Newsthen Special
-
ഒറ്റപ്പാലത്ത് വൃദ്ധ ദമ്പതികളെ വെട്ടിക്കൊന്നു : വളർത്തുമകളുടെ നാലുവയസ്സുകാരന് ഗുരുതര പരിക്ക് : ഒരാൾ കസ്റ്റഡിയിൽ
പാലക്കാട്: പാലക്കാട് ഒറ്റപ്പാലം തോട്ടക്കരയിൽ ദമ്പതികളെ വെട്ടിക്കൊന്നു. നാലകത്ത് നസീർ(63),ഭാര്യ സുഹറ(60) എന്നിവരാണ് മരിച്ചത്. അർധരാത്രി 12ഓടെയാണ് ദാരുണമായ സംഭവം. വളർത്തു മകളുടെ നാലുവയസായ മകനെ ഗുരുതര പരിക്കേറ്റ നിലയിലും കണ്ടെത്തി. സംഭവത്തിൽ ബന്ധുവായ യുവാവിനെ കസ്റ്റഡിയിലെടുത്തതായി പൊലീസ് അറിയിച്ചു. സുൽഫിയത്ത് എന്ന യുവതി നാല് വയസുകാരനുമായി ഓടി രക്ഷപ്പെടുന്നതിനിടെയാണ് നാട്ടുകാർ വിവരമറിയുന്നത്. നാട്ടുകാർ വീട്ടിലെത്തി നോക്കിയപ്പോഴാണ് ദമ്പതികളെ കൊല്ലപ്പെട്ട നിലയിൽ കണ്ടെത്തിയത്. മരണപ്പെട്ടവരുടെ കുടുംബാംഗമായ യുവാവിനെ കൈ ഞരമ്പ് മുറിച്ച നിലയിൽ സംഭവ സ്ഥലത്ത് കണ്ടെത്തിയിരുന്നു. എങ്കിലും പോലീസിന് പിടികൂടാൻ കഴിഞ്ഞില്ല. സമീപത്തെ പള്ളി ഖബർസ്ഥാനിലേക്ക് ഓടി രക്ഷപ്പെട്ട യുവാവിനെ പോലീസും നാട്ടുകാരും ചേർന്ന് നടത്തിയ തെരച്ചിലിനൊടുവിലാണ് പിടികൂടിയിരിക്കുന്നത്. ഗുരുതരമായി പരിക്കേറ്റ കുട്ടിയെ ആദ്യം ഒറ്റപ്പാലം താലൂക്ക് ആശുപത്രിയിൽ പ്രവേശിപ്പിച്ചു. എങ്കിലും പിന്നീട് വാണിയംകുളത്തെ സ്വകാര്യ ആശുപത്രിയിലേക്ക് മാറ്റി. കൊലപാതക കാരണം വ്യക്തമല്ല.
Read More » -
ഗാസയിലെ ‘ബോര്ഡ് ഓഫ് പീസി’ലേക്ക് ഇന്ത്യക്കു ട്രംപിന്റെ ക്ഷണം; സ്ഥിരീകരിച്ച് മുതിര്ന്ന സര്ക്കാര് ഉദ്യോഗസ്ഥന്; ഗാസയിലടക്കം സമാധാനം നിലനിര്ത്താന് ഇന്ത്യന് സൈന്യവും ഇറങ്ങുമോ? തീരുവയിലെ പിണക്കത്തിനിടെ പുതിയ നീക്കം
ന്യൂയോര്ക്ക്: ഗാസ ഉള്പ്പെടെയുള്ളയിടങ്ങളിലെ സംഘര്ഷങ്ങള് പരിഹരിക്കുക എന്ന ലക്ഷ്യത്തോടെ യുഎസ് പ്രസിഡന്റ് ഡൊണാള്ഡ് ട്രംപ് രൂപീകരിച്ച ‘ബോര്ഡ് ഓഫ് പീസ്’ എന്ന സംരംഭത്തില് ചേരാന് ഇന്ത്യക്കും ക്ഷണം. മുതിര്ന്ന ഇന്ത്യന് സര്ക്കാര് ഉദ്യോഗസ്ഥനാണ് ഞായറാഴ്ച ഇക്കാര്യം അറിയിച്ചത്. ഈ സംരംഭത്തില് ഇന്ത്യ പങ്കുചേരുമോ എന്ന കാര്യത്തില് വ്യക്തതയില്ല. ഇതിനോടുള്ള പ്രതികരണത്തിനായി വിദേശകാര്യ മന്ത്രാലയത്തെ സമീപിച്ചെങ്കിലും അവര് ഉടന് പ്രതികരിച്ചില്ല. ഇന്ത്യയില് നിന്നുള്ള കയറ്റുമതി ഉല്പ്പന്നങ്ങള്ക്ക് നിലവില് യുഎസില് 50 ശതമാനം വരെ ഉയര്ന്ന ഇറക്കുമതി തീരുവ ചുമത്തുന്നുണ്ട്. ഇത് കുറയ്ക്കുന്നതിനായുള്ള വ്യാപാര കരാറില് ഇരു രാജ്യങ്ങളും തമ്മില് ഇതുവരെ ധാരണയില് എത്താന് സാധിച്ചിട്ടില്ല. ഉഭയകക്ഷി ബന്ധത്തില് നിലനില്ക്കുന്ന അസ്വാരസ്യങ്ങള്ക്കിടയിലാണ് ഇന്ത്യയ്ക്ക് ട്രംപിന്റെ ക്ഷണം ലഭിക്കുന്നത്. ഇന്ത്യ ഉള്പ്പെടെ 60-ഓളം രാജ്യങ്ങളെ ട്രംപ് ഈ സംരംഭത്തിലേക്ക് ക്ഷണിച്ചിട്ടുണ്ട്. ഇന്ത്യയുടെ അയല്രാജ്യമായ പാകിസ്ഥാനും ഇതില് ഉള്പ്പെടുന്നു. പലസ്തീനിലെ ഗാസയില് സമാധാനവും സുരക്ഷയും പുനഃസ്ഥാപിക്കാനുള്ള അന്താരാഷ്ട്ര ശ്രമങ്ങളില് സഹകരിക്കുമെന്ന് പാകിസ്ഥാന് സര്ക്കാര് നേരത്തെ വ്യക്തമാക്കിയിരുന്നു. നേരത്തേ,…
Read More » -
‘അല്ഫലാഹ് മെഡിക്കല് കോളജില് വ്യാജ രോഗികള്, രേഖകളില് മാത്രം ഡോക്ടര്മാര്’; 500 കോടിയുടെ കള്ളപ്പണം വെളുപ്പിച്ചെന്നും ഇഡി; ചെങ്കോട്ട സ്ഫോടനത്തില് ഞെട്ടിക്കുന്ന അന്വേഷണ റിപ്പോര്ട്ട്
ന്യൂഡല്ഹി: ചെങ്കോട്ട സ്ഫോടനത്തില് ഉള്പ്പെട്ട ഡോക്ടര്മാരുമായി ബന്ധമുള്ള അല് ഫലാഹ് മെഡിക്കല് കോളജില് ഒട്ടേറെ ക്രമക്കേടുകള് നടന്നതായി കണ്ടെത്തല്. കേസുമായി ബന്ധപ്പെട്ട് ഇഡി തയാറാക്കിയ 200 പേജുള്ള റിപ്പോര്ട്ടിലാണ് ഇതുസംബന്ധിച്ച വിവരങ്ങളുള്ളത്. ആശുപത്രിയില് ഡോക്ടര്മാരുടെ പേരില് വ്യാജ നിയമനങ്ങള് മുതല് ചികിത്സയ്ക്കായി എത്തുന്നു എന്ന തരത്തില് വ്യാജ രോഗികളും രേഖകളിലുണ്ടെന്നു കണ്ടെത്തി. നാഷനല് മെഡിക്കല് കമ്മിഷനെ തെറ്റിദ്ധരിപ്പിക്കാന് ഒട്ടേറെ ക്രമക്കേടുകള് കോളജിന്റെ നടത്തിപ്പുകാര് ചെയ്തിരുന്നതായും ഇ.ഡി കണ്ടെത്തിയിട്ടുണ്ട്. ഏകദേശം 500 കോടി രൂപയുടെ കള്ളപ്പണം ആശുപത്രിയുടെ മറവില് വെളുപ്പിച്ചതായും ഇ.