Careers
-
ജപ്പാനിൽ തൊഴിലവസരങ്ങളേറെ… കേരളത്തിലെ ആദ്യത്തെ ജാപ്പനീസ് ലാംഗ്വേജ് ടെസ്റ്റ് സെന്റർ കൊച്ചിയിൽ ആരംഭിക്കുന്നു
കൊച്ചി: തൊഴിൽ സാധ്യതകളുമായി ലോകത്തിന് മുൻപിൽ അവസരങ്ങൾ നീട്ടുകയാണ് ജപ്പാൻ. ജോലി തേടി അലയുന്ന യുവാക്കളെ ആകർഷിക്കുകയാണ് ലോകത്തെ മൂന്നാമത്തെ വലിയ സമ്പദ് വ്യവസ്ഥയായ ജപ്പാൻ. ലക്ഷക്കണക്കിന് തൊഴിലവസരങ്ങളാണ് ജപ്പാനിലുള്ളത്. ഓരോ വർഷവും ഇന്ത്യയിൽ നിന്നും നേപ്പാളിൽ നിന്നും ജോലി സാധ്യതകളുമായി ആയിരക്കണക്കിന് പേർ ജപ്പാനിലേക്ക് എത്തിചേരുന്നുണ്ട്. എൻജിനീയറിങ്, ഹോട്ടൽ മാനേജ്‌മെന്റ്, ബികോം , ബിബിഎ, കെയർ ഗിവർ എന്നീ യോഗ്യതയിലുള്ളവരെ കാത്ത് ജപ്പാനിലെ സ്ഥാപനങ്ങൾ യുവാക്കളെ തേടുകയാണ്. മറ്റു മേഖലകളിൽ നിന്നുമുള്ള വിദഗ്ധ തൊഴിലാളികളെയും ജപ്പാന് ആവശ്യമുണ്ട്‌. ജപ്പാനിലെ ജോലി സാദ്ധ്യതകളിലേക്ക് എത്തിച്ചേരാൻ ജാപ്പനീസ് ഭാഷ അനിവാര്യമാണ് എന്നത് കേരളത്തിലെ ഉദ്യോഗാർത്ഥികൾ നേരിടുന്ന പ്രധാന തടസ്സമാണ്. ഇതിന് പരിഹാരമായി കേരളത്തിൽ തന്നെ ആദ്യമായി ലാംഗ്വേജ് ടെസ്റ്റ് സെന്റർ കൊച്ചിയിൽ പ്രവർത്തനം ആരംഭിക്കുന്നു. ജാപ്പനീസ് ഭാഷ ആയ നിഹാങ്കോയും അവരുടെ തൊഴിൽ സംസ്കാരവും മനസിലാക്കാൻ ജാപ്പനിസ് ഭാഷാ പഠനം,ജീവിത സംസ്ക്കാര പരിചയ പരിശീലനം, ലൈബ്രറി,എന്നിവ ടെസ്റ്റ് സെന്ററിൽ സജജീകരിച്ചിട്ടുണ്ട്. കടവന്തറ വ്യാപാര…
Read More » -
ഓട്ടോമൊബൈൽ സർവീസിംഗ് വൊക്കേഷണൽ ഡിപ്ലോമ
കോട്ടയം: നാട്ടകം സർക്കാർ പോളിടെക്‌നിക്ക് കോളജിൽ വൊക്കേഷണൽ ഡിപ്ലോമ ഇൻ ഓട്ടോമൊബൈൽ സർവീസിംഗ് കോഴ്‌സിന് അപേക്ഷ ക്ഷണിച്ചു. അപേക്ഷ ഫോറം www.polyadmission. org/dvoc എന്ന വെബ്‌സൈറ്റിൽ നിന്ന് ഡൗൺലോഡ് ചെയ്യാം. രേഖകളുടെ പകർപ്പ് സഹിതം അപേക്ഷ ജൂലൈ 31 നകം നാട്ടകം സർക്കാർ പോളിടെക്‌നിക് കോളജിൽ നൽകണം. ഫോൺ: 0481 2361884/9446341 691
Read More » -
ജര്‍മ്മനിയില്‍ തൊഴില്‍ തേടുന്നവര്‍ക്ക് വന്‍ അവസരങ്ങള്‍; 15 മുതൽ അപേക്ഷകൾ സമർപ്പിക്കാം
തിരുവനന്തപുരം: കേരളത്തിൽ നിന്നും ജർമ്മനിയിലേയ്ക്കുളള നഴ്സിങ് റിക്രൂട്ട്മെന്റിനായുളള നോർക്ക റൂട്ട്സ് ട്രിപ്പിൾ വിൻ പദ്ധതിയുടെ നാലാം ഘട്ടത്തിലേയ്ക്ക് അപേക്ഷ ക്ഷണിച്ചു. ഉദ്യോഗാർത്ഥികൾക്ക് 2023 ജൂലൈ 15 മുതൽ അപേക്ഷകൾ സമർപ്പിക്കാം. ജനറൽ നഴ്സിങ് അല്ലെങ്കിൽ ബി.എസ്.സി നഴ്സിങ് ആണ് അടിസ്ഥാന യോഗ്യത. ജനറൽ നഴ്സിങ് മാത്രം പാസായ ഉദ്യോഗാർത്ഥികൾക്ക് മൂന്ന് വർഷത്തെ പ്രവൃത്തി പരിചയം നിർബന്ധമുണ്ട്. എന്നാൽ ബി.എസ്.സി നഴ്സിങ്, പോസ്റ്റ് ബി.എസ്.സി നഴ്സിങ് എന്നിവ നേടിയ ഉദ്യോഗാർത്ഥികൾക്ക് പ്രത്യേക തൊഴിൽ പരിചയം നിർബന്ധമില്ല. അപേക്ഷിക്കാനുള്ള ഉയർന്ന പ്രായപരിധി 39 വയസ്സായിരിക്കും. 1985 ജനുവരി 1 ന് മുമ്പ് ജനിച്ചവർ അപേക്ഷിക്കേണ്ടതില്ല. ഈ വർഷം സെപ്റ്റംബർ മാസത്തിലാകും ഇൻറർവ്യൂ നടക്കുക. ആദ്യ ഘട്ടങ്ങളിലേതുപോലെ നാലാം ഘട്ടത്തിലും 300 നഴ്സുമാർക്കാണ് ജർമനിയിലേക്ക് അവസരം. അപേക്ഷയ്ക്കും കൂടുതൽ വിവരങ്ങൾക്കും www.norkaroots.org, www.nifl.norkaroots.org എന്നീ വെബ്‍സൈറ്റുകൾ സന്ദർശിക്കാവുന്നതാണ്. കേരളീയരായ നഴ്സുമാർക്ക് മാത്രമാകും ട്രിപ്പിൽ വിൻ പദ്ധതിയിലേക്ക് അപേക്ഷിക്കാനാവുക. തെരഞ്ഞെടുക്കപ്പെട്ടവരുടെ ഭാഷാപരിശീലനം 2023 ഡിസംബർ മാസം ആരംഭിക്കുന്നതാണ്.…
Read More » -
തൊഴിലുറപ്പ് പദ്ധതിയിൽ അഗ്രികൾച്ചറൽ എൻജിനീയർ ഒഴിവുകൾ
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ GIS Planning-ന്റെ അടിസ്ഥാനത്തിൽ നടപ്പിലാക്കുന്ന നീരുറവ് പദ്ധതിയിൽ ജില്ലാ മിഷനുകളിലേക്ക് അഗ്രികൾച്ചറൽ എൻജിനീയർ തസ്തികയിൽ ഒരു വർഷത്തെ കരാർ വ്യവസ്ഥയിൽ നിയമനം നടത്തുന്നതിന് അപേക്ഷ ക്ഷണിച്ചു. 51 ഒഴിവുകളുണ്ട്. കേരളത്തിലെ സർവകലാശാലകൾ അംഗീകരിച്ച അഗ്രികൾച്ചറൽ എൻജിനീയറിംഗിലെ ബിടെക് ബിരുദമാണ് യോഗ്യത. മറ്റ് സർവകലാശാലകളിൽ നിന്നുള്ള ബിരുദം ആണെങ്കിൽ കേരളത്തിലെ ഏതെങ്കിലും സർവകലാശാല നൽകുന്ന equivalency certificate ഹാജരാക്കണം. സംയോജിത നീർത്തട പരിപാലന പദ്ധതിയിൽ കുറഞ്ഞത് അഞ്ച് വർഷത്തെ പ്രവൃത്തി പരിചയത്തിന് മുൻഗണനയുണ്ട്. പ്രായ പരിധി 01.06.2023 ന് 40 വയസ് കവിയാൻ പാടില്ല. പട്ടിക ജാതി പട്ടിക വർഗ്ഗ വിഭാഗത്തിന് അഞ്ച് വർഷവും, മറ്റ് പിന്നാക്ക വിഭാഗത്തിന് മൂന്നു വർഷവും പ്രായത്തിൽ ഇളവ് നൽകും. ഉദ്യോഗാത്ഥികൾ അപേക്ഷയോടൊപ്പം ബയോഡേറ്റ, വിദ്യാഭ്യാസ യോഗ്യത, പ്രവൃത്തി പരിചയം, വയസ്സ്, വിലാസം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ ഉള്ളടക്കം ചെയ്യണം. പ്രതിമാസ വേതനം 31,460 രൂപ.…
Read More » -
യുകെയിലേക്ക് പറക്കാൻ ഇന്ത്യക്കാരന് എങ്ങനെ വർക്ക് വിസ ലഭിക്കും ?
വിദേശത്ത് ജോലി ആഗ്രഹിക്കുന്ന പുതിയ തലമുറ കുടിയേറാൻ ആഗ്രഹിക്കുന്നത് യൂറോപ്യൻ രാജ്യങ്ങളിലേക്കാണ്. ഇതിൽ ബ്രിട്ടണുള്ള സ്ഥാനം മുൻപന്തിയിലാണ്. ഉയർന്ന വൈദഗ്ധ്യമുള്ളവരാണെങ്കിൽ ബ്രിട്ടൺ വാതിൽ തുറന്നിടുകായാണ്. ഫിനാൻസ്, ടെക്‌നോളജി, ഹെൽത്ത്‌കെയർ മേഖലകളിൽ യുകെയിൽ വിദേശ തൊഴിലാളികൾക്ക് മികച്ച അവസരങ്ങളുണ്ട്. യൂറോപ്യൻ യൂണിയനിൽ നിന്ന് പുറത്ത് കടന്നതോടെ യൂറോപ്യൻ രാജ്യങ്ങളിലെ പൗരന്മാരും യൂറോപ്യൻ യൂണിയൻ ഇതര പൗരന്മാരുടെ അതേ വിസ നടപടിക്രമങ്ങളിലൂടെ കടന്നുപോകേണ്ടിവരും. ഇന്ത്യക്കാർക്ക് എങ്ങനെ യുകെ വിസ സ്വന്തമാക്കാം എന്ന് നോക്കാം. യുകെ ഇമിഗ്രേഷൻ പ്രോഗ്രാം 2020-ൽ യൂറോപ്യൻ യൂണിയനിൽ നിന്ന് പിന്മാറിയ ശേഷം യുകെ ഇമിഗ്രേഷൻ പ്രോഗ്രാമിൽ മാറ്റം വരുത്തിയിട്ടുണ്ട്. ഉയർന്ന വൈദഗ്ധ്യമുള്ള തൊഴിലാളികളെ രാജ്യത്തേക്ക് സ്വീകരിക്കുന്നതിന് വിദേശ തൊഴിലാളികൾക്ക് പോയിന്റ് അടിസ്ഥാനത്തിലുള്ള സംവിധാനമാണ് നിലവിലുള്ളത്. നിലവിലെ രീതി പ്രകാരം 25,600 പൗണ്ട് ശമ്പള പരിധിയും പോയിന്റും അടിസ്ഥാനമാക്കിയാണ് വിദേശ രാജ്യങ്ങളിൽ നിന്നുള്ള തൊഴിലാളികളെ സ്വീകരിക്കുന്നത്. നൈപുണ്യവും ശമ്പള പരിധിയും പാലിക്കാത്തവർക്ക് യുകെയിൽ ജോബ് വിസ ലഭിക്കുന്നതിന് സീസണൽ വർക്ക്, താൽക്കാലിക…
Read More » -
കാലിക്കറ്റ് യൂണിവേഴ്സിറ്റിയിൽ പിജി അഡ്മിഷൻ തീയതികൾ
