NEWS
ഉത്തര്‍പ്രദേശില്‍ ഘോഷയാത്രയ്ക്കിടെ വൈദ്യുതാഘാതമേറ്റ് മൂന്ന് കുട്ടികള്‍ ഉള്‍പ്പെടെ അഞ്ച് പേര്‍ കൊല്ലപ്പെട്ടു
ലക്നൗ :ഉത്തര്‍പ്രദേശില്‍ ഘോഷയാത്രയ്ക്കിടെ വൈദ്യുതാഘാതമേറ്റ് മൂന്ന് കുട്ടികള്‍ ഉള്‍പ്പെടെ അഞ്ച് പേര്‍ കൊല്ലപ്പെട്ടു.
നന്‍പാറ മേഖലയിലെ മസുപൂര്‍ ഗ്രാമത്തില്‍ പുലര്‍ച്ചെ 4 മണിയോടെയാണ് സംഭവം. അപകടത്തില്‍ നാല് പേര്‍ക്ക് പരിക്കേറ്റു.
ഘോഷയാത്രയുടെ വണ്ടിയില്‍ ഘടിപ്പിച്ചിരുന്ന ഇരുമ്ബ് വടി വൈദ്യുത കമ്ബിയില്‍ തട്ടിയാണ് അപകടമുണ്ടായത്. വണ്ടിയില്‍ ഉണ്ടായിരുന്ന 9 പേര്‍ക്ക് വൈദ്യുതാഘാതമേറ്റു.
മൂന്ന് കുട്ടികളടക്കം നാല് പേര്‍ സംഭവസ്ഥലത്ത് വച്ച്‌ തന്നെ മരിച്ചു. ഒരാള്‍ ആശുപത്രിയില്‍ ചികിത്സയ്ക്കിടെ മരണത്തിന് കീഴടങ്ങി. ഗുരുതരമായി പൊള്ളലേറ്റ മറ്റ് നാല് പേരെ ബഹ്‌റൈച്ച്‌ മെഡിക്കല്‍ കോളജില്‍ പ്രവേശിപ്പിച്ചിട്ടുണ്ട്. ഇതില്‍ ഒരാളുടെ നില ഗുരുതരമാണ്.
