World
-
ട്രംപിന്റെ കണക്കുകൂട്ടലുകൾ തെറ്റി? ഇറാന്റെ താണ്ഡവത്തിൽ തകർന്നു വീഴുന്ന യുദ്ധവിമാനങ്ങൾ യുഎസിന്റെ ആത്മവിശ്വാസം ചോർത്തുന്നു?
വാഷിംഗ്ടൺ: ഇറാനുമായുള്ള യുദ്ധവും അതിനെത്തുടർന്നുണ്ടായ ഇന്ധനവില വർധനയും അമേരിക്കൻ ജനതയിൽ പ്രസിഡന്റ് ട്രംപിനോടുള്ള അനിഷ്ടത്തിന് കാരണമായിരിക്കുകയാണെന്ന് പുതിയ സർവേകൾ സൂചിപ്പിക്കുന്നു. ഇതിനിടെ യുദ്ധം കൂടുതൽ സങ്കീർണ്ണ ഘട്ടത്തിലേക്ക് കടന്നിരിക്കുകയാണ്. ഇറാനിൽ അമേരിക്കൻ യുദ്ധവിമാനങ്ങൾ വെടിവെച്ചിട്ടുവെന്ന റിപ്പോർട്ടുകൾ പുറത്തുവന്നതോടെ ട്രംപിന്റെ അവകാശവാദങ്ങൾ ചോദ്യം ചെയ്യപ്പെടുകയാണ്. സൈനിക മേൽക്കോയ്മ അമേരിക്കയ്ക്കുണ്ടെന്ന അവകാശവാദത്തിനിടയിലുണ്ടാകുന്ന ഇത്തരം നഷ്ടങ്ങൾ ഭരണകൂടത്തിനെതിരെ കൂടുതൽ ചോദ്യങ്ങൾ ഉയർത്തുകയാണ്. യുദ്ധച്ചെലവും തന്ത്രപരമായ വിജയവുമെല്ലാം സംബന്ധിച്ചുള്ള ആശങ്കകൾ ശക്തമാകുന്നു. അമേരിക്കയുടെ എഫ്-15ഇ സ്ട്രൈക്ക് ഈഗിൾ, A-10 വാർതോഗ് എന്നീ പോർവിമാനങ്ങളാണ് ഇക്കഴിഞ്ഞ ദിവസം ആക്രമിക്കപ്പെട്ടത്. എഫ്-15നിലുണ്ടായിരുന്ന രണ്ട് വൈമാനികരിൽ ഒരാളെ യുഎസ് സ്പെഷ്യൽ ഫോഴ്സ് സാഹസികമായി രക്ഷപ്പെടുത്തി. ഇസ്രയേൽ മാധ്യമങ്ങളെയും സിബിഎസ് ന്യൂസിനെയും ഉദ്ധരിച്ചാണ് ഈ റിപ്പോർട്ടുകൾ പുറത്തുവന്നിരിക്കുന്നത്. കാണാതായ രണ്ടാമത്തെ പൈലറ്റിനായുള്ള തിരച്ചിൽ ഊർജിതമായി തുടരുകയാണ്. ഇറാന്റെ ആക്രമണത്തിൽ തകർന്ന എഫ്-15ഇ സ്ട്രൈക്ക് ഈഗിൾ (F-15E Strike Eagle) വിമാനത്തിലെ പൈലറ്റുമാരാണ് അപകടത്തിൽപ്പെട്ടത്. വിമാനം തകരുന്നതിന് മുൻപ് തന്നെ രണ്ട് പൈലറ്റുമാരും സുരക്ഷിതമായി…
Read More » -
ഇന്ത്യയിലെ ‘മൗഞ്ചാരോ വധുക്കള്’: വിവാഹത്തിന് മുന്നോടിയായ തയാറെടുപ്പില് പോപ്പുലറായി വണ്ണം കുറയ്ക്കാനുള്ള കുത്തിവയ്പ്; പാക്കേജുകളുമായി ക്ലിനിക്കുകള്; നല്കുന്നത് അമിത വണ്ണക്കാര്ക്ക് നല്കുന്ന മരുന്ന്; വ്യാജന്മാരും വ്യാപകം; മുന്നറിയിപ്പുമായി ഡോക്ടര്മാര്
