ക്യാമറകളുടെ സ്ഥാനം മനസ്സിലാക്കി വച്ച് പിഴയില്‍നിന്നു രക്ഷപ്പെടാമെന്ന് കരുതരുത്; ഇന്ന് കണ്ട സ്ഥാനത്തായിരിക്കില്ല നാളെ ക്യാമറകൾ

കേരളത്തിലെ നിരത്തുകളിൽ കൂടി ഇനി ക്യാമറയെ വെട്ടിച്ച് സഞ്ചരിക്കാമെന്ന് ആരും കരുതേണ്ട.നിങ്ങൾ ക്യാമറയിലേക്ക് ചെന്നില്ലെങ്കിൽ ക്യാമറ നിങ്ങളെ തേടി വരും.നിരത്തിലെ ഗതാഗതനിയമലംഘനങ്ങള്‍ പിടികൂടാന്‍ മോട്ടോര്‍വാഹന വകുപ്പ് സ്ഥാപിച്ച ക്യാമറകള്‍ എന്നും ഒരേ സ്ഥലത്തു തന്നെയാകുമെന്ന് ആരും കരുതരുത്.സ്ഥലംമാറ്റാന്‍ കഴിയുന്നവിധത്തിലാണ് ക്യാമറകള്‍ ഘടിപ്പിച്ചിട്ടുള്ളത്.കേബിളുകള്‍ക്കു പകരം മൊബൈല്‍ ഇന്റര്‍നെറ്റിലൂടെയാണ് ക്യാമറകള്‍ കണ്‍ട്രോള്‍ റൂമിലേക്ക് ബന്ധിപ്പിച്ചിട്ടുള്ളത്.സൗരോര്‍ജത്തിൽ പ്രവർത്തിക്കുന്ന ഇവ പെട്ടെന്ന് മാറ്റിസ്ഥാപിക്കാന്‍ കഴിയുന്ന തൂണുകളിലാണ് ഒരുക്കിയിട്ടുള്ളതും.