കോവിഡ് മഹാമാരിക്കെതിരെയുള്ള കൊവിഡ് വാക്സിൻ വിതരണം വിജയകരമായി മൂന്നാം ദിവസത്തിലേക്ക് കടക്കുന്നു. രണ്ട് ദിവസങ്ങളിലായി കോട്ടയം ജില്ലയിൽ വാക്സിൻ സ്വീകരിച്ചത് 1110 പേരാണ്. ഇവരില്‍ ആര്‍ക്കും തന്നെ കാര്യമായ പാർശ്വഫലങ്ങൾ ഇല്ലെന്നത് ആശ്വാസത്തിനു വകയാണ്. എന്നാൽ ചിലയിടങ്ങളിൽ വാക്സിൻ സ്വീകരിച്ചവർക്ക് ചെറിയ തലവേദന, ശരീരവേദന, പനി, വിറയൽ, ക്ഷീണം, വയറിളക്കം എന്നീ ലക്ഷണങ്ങൾ ഉണ്ടെന്ന് റിപ്പോർട്ടുണ്ട്. ലക്ഷണങ്ങള്‍ ഉള്ളവര്‍ക്ക് പോലും നേരിയ തോതിൽ ആണ് കാണിക്കുന്നതെന്നും അതിനാൽ ഇതിനെ കുറിച്ച് ഓർത്ത് ഭയപ്പെടേണ്ടതില്ല എന്നും ജില്ലാ മെഡിക്കൽ ഓഫീസർ ഡോക്ടർ ജേക്കബ് വർഗീസ് പറഞ്ഞു.
