡിസിൻ പഠിക്കാൻ ആഗ്രഹിക്കുന്ന രണ്ടു കുട്ടികളുണ്ട്. കൂടാതെ സ്കൂൾ പ്രായത്തിലുള്ള രണ്ട് മക്കളുമുണ്ട്. അവരുടെ വിദ്യാഭ്യാസ ആവശ്യങ്ങൾക്ക് തുക പ്രയോജനപ്പെടും. ഒപ്പം, കുടുംബത്തിനായി പണം ചെലവാക്കും. – ഹമേദ കൂട്ടിച്ചേർത്തു. മഹ്സൂസ് കഴിഞ്ഞ മാസം മുതലാണ് ഗ്യാരണ്ടീഡ് മില്യണയർ നറുക്കെടുപ്പ് അവതരിപ്പിച്ചത്. ഓരോ ആഴ്ച്ചയും ഒരാൾക്ക് ഇതിലൂടെ മില്യണയർ ആകാം.
വെറും 35 ദിർഹം മുടക്കി മഹ്സൂസ് വാട്ടർ ബോട്ടിൽ വാങ്ങി മത്സരത്തിൽ പങ്കെടുക്കാം. ഓരോ ആഴ്ച്ചയും നടക്കുന്ന നറുക്കെടുപ്പിലും 20,000,000 ദിർഹം സമ്മാനമുള്ള ഗ്രാൻഡ് ഡ്രോയിലും ഭാഗമാകാം. ഇതോടൊപ്പം പുതിയ ഗ്യാരണ്ടീഡ് മില്യണയർ നറുക്കെടുപ്പിൽ ആഴ്ച്ചതോറും 1,000,000 വീതം സ്വന്തമാക്കുകയും ചെയ്യാം. മഹ്സൂസിൻറെ 122-ാമത് നറുക്കെടുപ്പിൽ 24 പേർക്ക് നാല് അക്കങ്ങൾ ഒരുപോലെയാക്കാൻ കഴിഞ്ഞു. രണ്ടാം സമ്മാനമായ AED 200,000 ഇവർ പങ്കിട്ടു. ഒരാൾക്ക് AED 8,333 വീതമാണ് ലഭിച്ചത്. മൂന്ന് അക്കങ്ങൾ ഒരുപോലെയാക്കിയ 958 പേർക്ക് AED 250 വീതം ലഭിച്ചു.
റംസാൻ മാസം ഗോൾഡ് പ്രൈസുകളും നേടാനാകും. അടുത്തയാഴ്ച്ച ഒരു ഭാഗ്യശാലിക്ക് 300 ഗ്രാം സ്വർണം സ്വന്തമാക്കാം. റംസാൻ പ്രത്യേക ഗോൾഡ് പ്രൈസിൻറെ രണ്ടാമത്തെ വിജയി അബ്ദുൾഅസീസ് (raffle ID 32386916) 200 ഗ്രാം മൂല്യമുള്ള സ്വർണ നാണയങ്ങൾ സ്വന്തമാക്കി. മഹ്സൂസ് എന്ന വാക്കിന് അറബിയിൽ ‘ഭാഗ്യം’ എന്നാണ് അർത്ഥം. ജിസിസിയിലെ ആദ്യ പ്രതിവാര തത്സമയ നറുക്കെടുപ്പായ മഹ്സൂസ്, എല്ലാ ആഴ്ചയിലും മില്യൺ കണക്കിന് ദിർഹത്തിന്റെ സമ്മാനങ്ങൾ നൽകി ആളുകളുടെ ജീവിതം മാറ്റിമറിക്കുന്നു. ഇതോടൊപ്പം സേവനമായി അത് സമൂഹത്തിന് തിരികെ നൽകുകയും ചെയ്യുന്നു.