ഡി കോടതിയില് സമര്പ്പിച്ച റിപ്പോര്ട്ടില് പറയുന്നു. കേസ് ഈ മാസം 31ന് കോടതി പരിഗണിച്ചേക്കും. മെഡിക്കല് കോളജിന്റെ രേഖകളിലുള്ള ഡോക്ടര്മാരില് മിക്കവരും ഇവിടെ എത്തിയിരുന്നില്ലെന്നും ഡോക്ടര്മാരെ നിയമിച്ചതായി വ്യാജരേഖകള് തയാറാക്കിയതായും ഇഡി കണ്ടെത്തിയിട്ടുണ്ട്. അതുപോലെ ആശുപത്രി ജീവനക്കാരില് നല്ലൊരു പങ്കും ഫയലുകളില് മാത്രമാണുള്ളത്. അവര് ജോലി ചെയ്യാനായി ആശുപത്രിയില് എത്തിയിരുന്നില്ല. ഇതിനു സമാനമായി വ്യാജ രോഗികളെയും ആശുപത്രിയില് എത്തിച്ചിരുന്നു. നാഷനല് മെഡിക്കല്…
Read More » -
‘കാസര്ഗോഡും മലപ്പുറത്തും ജയിച്ചവരുടെ പേരു നോക്കിയാല് അറിയാം വര്ഗീയ ധ്രൂവീകരണമുണ്ടോ എന്ന്’; വിവാദ പരാമര്ശവുമായി വീണ്ടും സജി ചെറിയാന്
വിവാദപരാമര്ശവുമായി വീണ്ടും മന്ത്രി സജി ചെറിയാന്. കാസര്കോട്ടും മലപ്പുറത്തും ജയിച്ച ആളുകളുടെ പേര് നോക്കിയാല് വര്ഗീയ ധ്രുവീകരണം ഉണ്ടോയെന്ന് കാണാമെന്ന് മന്ത്രി. ആര്ക്കൊക്കെ എവിടെയൊക്ക ഭൂരിപക്ഷമുണ്ടോ, ആ സമുദായങ്ങള് ജയിക്കും. സമുദായത്തിന് ഭൂരിപക്ഷമില്ലെങ്കില് എവിടെനിന്നാലും ജയിക്കില്ല. ചേരിതിരിവ് ഉണ്ടാക്കുന്ന അഭിപ്രായങ്ങള് ആരും പറയരുത്. അപ്പോള് ഇരുവിഭാഗവും സംഘടിക്കുമെന്ന് മന്ത്രി ആലപ്പുഴയില് പറഞ്ഞു. അതേസമയം, സജി ചെറിയാനെ ന്യായീകരിച്ച് സിപിഎം ജനറൽ സെക്രട്ടറി എംഎ ബേബി രംഗത്തെത്തി. വടക്കേ ഇന്ത്യയിലെ പോലെ കേരളത്തെയും വർഗീയവൽക്കരിക്കാനാണ് ശ്രമം എന്നാണ് അദ്ദേഹം ഉദ്ദേശിച്ചത് .അതിന് ഉപയോഗിച്ച ഭാഷയും വാചകവും എന്താണെന്ന കാര്യം മനസിലാക്കാനായിട്ടില്ല നിയമസഭാ തെരഞ്ഞെടുപ്പിൽ മുഖ്യമന്ത്രി പിണറായി വിജയൻ പാർട്ടിയെയും മുന്നണിയെയും നയിക്കും. എന്നാൽ ആരൊക്കെ മത്സരിക്കും എന്ന കാര്യത്തിൽ ഉചിതമായ സമയത്ത് തീരുമാനം എടുക്കും. രണ്ട് ടൈം വ്യവസ്ഥ ഒഴിവാക്കുന്നത് കേന്ദ്രകമ്മിറ്റി ചർച്ച ചെയ്തിട്ടില്ല എന്നും പി ബിയിൽ നിന്ന് ആരൊക്കെ മത്സരിക്കാം എന്നതിൽ പിബി തീരുമാനമെടുത്തിട്ടില്ലെന്നും എം എ ബേബി പറഞ്ഞു