ഹൈദരാബാദ്: വിവാഹത്തിന് മുന്പ് ശരീരഭാരം കുറയ്ക്കാന് കുറുക്കുവഴികള് തേടുന്ന വധൂവരന്മാര് വണ്ണം കുറയ്ക്കാനുള്ള മരുന്നുകള് (weight-loss drugs)ക്കു പിന്നാലെയെന്നു റിപ്പോര്ട്ട്. ന്യൂഡല്ഹിയിലെ ‘ക്ലാരിറ്റി സ്കിന് ക്ലിനിക്ക്’ എന്ന വെല്നസ് ക്ലിനിക്ക് ‘മൗഞ്ചാരോ ബ്രൈഡ്’ (Mounjaro bride) പാക്കേജിന്റെ പരസ്യവുമായി രംഗത്തു വന്നതോടെയാണ് ഇതു വീണ്ടും ചര്ച്ചയാകുന്നത്. മറ്റ് ക്ലിനിക്കുകളും സാധാരണയായി ചര്മ്മ സംരക്ഷണത്തിനും ഹെയര് സ്റ്റൈലിംഗിനും നല്കുന്ന ‘പ്രീ-വെഡിങ്’ ട്രാന്സ്ഫോര്മേഷന് പാക്കേജുകളില് വണ്ണം കുറയ്ക്കാനുള്ള ഇന്ജക്ഷനുകളെയും ഉള്പ്പെടുത്തിയിട്ടുണ്ട്. വിവാഹത്തിന് ഒരുങ്ങുന്ന വധുക്കള്ക്കായി ‘പോഷകാഹാരം, മൗഞ്ചാരോ, സ്മാര്ട്ട് വര്ക്ക് ഔട്ടുകള്’ എന്നിവ ക്ലാരിറ്റി ക്ലിനിക്ക് ഓഫര് ചെയ്യുന്നു. എന്നാല്, ഇതേക്കുറിച്ചു പ്രതികരിക്കാന് ക്ലിനിക്ക് തയാറായിട്ടില്ലെന്നു റോയിട്ടേഴ്സ് റിപ്പോര്ട്ട് ചെയ്യുന്നു. വിവാഹത്തിന് മുന്പ് വണ്ണം കുറയ്ക്കാനുള്ള മരുന്നുകള് ഉപയോഗിക്കുന്നതിനെക്കുറിച്ച് വധുക്കളും ചില വരന്മാരും അന്വേഷണങ്ങള് നടത്തുന്നുണ്ടെന്ന് റോയിട്ടേഴ്സ് അഭിമുഖം ചെയ്ത എട്ട് ഡോക്ടര്മാര് പറഞ്ഞു. പ്രമേഹത്തിനും വണ്ണം കുറയ്ക്കാനുമായി ഇന്ത്യയിലെ വിപണിയില് എത്തിയ ആദ്യത്തെ ‘ജിഎല്പി-1 മരുന്നായ എലി ലില്ലിയുടെ (Eli Lilly) ‘മൗഞ്ചാരോ’…
Read More » -
ഹോര്മൂസ് കടലിടുക്ക് ഇറാന്റെ ‘തുരുപ്പുചീട്ട്’; അടുത്ത കാലത്തൊന്നും സ്വതന്ത്രമാക്കില്ലെന്ന് യുഎസ് ഇന്റലിജന്സ് റിപ്പോര്ട്ട്; അമേരിക്ക സമീപ ദ്വീപുകള് പിടിച്ചാലും നിയന്ത്രണം ഇറാന് തുടരുന്നത് ഇങ്ങനെ; തെരഞ്ഞെടുപ്പ് അടുത്തിരിക്കേ ട്രംപ് കടുത്ത പ്രതിസന്ധിയില്
