ഡല്‍ഹി: മാസത്തിൽ 28 അല്ല 30,31 ദിവസങ്ങളാണ് ഉള്ളതെന്നും അതില്‍ 28 ദിവസത്തെ ഓഫറുകള്‍ മാറ്റി 30 ദിവസത്തെ വാലിഡിറ്റി റീചാര്‍ജ് പാക്കുകൾ ഉടൻ വാഗ്ദാനം ചെയ്യാന്‍ ടെലികോം സേവന ദാതാക്കളോട് ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്). ഇന്നലെ (ജനുവരി 27) ആയിരുന്നു ടെലികോം ഓപ്പറേറ്റര്‍മാര്‍ക്ക് ഈ സുപ്രധാന നിര്‍ദ്ദേശം ട്രായ് നല്‍കിയത്.ടെലികോം താരിഫ് (66-ാം ഭേദഗതി) ഉത്തരവ് 2022 (2022-ലെ 1)” ട്രായ് ഇതോടൊപ്പം പുറപ്പെടുവിച്ചു.
പുതിയ മാര്‍ഗ്ഗനിര്‍ദ്ദേശം അനുസരിച്ച്‌, ഓരോ ടിഎസ്പിക്കും “കുറഞ്ഞത് ഒരു പ്ലാന്‍ വൗച്ചറും ഒരു പ്രത്യേക താരിഫ് വൗച്ചറും മുപ്പത് ദിവസത്തെ കാലാവധിയുള്ള ഒരു കോംബോ വൗച്ചറും” ഓഫര്‍ ചെയ്യേണ്ടിവരും.
കൂടാതെ, ഓരോ ടിഎസ്പിയും “കുറഞ്ഞത് ഒരു പ്ലാന്‍ വൗച്ചര്‍, ഒരു പ്രത്യേക താരിഫ് വൗച്ചര്‍, ഒരു കോംബോ വൗച്ചര്‍ എന്നിവ നല്‍കേണ്ടിവരും, അത് എല്ലാ മാസവും ഒരേ തീയതിയില്‍ പുതുക്കാവുന്നതായിരിക്കും. ട്രായ് അറിയിപ്പില്‍ പറയുന്നു.
30 ദിവസത്തേക്കോ ഒരു മാസത്തേക്കോ സാധുതയുള്ള താരിഫ് ഓഫറുകളേക്കാള്‍, TSP-കള്‍ നല്‍കുന്ന 28 ദിവസത്തെ സാധുതയുള്ള താരിഫ് ഓഫറുകളെ കുറിച്ച്‌ ഉപഭോക്താക്കളില്‍ നിന്ന് ആശങ്കകള്‍ പ്രകടിപ്പിക്കുന്ന റഫറന്‍സുകള്‍ ലഭിച്ചതായി അതോറിറ്റി ചൂണ്ടിക്കാട്ടി.
