Month: February 2023
-
Kerala
മുഖ്യമന്ത്രിയുടെ ദുരിതാശ്വാസി നിധി തട്ടിപ്പ്: പങ്കാളികളായ റവന്യൂ ഓഫീസിലെ ഉദ്യോഗസ്ഥർക്കെതിരെയും ഡോക്ടർമാർക്കെതിരെയും കേസെടുക്കാൻ വിജിലൻസ് ശിപാർശ
തിരുവനന്തപുരം: മുഖ്യമന്ത്രിയുടെ ദുരിതാശ്വാസി നിധിയിൽ വ്യാപക തട്ടിപ്പിൽ പങ്കാളികളായ റവന്യൂ ഓഫീസിലെ ഉദ്യോഗസ്ഥർക്കെതിരെയും ഡോക്ടർമാർക്കെതിരെയും കേസെടുക്കാൻ വിജിലൻസ് ശുപാർശ ചെയ്യും. തുടരന്വേഷണത്തിന് റവന്യൂ ഓഡിറ്റിലെ ഉദ്യോഗസ്ഥരുടെ സഹായം ആവശ്യപ്പെട്ട് വിജിലൻസ് ഡയറക്ടർ കത്ത് നൽകി. പ്രാഥമിക അന്വേഷണത്തിൽ നടത്തിൽ കണ്ടെത്തിയ വൻ തട്ടിപ്പുകളിലാകും ആദ്യം വിശദമായ അന്വേഷണം. തിരുവനന്തപുരം, പത്തനംതിട്ട, പാലക്കാട് ജില്ലയിലാണ് ഇതേവരെ നടത്തിയ അന്വേഷണത്തിൽ വ്യാപക ക്രമക്കേട് കണ്ടെത്തിയത്. നൂറിലധികം അപേക്ഷകളിൽ പോലും ഒരേ ഏജൻറിന്റെ പേര് കണ്ടെത്തിയിട്ടുണ്ട്. ഒരു ഡോക്ടർ തന്നെ നിരവധി പേർക്ക് മെഡിക്കൽ സർട്ടിഫിക്കറ്റ് നൽകിയിട്ടുണ്ട്. സ്വകാര്യ ആയുർവേദ ഡോക്ടർമാരുടെ സർട്ടിഫിക്കറ്റിലും പണം കൈമാറിയിട്ടുണ്ട്. വലിയ വരുമാനമുളളവർക്കും വരുമാനം താഴ്ത്തിയുള്ള സർട്ടിഫിക്കറ്റുകളാണ് തട്ടിപ്പിനായി നൽകിയത്. ഇങ്ങനെ വ്യാപകമായ ക്രമക്കേട് കണ്ടെത്തിയ താലൂക്ക്, കലക്ടറേറ്റുകളിലെ ഉദ്യോഗസ്ഥരെ കേന്ദ്രീകരിച്ചാകും തുടരന്വേഷണം. ഒപ്പം സർട്ടിഫിക്കറ്റ് നൽകിയ ഡോക്ടർമാരെക്കുറിച്ചും വിശദമായ അന്വേഷണത്തിൽ ക്രമക്കേട് തെളിഞ്ഞാൽ കേസെടുത്ത് അന്വേഷണം നടത്താൻ ശുപാർശ നൽകും. കൊല്ലം ശാസ്തമംഗലത്ത് അപേക്ഷ സമർപ്പിക്കാത്ത വ്യക്തിക്ക് വീട്…
Read More » -
India
പ്രവർത്തക സമിതിയിൽ ഇനി 35 പേർ, സ്ത്രീകൾക്കും യുവജനങ്ങൾക്കും ഉൾപ്പെടെ 50% സംവരണം; ഭരണഘടനാ ഭേദദതി പാസാക്കി കോണ്‍ഗ്രസ് പ്ലീനറി സമ്മേളനം
റായ്പൂര്‍: സംഘടന സംവിധാനം ശക്തമാക്കാൻ ലക്ഷ്യമിട്ടുള്ള ചരിത്രപരമായ പരിഷ്കാരങ്ങൾക്കു സാക്ഷ്യം വഹിച്ച് കോൺഗ്രസ് പ്ലീനറി സമ്മേളനം. കോണ്‍ഗ്രസ് പ്രവര്‍ത്തകസമിതി അംഗങ്ങളുടെ എണ്ണം 25ല്‍ നിന്ന് 35 ആയി വര്‍ധിപ്പിച്ചതാണ് സുപ്രധാന തീരുമാനം. ഇതുസംബന്ധിച്ച ഭരണഘടനാ ഭേദദതി റായ്പുരിൽ നടക്കുന്ന കോണ്‍ഗ്രസ് പ്ലീനറി സമ്മേളനം പാസാക്കി. പ്രവര്‍ത്തക സമിതിയില്‍ 50 ശതമാനം എസ്‌സി -എസ്ടി, സ്ത്രീകള്‍/, യുവജനങ്ങള്‍, ന്യൂനപക്ഷങ്ങള്‍ എന്നീ വിഭാഗങ്ങള്‍ക്കായി സംവരണം ചെയ്യും. കോണ്‍ഗ്രസ് പ്രവര്‍ത്തകസമിയില്‍ മുന്‍ പ്രധാനമന്ത്രിമാരെയും പാര്‍ട്ടിയുടെ മുന്‍ പ്രസിഡന്റുമാരെയും ഉള്‍പ്പെടുത്തുന്നതിനായി ഭരണഘടന ഭേദഗതി ചെയ്തു. എഐസിസി അംഗങ്ങളുടെ എണ്ണത്തിലും വര്‍ധനനവ് വരുത്തി. കോണ്‍ഗ്രസിന്റെ വളര്‍ച്ചയിലെ നിര്‍ണായക വഴിത്തിരിവാണ് ഭാരത് ജോഡോ യാത്രയെന്ന് മുന്‍ അധ്യക്ഷയും യുപിഎ ചെയര്‍പഴ്‌സനുമായ സോണിയ ഗാന്ധി പറഞ്ഞു. തന്റെ ഇന്നിങ്‌സ് യാത്രയോടെ അവസാനിച്ചേക്കുമെന്നും കോണ്‍ഗ്രസ് പ്ലീനറി സമ്മേളനത്തെ അഭിസംബോധന ചെയ്ത് അവര്‍ കൂട്ടിച്ചേര്‍ത്തു. കോണ്‍ഗ്രസിനും രാജ്യത്തിനു മുഴുവനും വളരെയധികം വെല്ലുവിളിയേറിയ കാലഘട്ടമാണിത്. ബിജെപിയും ആര്‍എസ്എസും രാജ്യത്തെ ഓരോ സ്ഥാപനങ്ങളെയും വെട്ടിപ്പിടിക്കുകയും വഴിമാറ്റുകയും ചെയ്തു.…
Read More » -
Kerala
അമ്പത് വയസ് പിന്നിട്ടവര്‍ക്കും 20 വര്‍ഷം സര്‍വീസ് പൂര്‍ത്തിയായവര്‍ക്കും വി.ആർ.എസ്; 7200 പേരുടെ പട്ടിക തയാറാക്കി കെ.എസ്.ആർ.ടി.സി.
തിരുവനന്തപുരം: കെ.എസ്.ആർ.ടി.സിയെ പ്രതിസന്ധിയിൽ നിന്ന് കരകയറ്റാനുള്ള നടപടികളുടെ ഭാഗമായി നിർബന്ധിത സ്വയം വിരമിക്കൽ പദ്ധതി നടപ്പാക്കാൻ മാനേജ്മെന്റ്. അന്‍പത് വയസ് പിന്നിട്ടവര്‍ക്കും 20 വര്‍ഷം സര്‍വീസ് പൂര്‍ത്തിയായവര്‍ക്കും സ്വയം വിരമിക്കാം. ഇതിനായി 7200 പേരുടെ പട്ടിക മാനേജ്മെന്റ് തയ്യാറാക്കി. ശമ്പളച്ചെലവ് പകുതിയായി കുറയ്ക്കുക ലക്ഷ്യമിട്ടാണ് നടപടി. ഒരാള്‍ക്ക് കുറഞ്ഞത് പതിനഞ്ച് ലക്ഷം രൂപ നല്‍കാനാണ് നീക്കം. മറ്റ് ആനുകൂല്യങ്ങള്‍ വിരമിക്കല്‍ പ്രായത്തിനുശേഷം നല്‍കും. വിആര്‍എസ് നടപ്പാക്കിയാല്‍ ശമ്പള ചെലവ് അന്‍പത് ശതമാനം കുറയുമെന്നാണ് കെഎസ്ആര്‍ടിസി മാനേജ്മെന്റിന്റെ കണക്കുകൂട്ടല്‍. വിആര്‍എസ് നടപ്പാക്കാന്‍ 1080 കോടി രൂപയാണ് വേണ്ടിവരിക. ഈ സഹായത്തിനായി പദ്ധതി ധനവകുപ്പിന് കൈമാറാനാണ് തീരുമാനം. ആകെ 24,000 ത്തോളം ജീവനക്കാരാണ് കെഎസ്ആര്‍ടിസിയിലുള്ളത്. കുറെ ജീവനക്കാരെ വിആര്‍എസ് നല്‍കി മാറ്റി നിര്‍ത്തിയാല്‍ ശമ്പള വിതരണത്തിനായി ധനവകുപ്പിനെ സമീപിക്കേണ്ടി വരില്ലെന്നാണ് മാനേജ്മെന്റിന്റെ നിലപാട്. എന്നാൽ, ഇപ്പോൾത്തന്നെ ഇടഞ്ഞു നിൽക്കുന്ന തൊഴിലാളി യൂണിയനുകൾ വി.ആർ.എസ്. വിഷയത്തിൽ എന്തു നിലപാട് സ്വീകരിക്കുമെന്നതാണ് മാനേജ്മെന്റിന്റെ ആശങ്ക. ഏകപക്ഷീയമായി ഇത്തരം…
Read More » -
Kerala
എഴുന്നള്ളത്തിന് ആന വേണ്ട, ഇനി പല്ലക്ക് മതി; ചരിത്രപരമായ തീരുമാനവുമായി തിരുവൈരാണിക്കുളം ക്ഷേത്രം ട്രസ്റ്റ്
കൊച്ചി: എഴുന്നള്ളത്തിന് ആനയ്ക്കു പകരം പല്ലക്ക് ഉപയോഗിക്കാനുള്ള ചരിത്രപരമായ തീരുമാനവുമായി തിരുവൈരാണിക്കുളം ക്ഷേത്രം ട്രസ്റ്റ്. ആനകൾ ഇടഞ്ഞ് അപകടങ്ങൾ ഉണ്ടാകുന്ന സംഭവങ്ങൾ തുടർക്കഥയായതോടെയാണ് ക്ഷേത്രം ഭാരവാഹികൾ വഴിമാറി ചിന്തിച്ചത്. ഇതോടെ വിളക്കിനെഴുന്നള്ളിപ്പിന് ആനയ്ക്ക് പകരം പല്ലക്ക് ഉപയോഗിക്കാൻ ക്ഷേത്രം ട്രസ്റ്റ് തീരുമാനം എടുക്കുകയായിരുന്നു. ഫെബ്രുവരി 23ന് ആരംഭിച്ച ഉത്സവ ചടങ്ങുകളുടെ ഭാഗമായി അത്താഴ പൂജക്ക് ശേഷമുള്ള വിളക്കിനെഴുന്നള്ളിപ്പിന് തേക്ക് മരത്തിൽ തീർത്ത പല്ലക്ക് ക്ഷേത്രത്തിലേക്ക് സമർപ്പിച്ചു. ക്ഷേത്ര ട്രസ്റ്റ് അംഗവും ദാരുശില്പ കലയിൽ വിദഗ്ദ്ധനുമായ പിആർ ഷാജികുമാർ വഴിപാടായാണ് പല്ലക്ക് സമർപ്പിച്ചത്. നിരവധി ക്ഷേത്രങ്ങളിൽ ഉത്സവാഘോഷത്തിൻ്റെ പ്രൗഢിയും ആഹ്ളാദവും ഇല്ലാതാക്കി എഴുന്നള്ളിപ്പിനെത്തുന്ന ആനകൾ അപകടകാരികളാകുന്നതിനെ തുടർന്നാണ് ഇറക്കി പൂജയ്ക്കും വിളക്കിനെഴുന്നള്ളിപ്പിനും ആനകളെ ഒഴിവാക്കാൻ തീരുമാനിച്ചത്. ഇതിൻ്റെ ഭാഗമായി നാളെ മുതൽ ഇറക്കി പൂജയ്ക്കായി വാഹനത്തിൽ തയ്യാറാക്കിയ അലങ്കരിച്ച രഥം ഉപയോഗിക്കും. അതേസമയം, ഇന്നലെ തൃശൂർ പാടൂർ വേലയ്ക്കിടെ ആന ഇടഞ്ഞ് പാപ്പാനടക്കം ഏഴ് പേർക്ക് പരുക്കേറ്റു. തെച്ചിക്കോട്ടുകാവ് രാമചന്ദ്രൻ എന്ന ആനയാണ് ഇടഞ്ഞത്.…
Read More » -
India
വിവാഹച്ചടങ്ങിനിടെ വധു ഹൃദയാഘാതം മൂലം മരിച്ചു; അതേ ദിവസം തന്നെ വധുവിന്റെ സഹോദരിയെ വരന് വിവാഹം ചെയ്തു കൊടുത്ത് ബന്ധുക്കൾ
അഹമ്മദാബാദ്: വിവാഹച്ചടങ്ങിനിടെ വധു ഹൃദയാഘാതം മൂലം മരണത്തിനു കീഴടങ്ങിയെങ്കിലും വിവാഹം നടത്തി യുവതിയുടെ ബന്ധുക്കൾ. വധുവായി കതിർമണ്ഡപത്തിലെത്തി വരന്റെ കൈ പിടിച്ചത് മരിച്ചു പോയ യുവതിയുടെ സഹോദരി ! ഗുജറാത്തിലെ ഭാവ്‌നഗറിലെ സുഭാഷ് നഗര്‍ പ്രദേശത്താണ് ഈ സംഭവം നടന്നത്. ഭഗവനേശ്വര്‍ ക്ഷേത്രത്തിന് മുന്‍പില്‍ വച്ചായിരുന്നു ദൗര്‍ഭാഗ്യകരമായ സംഭവം. ജിനാഭായ് റാത്തോറിന്റെ മകള്‍ ഹെതലും നാരി ഗ്രാമത്തിലെ റാണാഭായ് ബുതാഭായി അല്‍ഗോട്ടറിന്റെ മകന്‍ വിശാലും തമ്മിലായിരുന്നു വിവാഹം. വിവാഹ ചടങ്ങുകള്‍ പുരോഗമിക്കുന്നതിനിടെ ഹെതലിന് തലകറക്കവും ബോധക്ഷയവും അനുഭവപ്പെടുകകായിരുന്നു. ഹൃദയാഘാതത്തെ തുടര്‍ന്ന് അടുത്തുള്ള ആശുപത്രിയിലെത്തിച്ചെങ്കിലും അപ്പോഴെക്കും മരിച്ചിരുന്നു. ഹെതലിന്റെ മരണത്തില്‍ കുടുംബം വിലപിച്ചപ്പോഴും വിവാഹ ചടങ്ങുകൾ തുടരാന്‍ ബന്ധുക്കള്‍ തീരുമാനിച്ചു. ഹെതലിന്റെ ഇളയ സഹോദരിയെ ബന്ധുക്കൾ വധുവായി തീരുമാനിക്കുകയും നിശ്ചയിച്ച പ്രകാരം വിവാഹം നടത്തുകയുമായിരുന്നു. അതേസമയം, ബന്ധുക്കളുടെ തീരുമാനത്തെ വിമർശിച്ച് നിരവധി പേർ രംഗത്തെത്തി. വധു മരിച്ച ദിവസം തന്നെ സഹോദരിയെ വിവാഹം കഴിക്കേണ്ടി വന്ന വിശാലും കുടുംബവും ഇതേക്കുറിച്ച് പ്രതികരിക്കാൻ തയാറായിട്ടില്ല.