വാഷിംഗ്ടണ്: ഇറാന് അടുത്തകാലത്തൊന്നും ഹോര്മൂസ് കടലിടുക്ക് തുറക്കാന് സാധ്യതയില്ലെന്ന് യുഎസ് ഇന്റലിജന്സ് റിപ്പോര്ട്ട്. അമേരിക്കയെ കുഴപ്പിക്കാന് ഇറാന്റെ പക്കലുള്ള ഒരേയൊരു ആയുധമാണ് കടലിടുക്ക്. ഇതു തുറന്നാല് ഉള്ള ‘പിടി’ കൂടി നഷ്ടമാകുമെന്ന വിലയിരുത്തലിലാണ് ഇറാന് മുന്നോട്ടു പോകുന്നതെന്നും മൂന്നു സോഴ്സുകള് വ്യക്തമാക്കിയെന്ന് റോയിട്ടേഴ്സ് റിപ്പോര്ട്ട് ചെയ്തു. അഞ്ച് ആഴ്ചയായി തുടരുന്ന യുദ്ധത്തിനു പെട്ടെന്നു പരിഹാരം കാണാന് അമേരിക്കന് പ്രസിഡന്റിനെ സമ്മര്ദത്തിലാക്കുകയെന്ന ഉദ്ദേശ്യവും ഇതിനുണ്ട്. അമേരിക്കന് പൗരന്മാര് ഇപ്പോള്തന്നെ യുദ്ധത്തിന് എതിരാണെന്നും ഇറാന് വിലയിരുത്തുന്നു. ഇറാന്റെ സൈനിക ശക്തി നശിപ്പിക്കുകയെന്ന ലക്ഷ്യത്തിലാണ് യുദ്ധം. എന്നാല്, പ്രധാന ജലപാത നിയന്ത്രിക്കാന് ഇപ്പോഴും ശേഷിയുണ്ടെന്നു തെളിയിക്കുന്നതിലൂടെ ഗള്ഫ് മേഖലയിലെ സ്വാധീനം നിലനിര്ത്താനാകുമെന്നും റിപ്പോര്ട്ട് പറയുന്നു. ലോകത്തെ എണ്ണ വ്യാപാരത്തിന്റെ അഞ്ചിലൊന്ന് കടന്നുപോകുന്ന ഹോര്മുസ് കടലിടുക്ക് വീണ്ടും തുറക്കുന്നതിന്റെ ബുദ്ധിമുട്ടുകള് കുറച്ചുകാണാനാണ് ട്രംപ് ശ്രമിച്ചത്. കടലിടുക്ക് വീണ്ടും തുറക്കാന് യുഎസ് സേനയ്ക്ക് താന് ഉത്തരവ് നല്കിയേക്കാം എന്ന് വെള്ളിയാഴ്ച അദ്ദേഹം സൂചിപ്പിച്ചു. ‘കുറച്ചുകൂടി സമയം ലഭിച്ചാല്, നമുക്ക്…
Read More » -
ഇറാനുമായുള്ള വെടിനിര്ത്തല് ചര്ച്ചകള് വഴിമുട്ടി; ലെബനനിലുള്ള യുഎസ് പൗരന്മാരോട് രാജ്യംവിടാന് നിര്ദേശം; അമേരിക്കന് സര്വകലാശാലകള് ലക്ഷ്യമിട്ടേക്കുമെന്ന് മുന്നറിയിപ്പ്
ന്യൂയോര്ക്ക്: ഇറാഖിനു പിന്നാലെ ലെബനനിലുള്ള തങ്ങളുടെ പൗരന്മാരോട് എത്രയും വേഗം രാജ്യം വിടാന് നിര്ദേശം നല്കി യു.എസ്. ലെബനനിലെ സുരക്ഷാ സാഹചര്യം അസ്ഥിരവും പ്രവചനാതീതവുമാണെന്ന് ബെയ്റൂട്ടിലെ യുഎസ് എംബസി മുന്നറിയിപ്പ് നല്കി. ഡ്രോണ്, റോക്കറ്റ് ആക്രമണങ്ങള് എന്നിവ വര്ധിക്കുന്ന സാഹചര്യത്തില് വിമാനങ്ങള് ലഭ്യമാകുമ്പോള്ത്തന്നെ രാജ്യം വിടണമെന്നാണ് നിര്ദേശം. തെക്കന് ലെബനന്, സിറിയന് അതിര്ത്തി മേഖലകള്, അഭയാര്ഥി ക്യാംപുകള്, ദഹിയ ഉള്പ്പെടെയുള്ള