ശ്രീനാഥ് ഭാസി നായകനാകുന്ന RX100 ആരംഭിക്കുന്നു, ബിജിത്ത് ബാല സംവിധായകൻ, അജയൻ വിൻസന്റൊണ് ഛായാഗ്രാഹകൻ, സുജൻ കുമാർ നിർമ്മാതാവ്

      ഏറെ കൗതുകകരമായ പടച്ചോനേ ങ്ങള് കാത്തോളി: എന്ന ചിത്രത്തിൻ്റെ ശ്രദ്ധേയമായ വിജയത്തിനു ശേഷം ബിജിത്ത് ബാല സംവിധാനം ചെയ്യുന്ന പുതിയ ചിത്രമാണ് RX100.
റോണക്സ് സേവ്യർ എന്ന ടാഗ് ലൈനോടെ എത്തുന്ന എന്ന ഈ ചിത്രം
നവ തേജ് ഫിലിംസിന്റെ ബാനറിൽ സുജൻ കുമാറാണ് നിർമ്മിക്കുന്നത്.
പുത്തൻ തലമുറയുടെ കാഴ്ച്ചപ്പാടുകളുമായി കഴിയുന്ന റോണക്സ്‌ സേവ്യർ എന്ന യുവാവിന്റെ കഥയാണ് ഈ ചിത്രത്തിലൂടെ അവതരിപ്പിക്കുന്നത്.
സംഘർഷങ്ങളും, ആത്മബന്ധങ്ങളും, കിടമത്സരങ്ങളും, ആക്ഷനും പ്രണയവുമൊക്കെ ഈ ചിത്രത്തിന് അകമ്പടിയായി എത്തുന്നുണ്ട്.
പുത്തൻ തലമുറക്കാരുടെ വികാരവിചാരങ്ങൾക്ക് ഏറെ പ്രാധാന്യം നൽകുന്ന ഒരു ക്ലീൻ എന്റെർടൈനറാണ് ഈ ചിത്രമെന്ന് സംവിധായകനായ ബിജിത്ത് ബാല പറഞ്ഞു. ശ്രീനാഥ് ഭാസിയാണ് ഈ ചിത്രത്തിലെ കേന്ദ്ര കഥാപാത്രമായ റോണക്സ് സേവ്യറിനെ അവതരിപിക്കുന്നത്.
മലയാളത്തിലെ നിരവധി പ്രമുഖ താരങ്ങളും ഈ ചിത്രത്തിൽ അണിനിരക്കുന്നുണ്ട്.
കഥ, തിരക്കഥ, സംഭാഷണം- യതി & ബിജു ആർ. പിള്ള.
ഹരിനാരായണൻ, നിധേഷ് നടേരി എന്നിവരുടെ വരികൾക്ക് ഗോപി സുന്ദർ ഈണം പകർന്നിരിക്കുന്നു.
അജയൻ വിൻസന്റൊണ് ഛായാഗ്രാഹകൻ.
ഇപ്പോൾ തെലുങ്കു സിനിമയിൽ ഏറ്റവും തിരക്കുള്ള ഛായാഗ്രാഹകനായ അജയൻ വിൻസന്റ് വലിയൊരു ഇടവേളക്കുശേഷം മലയാളത്തിൽ എത്തുന്ന ചിത്രം കൂടിയാണിത്.
എഡിറ്റിംഗ്- ജോൺ കുട്ടി.
ചീഫ് അസ്സോസ്സിയേറ്റ് ഡയറക്ടർ – ഗിരീഷ് മാരാർ.
ആക്ഷൻ -ജോളി ബാസ്റ്റിൻ.
കോറിയോഗ്രാഫി – പ്രസന്ന,
പ്രൊജക്റ്റ് ഡിസൈനർ – മുസ്തഫാ കമാൽ.
പ്രൊഡക്ഷൻ കൺട്രോളർ – പ്രവീൺ എടവണ്ണപ്പാറ. ജനവരി 22ന് ഫോർട്ട് കൊച്ചിയിൽ ഈ ചിത്രത്തിന്റെ ചിത്രീകരണം  ആരംഭിക്കുന്നു.

വാഴൂർ ജോസ് .