ഇറാന് യുദ്ധം: പണം തിരികെ നല്കണമെന്ന് യുഎഇ; പാകിസ്താന് ഉടന് രണ്ടു ബില്യണ് ഡോളര് തിരിച്ചടയ്ക്കണം; വരും മാസങ്ങളില് വിദേശ സഹായം ഇല്ലെങ്കില് ഞെരുങ്ങും; പുതുക്കി നിശ്ചയിക്കേണ്ടത് 12 ബില്യണ് ഡോളര് വായ്പ
ഇസ്ലാമാബാദ്: യുഎഇയുടെ ആവശ്യപ്രകാരം 2 ബില്യണ് യുഎസ് ഡോളര് വായ്പ തിരിച്ചടയ്ക്കാന് പാകിസ്ഥാന് തീരുമാനിച്ചെന്നു റിപ്പോര്ട്ട്. ബാലന്സ് ഓഫ് പേയ്മെന്റിനെ പിന്തുണയ്ക്കുന്നതിനായാണ് യുഎഇ ഈ ഫണ്ട് നല്കിയിരുന്നത്. അത് അടുത്തിടെ വരെ നീട്ടിനല്കുകയായിരുന്നു.
യുഎസ്-ഇസ്രായേല് ഇറാന് യുദ്ധത്തെത്തുടര്ന്ന് മിഡില് ഈസ്റ്റിലുണ്ടായ പുതിയ സാഹചര്യങ്ങളുടെ പശ്ചാത്തലത്തില് ഫണ്ട് ഉടന് തിരികെ നല്കണമെന്ന് യുഎഇ അടുത്തിടെ ആവശ്യപ്പെട്ടതായി വൃത്തങ്ങള് അറിയിച്ചു.
ജിയോ ന്യൂസ് റിപ്പോര്ട്ട് ചെയ്തതനുസരിച്ച്, ഈ തുക സ്റ്റേറ്റ് ബാങ്ക് ഓഫ് പാകിസ്ഥാനില് (എസ്.പി.ബി.) സുരക്ഷിത നിക്ഷേപമായാണ് സൂക്ഷിച്ചിരുന്നത്. ഈ മാസം അവസാനത്തോടെ പാകിസ്ഥാന് 2 ബില്യണ് യുഎസ് ഡോളര് അബുദാബിക്ക് തിരികെ നല്കുമെന്ന് റിപ്പോര്ട്ടില് പറയുന്നു.
ഈ തുകയ്ക്ക് പാകിസ്ഥാന് ഏകദേശം 6 ശതമാനം പലിശ നല്കുന്നുണ്ടെന്ന് ബന്ധപ്പെട്ടവര് പറഞ്ഞു. മുന്കാലങ്ങളില്, യുഎഇ ഈ നിക്ഷേപം വര്ഷം തോറും പുതുക്കി നല്കാറായിരുന്നു പതിവ്. എന്നിരുന്നാലും, 2025 ഡിസംബറില്, ഈ തുക ആദ്യം ഒരു മാസത്തേക്കും പിന്നീട് ഏപ്രില് 17 വരെ രണ്ട് മാസത്തേക്കും നീട്ടിനല്കി.
നടപ്പ് സാമ്പത്തിക വര്ഷത്തില്, സൗദി അറേബ്യയില് നിന്നുള്ള 5 ബില്യണ് ഡോളര്, ചൈനയില് നിന്നുള്ള 4 ബില്യണ് ഡോളര്, യുഎഇ നിക്ഷേപിച്ച 3 ബില്യണ് ഡോളര് എന്നിവയുള്പ്പെടെ ഏകദേശം 12 ബില്യണ് ഡോളറിന്റെ വിദേശ നിക്ഷേപങ്ങള് പാകിസ്ഥാന് പുതുക്കി നിശ്ചയിക്കേണ്ടതുണ്ടായിരുന്നു.
പാകിസ്ഥാന്റെ പക്കല് 21 ബില്യണ് ഡോളറിലധികം കരുതല് ശേഖരമുണ്ട്. അത് യുഎഇക്ക് തിരികെ നല്കും, എന്നാല് വരും മാസങ്ങളില് രാജ്യത്തിന് വിദേശ ധനസഹായം ആവശ്യമായി വന്നേക്കാം.
#BreakingNews, #Pakistan, #UAE, #EconomyNews, #MiddleEastCrisis, #PakistanEconomy, #DebtRepayment, #InternationalNews, #GeoNews, #MalayalamNews, #വാർത്തകൾ, #പാകിസ്ഥാൻ, #യുഎഇ, #സാമ്പത്തികം, #ForeignReserves, #GlobalPolitics, #LatestUpdates, #DailyhuntNews, #TrendingNews, #FinanceNews #GoogleNews, #Trending, #ViralNews, #USIsraelIranWar, #MiddleEastConflict, #StateBankOfPakistan, #SBP, #EconomicCrisis, #WorldNewsToday, #CurrentAffairs, #FinancialNews, #DebtCrisis, #Abu Dhabi, #Islamabad, #MarketUpdate, #Breaking, #GlobalEconomy, #HeadlineNews, #NewsAlert, #ImportantNews