Read More » -
നിങ്ങളെന്നെ ബിജെപിക്കാരനാക്കി; ചെങ്കോട്ട വിട്ട് രാജേന്ദ്രന് ഇനി കാവിക്കോട്ടയില്; മത്സരിക്കാനില്ലെന്നും ആരെയും കൂടെക്കൊണ്ടുവന്നിട്ടില്ലെന്നും രാജേന്ദ്രന്
പതിനഞ്ചുകൊല്ലം സിപിഎമ്മിന്റെ എംഎല്എ ആയിരുന്ന എസ്.രാജേന്ദ്രന് എങ്ങിനെ ബിജെപിയില് ചേര്ന്നുവെന്ന് ചോദിച്ചാല് അതിന് രാജേന്ദ്രന് സിപിഎമ്മിനെ ചൂണ്ടിക്കാട്ടി ഉത്തരം പറയും നിങ്ങളെന്നെ ബിജെപിക്കാരനാക്കി എന്ന്. ചെങ്കോട്ട വിട്ട് രാജേന്ദ്രന് കാവിക്കോട്ടയിലേക്ക് ചെന്നുകയറിക്കഴിഞ്ഞു. ദേവികുളം മുന് എംഎല്എയും സിപിഎം നേതാവുമായ എസ്.രാജേന്ദ്രന് തിരുവനന്തപുരത്തെ ബിജെപി ആസ്ഥാനത്തെത്തി അംഗത്വം സ്വീകരിക്കുമ്പോള് വര്ഷങ്ങള് നീണ്ട സിപിഎം രാഷ്ട്രീയ ജീവിതത്തിനാണ് രാജേന്ദ്രന് തിരശീല താഴ്ത്തിയത്. തനിക്കൊപ്പം ആരേയും ബിജെപിയിലേക്ക് ക്ഷണിച്ചില്ലെന്നും ബിജെപി പ്രവേശനത്തിന് ഉപാധികളില്ലെന്നും രാജേന്ദ്രന് പ്രതികരിച്ചു. മല്സരിക്കാനില്ലെന്നും രാജേന്ദ്രന് വ്യക്തമാക്കി. 2006 മുതല് 2021 വരെ തുടര്ച്ചയായി മൂന്നു തവണ സിപിഎം എംഎല്എയായിരുന്നു രാജേന്ദ്രന്. എന്നാല് സിപിഎമ്മുമായി തെറ്റിയതിന് ശേഷം രാജേന്ദ്രനെ കൂടെക്കൂട്ടാന് ബിജെപിയുടെ കേരള തമിഴ്നാട് ഘടകങ്ങള് രണ്ടു വര്ഷമായി ചര്ച്ചകള് നടത്തിയിരുന്നു എന്ന് റിപ്പോര്ട്ടുകളുണ്ടായിരുന്നു. കഴിഞ്ഞ തദ്ദേശ തിരഞ്ഞെടുപ്പില് ബിജെപി സ്ഥാനാര്ഥികള്ക്കായി എസ്.രാജേന്ദ്രന് വോട്ടുതേടിയിറങ്ങുകയും ചെയ്തിരുന്നു. ഇതിന് പിന്നാലെ അഭ്യൂഹങ്ങള് ശക്തമാകുകയും ചെയ്തു. കഴിഞ്ഞ നിയമസഭാ തിരഞ്ഞെടുപ്പില് എല്ഡിഎഫ് സ്ഥാനാര്ഥിയായിരുന്ന എ.രാജയെ…
Read More » -
ഒരേയൊരു രാജാവ് ഒരേയൊരു സീറ്റ്; മത്സരിക്കാന് വേണ്ടത് ആ ഒറ്റ സീറ്റ്; അതു കിട്ടിയില്ലെങ്കില് ക്യാംപെയ്നറായി നില്ക്കുമെന്ന് പി.വി.അന്വര്; ആവശ്യപ്പെട്ട സീറ്റ് കിട്ടിയില്ലെങ്കില് എവിടെയും മത്സരിക്കില്ലെന്നും പ്രഖ്യാപനം