Read More » -
Kerala
ബിജു കീഴടങ്ങി തിരിച്ചു പോകണം, ഇസ്രായേലിൽ സഹായം നൽകുന്നവരും വലിയ വില കൊടുക്കേണ്ടിവരും…. മുന്നറിയിപ്പുമായി ഇന്ത്യൻ എംബസി
ജറുസലേം: കൃഷി പഠിക്കാൻ സർക്കാർ സംഘത്തിനൊപ്പമെത്തി മുങ്ങിയ ബിജു കുര്യനും ഇസ്രായേലിൽ സഹായം നൽകുന്ന മലയാളികൾക്കും മുന്നറിയിപ്പുമായി ഇന്ത്യൻ എംബസി. ബിജു കുര്യനെ സഹായിക്കുന്നവരുണ്ടെങ്കില്‍ അവസാനിപ്പിക്കണമെന്ന് എംബസി മുന്നറിയിപ്പ് നൽകി. ഇപ്പോള്‍ കീഴടങ്ങി തിരിച്ചുപോകാന്‍ തയാറായാല്‍ വലിയ കുഴപ്പുണ്ടാകില്ല. അല്ലെങ്കില്‍ ബിജു കുര്യനും അയാളെ സഹായിക്കുന്നവർക്കും വലിയ വില നല്‍കേണ്ടിവരുമെന്നും ബിജു കുര്യന് ഇസ്രായേലില്‍ നല്ല ഭാവി ഉണ്ടാവില്ലെന്നും എംബസി മുന്നറിയിപ്പ് നല്‍കി. നേരത്തെ, വീസ റദ്ദാക്കി ബിജു കുര്യനെ നാട്ടിലെത്തിക്കണമെന്ന് ആവശ്യപ്പെട്ട് സംസ്ഥാന സർക്കാർ കേന്ദ്രസർക്കാരിന് കത്തയച്ചിരുന്നു. ഇതിന്റെ അടിസ്ഥാനത്തിലാണ് ഇന്ത്യൻ എംബസിയുടെ ഇടപെടൽ. മേയ്‌ മാസത്തോടെ ബിജുവിന്റെ വീസ കാലാവധി അവസാനിക്കും. അതുകൊണ്ട് നാട്ടിലേക്ക് മടങ്ങിയാൽ ഇസ്രായേൽ നിയമനടപടികൾ നേരിടേണ്ടി വരില്ല. എന്നാൽ കാലാവധി കഴിഞ്ഞും തുടരാനാണ് തീരുമാനമെങ്കിൽ അത് ഗുരുതര പ്രശ്നമാകും. ബിജുവിനെ ഈ സാഹചര്യത്തിൽ സംരക്ഷിക്കുന്നവരും ഇതിന്റെ പ്രത്യാഘാതം നേരിടേണ്ടി വരുമെന്നും എംബസി പറയുന്നു. കേരളത്തിൽ നിന്നും ഇസ്രയേലില്‍ ആധുനിക കൃഷി രീതി പഠിക്കാന്‍ പോയ…
Read More » -
Kerala
സംസ്ഥാനത്ത് ലാഭമുണ്ടാക്കുന്ന പൊതുമേഖലാ സ്ഥാപനങ്ങളുടെ എണ്ണത്തില്‍ വര്‍ധന, ലാഭത്തിൽ മുന്നിൽ കെ.എസ്.ഇ.ബി.
തിരുവനന്തപുരം: സംസ്ഥാനത്തെ പൊതുമേഖലാ സ്ഥാപനങ്ങളുടെ തലവര മാറുന്നു. നഷ്ടത്തിന്റെ കണക്കുകൾ പഴങ്കഥകളാക്കി, ലാഭമുണ്ടാക്കുന്ന പൊതുമേഖലാ സ്ഥാപനങ്ങളുടെ എണ്ണം വര്‍ധിച്ചു. മുൻ വര്‍ഷത്തെ അപേക്ഷിച്ച് ഇവയുടെ ലാഭത്തില്‍ വന്‍ വര്‍ധനയുണ്ടായി. മുന്‍ വര്‍ഷത്തെ റിപ്പോര്‍ട്ടില്‍ നഷ്ടത്തില്‍ പ്രവര്‍ത്തിക്കുന്നവയുടെ പട്ടികയിലായിരുന്ന കെഎസ്ഇബിയാണ് ഇക്കുറി കൂടുതല്‍ ലാഭമുണ്ടാക്കിയത്. കെഎസ്ഇബിയുടെ വരുമാനത്തില്‍ ഈ വര്‍ഷം 13.58% വര്‍ധനയാണ് രേഖപ്പെടുത്തിയത്. 16.71 കോടി ലാഭമുണ്ടാക്കിയ ബിവറേജസ് കോര്‍പ്പറേഷന്‍ പട്ടികയില്‍ പത്താം സ്ഥാനത്താണ്. 2021-22 സാമ്പത്തിക വര്‍ഷം ലാഭമുണ്ടാക്കുന്ന പൊതുമേഖലാ സ്ഥാപനങ്ങളുടെ എണ്ണം പതിനഞ്ചു ശതമാനമാണ് കൂടിയത്. ആകെ ലാഭത്തില്‍ 265.5% വര്‍ധനയുണ്ടായി. പകുതിയോളം പൊതുമേഖലാ സ്ഥാപനങ്ങള്‍ നഷ്ടത്തിലാണെങ്കിലും സഞ്ചിത നഷ്ടത്തില്‍ പോയ വര്‍ഷം 18.41% കുറവുണ്ടായി മുന്‍ വര്‍ഷം ലാഭമുണ്ടാക്കുന്ന സ്ഥാപനങ്ങളുടെ എണ്ണം 52 ആയിരുന്നു. ഇത് 60 ആയി ഉയര്‍ന്നു. ലോക്ഡൗണ്‍ മൂലം പ്രവര്‍ത്തനം മുടങ്ങിയ കഴിഞ്ഞ വര്‍ഷം 429.58 കോടിയായിരുന്നു പൊതുമേഖലാ സ്ഥാപനങ്ങളുടെ മൊത്ത ലാഭം. ഇക്കുറി അത് 1570.21 കോടിയായി ഉയര്‍ന്നു. സംസ്ഥാനത്ത് ആകെ…
Read More » -
Business
ഫെമ നിയമം ലംഘിച്ചു; ജോയ് ആലുക്കാസിന്റെ 305 കോടിയുടെ സ്വത്ത് എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടി
കൊച്ചി: പ്രമുഖ ജ്വല്ലറി സ്ഥാപനമായ ജോയ് ആലുക്കാസ് ഇന്ത്യ പ്രൈവറ്റ് ലിമിറ്റഡ് ചെയര്‍മാന്‍ ജോയ് ആലുക്കാസ് വര്‍ഗീസിന്റെ 305.84 കോടി രൂപയുടെ സ്വത്തുക്കള്‍ എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടി. ഹവാല വഴി ഇന്ത്യയില്‍നിന്ന് വന്‍തുക ദുബായിലേക്ക് മാറ്റുകയും പിന്നീട് ഈ പണം ജോയ് ആലുക്കാസ് വര്‍ഗീസിന്റെ പൂര്‍ണ ഉടമസ്ഥതയിലുള്ള ദുബായിലെ ജോയ് ആലുക്കാസ് ജ്വല്ലറി എല്‍എല്‍സിയില്‍ നിക്ഷേപിക്കുകയും ചെയ്തതിനാണ് നടപടി. ഇത് 1999ലെ ഫെമ നിയമത്തിന്റെ ലംഘനമാണ് എന്ന് ചൂണ്ടിക്കാണിച്ചാണ് നടപടിയെന്ന് ഇഡിയുടെ വാര്‍ത്താക്കുറിപ്പില്‍ പറയുന്നു. കണ്ടുകെട്ടിയവയില്‍ 81.54 കോടി രൂപ മൂല്യം വരുന്ന 33 സ്ഥാവര സ്വത്തുക്കളും ഉള്‍പ്പെടുന്നു. തൃശൂര്‍ ശോഭാ സിറ്റിയിലെ ഭൂമിയും താമസിക്കുന്ന വീടും ഇതില്‍ ഉള്‍പ്പെടുന്നുണ്ട്. 91.22 ലക്ഷം രൂപയുടെ നിക്ഷേപമുള്ള 3 ബാങ്ക് അക്കൗണ്ടുകള്‍ അടക്കമാണ് മറ്റു കണ്ടുകെട്ടിയ ആസ്തികള്‍. ജോയ് ആലുക്കാസ് ഇന്ത്യ പ്രൈവറ്റ് ലിമിറ്റഡിന്റെ ഓഫീസ്, കമ്പനിയുടെ ഡയറക്ടറുടെ താമസസ്ഥലങ്ങള്‍ എന്നിവയുള്‍പ്പെടെ ജോയ് ആലുക്കാസ് ഗ്രൂപ്പിന്റെ അഞ്ച് സ്ഥലങ്ങളില്‍ ഫെബ്രുവരി 22 ന്…
Read More » -
Kerala
ജനങ്ങള്‍ക്കുള്ള സേവനങ്ങള്‍ സമയബന്ധിതമായി ലഭ്യമാക്കാത്ത സർക്കാർ ജീവനക്കാരോട് ഒരു ദാക്ഷിണ്യവും സര്‍ക്കാരിനുണ്ടാകില്ല- മുഖ്യമന്ത്രി പിണറായി വിജയൻ
പൊതുജനങ്ങളുടെ പണം കട്ടെടുത്തോ കൈക്കൂലി വാങ്ങിയോ സുഖമായി ജീവിക്കാമെന്നും ജനങ്ങള്‍ക്കു നല്‍കേണ്ട സേവനങ്ങള്‍ സമയബന്ധിതമായി ലഭ്യമാക്കാതെ അവരെ ബുദ്ധിമുട്ടിക്കാമെന്നും കരുതുന്ന ആരോടും ഒരു ദാക്ഷിണ്യവും ഈ സര്‍ക്കാരിനുണ്ടാകില്ല. അത്തരം പുഴുക്കുത്തുകളെ കണ്ടെത്താന്‍ നിങ്ങള്‍ തന്നെ തയ്യാറാകണമെന്നു കൂടി ഓര്‍മ്മിപ്പിക്കുന്നു. അവര്‍ക്കെതിരെ മാതൃകാപരമായ നടപടി സ്വീകരിക്കുന്നതിനും അതുവഴി സര്‍ക്കാരിന്റെയും സര്‍ക്കാര്‍ ജീവനക്കാരുടെ സമൂഹത്തിന്റെയാകെയും അന്തസ്സ് ഉയര്‍ത്തിപ്പിടിക്കുന്നതിന്നതിനും പ്രതിജ്ഞാബദ്ധമാണ് സര്‍ക്കാരെന്നും മുഖ്യമന്ത്രി വ്യക്തമാക്കി.