Month: January 2023
-
India
തമിഴ്നാട്ടില് പൊങ്കല്‍ ആഘോഷത്തിനിടെ ഇരു വിഭാഗങ്ങള്‍ ഏറ്റുമുട്ടി
ചെന്നൈ: തമിഴ്നാട്ടില് പൊങ്കല്‍ ആഘോഷത്തിനിടെ ഏറ്റുമുട്ടല്‍. ഞായറാഴ്ചയുണ്ടായ സംഘര്‍ഷത്തിന്റെ വീഡിയോ സോഷ്യല്‍ മീഡിയയില്‍ വൈറലാകുന്നു. സംഭവത്തില്‍ കേസ് രജിസ്റ്റര്‍ ചെയ്ത പോലീസ് അന്വേഷണം നടത്തുകയാണ്. ശിവഗംഗ ജില്ലയിലെ പഴയന്നൂരിനടുത്തുള്ള ഗ്രാമത്തിലാണ് സംഭവം. ഡിസംബര്‍ 31 ന് ഒരു കൂട്ടം ആളുകള്‍ പ്രാദേശിക വിനായഗര്‍ (ഗണേഷ്) ക്ഷേത്രത്തില്‍ പൊങ്കല്‍ ചടങ്ങ് നടത്തി. ജനുവരി 1 ഞായറാഴ്ച മറ്റൊരു വിഭാഗം പൊങ്കല്‍ ആഘോഷം നടത്താന്‍ ശ്രമിച്ചതാണ് ഭിന്നതയ്ക്ക് കാരണമായത്. ഇരുവിഭാഗങ്ങള്‍ തമ്മില്‍ ദീര്‍ഘകാലമായി ശത്രുത നിലനില്‍ക്കുന്നുണ്ടെന്ന് പൊലീസ് അറിയിച്ചു. പൊങ്കല്‍ ആഘോഷത്തിനിടെ ഇരുവിഭാഗവും പരസ്പരം ആക്രമിക്കുന്നത്തിന്റെ വീഡിയോ സോഷ്യല്‍ മീഡിയ പ്ലാറ്റ്ഫോമുകളില്‍ വൈറലാകുകയും ചെയ്തു. രണ്ട് വ്യക്തികള്‍ വെവ്വേറെ നല്‍കിയ പരാതിയുടെ അടിസ്ഥാനത്തില്‍ പളനിപ്പുര്‍ പോലീസ് കേസെടുത്ത് ഇരു വിഭാഗത്തിലെയും 38 പേര്‍ക്കെതിരേ അന്വേഷണം നടത്തിവരികയാണ്.
Read More » -
Crime
സെല്ലില്‍ കൊലക്കേസ് പ്രതിയുടെ തെറിവിളി; ജയില്‍ അസി.സൂപ്രണ്ടിന്റെ തലയടിച്ചു പൊളിച്ചു
കൊച്ചി: സെല്ലില്‍കിടന്ന് സഹ തടവുകാരെയും വാര്‍ഡന്‍മാരെയും തെറിവിളിക്കുന്നത് ചോദ്യം ചെയ്തതിനെ തുടര്‍ന്ന് കൊലക്കേസ് പ്രതി ജയില്‍ അസി. സൂപ്രണ്ടിന്റെ തലയടിച്ച് പൊട്ടിച്ചു. പരുക്കേറ്റ ജില്ലാ ജയില്‍ അസി. സൂപ്രണ്ട് വൈക്കം സ്വദേശി ഫ്രസനിനെ (40) കളമശ്ശേരി മെഡിക്കല്‍ കോളേജില്‍ പ്രവേശിപ്പിച്ചു. തലയില്‍ ഒമ്പത് തുന്നിക്കെട്ടുണ്ട്. സൂപ്രണ്ടിനെ ആക്രമിച്ച കൊലക്കേസ് പ്രതി സ്റ്റാലിനെതിരേ ഇന്‍ഫോപാര്‍ക്ക് പോലീസ് കൊലപാതക ശ്രമത്തിന് കേസെടുത്തു. ചൊവ്വാഴ്ച ഉച്ചയ്ക്ക് രണ്ടരയോടെ കാക്കനാട് ജില്ലാ ജയിലിലാണ് സംഭവം. ഉച്ചഭക്ഷണത്തിനു ശേഷം സെല്ലില്‍ കയറി പ്രതി മറ്റ് സെല്ലുകളിലെ റിമാന്‍ഡ് പ്രതികളെയും വാര്‍ഡന്‍മാരെയും തെറിവിളി തുടങ്ങി. ബഹളം കേട്ടെത്തിയ അസി. സൂപ്രണ്ട് ഇയാളെ അനുനയിപ്പിക്കാനായി സെല്ലിന് അകത്ത് കയറി. അടുത്തെത്തിയപ്പോള്‍ സ്റ്റാലിന്‍ വെള്ളം കുടിക്കുന്ന കട്ടിയുള്ള സ്റ്റീല്‍ ഗ്ലാസ് ഉപയോഗിച്ച് പല തവണ തലയില്‍ ആഞ്ഞടിക്കുകയായിരുന്നു. ഓടിയെത്തിയ ജയില്‍ ഉദ്യോഗസ്ഥര്‍ സ്റ്റാലിനെ പിടിച്ചുകെട്ടി വിലങ്ങ് അണിയിച്ചു. കൊലക്കേസില്‍ കഴിഞ്ഞ വര്‍ഷമാണ് കടവന്ത്ര പോലീസ് സ്റ്റാലിനെ അറസ്റ്റ് ചെയ്തത്.
Read More » -
NEWS
സുഹൃത്തിനെ കൊന്ന് സ്വന്തം മരണം ചിത്രീകരിച്ച് നാട്ടുകാരെയും ബന്ധുക്കളെയും പറ്റിച്ചു; കാമുകിയുമായി നാടുവിട്ട ‘സുകുമാരക്കുറുപ്പ്’ ഒടുവിൽ പിടിയിലായി
മുംബൈ: സുഹൃത്തിനെ കൊന്ന് സ്വന്തം മരണം ചിത്രീകരിച്ച് നാട്ടുകാരെയും ബന്ധുക്കളെയും പറ്റിച്ച ശേഷം കാമുകിയുമായി നാടുവിട്ട മഹാരാഷ്ട്രയിലെ ‘സുകുമാരക്കുറുപ്പ്’ ഒടുവിൽ പിടിയിലായി. കാമുകിയെ സ്വന്തമാക്കാന്‍ സുഹൃത്തിനെ കൊലപ്പെടുത്തി സ്വന്തം മരണം ചിത്രീകരിച്ച മധ്യവയസ്‌കനാണ് അറസ്റ്റിലായത്. കഴിഞ്ഞ ഡിസംബര്‍ 16-ന് പുനെയിലെ വിദൂരഗ്രാമമായ ചര്‍ഹോളി ഖുര്‍ദിലാണ് സുകുമാരക്കുറുപ്പിന്റെ കഥയെ വെല്ലുന്ന സംഭവം നടന്നത്. ഒറ്റ നോട്ടത്തില്‍ അപകടമെന്നു തോന്നിയേക്കാവുന്ന മരണത്തിന്റെ ചുരുളഴിഞ്ഞത് കര്‍ഷകനെ കാണാതായെന്നു കുടുംബം നല്‍കിയ പരാതിയെത്തുടര്‍ന്നുള്ള പോലീസ് അന്വേഷണത്തില്‍! ചര്‍ഹോളി ഖുര്‍ദ് ഗ്രാമത്തിലെ കര്‍ഷക തൊഴിലാളിയായ സുഭാഷ് എന്ന് അറിയപ്പെടുന്ന കെര്‍ബ ത്രോവ്(58) ആണ് അറസ്റ്റിലായത്. ഇയാളുടെ സുഹൃത്ത് രവീന്ദ്ര ഖേനന്ദ്(48) ആണു കൊല്ലപ്പെട്ടത്. സംഭവത്തെക്കുറിച്ച് പോലീസ് പറയുന്നതിങ്ങനെ: രണ്ടു കുട്ടികളുടെ പിതാവായ സുഭാഷിന് അയല്‍ഗ്രാമത്തിലുള്ള ഒരു സ്ത്രീയുമായി അടുപ്പമുണ്ടായിരുന്നു. ഇവരോടൊപ്പം ഒളിച്ചോടി മറ്റൊരു സ്ഥലത്തുപോയി പുതിയ ജീവിതം തുടങ്ങാന്‍ സുഭാഷ് ആഗ്രഹിച്ചു. ഇതിനായി സുഭാഷ് സ്വന്തം മരണം വ്യാജമായി സൃഷ്ടിക്കുകയായിരുന്നു. താന്‍ മരിച്ചെന്ന് നാട്ടുകാരയെും വീട്ടുകാരെയും വിശ്വസിപ്പിച്ച് കാമുകിയുമായി…
Read More » -
Local
നാദാപുരത്ത് കാണാതായ വീട്ടമ്മയെ തൂങ്ങിമരിച്ച നിലയില്‍ കണ്ടെത്തി
നാദാപുരം: രണ്ടു ദിവസം മുമ്പ് കാണാതായ വീട്ടമ്മയെ തൂങ്ങിമരിച്ച നിലയില്‍ കണ്ടെത്തി. തൊട്ടില്‍പാലം പോലീസ് സ്‌റ്റേഷന്‍ പരിധിയില്‍ കോതോട് അമ്പലക്കാവ് ചാരുമ്മല്‍ മഹേഷിന്റെ ഭാര്യ സുഗിഷയാണ് (35) മരിച്ചത്. സുഗിഷയെ കാണാനില്ലെന്ന പരാതിയില്‍ തൊട്ടില്‍പാലം പോലീസ് കേസെടുത്ത് അന്വേഷണം നടത്തി വരികയായിരുന്നു. ഇതിനിടയിലാണ് ഇന്ന് രാവിലെ 9 മണിയോടെ വീട്ടിന് അരകിലോമീറ്റര്‍ അകലെയായി ആളൊഴിഞ്ഞ പറമ്പിലെ കവുങ്ങില്‍ തൂങ്ങിയ നിലയില്‍ മൃതദേഹം കണ്ടെത്തിയത്. മിനിയാന്ന് (തിങ്കൾ) രാത്രിയാണ് സുഗിഷയെ കാണാതായത്. മൂന്നു മക്കളുണ്ട്. തൊട്ടില്‍പാലം പോലീസ് സ്ഥലത്തെത്തി.
Read More » -
Crime
രാത്രിയില്‍ കാര്‍ തടഞ്ഞുനിര്‍ത്തി അസഭ്യവര്‍ഷം; ദമ്പതികള്‍ക്കുനേരെ സദാചാര ഗുണ്ടായിസം
മൂവാറ്റുപുഴ: കാറില്‍ കൈക്കുഞ്ഞുമായി രാത്രി യാത്ര ചെയ്ത ദമ്പതികള്‍ക്കു നേരെ മൂന്നംഗ സംഘത്തിന്റെ സദാചാര ഗുണ്ടായിസം. തിങ്കളാഴ്ച രാത്രി പത്തരയോടെ വാളകം സിടിസി കവലയ്ക്കു സമീപമുള്ള കുന്നയ്ക്കാല്‍ റോഡില്‍ വാളകം പൂച്ചക്കുഴി വടക്കേക്കര വീട്ടില്‍ ഡെനിറ്റിനും ഭാര്യ റീനി തോമസിനുമാണ് ആക്രമണം നേരിടേണ്ടി വന്നത്. കാര്‍ തടഞ്ഞു നിര്‍ത്തി അസഭ്യം പറയുകയും കയ്യേറ്റത്തിനു മുതിരുകയും ചെയ്ത സംഘം കാറിന്റെ റിയര്‍ വ്യൂ മിററും നമ്പര്‍ പ്ലേറ്റും തകര്‍ത്തു. സംഭവത്തില്‍ പോലീസ് കേസെടുത്ത് അന്വേഷണം തുടങ്ങി. ഡെനിറ്റിന്റെയും റീനിയുടെയും 5 മാസം പ്രായമുള്ള കുഞ്ഞ് തുടര്‍ച്ചയായി കരഞ്ഞപ്പോള്‍ കുഞ്ഞിനെയും കൂട്ടി കാറില്‍ പുറത്തേക്ക് ഇറങ്ങിയതാണ് ഇരുവരും. യാത്രയ്ക്കിടെ സ്‌കൂട്ടറുമായി എതിരെ വന്നയാള്‍ കാറിന്റെ ഉള്ളിലേക്കു നോക്കിയ ശേഷം കടന്നുപോയിരുന്നു. അല്‍പനേരത്തിനു ശേഷം ഇയാള്‍ മറ്റു രണ്ടു പേരുമായി തിരികെ എത്തി കാറിനു മുന്നിലേക്ക് സ്‌കൂട്ടര്‍ ഓടിച്ചു കയറ്റി തടഞ്ഞെന്നാണ് ഡെനിറ്റ് പോലീസിനു നല്‍കിയ പരാതിയില്‍ പറയുന്നത്. രാത്രി എവിടേക്കു പോകുന്നെന്നും എന്താണു പരിപാടി…
Read More » -
Kerala
മണൽ ഖനനത്തിന് നടപടിയില്ല; ലോവര്‍പെരിയാര്‍ അണക്കെട്ടിന്റെ സംഭരണശേഷി കുറഞ്ഞു, സർക്കാരിന് ധനനഷ്ടവും
കൊച്ചി: ഡാമിൽ അടിഞ്ഞുകൂടിയ മണലും ചെളിയും നീക്കം ചെയ്യാത്തതിനാൽ ലോവർ പെരിയാർ അണക്കെട്ടിന്റെ സംഭരണശേഷി കുറഞ്ഞു. സർക്കാരിന് വൻ ധനനഷ്ടം. ലോവര്‍ പെരിയാര്‍ മണല്‍ ഖനനം ചുവപ്പുനാടയില്‍ കുരുങ്ങിയതാണ് പ്രതിസന്ധിയായത്. കാലവര്‍ഷത്തില്‍ പെരിയാറില്‍ നീരൊഴുക്കുവര്‍ധിച്ചതോടെ ലോവര്‍ പെരിയാര്‍ അണക്കെട്ടില്‍ മണലും ചെളിയും വന്നടിഞ്ഞു ഡാമിന്റെ സംഭരണ ശേഷി 50 ശതമാനം കുറഞ്ഞതായി അധികൃതര്‍ പറഞ്ഞു. മുന്‍പ് വ്യവസായികാടിസ്ഥാനത്തില്‍ മണല്‍ഖനനത്തിനു സാധ്യതാ പഠനം നടത്തിയെങ്കിലും അനന്തര നടപടികള്‍ ചുവപ്പു നാടയില്‍ കുരുങ്ങുകയായിരുന്നു. മണലും ചെളിയും അടിഞ്ഞുകൂടിയതിനെ ത്തുടര്‍ന്നുണ്ടായ പ്രതിസന്ധി വൈദ്യുതി ഉല്‍പ്പാദനത്തെ പ്രതികൂലമായി ബാധിച്ചിരിക്കുകയാണ്. ലക്ഷക്കണക്കിനു രൂപയുടെ മണലാണ് ലോവര്‍പെരിയാല്‍ ഡാമില്‍ വന്നടിഞ്ഞിരിക്കുന്നത്. മണല്‍വാരല്‍ നിലച്ചത് നിര്‍മാണമേഖലയെ പ്രതികൂലമായി ബാധിച്ചു. ഇതര ജില്ലകളില്‍ നിന്നും തമിഴ്നാട്ടില് നിന്നുമാണ് ഇപ്പോള്‍ ഹൈറേഞ്ചില്‍ മണലെത്തുന്നത്. ഇതിന് ഇരട്ടി വില നല്‍കിയാണ് ആവശ്യക്കാര്‍ വാങ്ങുന്നത്. മണല്‍വാരല്‍ നിലച്ചതോടെ ഈ മേഖലയില്‍ പണിയെടുത്തു ഉപജീവനം കഴിച്ചിരുന്ന തൊഴിലാളികളും ദുരിതത്തിലായി. കഞ്ഞിക്കുഴി പഞ്ചായത്തില്‍ മാത്രം എഴുന്നുറോളം തൊഴിലാളികള്‍ മണല്‍…
Read More » -
Kerala
സഹകരണ ബാങ്ക് തെരഞ്ഞെടുപ്പില്‍ യു.ഡി.എഫുമായി ധാരണ; കുട്ടനാട്ടില്‍ സി.പി.എമ്മില്‍ കൂട്ടരാജി
ആലപ്പുഴ: ഉള്‍പ്പാര്‍ട്ടി കലഹത്തിനു പിന്നാലെ കുട്ടനാട്ടില്‍ സി്പി.എമ്മില്‍നിന്നു കൂട്ടരാജി. കുട്ടനാട്: വെളിയനാട്ടില്‍ ഡി.വൈ.എഫ്.ഐ. മുന്‍ സംസ്ഥാനസമിതി അംഗം ഉള്‍പ്പെടെ 30 പേര്‍ സി.പി.എമ്മില്‍ നിന്നു രാജിവെച്ചു. ഡി.വൈ.എഫ്.ഐ. മുന്‍ നേതാവ് എന്‍.ഡി. ഉദയകുമാര്‍ ഉള്‍പ്പെടെയുള്ളവരാണ് കലാപക്കൊടി ഉയര്‍ത്തിയത്. ഇദ്ദേഹം തൊഴിലുറപ്പു യൂണിയന്‍ ജില്ലാ വൈസ് പ്രസിഡന്റാണ്. മുന്‍ ഏരിയ കമ്മിറ്റി അംഗവും പ്രാദേശികമായി സ്വാധീനവുമുള്ള നേതാവാണ്. വെളിയനാട്ടിലേതും കൂടി ചേര്‍ത്ത് ഇതുവരെ സി.പി.എം. കുട്ടനാട് ഏരിയക്കു കീഴിലുള്ള 156 അംഗങ്ങളാണ് പാര്‍ട്ടിഅംഗത്വത്തില്‍നിന്ന് ഒഴിവാക്കണമെന്നു ആവശ്യപ്പെട്ട് രാജിക്കത്തു നല്‍കിയത്. ഏരിയ കമ്മിറ്റി അംഗങ്ങളും വര്‍ഗബഹുജന സംഘടനാ നേതാക്കളും ഇതിലുള്‍പ്പെടുന്നു. രണ്ട് എല്‍.സിക്കു കീഴിലുള്ള കുമരങ്കരി സര്‍വീസ് സഹകരണ ബാങ്ക് തെരഞ്ഞെടുപ്പ് പാര്‍ട്ടി ഫോറത്തില്‍ ആലോചിച്ചില്ലെന്നത് അടക്കമുള്ളവയാണ് ആരോപണങ്ങള്‍. ഇവിടെ യു.ഡി.എഫുമായി ഏരിയ കമ്മിറ്റി സെക്രട്ടറിയുടെ നേതൃത്വത്തില്‍ ധാരണയുണ്ടാക്കി. ഇത് എല്‍.ഡി.എഫിനെ ദുര്‍ബലപ്പെടുത്തുന്ന നിലപാടായിരുന്നു. എല്‍.ഡി.എഫ്. സ്ഥാനാര്‍ഥിക്കെതിരേ തദ്ദേശ തെരഞ്ഞെടുപ്പില്‍ പ്രവര്‍ത്തിച്ചയാളെ ബാങ്ക് പ്രസിഡന്റാക്കാന്‍ പ്രവര്‍ത്തനം നടത്തിയെന്നും പരാതിയില്‍ പറയുന്നു. തദ്ദേശതെരഞ്ഞെടുപ്പില്‍ പാര്‍ട്ടിക്കെതിരേ പ്രവര്‍ത്തിച്ചയാളെ…