ഇന്റഗ്രേറ്റഡ് എം.എസ് സി. പ്രവേശനം കാലിക്കറ്റ് സർവകലാശാലാ 2023-24 അദ്ധ്യയന വർഷത്തെ ഇന്റഗ്രേറ്റഡ് എം.എസ് സി. ബയോസയൻസ് പ്രവേശന നടപടികൾ 10-ന് രാവിലെ 10.30-നും ഫിസിക്‌സ്, കെമിസ്ട്രി വിഷയങ്ങളുടെ 11-ന് രാവിലെ 10.30-നും സർവകലാശാലാ കാമ്പസിലെ സെന്റർ ഫോർ ഹെൽത്ത് സയൻസിൽ നടക്കുന്നു. അറിയിപ്പ് ലഭിച്ചവർ ആവശ്യമായ രേഖകൾ സഹിതം അഭിമുഖത്തിന് ഹാജരാകണം. എം.എ. പൊളിറ്റിക്കൽ സയൻസ് പ്രവേശനം കാലിക്കറ്റ് സർവകലാശാലാ പൊളിറ്റിക്കൽ സയൻസ് പഠനവിഭാഗം എം.എ. പൊളിറ്റിക്കൽ സയൻസ് പ്രവേശനം 10-ന് രാവിലെ 10.30-ന് പഠനവിഭാഗത്തിൽ നടക്കും. അറിയിപ്പ് ലഭിച്ച വിദ്യാർത്ഥികൾ ആവശ്യമായ രേഖകൾ സഹിതം ഹാജരാകണം. എം.എ. ഹിസ്റ്ററി പ്രവേശനം കാലിക്കറ്റ് സർവകലാശാലാ ചരിത്ര പഠനവിഭാഗം എം.എ. ഹിസ്റ്ററി പ്രവേശനം 11-ന് രാവിലെ 10.30-ന് പഠനവിഭാഗത്തിൽ നടക്കും. പ്രവേശന മെമ്മോ ഇ-മെയിലിൽ ലഭിച്ച വിദ്യാർത്ഥികൾ അസ്സൽ സർട്ടിഫിക്കറ്റുകൾ സഹിതം ഹാജരാകണം. ഫോൺ 9846657105. എം.എസ് സി. ഫിസിക്‌സ് പ്രവേശനം കാലിക്കറ്റ് സർവകലാശാലാ ഭൗതികശാസ്ത്ര പഠനവിഭാഗം എം.എസ് സി. ഫിസിക്‌സ്,…
Read More » -
ഇംഗ്ലീഷ് അറിയാമോ ? ബിരുദം വേണ്ട; ദുബായിൽ 2 ലക്ഷം രൂപ മാസ ശമ്പളത്തിൽ അവസരം
ഗൾഫ് രാജ്യങ്ങളിലെ തൊഴിലവസരങ്ങളിൽ മലയാളികൾക്ക് വലിയ ശ്രദ്ധ പതിപ്പിക്കുന്ന കാര്യമാണ്. വർഷങ്ങളായി മലയാളികളുടെ പ്രധാന തൊഴിൽ വിപണിയാണ് യുഎഇ. ചെറുതും വലുതുമായ ജോലികൾ മുതൽ വൻകിട സംരംഭങ്ങൾ വരെ മലയാളികളുടെതായി യുഎഇയിലുണ്ട്. ഇന്നും യുഎഇയിലേക്ക് തൊഴിൽ തേടിയുള്ള മലയാളിയുടെ സഞ്ചാരം തുടരുകയാണ്. ദുബായിൽ എന്നല്ല ഏത് നാട്ടിലും മികച്ച ശമ്പളമുള്ള ജോലിക്കായി ബിരുദം ആവശ്യമാണെന്നാണ് പൊതുവെയുള്ള കാഴ്ചപാട്. ദുബായ് ആസ്ഥാനമായ കമ്പനിയുടെ പുതിയ റിക്രൂട്ട്മെന്റ് പ്ലാൻ പ്രകാരം ബിരുദമില്ലാത്തവർക്കും മികച്ച ശമ്പളത്തിൽ തൊഴിലവസരങ്ങൾ കമ്പനി നൽകുന്നുണ്ട്. ദുബായ് ആസ്ഥാനമായി പ്രവർത്തിക്കുന്ന വ്യോമയാന കമ്പനിയായ എമിറേറ്റ്‌സ് ഗ്രൂപ്പാണ് വമ്പൻ റിക്രൂട്ട്മെന്റ് ഡ്രൈവ് പ്രഖ്യാപിച്ചത്. ക്യാബിൻ ക്രൂ, പൈലറ്റ്, കസ്റ്റമർ സർവീസ് സ്റ്റാഫ്, എൻജിനീയർ തസ്തികകളിലേക്കാണ് നിയമനം നടക്കുന്നത്. ചൊവ്വാഴ്ച കമ്പനി ഇതുസംബന്ധിച്ച് പ്രഖ്യാപനം നടത്തി. വ്യോമയാന മേഖലയിൽ മുന്നേറ്റം കോവിഡിന് ശേഷം വ്യോമയാന മേഖല ഉണരുന്ന കാഴ്ചയാണ് ലോകമെമ്പാടുമുള്ളത്. വിവിധ വിമാന കമ്പനികൾ പുതിയ വിമാനങ്ങൾക്ക് ഓർഡർ നൽകുന്നതും പുതിയ നിയമനങ്ങൾ നടത്തുന്നതും…
Read More » -
മത്സ്യത്തൊഴിലാളികളുടെ മക്കൾക്ക് എൻട്രസ് പരിശീലനം
കോട്ടയം: സംസ്ഥാന ഫിഷറീസ് വകുപ്പ് മുഖേന മത്സ്യത്തൊഴിലാളികളുടെ മക്കൾക്ക് ഐ.ഐ.ടി./എൻ.ഐ.ടി. എൻട്രസ് പരിശീലനം നൽകുന്നു. ഹയർസെക്കൻഡറി / വൊക്കേഷണൽ ഹയർ സെക്കൻഡറി തലത്തിൽ ഫിസിക്‌സ്/ കെമിസ്ട്രി /മാത്്‌സ് വിഷയങ്ങൾക്ക് 85 ശതമാനം മാർക്ക് നേടി വിജയിച്ചവർക്കാണ് അവസരം. മത്സ്യത്തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്ത മത്സ്യത്തൊഴിലാളികളുടെ മക്കളായിരിക്കണം. ഒരു വർഷത്തെ പരിശീലനത്തിന് ധനസഹായം നൽകും. ഒരു വിദ്യാർത്ഥിക്ക് ഒരു തവണയേ ആനുകൂല്യത്തിന് അർഹത ഉള്ളൂ. അപേക്ഷാ ഫോമും വിശദവിവരങ്ങളും ഫിഷറീസ് ഡയറക്ടറുടെ ഓഫീസിൽ ലഭ്യമാണ്. പൂരിപ്പിച്ച അപേക്ഷാ ഫോം ജൂലൈ 18 നകം ഫിഷറീസ് ഓഫീസിൽ നൽകണം. വിശദവിവരത്തിന് ഫോൺ: 0481 256682
Read More » -
ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിംഗിൽ പ്രവേശനം
കോട്ടയം: സാങ്കേതിക വിദ്യാഭ്യാസ വകുപ്പിന്റെ കീഴിലുള്ള പാമ്പാടി ഏഴാം മൈലിലുള്ള ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിംഗിൽ 2023-24 അദ്ധ്യയന വർഷത്തെ പ്രവേശനത്തിനുള്ള അപേക്ഷ ക്ഷണിച്ചു. അപേക്ഷാ ഫോമും വിശദവിവരങ്ങൾ അടങ്ങിയ പ്രോസ്‌പെക്ടസും www.polyadmission.org/gifd എന്ന വെബ്‌സൈറ്റിൽ നിന്നും ഡൗൺലോഡ് ചെയ്യാം. ജലൈ 31 വൈകിട്ട് നാലുമണിവരെ അപേക്ഷ സ്വീകരിക്കും. ഫോൺ:0481 2507556, 9400006469, 8075901486, 9961201244.
