ഡെമോക്രാറ്റ് സ്ഥാനാർഥി ജോ ബൈഡന് മുന്നിൽ അമേരിക്കൻ പ്രസിഡണ്ട് ഡൊണാൾഡ് ട്രംപിന് കാലിടറുന്നു .നിലവിലെ സ്ഥിതിയിൽ ബൈഡന് 264 ഇലക്ടറൽ വോട്ടുകളും ട്രംപിന് 214 ഇലക്ടറൽ വോട്ടുകളും ആണുള്ളത് .ചാഞ്ചാടുന്ന നാല് സംസ്ഥാനങ്ങൾ ആണ് സുപ്രധാനം .
പെനിസിൽവാനിയ
മൊത്തം 20 ഇലക്ടറൽ സീറ്റുകൾ ആണ് ഈ സംസ്ഥാനത്ത് ഉള്ളത് .97 % വോട്ടെണ്ണിയപ്പോൾ ട്രമ്പിന് 49 .56 % ഉം ബൈഡന് 49 .29 %ഉം വോട്ടാണ് ലഭിച്ചത് .ഇരുവരും തമ്മിലുള്ള വ്യത്യാസം വളരെ നേർത്തത് .
നെവാഡ
മൊത്തം 6 വോട്ടുകൾ ആണ് നെവാഡയിൽ ഉള്ളത് .ഇവിടെ ബൈഡൻ ആണ് മുന്നിൽ .49 .43 % വോട്ട് .ട്രംപിന് 48 .5 % വോട്ട് ആണുള്ളത് .മൊത്തം 84 % വോട്ടാണ് ഇവിടെ എണ്ണിയത് .ലീഡ് നേർത്തത് .
നോർത്ത് കരോലിന
15 ഇലക്ടറൽ വോട്ടാണ് ഇവിടെ ഉള്ളത് .ട്രംപ് ആണ് മുന്നിൽ .50 .09 % വോട്ട് .ബൈഡന് 48 .69 % .മൊത്തം 94 % വോട്ടാണ് ഇതുവരെ എണ്ണിയത് .ഇവിടെയും ലീഡ് നേർത്തത് .
ജോർജിയ
16 ഇലക്ടറൽ വോട്ടുള്ള സംസ്ഥാനം .ബൈഡന് 49 .39 % വോട്ടും ട്രംപിന് 49 .37 % വോട്ടും ആണ് ഉള്ളത് .99 % വോട്ട് ഇവിടെ എണ്ണിക്കഴിഞ്ഞു .ഇരുവരും തമ്മിൽ വളരെ നേരിയ വ്യത്യാസം മാത്രം .
ഏതെങ്കിലും ഒരു സംസ്ഥാനത്ത് വിജയിക്കാനായാൽ ബൈഡൻ അമേരിക്കൻ പ്രസിഡണ്ട് ആവും .എല്ലാ സംസ്ഥാനങ്ങളും വിജയിക്കാനായാൽ മാത്രമേ ട്രംപിന് സാധ്യത ഉള്ളൂ .
