കര്‍ഷക സമരത്തില്‍ പങ്കെടുത്ത വയോധികയെ ഷഹീന്‍ബാഗ് ദാദി എന്നറിയപ്പെടുന്ന ബില്‍കിസ് ബാനുവെന്ന് ചിത്രീകരിച്ചതിനെതിരെ ബോളിവുഡ് നടി കങ്കണാ റണാവത്തിനെതിരെ പ്രതിഷേധം നിലനില്‍ക്കുകയാണ്. മൊഹീന്ദര്‍ കൗര്‍ എന്ന വയോധികയെയാണ് കങ്കണ ബില്‍കസ് ബാനുവാക്കി ചിത്രീകരിച്ചത്. 100 രൂപയ്ക്ക് ഇവരെ സമരത്തിന് നടത്താന്‍ ലഭിക്കുമെന്നും കങ്കണ ട്വീറ്റ് ചെയ്തിരുന്നു. ഇപ്പോഴിതാ കങ്കണയ്‌ക്കെതിരെ
തുറന്നടിച്ച് എത്തിയിരിക്കുകയാണ് പഞ്ചാബി താരവും മലയാള ചിത്രങ്ങളായ ഗോദ, നയന്‍ എന്നിവയിലൂടെ സുപരിചിതയായ വാമിക ഗാബി.
ഒരിക്കല്‍ കങ്കണയുടെ ആരാധികയായിരുന്ന താന്‍ ലജ്ജിക്കുന്നുവെന്നും വെറുപ്പുമാത്രം നിറഞ്ഞ ഒരു സ്ത്രീയായി കങ്കണ മാറിപ്പോയത് ഏറെ ദു: ഖിപ്പിക്കുന്നുവെന്നും വാമിക പ്രതികരിച്ചു. ട്വിറ്ററിലൂടെയായിരുന്നു താരത്തിന്റെ പ്രതികരണം.
Once a fan, now just embarrassed to have ever liked her.
Hindu hone ka matlab hi pyaar hai… par jab raavan andar aata hai toh aisa hi ho jata hai insaan shaayad 💔
Itna ghamand, krodh aur nafrat.
Its heartbreaking to see you turning into this woman who is so full of hatred 💔 https://t.co/cIcYrrYx8Z— WamiQa Gabbi (@GabbiWamiqa) December 3, 2020
‘ഒരിക്കല്‍ ഇവരുടെ ആരാധികയായിരുന്നു. എന്നാല്‍ ഇവരെ ഞാന്‍ ഇഷ്ടപ്പെട്ടിരുന്നല്ലോ എന്നോര്‍ത്ത് ഇപ്പോള്‍ ലജ്ജ തോന്നുന്നു. ഹിന്ദു എന്നതിന്റെ അര്‍ത്ഥം തന്നെ സ്‌നേഹം എന്നതാണ്.ഒരു പക്ഷേ, രാവണന്‍ ശരീരത്തില്‍ കയറിയാല്‍ മനുഷ്യര്‍ ഇങ്ങനെയൊക്കെ ആകുമായിരിക്കും. ഇത്രയധികം കോപവും വെറുപ്പും… വെറുപ്പു മാത്രം നിറഞ്ഞൊരു സ്ത്രീയായി താങ്കള്‍ മാറിപ്പോയത് ഏറെ ദുഃഖിപ്പിക്കുന്നു!’വാമിക ട്വീറ്റ് ചെയ്തു.
Well, I’m glad she ‘just’ blocked me.
Would have broken my heart more if she had replied the way she has replied to women in her previous other tweets 💔
May God bless you with abundance of love in your heart 🤍🙏🏼 pic.twitter.com/CZHUWpNcA8— WamiQa Gabbi (@GabbiWamiqa) December 4, 2020
അതേസമയം, വാമികയുടെ ട്വീറ്റിന് പിന്നാലെ താരത്തെ കങ്കണയുടെ ട്വിറ്റര്‍ അക്കൗണ്ട് ബ്ലോക്ക് ചെയ്തു. എന്നാല്‍ കങ്കണ ബ്ലോക്ക് ചെയ്ത് കഴിഞ്ഞ് വാമിക കുറിച്ചത് ഇങ്ങനെയായിരുന്നു. അവരെന്നെ ബ്ലോക്ക് ചെയ്തതില്‍ ഏറെ സന്തോഷം. അവരുടെ മുന്‍ ട്വീറ്റുകളില്‍ സ്ത്രീകളോട് മറുപടി നല്‍കിയത് പോലെ എന്നോടും പറഞ്ഞിരുന്നുവെങ്കില്‍ എന്റെ ഹൃദയം തകര്‍ന്നേനെ ..ദൈവം നിങ്ങളുടെ ഹൃദയത്തില്‍ സ്‌നേഹം നിറയ്ക്കട്ടെ…വാമിക കുറിച്ചു.