നിലമ്പൂര്: ഏതാണ് പി.വി.അന്വര് കൊതിക്കുന്ന ആ സീറ്റ് എന്നറിയാനുള്ള ആകാംക്ഷയിലാണ് വോട്ടര്മാര്. നിലമ്പൂരോ അതോ ബേപ്പൂരോ…. ഏതോ ഒരു സീറ്റിനു വേണ്ടിയാണ് കാത്തിരിക്കുന്നതെന്ന് അന്വര് പറഞ്ഞിട്ടുണ്ടെങ്കിലും സീറ്റെതെന്ന് വ്യക്തമാക്കിയിട്ടില്ല. നിയമസഭാ തിരഞ്ഞെടുപ്പില് താന് ഒറ്റ സീറ്റില് മാത്രമാണ് മത്സരിക്കുകയെന്ന് യുഡിഎഫ് നേതൃത്വത്തെ അറിയിച്ചതായി തൃണമൂല് കോണ്ഗ്രസ് നേതാവ് പി.വി അന്വര് പറഞ്ഞു താന് ആവശ്യപ്പെട്ട സീറ്റ് കിട്ടിയില്ലെങ്കില് മറ്റെവിടേയും മത്സരിക്കില്ല. നിലമ്പൂരിനേക്കാള് തനിക്ക് സ്വാധീനമുളള പ്രദേശമാണ് ബേപ്പൂരെന്നും അന്വര് പറയുമ്പോള് അന്വറിന്റെ മോഹം ബേപ്പൂരാണെന്ന് തോന്നാം. അതൊന്ന്് ഉറപ്പിക്കാനായി ബേപ്പൂരില് വരുമോ എന്ന ചോദ്യത്തിന് ബേപ്പൂരില് ഇന്ത്യയിലേ ആര്ക്ക് വേണമെങ്കിലും വരാമല്ലോ, വേറെ പാസ്പോര്ട്ട് ഒന്നും വേണ്ടല്ലോ എന്നായിരുന്നു ആദ്യം അന്വറിന്റെ ഹ്യൂമര് ടച്ചുള്ള ഉത്തരം. പിണറായിയേയും മുഹമ്മദ് റിയാസിനേയും ക്യാന്സറുമായി താരതമ്യം ചെയ്ത് അന്വര് ഡയലോഗടിച്ചിട്ടുണ്ട്. കേരളത്തിന്റെ കാന്സറാണ് പിണറായിസം. അതിന്റെ സെക്കന്റ് സ്റ്റെപ്പാണ് മരുമോനിസം. പിണറായിസം എന്ന കാന്സറിന് ഈ തിരഞ്ഞെടുപ്പില് ജനങ്ങള് ട്രീറ്റ്മെന്റ് കൊടുത്തു. അടുത്ത…
Read More » -
തൊഴിൽ അല്ലെങ്കിൽ ജയിൽ ഇങ്ങ് കേരളത്തിൽ: തമിഴ്നാട്ടിൽ തൊഴിലില്ലെങ്കിൽ ജെല്ലിക്കെട്ട്: ജെല്ലിക്കെട്ട് വിജയികൾക്ക് സർക്കാർ ജോലി: കിടിലൻ പ്രഖ്യാപനവുമായി തമിഴ്നാട് മുഖ്യമന്ത്രി
ചെന്നൈ : തടവുകാരുടെ വേതനം വർധിപ്പിച്ചതോടെ തൊഴിലില്ലാത്തവർ ജയിലിൽ പോയി കിടക്കുന്നതാണ് നല്ലതെന്ന് കേരളത്തിലുള്ളവർ പറഞ്ഞും ട്രോളിയുമിരിക്കുമ്പോൾ തൊഴിലില്ലെങ്കിൽ ജെല്ലിക്കെട്ട് എന്നാണ് അയൽ സംസ്ഥാനമായ തമിഴ്നാട് പറയുന്നത്. തമിഴ്നാട്ടിലെ യുദ്ധവീരന്മാരായ ജെല്ലിക്കെട്ട് പോരാളികൾക്ക് ജെല്ലിക്കെട്ടിൽ പങ്കെടുത്ത് വിജയിച്ചാൽ ജോലി കൊടുക്കുമെന്ന സുപ്രധാന പ്രഖ്യാപനമാണ് തമിഴ്നാട് മുഖ്യമന്ത്രി സ്റ്റാലിൻ നടത്തിയിരിക്കുന്നത്. മൃഗസംരക്ഷണ വകുപ്പിലാകും ജോലി നൽകുകയെന്നും എം കെ സ്റ്റാലിൻ പ്രഖ്യാപിച്ചിട്ടുണ്ട്. അളങ്കാനല്ലൂരിൽ ജല്ലിക്കെട്ട് കാളകൾക്കായി പ്രത്യേക ചികിത്സാ കേന്ദ്രം ആരംഭിയ്ക്കും. ഇതിനായി രണ്ട് കോടി രൂപ അനുവദിച്ചു. അളങ്കാനല്ലൂരിൽ ജെല്ലിക്കെട്ടിൽ ഉദ്ഘാടനത്തിനിടെയാണ് മുഖ്യമന്ത്രിയുടെ പ്രഖ്യാപനം. തമിഴ്നാടിന്റെ സാംസ്കാരിക പൈതൃകം സംരക്ഷിക്കുന്ന യുവാക്കളുടെ ധീരതയെ ആദരിക്കുക എന്നതാണ് ഈ സംരംഭത്തിന്റെ ലക്ഷ്യമെന്ന് അദ്ദേഹം പറഞ്ഞു.നാടൻ കാളകൾക്ക് ഗുണനിലവാരമുള്ള ചികിത്സയും ശാസ്ത്രീയ പരിചരണവും ഉറപ്പാക്കുന്നതിനായി അലങ്കനല്ലൂരിൽ 2 കോടി രൂപ ചെലവിൽ ഒരു അത്യാധുനിക മെഡിക്കൽ, പരിശീലന സൗകര്യം സ്ഥാപിക്കുമെന്ന് മുഖ്യമന്ത്രി പ്രഖ്യാപിച്ചു. പ്രശസ്തമായ അലങ്കനല്ലൂർ മത്സരം കാണുന്നത് ഓരോ തമിഴനെയും അഭിമാനഭരിതനാക്കുന്നുവെന്ന്…
Read More » -
വിമാനങ്ങളെ വെല്ലും വന്ദേഭാരത്; യാത്ര ഇനി മടുപ്പല്ല അടിപൊളി; രാജ്യത്തെ ആദ്യ സ്ലീപ്പര് വന്ദേഭാരത് സൂപ്പറാട്ടോ; ഹൈടെക് ട്രെയിന്; മധ്യവര്ഗത്തിന് ഇനി ശുഭയാത്ര
ന്യൂഡല്ഹി: വിമാനങ്ങളെ വെല്ലും ഇന്ത്യയുടെ പുതിയ വന്ദേഭാരത് സ്ലീപ്പറെന്ന് പറഞ്ഞാല് അതൊട്ടും അതിശയോക്തിയാകില്ല. രാജ്യത്തെ ആദ്യ സ്ലീപ്പര് വന്ദേഭാരത് ഇന്ന് ഓടിത്തുടങ്ങുമ്പോള് ഇന്ത്യന് ട്രെയിന് യാത്രകളില് പുതിയൊരു അധ്യായം കുറിക്കുന്നതോടൊപ്പം ഇന്ത്യന് ട്രെയിന് യാത്രകളുടെ ജാതകം തന്നെ മാറ്റിയെഴുതുകയാണ് ഇന്ത്യന് റെയില്വേ. രാജ്യത്തെ ആദ്യത്തെ സ്ലീപ്പര് വന്ദേ ഭാരത് ട്രെയിന് ഹൗറയ്ക്കും ഗുവാഹത്തിക്കും ഇടയിലുള്ള 958 കിലോമീറ്റര് ദൂരം 14 മണിക്കൂറിനുള്ളില് സഞ്ചരിക്കും. മണിക്കൂറില് 180 കിലോമീറ്റര് വേഗതയാണ് ഈ ട്രെയിനിനുള്ളത്. ഇതുവരെ ഹൗറയില് നിന്ന് ഗുവാഹത്തിയിലേക്കുള്ള യാത്ര മടുപ്പിക്കുന്നതും യാത്രാക്ഷീണം ഏറെയുണ്ടാക്കുന്ന ദീര്ഘദൂര യാത്രയുമായിരുന്നു. എന്നാല് ഇനിയങ്ങോട്ട് വന്ദേഭാരതിലുളള ഹൗറ – ഗുവാഹത്തി യാത്ര ഒരനുഭവമായിരിക്കുമെന്ന് ഇന്ത്യന് റെയില്വേ തറപ്പിച്ചു പറയുന്നു. 