Read More » -
NEWS
അളവിലും തൂക്കത്തിലും വെട്ടിപ്പ്; നാലു ജില്ലകളിൽ 279 സ്ഥാപനങ്ങള്‍ക്കെതിരെ നടപടി, 4,67,500 രൂപ പിഴയിട്ടു
കൊച്ചി: ക്രിസ്മസിനോടനുബന്ധിച്ച് ലീഗല്‍ മെട്രോളജി വകുപ്പ് മധ്യമേഖലയിലെ വിവിധ ജില്ലകളിലെ വ്യാപാര സ്ഥാപനങ്ങളില്‍ പരിശോധന നടത്തി. എറണാകുളം, തൃശൂര്‍, പാലക്കാട്, ഇടുക്കി ജില്ലകളില്‍ നിയമലംഘനം കണ്ടെത്തിയ 279 വ്യാപാര സ്ഥാപനങ്ങള്‍ക്കെതിരെ കേസെടുത്ത് 4,67,500 രൂപ പിഴ ഈടാക്കി. ലീഗല്‍ മെട്രോളജി നിയമ പ്രകാരം ആവശ്യമായ രേഖപ്പെടുത്തലുകള്‍ ഇല്ലാത്ത ഉല്പന്ന പായ്ക്കറ്റുകള്‍ വില്‍പ്പനയ്ക്ക് പ്രദര്‍ശിപ്പിച്ചിരുന്ന ബേക്കറികള്‍, സൂപ്പര്‍ മാര്‍ക്കറ്റുകള്‍, സ്‌റ്റേഷനറി കടകള്‍, ഇലക്ട്രോണിക് കടകൾ തുടങ്ങിയ 12 സ്ഥാപനങ്ങള്‍ക്കും യഥാസമയം മുദ്ര പതിപ്പിക്കാതെ അളവ് തൂക്ക ഉപകരണങ്ങള്‍ ഉപയോഗിച്ചതിന് 17 വ്യാപാരസ്ഥാപനങ്ങള്‍ക്കും എതിരെയാണ് നടപടി എടുത്തത്. മുദ്ര പതിക്കാത്ത അളവു തൂക്ക ഉപകരണങ്ങള്‍ ഉപയോഗിക്കുക, അളവിലും തൂക്കത്തിലും കുറച്ച് വില്പന നടത്തുക, നിര്‍മ്മാതാവിന്റെ വിലാസം, ഉല്പന്നം പായ്ക്ക് ചെയ്യുന്ന തീയതി, ഉല്പന്നത്തിന്റെ തനി തൂക്കം, പരാമാവധി വില്പന വില എന്നിവ ഇല്ലാത്ത ഉല്പന്ന പായ്ക്കറ്റുകള്‍ വില്പന നടത്തുക, എം.ആര്‍.പിയേക്കാള്‍ അധിക തുക ഈടാക്കുക, എം.ആര്‍.പി തിരുത്തുക തുടങ്ങിയ നിയമ ലംഘനങ്ങള്‍ കണ്ടെത്തുന്നതിയായി 2022…
Read More » -
Crime
അകത്തുനിന്ന് പൂട്ടിയ മുറിയില്‍ സ്വയം കഴുത്ത് ഞെരിച്ച് മരിച്ചതോ? യുവസംവിധാകയുടെ മരണത്തില്‍ വീണ്ടും അന്വേഷണം
