politics
-
തടഞ്ഞുവച്ച എസ്എസ്എ ഫണ്ട് ഉടന് കേരളത്തിന് നല്കും; സുപ്രീം കോടതിയില് ഉറപ്പു നല്കി കേന്ദ്രസര്ക്കാര്; നിലപാട് അറിയിച്ചത് സ്പെഷല് അധ്യാപക നിയമനത്തിലെ കേസില്
ന്യൂഡൽഹി: കേരളത്തിന് നൽകാനുള്ള എസ്എസ്എ ഫണ്ട് ഉടൻ നൽകുമെന്ന് കേന്ദ്രം. സുപ്രിംകോടതിയിലാണ് കേന്ദ്ര സർക്കാർ ഉറപ്പ് നൽകിയത്. തടഞ്ഞുവെച്ച ഫണ്ട് നൽകുമെന്ന് എഎസ്ജി സുപ്രിംകോടതിയെ അറിയിച്ചു. സംസ്ഥാനത്തെ സ്പെഷ്യൽ അധ്യാപകരുടെ നിയമനം സംബന്ധിച്ച കേസിലാണ് കേന്ദ്രം നിലപാട് അറിയിച്ചത്. നിയമനം നടത്താനാകാത്തത് കേന്ദ്ര സർക്കാർ ഫണ്ട് തടഞ്ഞുവെച്ചത് മൂലമെന്ന് കേരളം നേരത്തെ നിലപാടെടുത്തിരുന്നു. ഇതിനെ തുടർന്നാണ് ഫണ്ട് നൽകാൻ സന്നദ്ധരാണെന്ന് കേന്ദ്രം അറിയിച്ചിരിക്കുന്നത്. കേന്ദ്ര സർക്കാരിന് വേണ്ടി ഹാജരായ അസിസ്റ്റന്റ് സോളിസിറ്റർ ജനറൽ ഐശര്യ ഭട്ടിയാണ് തീരുമാനം സുപ്രിംകോടതിയെ അറിയിച്ചത്. സ്പെഷൽ അധ്യാപകരെ സ്ഥിരപ്പെടുത്താൻ ഉടൻ നടപടി സ്വീകരിക്കണമെന്ന് സംസ്ഥാനത്തിന് നിർദേശം നൽകുകയും ചെയ്തിട്ടുണ്ട്. നിയമന നടപടികൾ പൂർത്തിയാക്കി ജനുവരി 31നകം അറിയിക്കണമെന്ന് സുപ്രിംകോടതി ആവശ്യപ്പെട്ടിട്ടുണ്ട്. സംസ്ഥാനത്തിന്റെ ആവശ്യങ്ങൾക്കായി അർഹതപ്പെട്ട പണം കേന്ദ്രം തടഞ്ഞുവെച്ചിരിക്കുന്നുവെന്ന് ചൂണ്ടിക്കാട്ടി കേരളം സുപ്രിംകോടതിയെ സമീപിച്ചിരുന്നു. അതിനെ തുടർന്നാണ് സമഗ്ര ശിക്ഷാ അഭിയാൻ പദ്ധതി പ്രകാരം കേരളത്തിന് ആവശ്യമായ തുക നൽകുമെന്ന് കേന്ദ്രം അറിയിച്ചിരിക്കുന്നത്.
Read More » -
ഇറാഖ് യുദ്ധത്തിന്റെ സൂത്രധാരനും മുന് യുഎസ് വൈസ് പ്രസിഡന്റുമായിരുന്ന ഡിക് ചെനി അന്തരിച്ചു; അമേരിക്ക കണ്ട ഏറ്റവും ശക്തനായ വൈസ് പ്രസിഡന്റ്; ട്രംപിന്റെ ശക്തനായ വിമര്ശകന്
വാഷിങ്ടണ്: ഇറാഖ് യുദ്ധത്തിന്റെ സൂത്രധാരനും മുന് യുഎസ് വൈസ് പ്രസിഡന്റുമായിരുന്ന ഡിക് ചെനി (84) അന്തരിച്ചു. യുഎസിന്റെ 46ാമത് വൈസ് പ്രസിഡന്റായിരുന്നു റിച്ചാര്ഡ് ബ്രൂസ് ചിനി എന്ന ഡിക് ചിനി. ജോര്ജ് ബുഷ് പ്രസിഡന്റായിരുന്ന 2001- 2009 കാലത്താണ് ഡിക് ചെനി വൈസ് പ്രസിഡന്റ് പദവിയിലിരുന്നത്. യുഎസിന്റെ ഏറ്റവും ശക്തനായ വൈസ് പ്രസിഡന്റ് എന്നായിരുന്നു ഡിക് ചെനി വിലയിരുത്തപ്പെട്ടത്. ന്യൂമോണിയയും ഹൃദയാഘാതവുമാണ് മരണകാരണമെന്ന് കുടുംബം പുറത്തുവിട്ട പ്രസ്താവനയില് പറഞ്ഞു. 2003ലെ ഇറാഖ് അധിനിവേശത്തിന്റെ പ്രധാന സൂത്രധാരനായിരുന്നു ചെനി. ഇറാഖില് കൂട്ടനശീകരണ ആയുധങ്ങള് ഉണ്ടെന്ന് ആരോപണമുയര്ത്തിയ പ്രധാനികളില് ഒരാളായിരുന്നു അദ്ദേഹം. എന്നാല് അത്തരത്തിലുള്ള ഒരായുധം പോലും ഇറാഖില് നിന്ന് കണ്ടെടുക്കാനാകാത്തത് ചെനിയുടെ വാദം പൊളിച്ചു. ചെനിയും പ്രതിരോധ സെക്രട്ടറി ഡോണള്ഡ് റംസ്ഫെല്ഡുമാണ് 2003 മാര്ച്ചില് ഇറാഖ് അധിനിവേശത്തിന് പ്രേരിപ്പിച്ച പ്രധാന വ്യക്തികള്. 2001 സെപ്റ്റംബര് 11ന് അല് ക്വയ്ദ അമേരിക്കയില് നടത്തിയ ആക്രമണത്തിന് ഇറാഖുമായി ബന്ധമുണ്ട് എന്നായിരുന്നു അന്ന് ചെനിയുടെ വാദം. എന്നാല്…
Read More » -
സംസ്ഥാന ചലച്ചിത്ര പുരസ്കാരപ്രഖ്യാപനങ്ങളിൽ ആർക്കും പരാതിയില്ലെന്ന് മന്ത്രി സജി ചെറിയാൻ ‘; പരാതിയില്ലെന്ന് മാത്രമല്ല കയ്യടികളെ ഉള്ളൂവെന്ന് മന്ത്രി ; കുട്ടികളുടെ സിനിമയ്ക്കായി ബന്ധപ്പെട്ടവരുടെ യോഗം വിളിക്കും
കോഴിക്കോട്: സംസ്ഥാന ചലച്ചിത്ര അവാർഡ് പ്രഖ്യാപനത്തിൽ ആർക്കും പരാതിയില്ലെന്ന് സാംസ്കാരിക വകുപ്പ് മന്ത്രി സജി ചെറിയാൻ. പരാതിയില്ലെന്ന് മാത്രമല്ല കൈയ്യടികളെ ഉള്ളൂ എന്നും അദ്ദേഹം മാധ്യമപ്രവർത്തകരോട് പറഞ്ഞു. പരാതിയില്ലാതെ അഞ്ചാമതും അവാര്ഡ് പ്രഖ്യാപിച്ചുവെന്നാണ് മന്ത്രി പറഞ്ഞത്. മമ്മൂട്ടിയെയും മോഹന്ലാലിനെയും ആദരിച്ചു. വേടനെ പോലും ഞങ്ങള് സ്വീകരിച്ചുവെന്നും മന്ത്രി കൂട്ടിച്ചേർത്തു. പുരസ്കാരത്തിന് അർഹമായ ബാലതാരങ്ങളും സിനിമയും ഇത്തവണ ഉണ്ടായിരുന്നില്ല എന്നാണ് ജൂറിയുടെ വിലയിരുത്തൽ. അതേക്കുറിച്ച് ജൂറി തന്നെ ഖേദം പ്രകടിപ്പിച്ചിട്ടുണ്ടെന്ന് സജി ചെറിയാന് പ്രതികരിച്ചു. കുട്ടികളുടെ നല്ല സിനിമകൾ ഉണ്ടാകാനുള്ള ഇടപെടൽ സർക്കാരിന്റെ ഭാഗത്തുനിന്നും ഉണ്ടാകണമെന്ന നിർദേശം ജൂറി വെച്ചിട്ടുണ്ട്. ഇതിനായി സിനിമയുമായി ബന്ധപ്പെട്ടവരുടെ യോഗം വിളിച്ചു ചേർക്കും. ആ പ്രശ്നം പരിഹരിക്കും. അടുത്ത അവാർഡ് വരുമ്പോൾ കുട്ടികൾക്ക് അവാർഡ് ഉണ്ടാകുമെന്നും സജി ചെറിയാൻ പറഞ്ഞു. വേടന് പോലും… മന്ത്രി ഉദ്ദേശിച്ചത് എന്താണ് ? പരാമർശത്തെ വിശദീകരിച്ച് സജി ചെറിയാൻ വേടന് പോലും പുരസ്കാരം നൽകിയെന്ന പരാമർശത്തെ കുറിച്ചും മന്ത്രിക്ക് പിന്നീട് വിശദീകരിക്കേണ്ടി വന്നു…
Read More » -
ബീഹാര് മറ്റന്നാള് പോളിംഗ് ബൂത്തിലേക്ക് ; പ്രചാരണം ഇന്ന് അവസാനിക്കും ‘ തെരഞ്ഞെടുപ്പ് നടക്കുന്നത് 121 സീറ്റുകൡലേക്ക്; രാഹുല് ഗാന്ധിയും അമിത് ഷായും ഇന്ന് ബീഹാറില്
പാറ്റ്ന : ബീഹാര് മറ്റന്നാള് പോളിംഗ് ബൂത്തിലേക്ക്. ബിഹാറില് ആദ്യഘട്ട വോട്ടെടുപ്പിനുള്ള പ്രചാരണം ഇന്ന് അവസാനിക്കും. പറ്റ്ന അടക്കം18 ജില്ലകളിലെ 121 സീറ്റുകളിലേക്കാണ് മറ്റന്നാള് വോട്ടെടുപ്പ് നടക്കുക. തേജസ്വി യാദവ് നയിക്കുന്ന മഹാസഖ്യത്തിന് ഈ ഘട്ടം ഏറെ നിര്ണ്ണായകമാണ്. 2020ല് 121ല് 61 സീറ്റ് മഹാസഖ്യം നേടിയിരുന്നു. രാഹുല് ഗാന്ധി ഇന്ന് ബിഹാറില് മൂന്ന് യോഗങ്ങളില് പങ്കെടുക്കും. അവസാനവട്ട പ്രചാരണത്തിന് മേല്നോട്ടം വഹിക്കാന് കെസി വേണുഗോപാലും ബിഹാറിലുണ്ട്. അമിത് ഷായുടെ രണ്ട് യോഗങ്ങളാണ് ഇന്ന് നിശ്ചയിച്ചിരിക്കുന്നത്. ജെപി നദ്ദയുടെ റോഡ് ഷോ ഇന്ന് ഗയയില് നടക്കും. അതിനിടെ സംസ്ഥാനത്തെ വോട്ടര് പട്ടിക തീവ്ര പരിഷ്കരണത്തിനെതിരായ ഹര്ജികള് സുപ്രീം കോടതി ഇന്ന് പരിഗണിക്കും. ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് ഹര്ജി പരിഗണിക്കുക. ബിഹാറിലെ അന്തിമ വോട്ടര് പട്ടികയിലെ മാറ്റങ്ങള് പ്രസിദ്ധീകരിക്കാന് തിരഞ്ഞെടുപ്പ് കമ്മീഷന് ബാധ്യതയുണ്ടെന്ന് സുപ്രീം കോടതി കഴിഞ്ഞ തവണ കേസ് പരിഗണിക്കവെ നിരീക്ഷിച്ചിരുന്നു. വോട്ടര്പട്ടികയിലെ മാറ്റങ്ങള് എഴുതി നല്കണമെന്നും കമ്മീഷനോട്…
Read More » -
കോവിഡിനെതിരായ പോരാട്ടത്തില് ജീവന് പൊലിഞ്ഞ ഡോക്ടര്മാരുടെ കുടുംബത്തിനും കേന്ദ്രത്തിന്റെ അവഗണന; ആകെ സഹായം നല്കിയത് 500 പേര്ക്ക്; ഇന്ത്യയിലാകെ മരിച്ചത് 1596 പേരെന്ന് അനൗദ്യോഗിക കണക്ക്; കൃത്യമായ കണക്കില്ലാതെ കേന്ദ്രം; ബിഹാറും ബംഗാളും തമിഴ്നാടും ആന്ധ്രയും ഡല്ഹിയും ഗുജറാത്തും മുന്നില്; കേരളം അവിടെയും മാതൃക
ന്യൂഡല്ഹി: കോവിഡ് മഹാമാരി അവസാനിച്ചു വര്ഷങ്ങള് കഴിഞ്ഞിട്ടും ചികിത്സ നല്കുന്നതിനിടെ കോവിഡ് ബാധിച്ചു മരിച്ച ഡോക്ടര്മാരുടെ ബന്ധുക്കള്ക്കു സഹായം നല്കാതെ കേന്ദ്ര സര്ക്കാര്. കേരളമൊഴിച്ചു മറ്റു സംസ്ഥാനങ്ങളിലെല്ലാം നൂറുകണക്കിനു ഡോക്ടര്മാര്ക്കാണ് കോവഡിന്റെ പിടിയില് ജീവന് നഷ്ടമായത്. കോവിഡിന്റെ ഒന്നാം തരംഗത്തിലും രണ്ടാം തരംഗത്തിലും എത്ര ഡോക്ടര്മാര്ക്കു ജീവന് നഷ്ടമായെന്നും അവരുടെ കുടുംബത്തിനു നല്കിയ നഷ്ടപരിഹാരം എത്രയെന്നു ചൂണ്ടിക്കാട്ടി നല്കിയ വിവരാവകാശ ഹര്ജിയിലാണ് മറുപടി. എത്ര ഡോക്ടര്മാര് മരിച്ചു എന്നതില് കേന്ദ്രസര്ക്കാരിന്റെ പക്കല് കൃത്യമായ കണക്കുകളില്ലെന്നും കേന്ദ്രം പറയുന്നു. എന്നാല്, ഇന്ത്യന് മെഡിക്കല് അസോസിയേഷന് (ഐഎംഎ) പറയുന്ന കണക്കില് ഇത് 1600 വരുമെന്നാണ്. ഇതുവരെ 500 ഡോക്ടര്മാരുടെ കുടുംബങ്ങള്ക്കാണു സഹായം നല്കിയത്. ‘ഡോക്ടര്മാര്ക്കൊപ്പം നില്ക്കുന്നില്ലെങ്കില് സമൂഹം നമുക്കു മാപ്പു നല്കില്ലെന്നു’ കഴിഞ്ഞ ഒക്ടോബര് 28നു സുപ്രീം കോടതി പറഞ്ഞതും ഈ പശ്ചാത്തലത്തിലാണ്. പ്രധാനമന്ത്രി ഗരീബ് കല്യാന് പാക്കേജിനു കീഴില് സ്വകാര്യ ഡോക്ടര്മാര് വരാത്തതുമായി ബന്ധപ്പെട്ട ഹര്ജിയിലാണ് സുപ്രീം കോടതി നിര്ണായക നിരീക്ഷണം നടത്തിയത്.…
Read More » -
