NEWS

ഇസ്‍ലാമില്‍ സംഗീതം ‘ഹറാ’മായതുകൊണ്ട് താൻ സംഗീതജീവിതം അവസാനിപ്പിക്കുന്നു, 23 ലക്ഷത്തിലേറെ സബ്സ്ക്രൈബേഴ്സ് ഉള്ള തന്‍റെ യുട്യൂബ് ചാനലിൽ ഇനി ‘ഹറാ’മല്ലാത്ത ഉള്ളടക്കം പ്രതീക്ഷിക്കാം; യുവാക്കളുടെ ഹരമായ റുഹാന്‍ അര്‍ഷാദ്

താന്‍ സംഗീതജീവിതം ഉപക്ഷിക്കുകയാണെന്ന് ഹൈദരാബാദ് സ്വദേശിയായ റുഹാന്‍ അര്‍ഷാദ്. മതജീവിതത്തിനായാണ് സംഗീതം ഉപേക്ഷിക്കുന്നതെന്നും ഇസ്‍ലാമില്‍ സംഗീതം ഹറാമാണെന്ന് താന്‍ തിരിച്ചറിഞ്ഞെന്നും റുഹാന്‍ പറഞ്ഞു. 23 ലക്ഷത്തിലേറെ സബ്സ്ക്രൈബേഴ്സ് ഉള്ള തന്‍റെ യുട്യൂബ് ചാനലിലൂടെയാണ് റുഹാന്‍ ഈ പ്രഖ്യാപനം നടത്തിയത്.

കഴിഞ്ഞ നാല് വര്‍ഷത്തോളമായി മ്യൂസിക് വീഡിയോകളിലൂടെ സംഗീതപ്രേമികളുടെ മനംകവര്‍ന്ന വ്യക്തിയാണ് റുഹാന്‍. രണ്ട് വര്‍ഷം മുന്‍പ് പുറത്തിറക്കിയ ‘മിയാ ഭായ്’ എന്ന വീഡിയോ തരംഗം തീര്‍ത്തിരുന്നു. യുട്യൂബില്‍ 50 കോടിക്കുമേല്‍ കാഴ്ചക്കാരാണ് ഈ ഗാനം ഇതുവരെ കണ്ടിട്ടുള്ളത്. “സംഗീതം കൊണ്ട് മാത്രമാണ് ജീവിതത്തില്‍ എനിക്ക് ഉയരാന്‍ സാധിച്ചത്. പക്ഷേ സംഗീത ജീവിതം അവസാനിപ്പിക്കണം എന്നത് ദൈവത്തിന്‍റെ തീരുമാനമാണ്…”
അല്ലാഹുവിന്‍റെ മാര്‍ഗനിര്‍ദേശവും സൂചനകളും മനസിലാക്കിയാണ് തന്‍റെ തീരുമാനമെന്നും റുഹാന്‍ പറഞ്ഞു. “എടുത്ത തീരുമാനത്തില്‍ പൂര്‍ണ്ണ സന്തോഷവാനാണ്. അതേക്കുറിച്ച് രണ്ടാമതൊന്ന് ആലോചിക്കേണ്ടി വന്നിട്ടില്ല.”
റുഹാന്‍ പറയുന്നു

പുതിയ തീരുമാനത്തില്‍ തന്നെ പിന്തുണയ്ക്കണമെന്നും യുട്യൂബ് ചാനലിലൂടെ പങ്കുവച്ച വീഡിയോയില്‍ ആരാധകരോട് റുഹാന്‍ അഭ്യര്‍ഥിക്കുന്നുണ്ട്. ‘ഹറാം’ അല്ലാത്ത ഉള്ളടക്കം തന്‍റെ ചാനലിലൂടെ ഇനിയും പ്രതീക്ഷിക്കാമെന്നും പിന്തുണയ്ക്കണമെന്നും റുഹാന്‍ അഭ്യർത്തിക്കുന്നുണ്ട്. ആറായിരത്തിലേറെ കമന്‍റുകളാണ് സംഗീത ജീവിതം അവസാനിപ്പിക്കുന്നതായി പ്രഖ്യാപിച്ച വീഡിയോയ്ക്കു ചുവടെ വന്നിരിക്കുന്നത്

Back to top button
error: