കായംകുളം: ഷോര്‍ട്ട് ഫിലിമില്‍ അഭിനയിക്കാന്‍ അവസരം നല്‍കാമെന്ന് പറഞ്ഞ് യുവതിയെ പീഡിപ്പിച്ച കേസില്‍ പ്രതിയെ അറസ്റ്റുചെയ്തു. കോട്ടയം പെരുമ്പായിക്കാട് പാറന്‍പുഴ നടുവിലേമാലിയില്‍ വീട്ടില്‍ ശരത് ബാബു (23)വിനെയാണ് അറസ്റ്റുചെയ്തത്.
ഷോര്‍ട്ട് ഫിലിമിന്റെ സ്‌ക്രിപ്റ്റ് പറഞ്ഞുകൊടുക്കാമെന്ന് വിശ്വസിപ്പിച്ച് കരുനാഗപ്പള്ളി സ്വദേശിയായ യുവതിയെ നാലാം തീയതി രാവിലെ 11-നു കായംകുളത്തെ ലോഡ്ജില്‍ വിളിച്ചു വരുത്തിയാണ് പീഡിപ്പിച്ചത്. കരുനാഗപ്പള്ളി പോലീസ് രജിസ്റ്റര്‍ ചെയ്ത കേസ് കായംകുളം പോലീസിനു കൈമാറുകയായിരുന്നു.
പ്രതിയെ കോട്ടയത്ത് നിന്നാണ് പിടികൂടിയത്.
