LocalNEWS

പറശ്ശിനിക്കടവിൽ സ്ത്രീകൾക്കായി ഷീ ലോ​ഡ്ജ്, സു​ര​ക്ഷി​തം വാടകയും നാമമാത്രം

ക​ണ്ണൂ​ർ: വിളിച്ചാൽ വിളിപ്പുറത്തെത്തുന്ന ദൈവമാണ് പറശ്ശിനിക്കടവ് മുത്തപ്പൻ. ഭക്തരും സഞ്ചാരികളുമടക്കം നിരവധി സന്ദര്‍ശകര്‍ എത്തുന്ന ഉത്തര കേരളത്തിലെ പ്രധാന ക്ഷേത്രമാണിത്. കണ്ണൂർ ജില്ലാ ആസ്ഥാനത്തിന് 16 കിലോമീറ്റർ വടക്ക്, വളപട്ടണം നദിക്കരയിലായി സ്ഥിതിചെയ്യുന്ന ഈ ക്ഷേത്രത്തില്‍ ശൈവ- വൈഷ്ണവ സങ്കൽപ്പമായ മുത്തപ്പൻ ആണ് പ്രതിഷ്ഠ.

പ്രതിദിനം ക്ഷേത്രത്തിലും മറ്റ് വി​വി​ധ ആ​വ​ശ്യ​ങ്ങ​ൾ​ക്കാ​യി പ​റ​ശ്ശി​നി​ക്ക​ട​വി​ലും എത്തു​ന്ന സ്ത്രീ​ക​ൾ​ക്ക് വി​ശ്ര​മി​ക്കാ​ൻ ഷീ ​ലോ​ഡ്ജ് ഒ​രു​ങ്ങു​ന്നു. സു​ര​ക്ഷി​ത വി​ശ്ര​മ കേ​ന്ദ്രം എ​ന്ന ല​ക്ഷ്യ​ത്തോ​ടെ സ്ത്രീ​ക​ൾ​ക്കും കു​ട്ടി​ക​ൾ​ക്കു​മാ​യി ആ​ന്തൂ​ർ ന​ഗ​ര​സ​ഭ​യാ​ണ് താ​മ​സ​സ്ഥ​ല​മൊ​രു​ക്കു​ന്ന​ത്. പ​റ​ശ്ശി​നി​ക്ക​ട​വ് ബ​സ് സ്റ്റാ​ൻ​ഡി​നോ​ടു​ചേ​ർ​ന്ന, ന​ഗ​ര​സ​ഭ​യു​ടെ മൂ​ന്നു​നി​ല കെ​ട്ടി​ട​ത്തി​ലാ​ണ് ഷീ ​ലോ​ഡ്ജ് ഒ​രു​ങ്ങു​ന്ന​ത്.

ഒ​രേ​സ​മ​യം 100 പേ​രെ താ​മ​സി​പ്പി​ക്കാ​ൻ ക​ഴി​യു​ന്ന ഡോ​ർ​മി​റ്റ​റി, 40 ശു​ചി​മു​റി​ക​ൾ, അ​റ്റാ​ച്ച്ഡ് ബാ​ത്ത് റൂ​മോ​ടു​കൂ​ടി​യ നാ​ല് മു​റി​ക​ൾ, സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും ഉ​പ​യോ​ഗി​ക്കാ​നാ​കു​ന്ന ഓ​പ​ൺ ശു​ചി​മു​റി​ക​ൾ എ​ന്നീ സൗ​ക​ര്യ​ങ്ങ​ളാ​ണ് ഉ​ണ്ടാ​വു​ക. സ്പോ​ർ​ട്സ് കൗ​ൺ​സി​ലു​മാ​യി ചേ​ർ​ന്ന് ജിം​നേ​ഷ്യ​വും ത​യാ​റാ​ക്കു​ന്നു​ണ്ട്.

ജീ​വ​ന​ക്കാ​രു​ടെ സേ​വ​നം 24 മ​ണി​ക്കൂ​റും ല​ഭി​ക്കും. കു​ടും​ബ​ശ്രീ​ക്കാ​ണ് ന​ട​ത്തി​പ്പ് ചു​മ​ത​ല. ചു​രു​ങ്ങി​യ തു​ക മാ​ത്രം വാ​ങ്ങി​യാ​ണ് സൗ​ക​ര്യം ല​ഭ്യ​മാ​ക്കു​ക. ജി​ല്ല​യി​ലെ പ്ര​ധാ​ന തീ​ർ​ഥാ​ട​ന ടൂ​റി​സം കേ​ന്ദ്ര​മാ​യ പ​റ​ശ്ശി​നി​ക്ക​ട​വ്, ധ​ർ​മ​ശാ​ല​യി​ലെ നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഫാ​ഷ​ൻ ടെ​ക്നോ​ള​ജി, എ​ൻ​ജി​നീ​യ​റി​ങ് കോ​ള​ജ് തു​ട​ങ്ങി​യ ഇ​ട​ങ്ങ​ളി​ൽ വി​വി​ധ ആ​വ​ശ്യ​ങ്ങ​ൾ​ക്കാ​യി ദി​നം​പ്ര​തി എ​ത്തു​ന്ന സ്ത്രീ​ക​ൾ​ക്ക് ഷീ ​ലോ​ഡ്ജ് ആ​ശ്വാ​സ​മാ​കും. നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കി ലോ​ഡ്ജ് ഉ​ട​ൻ നാ​ടി​ന് സ​മ​ർ​പ്പി​ക്കു​മെ​ന്ന് ആ​ന്തൂ​ർ ന​ഗ​ര​സ​ഭ ചെ​യ​ർ​മാ​ൻ പി. ​മു​കു​ന്ദ​ൻ അറിയിച്ചു.

Leave a Reply

Your email address will not be published. Required fields are marked *

Back to top button
error: