NEWS
ചൂടുള്ളപ്പോൾ കോവിഡ് കൂടും, മലയാളി ഗവേഷണ വിദ്യാർത്ഥിനിയുടെ പഠനം രാജ്യാന്തര ജേണലിൽ ഇടംപിടിക്കുമ്പോൾ
![](https://newsthen.com/wp-content/uploads/2020/12/1607398246334_Capture.png)
ചൂട് കാലാവസ്ഥയിൽ കോവിഡ് കൂടുതൽ ആകാനാണ് സാധ്യത എന്ന് മലയാളി ഗവേഷണ വിദ്യാർത്ഥിയുടെ പഠനം. കോഴിക്കോട് സ്വദേശി കീർത്തി ശശികുമാറിന്റെ പഠനം അമേരിക്കൻ ജിയോ ഫിസിക്കൽ യൂണിയൻ -ജിയോ ഹെൽത്ത് ജേണലിൽ ഇടംപിടിച്ചു. ചൈനയിലെ ബീജിങ്ങിൽ അക്കാദമി ഓഫ് അറ്റ്മോസ്ഫെറിക് ഫിസിക്സിൽ ഗവേഷണം നടത്തുകയാണ് കീർത്തി ശശികുമാർ.
മാർച്ച് 15 മുതൽ മേയ് 15 വരെ ഇന്ത്യയിലാണ് കീർത്തി പഠനം നടത്തിയത്. ഡിസംബർ ആദ്യവാരമാണ് ജേണലിൽ പഠനം പ്രത്യക്ഷപ്പെട്ടത്.
![Signature-ad](https://newsthen.com/wp-content/uploads/2024/06/signature.jpg)
ലോകത്ത് ആകമാനം ചൂടുകൂടിയ രാജ്യങ്ങളിലാണ് കോവിഡ് ഏറ്റവും കൂടുതൽ പടർന്നു പിടിച്ചത് എന്ന് പഠനം കണ്ടെത്തി. അന്തരീക്ഷ മലിനീകരണം ശക്തമായ രാജ്യങ്ങളിൽ കോവിഡ് കൂടുതൽ പടർന്നു പിടിച്ചു. ഇന്ത്യയിലും സ്ഥിതി വ്യത്യസ്തമല്ല.
കോഴിക്കോട് മലാപ്പറമ്പ് മേഘമൽഹാർ ശശികുമാർ-ജീജയുടെയും മകളാണ് കീർത്തി. ഭർത്താവ് നിതിൻ ദിവാകർ ചൈനയിൽ നാനോ സയൻസ് ഗവേഷകനാണ്.