ഏറ്റുമാനൂര്‍: മഹാദേവക്ഷേത്രത്തിലെ ഉത്സവത്തിന്റെ ഭാഗമായി എസ്.എന്‍.ഡി.പി. ഏറ്റുമാനൂര്‍ മേഖലാ കമ്മറ്റിയുടെ നേതൃത്വത്തില്‍ എട്ടാം ഉത്സവദിനമായ 28-ന് ദേശതാലപ്പൊലി ഘോഷയാത്രനടത്തുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. മേഖലയില്‍ ഉള്‍പ്പെടുന്ന 17-ശാഖായോഗങ്ങളുടെ ദേശതാലപ്പൊലി വൈകുന്നേരം നാലിന് ടൗണിലെ 40-ാം നമ്പര്‍ എസ്.എന്‍.ഡി.പി. ശാഖായോഗം ഗുരുമന്ദിരത്തില്‍ സംഗമിക്കും. തുടര്‍ന്ന് നടക്കുന്ന സമ്മേളനം കോട്ടയം യൂണിയന്‍ സെക്രട്ടറി ആര്‍. രാജീവ് ഉദ്ഘാടനം ചെയ്യും.
രാവിലെ 11-ന് ക്ഷേത്രസന്നിധിയില്‍ 40-ാം മ്പര്‍ ശാഖായോഗത്തിന്റ നേതൃത്വത്തില്‍ നടത്തുന്ന മഹാപ്രസാദമൂട്ട് യൂണിയന്‍ പ്രസിഡന്റ് എം. മധു ഉദ്ഘാടനം ചെയ്യും. പത്രസമ്മേളനത്തില്‍ ദേശതാലപ്പൊലി കമ്മറ്റിചെയര്‍മാന്‍ പി.എന്‍. ശ്രീനിവാസന്‍, വൈസ്‌ ചെയര്‍മാന്‍ സി.എസ്. ജയപ്രകാശ്, ജനറല്‍ കണ്‍വീനര്‍ ഷിബുഭാസ്‌കര്‍, മറ്റു ഭാരവാഹികളായ എ.കെ. റെജികുമാര്‍, എം.എന്‍. സജി, ബിനിലാ ബാബു എന്നിവര്‍ പങ്കെടുത്തു.
