കോട്ടയത്തിന്റെ റെയിൽവേ മുഖമുദ്രയായ ഇരട്ടത്തുരങ്കങ്ങൾ ഇനി ഓർമ്മ

ഇതോടെ ആറുപതിറ്റാണ്ടിലേറെ കാഴ്ചയിൽ ഇരുട്ടും കൗതുകവും നിറച്ച കോട്ടയത്തെ ഇരട്ടത്തുരങ്കങ്ങളിലൂടെയുള്ള ട്രെയിൻയാത്ര ഓർമയാകുകയാണ്.ചിങ്ങവനത്തിനും കോട്ടയത്തിനും ഇടയിലുള്ള, ചരിത്രപ്രാധാന്യമുള്ള തുരങ്കങ്ങൾ പൊളിച്ചുമാറ്റാതെ നിലനിർത്തി ഷണ്ടിങ്ങിന്​ ഉപയോഗിക്കാനാണ്​ തീരുമാനം.1957 ലാണ്​ ഇ. ശ്രീധരന്‍റെ നേതൃത്വത്തിൽ കോട്ടയത്തെ തുരങ്കങ്ങൾ പണിതത്​.58 ൽ പാത കമീഷൻ ചെയ്​തു. ഒന്നാമത്തെ ടണലിന്​ 66.92 മീറ്ററും രണ്ടാമത്തെ തുരങ്കത്തിന്​ 84 മീറ്ററുമാണ് നീളം.. സമീപത്ത്​ പുതിയ ഇരട്ടപ്പാതയാണ്​ വരുന്നത്​. ഇതിന്‍റെ നിർമാണപ്രവൃത്തി പുരോഗമിക്കുന്നു.ഏപ്രിൽ ആദ്യവാരം കമീഷൻ ചെയ്യുമെന്നാണ്​ പ്രതീക്ഷിക്കുന്നത്.