സുസ്ഥിര വികസന ലക്ഷ്യങ്ങൾ ഭാവി കേരളത്തിന് – സർക്കാർ ജീവനക്കാർക്കുള്ള ബോധവൽക്കരണ പരിപാടി ഉദ്‌ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. ക്ഷേമ പദ്ധതികളിലും വികസന പദ്ധതികളിലും ഇത്തരത്തില്‍ മാതൃകാപരമായ ഇടപെടലുകള്‍ സംസ്ഥാന സര്‍ക്കാര്‍ നടത്തുമ്പോള്‍ തന്നെ അതില്‍ നിന്നും എന്തെങ്കിലും ലാഭമുണ്ടാക്കാം എന്നു ചിന്തിക്കുന്ന ഒരു ചെറിയ വിഭാഗം സര്‍ക്കാര്‍ ജീവനക്കാര്‍ക്കിടയില്‍ ഇപ്പോഴുമുണ്ട്. അവര്‍ കരുതുന്നത് തങ്ങള്‍ നടത്തുന്ന കളവ് ആരും അറിയില്ല എന്നാണ്. പുതിയ കാലത്ത്, ഓരോ നീക്കവും നിരീക്ഷിക്കാനും തെറ്റായ ഇടപെടലുകളുണ്ടായാല്‍ വേണ്ട നടപടി എടുക്കാനും അത്ര ബുദ്ധിമുട്ടോ തടസ്സമോ…
Read More » -
Kerala
‘വന്ദേ ഭാരത് എക്സ്പ്രസ്’ ഉടൻ കേരളത്തിലേയ്ക്കും, തിരുവനന്തപുരത്തുനിന്ന് കണ്ണൂരിലേക്കും തിരിച്ചും ഓടിക്കും
രാജ്യത്തെ ഗതാഗത മേഖലയുടെ സ്വപ്ന പദ്ധതിയായ വന്ദേ ഭാരത് ട്രെയിൻ ഉടൻ കേരളത്തിൽ ഓടുമെന്നും ഇക്കാര്യത്തിൽ 100 ശതമാനം ഉറപ്പുണ്ടെന്നും റെയിൽവേ പാസഞ്ചേഴ്സ് അമ്‌നിറ്റി കമ്മിറ്റി ചെയർമാൻ പി.കെ കൃഷ്ണദാസ്. കണ്ണൂർ ചേംബർ ഓഫ് കൊമേഴ്സ്‌ സംഘടിപ്പിച്ച കണ്ണൂർ റെയിൽവേ വികസനത്തിലെ പ്രതിസന്ധികൾ എന്ന വിഷയത്തിലെ സംവാദത്തിൽ സംസാരിക്കുകയായിരുന്നു അദ്ദേഹം. തിരുവനന്തപുരത്തുനിന്ന് ആരംഭിച്ച് മംഗളൂരുവിൽ അവസാനിക്കുന്ന തരത്തിൽ വന്ദേ ഭാരത് ഓടിക്കുക അശാസ്ത്രീയമാണ്. പകരം തിരുവനന്തപുരത്തുനിന്ന് കണ്ണൂരിലേക്കും തിരിച്ചും ഓടിക്കാനാണ് തീരുമാനം. ഇതിനായി സിഗ്നൽ സിസ്റ്റം ആധുനികീകരിക്കണം. കേരളത്തിലടക്കം റെയിൽപ്പാളങ്ങളുടെ 85 ശതമാനവും പുനർനിർമിച്ചു. സ്റ്റേഷൻ നവീകരണവും ആരംഭിച്ചു. വിമാനത്താവളം മാതൃകയിൽ എല്ലാ ആധുനികസൗകര്യങ്ങളോടെയുള്ള റെയിൽവേ സ്റ്റേഷൻ നിർമിക്കും. കേരളത്തിൽ കൊല്ലം, എറണാകുളം നോർത്ത്, സൗത്ത് എന്നീ സ്റ്റേഷനുകൾ വിമാനത്താവളത്തിന് സമാനമാക്കും. ഇതിനായി 400 കോടി രൂപ അനുവദിച്ചിട്ടുണ്ടെന്നും പി.കെ കൃഷ്ണദാസ് പറഞ്ഞു. ചേംബർ പ്രസിഡൻറ് ടി.കെ. രമേശ് കുമാർ അധ്യക്ഷത വഹിച്ചു. കണ്ണൂർ റെയിൽവേഭൂമി: ആശങ്കയറിയിച്ച് വ്യാപാരികൾ…
Read More »