തദ്ദേശ തിരഞ്ഞെടുപ്പ്; തിരുവനന്തപുരത്ത് ബിജെപിക്ക് ശുഭ പ്രതീക്ഷ: സുരേഷ് ഗോപി
![](https://newsthen.com/wp-content/uploads/2020/11/gopi3.jpg)
തിരുവനന്തപുരം: തിരുവനന്തപുരത്ത് ബിജെപിക്ക് ശുഭ പ്രതീക്ഷയാണുള്ളതെന്നു സുരേഷ് ഗോപി എംപി. ഉച്ചയ്ക്ക് മുമ്പ് എല്ലാവരും വോട്ടുചെയ്യണമെന്നും ഉച്ചയ്ക്ക് ശേഷം കിംവദന്തികള് പരത്താന് ചില ജാരസംഘടനകള് ഇറങ്ങിയിട്ടുണ്ടെന്നും അദ്ദേഹം പറഞ്ഞു. ശാസ്തമംഗലം സ്കൂളില് വോട്ട് ചെയ്തശേഷം പ്രതികരിക്കുകയായിരുന്നു അദ്ദേഹം.
തിരുവനന്തപുരം കോര്പ്പറേഷന് ബിജെപി പിടിച്ചടക്കണം. പുതിയ തയാറെടുപ്പില് ബിജെപിക്കു മാത്രമേ അതിനു സാധ്യതയുള്ളൂ. വോട്ടര്മാരാണ് എല്ലാം തീരുമാനിക്കുന്നതെന്നും അദ്ദേഹം പറഞ്ഞു.
![Signature-ad](https://newsthen.com/wp-content/uploads/2024/06/signature.jpg)
ഇത്രയും നാള് പ്രവര്ത്തകര് നന്നായി പണിയെടുത്തു. എല്ലാത്തിന്റെയും വിലയിരുത്തലുണ്ടാകും, വിലയിരുത്തല് പൂര്ണവും സത്യസന്ധവുമാണെങ്കില് ബിജെപിക്കു ഗംഭീര വിജയമുണ്ടാകും. തിരുവനന്തപുരം കോര്പറേഷന് ഇങ്ങു വരണമെന്നും സുരേഷ് ഗോപി പറഞ്ഞു.