958 കിലോമീറ്റര് ദൂരം വെറും 14 മണിക്കൂറിനുള്ളില് പിന്നിടുന്ന് വന്ദേഭാരത് ഇന്ത്യയിലെ ഏറ്റവും വേഗതയേറിയ സ്ലീപ്പര് ട്രെയിനുകളില് ഒന്നാണ്. അതിവേഗ ട്രാക്കുകളും ആധുനിക സാങ്കേതികവിദ്യയും ഉപയോഗിച്ച് പ്രത്യേകം രൂപകല്പ്പന ചെയ്തിട്ടുള്ളതാണ് ഈ ട്രെയിന്. മെച്ചപ്പെട്ട ടോര്ക്ക്,…
Read More » -
ജനങ്ങളോട് തര്ക്കിക്കരുത്; അവര് പറയുന്നത് കേള്ക്കുക; ഇടയില് കയറി ഉടക്കരുത്; ക്ഷമയോടെ മറുപടി പറയുക; സഖാക്കളുടെ ഗൃഹസന്ദര്ശനത്തിന് പെരുമാറ്റച്ചട്ടങ്ങള് കര്ശനം
തിരുവനന്തപുരം: ജനമാണ് രാജാവെന്നോര്മ്മ വേണം, എല്ലായ്പ്പോഴും. അവര് വിചാരിച്ചാല് മറ്റവരെ പത്തുകൊല്ലം അപ്പുറത്തിരുത്തിയ പോലെ വേണമെങ്കില് നമ്മളേയും അപ്പുറത്തിരുത്താം. അതുകൊണ്ട് ജനങ്ങളെ കേള്ക്കുക – ഗൃഹസന്ദര്ശനത്തിനിറങ്ങുന്ന സകല നേതാക്കളോടും അണികളോടും സിപിഎമ്മിന്റെ ഉപദേശമാണിത്. വീടുവീടാന്തരം കയറിയിറങ്ങുമ്പോള് പാലിക്കേണ്ട പെരുമാറ്റച്ചട്ടങ്ങള് സകല സഖാക്കള്ക്കും സിപിഎം കൊടുത്തുകഴിഞ്ഞു. പാര്ട്ടിക്കെതിരെ ആരെങ്കിലും എന്തെങ്കിലും സംസാരിച്ചാലുടന് ചൂടായി പൊട്ടിത്തെറിക്കുന്ന സഖാക്കളെ ഗൃഹസന്ദര്ശനത്തില് നിന്ന് പരമാവധി മാറ്റി നിര്ത്താന് രഹസ്യനിര്ദ്ദേശമുള്ളതായി സൂചനയുണ്ട്. ജനങ്ങള് നിശ്ചയമായും സര്ക്കാരിനെതിരേയും പാര്ട്ടിക്കെതിരെയും പ്രമുഖ നേതാക്കള്ക്കെതിരെയും വിമര്ശനമുന്നയിച്ച് എതിര്ത്ത് രോഷാകുലരായി സംസാരിക്കുമെന്ന് ഉറപ്പാണെന്നും എന്നാല് ഒരു കാരണവശാലും അത്തരം സന്ദര്ഭങ്ങളില് ജനങ്ങളുമായി തര്ക്കിക്കാന് നില്ക്കരുതെന്നും പെരുമാറ്റച്ചട്ടങ്ങളില് തുടക്കത്തിലേ പറയുന്നു. കീഴ്ഘടകങ്ങള്ക്ക് ഇതു സംബന്ധിച്ച