തിരുവനന്തപുരം: യുവ ചലച്ചിത്ര സംവിധായിക നയന സൂര്യയുടെ മരണം കൊലപാതകമാകാമെന്ന വാദം ശക്തിപ്പെട്ടതോടെ അന്വേഷണം ക്രൈംബ്രാഞ്ചിനു വിടാന്‍ സാധ്യത. പ്രത്യേക മാനസികാവസ്ഥയില്‍ സ്വയം കഴുത്തു ഞെരിച്ചതുമൂലം മരണം സംഭവിച്ചതാകാമെന്ന നിഗമനമായിരുന്നു ആദ്യം അന്വേഷണം നടത്തിയ സംഘത്തിന്റേത്. നേരത്തെ നടന്ന അന്വേഷണത്തില്‍ വീഴ്ച സംഭവിച്ചോ എന്നാണ് പുതിയ അന്വേഷണ സംഘത്തിന്റെ ആദ്യ പരിശോധന. ആല്‍ത്തറ നഗറിലെ വാടക വീട്ടില്‍ അകത്തുനിന്ന് പൂട്ടിയ മുറിക്കുള്ളിലാണ് നയന മരിച്ചു കിടന്നത് എന്നാണ് പോലീസിന്റെ കണ്ടെത്തല്‍. നയനയുടേത് ആത്മഹത്യ ആണെന്നും അതിലേക്ക് നയിച്ചത് സ്വയം പീഡനമേല്‍പ്പിച്ചതിനെത്തുടര്‍ന്ന് പ്രാണവായു കിട്ടാതെ വന്നതാണെന്നുമുള്ള നിഗമനമാണ് ആദ്യം അന്വേഷണം സംഘം മുന്നോട്ടുവച്ചത്. സാഹചര്യ തെളിവുകള്‍ അങ്ങനെ വിശ്വസിക്കാന്‍ ഉതകുന്നതല്ലെന്നു ചൂണ്ടിക്കാട്ടി നയനയുടെ ബന്ധുക്കളും സുഹൃത്തുക്കളും ഇതിനെ എതിര്‍ക്കുന്നു. വിദഗ്ധ സംഘത്തിന്റെ അന്വേഷണമാണ് അവര്‍ ആവശ്യപ്പെടുന്നത്. കഴുത്തില്‍ ഏഴിടത്ത് ക്ഷതം ഉള്ളതായി പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നു. ഇതിനുപുറമെ വയറിന്റെ ഇടതുഭാഗത്തും മധ്യഭാഗത്തും ക്ഷതം ഉണ്ട്. വൃക്കയുടെയും പാന്‍ക്രിയാസിന്റെയും മുകള്‍ഭാഗത്തും ക്ഷതം കണ്ടെത്തിയിട്ടുണ്ട്. ഇതെല്ലാം…
Read More » -
Kerala
കെ.എസ്.ആര്‍.ടി.സിയുമായി കൂട്ടിയിടിച്ചു; തൃപ്പൂണിത്തുറയില്‍ ബൈക്ക് യാത്രികനായ യുവാവ് മരിച്ചു
കൊച്ചി: കെ.എസ്.ആര്‍.ടി.സി ബസും ബൈക്കും കൂട്ടിയിടിച്ച് യുവാവ് മരിച്ചു. തപ്പൂണിത്തുറ എസ്.എന്‍ ജങ്ഷനില്‍ പുലര്‍ച്ചെ അഞ്ചരയ്ക്കാണ് അപകടമുണ്ടായത്. പുത്തന്‍കുരിശ് നന്ദനം വീട്ടില്‍ രവീന്ദ്രന്റെ മകന്‍ ശ്രേയസ് (18) ആണ് മരിച്ചത്. ആലപ്പുഴയില്‍ നിന്ന് പുത്തന്‍കുരിശിലേക്ക് ബൈക്കില്‍ വരികയായിരുന്നു ശ്രേയസ്. അതിനിടെയാണ് എസ്എന്‍ ജങ്ഷനില്‍ വച്ച് പാല – എരുമേലി ബസുമായി ബൈക്ക് കൂട്ടിയിടിച്ചത്. മൃതദേഹം തൃപ്പൂണിത്തുറ താലൂക്ക് ആശുപത്രി മോര്‍ച്ചറിയില്‍.
Read More »