കോരുത്തോട് സ്വദേശിയായ പെണ്‍കുട്ടിയെ വീട്ടില്‍ ആളില്ലാത്ത നേരത്ത് ആക്രമിച്ച പ്രതിയെ കര്‍ണാടകയില്‍ നിന്നും പോലീസ് അറസ്റ്റ് ചെയ്തു. പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിക്കാന്‍ ശ്രമിച്ചു എന്ന കുറ്റത്തിനാണ് ഏന്തയാര്‍ മേല്‍മുറി വീട്ടില്‍ അനന്തുവിനെ അറസ്റ്റ് ചെയ്തത്. സംഭവശേഷം പ്രതി ഒളിവിലായിരുന്നു. പ്രതിയുടെ ബന്ധുവിന്റെ കര്‍ണാടകയിലെ ഉടുപ്പിയിലെ വീട്ടില്‍ നിന്നാണ് അനന്തുവിനെ അറസ്റ്റ് ചെയ്തത്. ഒരു മാസത്തിന് മുന്‍പാണ് സംഭവം നടന്നത്. സംഭവശേഷം അനന്തു കാര്‍ക്കള എസ്റ്റേറ്റില്‍ ജോലി ചെയ്യുന്ന ബന്ധുവിന്റെ വീട്ടിലേക്ക് മാറുകയായിരുന്നു. പെണ്‍കുട്ടിയും അനന്തുവും അടുപ്പത്തിലായിരുന്നു. എസ്.ഐ എല്‍ദോ പോള്‍, എസ്.എസ് മനോജ്, രഞ്ജു, ജിറ്റോ ജോണ്‍ എന്നിവരുടെ സംഘമാണ് വിദഗ്ധമായി അനന്തുവിനെ അറസ്റ്റ് ചെയ്തത്.
