‘ചേവംബായി’ എന്ന കഥാപാത്രമായി ഇന്ദ്രൻസ് നിറഞ്ഞാടുന്ന സ്റ്റേഷൻ 5 ചലച്ചിത്ര രംഗത്തും സമൂഹ മാധ്യമങ്ങളിലും ചർച്ചയാകുന്നു. ചിത്രത്തിലെ ആദ്യ ഗാനം വൈറലായതിന് പിന്നാലെ ട്രെയിലറും വൻ ജനശ്രദ്ധ നേടി. മറ്റൊരു ‘ഹോം’ ആകുമോ ഈചിത്രം എന്നറിയാൻ കാത്തിരിക്കുകയാണ് സിനിമാലോകം
‘സ്റ്റേഷൻ5′ ലെ ആദ്യഗാനം വൈറലായതിന് പിന്നാലെ ചിത്രത്തിൻ്റെ ട്രെയിലറും വൻ ജനശ്രദ്ധ പിടിച്ചു പറ്റിയിരിക്കുന്നു. മണിക്കൂറുകൾ കൊണ്ട് ലക്ഷത്തിൽ പരം കാഴ്ചക്കാരെ നേടി യൂ ടുബിലും സമൂഹമാധ്യമങ്ങളിലും വൻ തരംഗമായി മാറിയിരിക്കുന്നു ട്രെയിലർ. ഒപ്പം പുതിയ സ്‌റ്റില്ലുകളും പുറത്ത് വിട്ടു. പ്രയാൺ പ്രധാന കഥാപാത്രത്തെ അവതരിപ്പിക്കുന്ന ചിത്രത്തിലെ നായിക ‘തൊട്ടപ്പന്‍’ ഫെയിം പ്രിയംവദ കൃഷ്ണനാണ്. ഡയാന ഹമീദും ശക്തമായ കഥാപാത്രമായി എത്തുന്നു. പ്രശാന്ത് കാനത്തൂർ സംവിധാനം ചെയ്ത ഈ ചിത്രത്തിൽ ഇന്ദ്രൻസ് ചേവംബായി എന്ന ശ്രദ്ധേയ കഥാപാത്രത്തെ അവതരിപ്പിക്കുന്നു.
വിനോദ് കോവൂര്‍, സന്തോഷ് കീഴാറ്റൂര്‍, ശിവജി ഗുരുവായൂർ, രാജേഷ് ശര്‍മ്മ, സുനില്‍ സുഖദ, ഐ.എം.വിജയന്‍, ദിനേഷ് പണിക്കര്‍, അനൂപ് ചന്ദ്രന്‍, ശിവന്‍ കൃഷ്ണന്‍കുട്ടി നായര്‍, ജെയിംസ് ഏലിയ, പളനിസാമി, ഷാരിന്‍, ജ്യോതി ചന്ദ്രന്‍, ദേവി കൃഷ്ണ, പ്രിയ ഹരീഷ് എന്നിങ്ങനെ അഭിനേതാക്കളുടെ വലിയ നിര തന്നെ ‘സ്റ്റേഷൻ5’ലുണ്ട്.
പ്രതാപ് നായരാണ് ചിത്രത്തിൻ്റെ രചയിതാവും ഛായാഗ്രാഹകനും. സംഗീതം നൽകിയിരിക്കുന്നത് സംവിധായകൻ പ്രശാന്ത് കാനത്തൂർ തന്നെയാണ്.
സെയ്ഫ് ഗാർഡ് എൻ്റർടൈൻമെൻ്റ്സാണ് ചിത്രം റീലീസ് ചെയ്യുന്നത്. മാപ് ഫിലിം ഫാക്ടറിയുടെ ബാനറില്‍ ബി.എ.മായ നിർമ്മിച്ച ‘സ്‌റ്റേഷന5’ ജനുവരി 7ന് തിയറ്ററുകളിലെത്തും.
സി. കെ അജയ് കുമാർ