‘കെ.പി. കണ്ണന്റെ ലേഖനം അക്കാദമിക് സംശയങ്ങളെന്ന പേരില് കുത്തിനിറച്ച രാഷ്ട്രീയ എതിര്പ്പും പകയും; എ.കെ. ആന്റണിയുടെ ആശ്രയ പദ്ധതിയെ വി.എസ്. സര്ക്കാര് ഏറ്റെടുത്തത് എങ്ങനെയെന്ന് പഠിക്കണം’; രാഷ്ട്രീയ പകപോക്കല് നടത്താത്ത ഇടതു സര്ക്കാരിനെയാണ് എഎവൈ കാര്ഡുകാര്ക്കു റേഷന് നഷ്ടപ്പെടുമെന്ന യക്ഷിക്കഥ പറഞ്ഞു പേടിപ്പിക്കുന്നതെന്നും സോഷ്യല് മീഡിയയിലെ കുറിപ്പ്
തിരുവനന്തപുരം: അതിദാരിദ്ര്യ നിര്മാര്ജനവുമായി ബന്ധപ്പെട്ടു സാമ്പത്തിക വിദഗ്ധന് കെ.പി. കണ്ണന് മലയാള മനോരമ ദിനപത്രത്തില് എഴുതിയ കുറിപ്പ് അക്കാദമിക് സംശയങ്ങളെന്ന മട്ടില് എഴുതിയ രാഷ്ട്രീയ എതിര്പ്പും പകയുമാണെന്നു സോഷ്യല് മീഡിയയില് ഇടതു ഹാന്ഡിലുകള്. ഈ വിഷയത്തില് സജീവമായി കുറിപ്പുകള് പങ്കുവയ്ക്കുന്ന ജയപ്രകാശ് ഭാസ്കരനാണ് കെ.പി. കണ്ണന്റെ ലേഖനത്തിലെ പൊള്ളത്തരങ്ങള് വെളിച്ചത്തു കൊണ്ടുവരുന്നത്. മുമ്പും സംസ്ഥാന സര്ക്കാര് മുന്നോട്ടുവച്ച പല വിഷയങ്ങളിലും കെ.പി. കണ്ണന്റെ നിലപാട് ഇടതു സര്ക്കാരിനോടുള്ള പക വെളിപ്പെടുത്തുന്നതായിരുന്നു. 2002ല് എകെ ആന്റണി മുഖ്യമന്ത്രിയായിരിക്കുമ്പോള് നടപ്പിലാക്കിയ ആശ്രയ പദ്ധതിയെ അഭിനന്ദിക്കുന്ന കണ്ണന്, ആ പദ്ധതിക്കു പിന്നീടെന്തു സംഭവിച്ചെന്നും അന്വേഷിക്കണം. രാഷ്ട്രീയ പക പോക്കലിന്റെ ഭാഗമായി മാറ്റുന്നതിനു പകരം അതേ പേരില് അച്യുതാനന്ദന് സര്ക്കാര് പിന്തുടരുകയാണു ചെയ്തത്. അഗതി-ആശ്രയ പദ്ധതിയുടെ മുഖ്യ ചുമതലക്കാരനും ഇതെഴുതുന്നയാളാണെന്നും ജയപ്രകാശ് പറയുന്നു. ആ സര്ക്കാരിനെയാണ് എഎവൈ കാര്ഡ് കാര്ക്ക് റേഷന് നഷ്ടപ്പെടും എന്ന യക്ഷി കഥ പറഞ്ഞു വിദഗ്ദ്ധന്മാര് പേടിപ്പിക്കുന്നതെന്നും പോസ്റ്റില് പരിഹസിക്കുന്നു. പോസ്റ്റിന്റെ…
Read More » -
ശബരീനാഥന് മുന്നില് മാതൃകയായി ശിവരാമനുണ്ട്് ; എംപിയായ ശേഷം പഞ്ചായത്ത് മെമ്പറാകാന് മത്സരിച്ചയാള് ; ജയിച്ചു, പഞ്ചായത്ത് പ്രസിഡന്റുമായി ; കോണ്ഗ്രസിലേക്ക് പോയി എല്ഡിഎഫില് തിരിച്ചെത്തി
കൊച്ചി: എംഎല്എയായതിന് ശേഷം തദ്ദേശ സ്ഥാപനത്തിലെ കൗണ്സിലര് ആവാനായി മത്സരത്തിനിറങ്ങുന്ന കെ എസ് ശബരിനാഥന് അസാധാരണമായ ഒരു തെരഞ്ഞെടുപ്പിനെ നേരിടാനൊരുങ്ങുകയാണ്. തിരുവനന്തപുരം കോര്പ്പറേഷനിലെ കവടിയാര് ഡിവിഷനിലാണ് ശബരിനാഥന് ജനവിധി തേടുന്നത്. എന്നാല് ശബരീനാഥന് ഇക്കാര്യത്തില് ഒരു മുന്ഗാമിയുണ്ട്. ഒറ്റപ്പാലം ലോക്സഭാ മണ്ഡലത്തില് എല്ഡിഎഫ് സ്ഥാനാര്ത്ഥിയായി വിജയിച്ചു കയറിയ് എസ് ശിവരാമന്. 2000ത്തില് ലക്കിടി പേരൂര് ഗ്രാമപഞ്ചായത്തിലെ ഒരു വാര്ഡിലേക്ക് മത്സരിച്ചു ജയിച്ച ശിവരാമന് വിജയിക്കുകയും പഞ്ചായത്ത് പ്രസിഡന്റാവുകയും ചെയ്തു. പിന്നീട് കോണ്ഗ്രസിലേക്ക് പോയ ശിവരാമന് സിപിഐഎമ്മിലേക്ക് മടങ്ങിയെത്തിയതിന് ശേഷം ബ്ലോക്ക് പഞ്ചായത്ത് വാര്ഡിലേക്കാണ് മത്സരിച്ചത്. ഒറ്റപ്പാലം ബ്ലോക്ക് പഞ്ചായത്ത് പ്രസിഡന്റാവുകയും ചെയ്തു. 1993ലെ ഉപതെരഞ്ഞെടുപ്പില് മത്സരിച്ചു ജയിച്ച ശേഷമായിരുന്നു ശിവരാമന്റെ ഈ രീതിയിലുള്ള മാറ്റം വന്നത്. ലോക്സഭാ സ്ഥാനാര്ത്ഥിയായതിന് ശേഷം പഞ്ചായത്തിലേക്ക് മത്സരിച്ചയാളാണ് സിപിഐഎം നേതാവായ എംബി ഫൈസല്. 2017ല് മലപ്പുറം ലോക്സഭാ മണ്ഡലത്തിലേക്ക് നടന്ന ഉപതെരഞ്ഞെടുപ്പില് എല്ഡിഎഫ് പരീക്ഷിച്ചത് അന്ന് ജില്ലാ പഞ്ചായത്തംഗമായിരുന്ന ഫൈസലിനെയായിരുന്നു. എന്നാല് തോറ്റുപോയ അദ്ദേഹം പിന്നീട്…
Read More » -
നവകേരളത്തിലേക്കുള്ള യാത്രയില് കണ്ണി ചേരേണ്ടത് അനിവാര്യം: വിഷന് 2031 സാംസ്കാരിക സെമിനാര് കേരളത്തെ മാറ്റി മറിക്കുന്നതിന്റെ തുടക്കമെന്നു മന്ത്രി കെ. രാജന്; അക്കാദമികളുടെ സ്വാതന്ത്ര്യം നിലനിര്ത്തി ഏകോപിപ്പിക്കുമെന്ന് മന്ത്രി സജി ചെറിയാന്; നിറഞ്ഞ സദസില് ഭാവി കേരളത്തെക്കുറിച്ച് ചര്ച്ച
തൃശൂര്: നവകേരളം എന്ന ആശയത്തിലേക്കുള്ള യാത്രയിലാണ് കേരളം ഇപ്പോഴുള്ളതെന്നും അതില് ഓരോ മലയാളിയും കണ്ണിചേരേണ്ടത് അനിവാര്യമാണെന്നും റവന്യൂ വകുപ്പു മന്ത്രി കെ. രാജന്. സാംസ്കാരിക വകുപ്പിന്റെ നേതൃത്വത്തില് കേരള സംഗീത നാടക അക്കാദമിയില് സംഘടിപ്പിച്ച വിഷന് 2031 സാംസ്കാരിക സെമിനാര് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നവോത്ഥാനം അനിവാര്യമായ ഒരു ഭൂതകാലം കേരളത്തിനുണ്ടായിരുന്നു. അയിത്തവും അനാചാരങ്ങളും തീണ്ടിക്കൂടായ്മയും നിറഞ്ഞ അപകടകരമായ ഭൂതകാലത്തിനു കേരളം സാക്ഷ്യം വഹിച്ചിട്ടുണ്ട്. മറ്റു പല