സര്ക്കുലര് നല്കിയിട്ടുണ്ട്. വിമര്ശനങ്ങളേയും ജനങ്ങളുടെ കുറ്റപ്പെടുത്തലുകളേയും എതിര്പ്പുകളേയും സമചിത്തതയോടെ മാത്രം കേള്ക്കുക എന്നതാണ് പ്രധാന നിര്ദ്ദേശം. എതിര്ക്കാനോ തര്ക്കിക്കാനോ പോയാല് അത് മറ്റു പാര്ട്ടിക്കാര്ക്കുള്ള ആയുധമാകുമെന്ന് സഖാക്കളെ ഓര്മിപ്പിക്കുന്നുണ്ട് നേതൃത്വം. ഗൃഹസന്ദര്ശനത്തിന് പോകുമ്പോള് വനിതാസഖാക്കളെയും പ്രവര്ത്തകരേയും യുവതലമുറയില് പെട്ടവരെയും…
Read More » -
യൂത്ത് ലീഗിനു വേണം ആറു സീറ്റ്; ലീഗിന് മുന്നില് യുവനിരയുടെ ആവശ്യം; യൂത്ത് ലീഗിന്റെ നിര്ദ്ദേശങ്ങള് ശ്രദ്ദേയം; മികച്ച പ്രവര്ത്തനം നടത്താത്തവര്ക്ക് സീറ്റ് നല്കരുത്
കോഴിക്കോട്: മുസ്ലിം ലീഗില് യുവനിര ശക്തിപ്പെടുന്നതിന്റെ വ്യക്തമായ സൂചനകള് നല്കി നിയമസഭ തെരഞ്ഞെടുപ്പില് പോരാട്ടത്തിനിറങ്ങാന് യൂത്ത് ലീഗ്. വരാനിരിക്കുന്ന നിയമസഭ തെരഞ്ഞെടുപ്പില് അര്ഹമായ പ്രാധാന്യം യൂത്ത ്ലീഗിന് കിട്ടുമെന്നുറപ്പിക്കാനുള്ള നീക്കത്തിലാണ് നേതൃത്വം. നിയമസഭാ തെരഞ്ഞെടുപ്പ് സ്ഥാനാര്ഥി നിര്ണയത്തില് മുസ്ലിം ലീഗിന് മുന്നില് നിര്ദേശങ്ങള് വെച്ചിരിക്കുകയാണ് യൂത്ത് ലീഗ്. മൂന്ന് ടേം വ്യവസ്ഥയും പ്രവര്ത്തന മികവും മാനദണ്ഡം ആക്കണമെന്നും നേതൃമുഖങ്ങള്ക്ക് അല്ലാതെ ടേം വ്യവസ്ഥയില് ഇളവ് അനുവദിക്കരുതെന്നും നിര്ദ്ദേശത്തില് പറയുന്നു. മികച്ച പ്രവര്ത്തനം നടത്താത്തവര്ക്ക് വീണ്ടും സീറ്റ് നല്കരുത്. 6 സീറ്റാണ് യൂത്ത് ലീഗ് സംസ്ഥാന കമ്മിറ്റി ആവശ്യപ്പെട്ടിരിക്കുന്നത്. പി കെ ഫിറോസിന് സുരക്ഷിത സീറ്റ് നല്കണമെന്നും ആവശ്യമുണ്ട്. ഇസ്മായില്, മുജീബ് കാടേരി, അഷ്റഫ് എടനീര്, ഗഫൂര് കൊല് കളത്തില്, ഫൈസല് ബാഫഖി തങ്ങള് എന്നിവര്ക്ക് സീറ്റ് നല്കണം എന്നും ആവശ്യപ്പെടുന്നു. സീറ്റ് ആവശ്യം ലീഗ് നേതൃത്വത്തെ അറിയിക്കാന് മുനവ്വറലി തങ്ങളെ ചുമതലപ്പെടുത്തിയിരിക്കുകയാണ്. യൂത്ത് ലീഗ് നേതാക്കള് നേരിട്ട് കുഞ്ഞാലിക്കുട്ടി, സാദിഖലി…
Read More »