Read More » -
കേരള കർഷകതൊഴിലാളി ക്ഷേമനിധിബോർഡിൽ അംഗങ്ങളായവരുടെ കുട്ടികൾക്ക് ധനസഹായം
കോട്ടയം: എസ്.എസ്.എൽ.സി. / ടി.എച്ച്.എസ്.എൽ.സി, പ്ലസ് ടു/ വി.എച്ച്.എസ്.സി. പരീക്ഷയിൽ 2022-23 അധ്യയനവർഷത്തിൽ ഉയർന്ന മാർക്ക് നേടിയ കേരള കർഷകതൊഴിലാളി ക്ഷേമനിധിബോർഡിൽ അംഗങ്ങളായവരുടെ കുട്ടികൾക്ക് ധനസഹായം നല്കുന്നു. പട്ടികജാതി/പട്ടികവർഗ വിഭാഗത്തിൽപ്പെടുന്ന അംഗങ്ങളുടെ മക്കൾക്ക് മാർക്ക് മാനദണ്ഡത്തിൽ 5% ഇളവുണ്ട്. 2023 മാർച്ച് മാസത്തിൽ നടത്തിയ എസ്.എസ്.എൽ.സി. / ടി.എച്ച്.എസ്.എൽ.സി പരീക്ഷയിൽ എൺപതും അതിൽ കൂടുതലും പോയിന്റ് നേടിയ വിദ്യാർത്ഥികളുടെ രക്ഷിതാക്കൾക്ക് അപേക്ഷിക്കാം. 2022-23 അധ്യയന വർഷത്തെ പ്ലസ് ടു/വി.എ്ച്ച.എസ്.ഇ. അവസാന വർഷ പരീക്ഷയിൽ 90% മാർക്കിൽ കുറയാതെ മാർക്ക് നേടിയ വിദ്യാർത്ഥികളുടെ രക്ഷിതാക്കൾക്ക് അപേക്ഷിക്കാം. വിദ്യാർത്ഥികൾ സർക്കാർ/എയ്ഡഡ് സ്‌കൂളുകളിൽ കേരള സ്റ്റേറ്റ് സിലബസിൽ പഠിച്ചവരും ആദ്യചാൻസിൽ വിജയിച്ചവരും ആയിരിക്കണം. പരീക്ഷ തീയതിക്ക് തൊട്ടുമുൻപുള്ള മാസത്തിൽ അംഗം 12 മാസത്തെ അംഗത്വകാലം പൂർത്തീകരിച്ചിരിക്കണം. പരീക്ഷ തീയതിയിൽ 24 മാസത്തിൽ കൂടുതൽ കുടിശ്ശിക ഉണ്ടാകാൻ പാടില്ല. അപേക്ഷ തീയതിയിലും അംഗത്തിന് കുടിശ്ശിക പാടില്ല. കുടിശ്ശിക നിവാരണത്തിലൂടെ അംഗത്വം പുന:സ്ഥാപിച്ച അംഗങ്ങൾക്ക് അവരുടെ കുടിശ്ശിക കാലയളവിൽ…
Read More »