സംസ്ഥാനങ്ങളില്നിന്നും വിഭിന്നമായി, സാമൂഹികനീതിയില് ഉറച്ചുനിന്ന ഒരു നവോത്ഥാന പ്രസ്ഥാനത്തിന്റെ കാല്വയ്പ്പും അതിന്റെ ചരിത്രവും കേരളത്തിനുണ്ട്. ശ്രീനാരായണഗുരു അടക്കമുള്ള നിരവധി സാമൂഹിക പരിഷ്കര്ത്താക്കള് ഉഴുതുമറിച്ചിട്ട നവോത്ഥാനത്തിന്റെ കാലടികള് ആഴത്തില് പതിച്ച സംസ്ഥാനമാണ് നമ്മുടേത്. ഊരൂട്ടമ്പലം സ്കൂളിന്റെ ചരിത്രം വിസ്മരിക്കാനാവാത്തതാണ്. എഴുത്തുകളും വായനകളും നാടക പ്രസ്ഥാനങ്ങളും യാത്രാവിവരണങ്ങളുമെല്ലാം മലയാളിയുടെ നവോത്ഥാനത്തെ കൂടുതല് ശക്തമാക്കി. എന്നാല് കേരളം ഉയര്ത്തിപ്പിടിച്ച മതനിരപേക്ഷതയുടെയും മാനവികതയുടെയും മഹാസഞ്ചയത്തിനുചുറ്റും അഗ്നിഗോളങ്ങള്പോലെ എഴുത്തിലും വായനയിലും സാംസ്കാരിക പ്രവര്ത്തനങ്ങളിലും വര്ഗീയ ഫാസിസ്റ്റ് സ്വഭാവരൂപീകരണരീതികള്…
Read More » -
മമ്മൂട്ടി സൂഷ്മാഭിനയംകൊണ്ട് അമ്പരപ്പിച്ചു; ദേശീയ പുരസ്കാരങ്ങള് രാഷ്ട്രീയപ്രേരിതം; അവര് അദ്ദേഹത്തെ അര്ഹിക്കുന്നില്ല; കുട്ടികളുടെ സിനിമകള് ഇല്ലാത്തത് വേദനിപ്പിക്കുന്നു; 28 സിനിമകളില് നിലവാരമുള്ളത് 10 ശതമാനത്തിനു മാത്രം; ഡലലോഗിനും അവാര്ഡ് ഏര്പ്പെടുത്തണം: ചലച്ചിത്ര പുരസ്കാര ചടങ്ങില് പ്രകാശ് രാജ്
തൃശൂര്: കിഷ്കിന്ധാ കാണ്ഡത്തില് ആസിഫ് അലിയും വിജയരാഘവനും എ.ആര്.എം സിനിമയില് ടോവിനോ തോമസും മികച്ച അഭിനയം കാഴ്ച വച്ചെങ്കിലും ഭ്രമയുഗത്തിലെ സൂക്ഷ്മാഭിനയത്തിലൂടെ മമ്മൂട്ടി മികച്ച നടനിലേക്കുള്ള പുരസ്കാരത്തിലേക്ക് എളുപ്പം നടന്നുകയറിയെന്ന് ജൂറി ചെയര്പേഴ്സനും നടനുമായ പ്രകാശ് രാജ്. അദ്ദേഹത്തിന്റെ അഭിനയത്തില് തനിക്ക് പോലും അസൂയ തോന്നി. അദ്ദേഹത്തിന്റെ അഭിനയത്തിലെ കണ്ട്രോള് പുതുതലമുറ പാഠമാക്കണമെന്നും പ്രകാശ് രാജ് അഭിപ്രായപ്പെട്ടു. എല്ലാവര്ക്കും അവാര്ഡ് നല്കാന് ഇത് ചാരിറ്റി പ്രവര്ത്തനമല്ല, മികച്ചവര്ക്ക് നല്കുകയാണ് ജൂറിയുടെ കര്ത്തവ്യം. ദേശീയ അവാര്ഡ് നല്കുന്നതില് വിട്ടുവീഴ്ചകളുണ്ടെന്നു കരുതുന്നു. ദേശീയ അവാര്ഡിന് മമ്മൂട്ടിയുടെ രാഷ്ട്രീയം തടസമാകുന്നുണ്ടോയെന്ന മാധ്യമ പ്രവര്ത്തകരുടെ ചോദ്യത്തിന് കേന്ദ്ര സര്ക്കാരും ദേശീയ അവാര്ഡ് ജൂറിയുമൊന്നും മമ്മുക്കയെ അര്ഹിക്കുന്നില്ലെന്നും മറുപടി നല്കി. കുട്ടികളുടെ സിനിമകള് വേണം ചലച്ചിത്ര പ്രവര്ത്തകര് കുട്ടികളുടെ സിനിമയെക്കുറിച്ച് കൂടി ചിന്തിക്കണമെന്ന് സംസ്ഥാന ചലച്ചിത്ര അവാര്ഡ് ജൂറി ചെയര്പേഴ്സണ് പ്രകാശ് രാജ്. ഇക്കുറി കുട്ടികളുടെ സിനിമയ്ക്കും ബാലതാരത്തിനും അവാര്ഡില്ല. ഈ സമൂഹം മുതിര്ന്നവരുടേത് മാത്രമല്ല, കുട്ടികളുടേത് കൂടിയാണ്.…
Read More » -
ബോംബ് നിര്മ്മിച്ച് മരിച്ചാലും ഡിവൈഎഫ്ഐ രക്തസാക്ഷിയാക്കും ; കുന്നോത്തുപറമ്പ് മേഖലാ സമ്മേളനത്തില് പ്രമേയം പസ്സാക്കി ; ആദ്യം സംഭവത്തില് പങ്കില്ലെന്ന് പറഞ്ഞ് തള്ളിയ പാര്ട്ടി ഇപ്പോള് ഷെറിനെ ഏറ്റെടുത്തോ?
കണ്ണൂര്: ബോംബ് നിര്മ്മാണത്തില് മരണമടഞ്ഞെന്ന റിപ്പോര്ട്ട് പുറത്തുവന്നതോടെ തള്ളിയ ഷെറിനെ പാര്ട്ടി ഇപ്പോള് ഉള്ക്കൊണ്ടെന്ന് വിമര്ശനം. പാനൂരില് ബോംബ് നിര്മാണത്തിനിടെ മരിച്ച ഷെറിനെ ഡിവൈഎഫ്ഐ രക്തസാക്ഷിയാക്കി പ്രമേയം അവതരിപ്പിച്ചു. കുന്നോത്തുപറമ്പ് മേഖലാ സമ്മേളനത്തിലാണ് പ്രമേയം അവതരിപ്പിച്ചത്. 2024 ഏപ്രില് അഞ്ചിനാണ് പാനൂര് ബോംബ് നിര്മാണത്തിനിടെ സ്ഫോടനമുണ്ടായി ഷെറിന് മരിച്ചത്. ഷെറിന് കൊല്ലപ്പെടുകയും മറ്റൊരു യുവാവിന്റെ കൈകള് നഷ്ടപ്പെടുകയും ചെയ്തിരുന്നു. ബോംബ്് നിര്മ്മാണത്തിനിടയിലായിരുന്നു മരണം എന്നതിനാല് ഷെറിനെ ഉള്പ്പെടെയുള്ളവരെ സിപിഐഎം നേതൃത്വം നേരത്തേ തള്ളിപ്പറഞ്ഞിരുന്നു. ബോംബ് നിര്മാണത്തില് ഷെറിന് ഉള്പ്പെടെ 15 ഡിവൈഎഫ്ഐ പ്രവര്ത്തകര് ഉള്പ്പെട്ടിരുന്നുവെന്നായിരുന്നു പുറത്തുവന്ന റിപ്പോര്ട്ട്. സംഭവം ഏറെ ചര്ച്ചയായതോടെ ബോംബ് നിര്മാണത്തില് പാര്ട്ടിക്ക് പങ്കില്ലെന്നാണ് സിപിഐഎം നേതൃത്വം പ്രതികരിച്ചിരുന്നത്. ഷെറിന് സിപിഐഎം പ്രവര്ത്തകന് അല്ലെന്നായിരുന്നു അന്ന് സംസ്ഥാന, ജില്ലാ നേതൃത്വങ്ങള് വിശദീകരിച്ചിരുന്നത്. എന്നാല് സിപിഐഎം പാനൂര് ഏരിയ നേതാക്കളും മറ്റ് പ്രാദേശിക നേതാക്കളും ഷെറിന്റെ വീട് സന്ദര്ശിച്ചത് ഏറെ വിവാദമായിരുന്നു. ഇതിന് പിന്നാലെയാണ് ഇന്നലെ മേഖലാ സമ്മേളനത്തില് അവതരിപ്പിച്ച…
Read More »