പ്രാന്തപ്രദേശങ്ങള് എന്നിവിടങ്ങളിലുള്ളവര് ഉടന് ഒഴിയണമെന്നാണ് ആവശ്യം. ലെബനനിലെ അമേരിക്കന് സര്വകലാശാലകള് സായുധ സംഘങ്ങള് ലക്ഷ്യമിട്ടേക്കാമെന്നും എംബസി മുന്നിറിയിപ്പ് നല്കി. ഇറാന് അമേരിക്കന് യുദ്ധവിമാനം വെടിവച്ചിട്ടതും, ബെയ്റൂട്ടിലും ടെഹ്റാനിലും ഇസ്രയേല് നടത്തിയ ആക്രമണങ്ങളും മേഖലയിലെ സംഘര്ഷം കടുപ്പിച്ചിരിക്കുകയാണ്. അതിനിടെ ലെബനനിലെ യുഎന് കേന്ദ്രത്തിലുണ്ടായ സ്ഫോടനത്തില് മൂന്ന് സമാധാന സേനാംഗങ്ങള്ക്ക് പരുക്കേറ്റു. ഇതില് രണ്ടുപേരുടെ നില ഗുരുതരമാണ്. അതേസമയം അമേരിക്കയും ഇറാനും തമ്മിലുള്ള വെടിനിര്ത്തല് ചര്ച്ചകള് വഴിമുട്ടിയതായി റിപ്പോര്ട്ട്. പാക്കിസ്ഥാന് നേതൃത്വത്തില് നടന്ന അനുരഞ്ജന ശ്രമങ്ങള് പരാജയപ്പെട്ടതായി വാള് സ്ട്രീറ്റ് ജേര്ണല് റിപ്പോര്ട്ട്…
Read More » -
തകര്ന്ന വിമാനത്തിലെ പൈലറ്റിനെ കണ്ടെത്താന് അമേരിക്ക രക്ഷാ പ്രവര്ത്തനം തുടങ്ങി; സഹായിക്കാന് ഇസ്രയേലും; പൈലറ്റിനെ കണ്ടെത്തി ‘വെടിവയ്ക്കാന്’ ആഹ്വാനം ചെയ്ത് ഇറാനിയന് വാര്ത്താ ഏജന്സി; പിടികൂടുന്നവര്ക്ക് വന് തുക വാഗ്ദാനം
ടെഹ്റാന്: തെക്കുപടിഞ്ഞാറന് ഇറാനില് അമേരിക്കന് യുദ്ധ വിമാനം വെടിവച്ചിട്ടെന്നും പൈലറ്റ് പാരച്യൂട്ടില് പുറത്തേക്കു ചാടിയെന്നും ഇറാന് സ്റ്റേറ്റ് മീഡിയ റിപ്പോര്ട്ട് ചെയ്തതിനു പിന്നാലെ യുഎസ് സൈന്യം രക്ഷാപ്രവര്ത്തനം ആരംഭിച്ചു. ഇസ്രായേലും ദൗത്യത്തില് സഹായിക്കുന്നുണ്ടെന്ന് സൈനിക ഉദ്യോഗസ്ഥന് പറഞ്ഞതായി വാര്ത്താ ഏജന്സിയായ അസോസിയേറ്റഡ് പ്രസ് (എപി) റിപ്പോര്ട്ട് ചെയ്തു. തിരച്ചിലും രക്ഷാപ്രവര്ത്തനവും യുദ്ധവിമാനത്തില് നിന്ന് പൈലറ്റ് പുറത്തേക്ക് ചാടിയെന്ന് ഇറാനിയന് മാധ്യമങ്ങള് അവകാശപ്പെടുന്ന മലയോര പ്രദേശത്തിന് മുകളില് അമേരിക്കന് ഡ്രോണുകളും വിമാനങ്ങളും ഹെലികോപ്റ്ററുകളും ഓപ്പറേഷന് നടത്തുന്ന ദൃശ്യങ്ങള് സോഷ്യല് മീഡിയയില് പ്രചരിക്കുന്നുണ്ട്. ഇറാനിയന് മണ്ണില് യുഎസിന് വിമാനം നഷ്ടപ്പെടുന്നത് ആദ്യമായാണ്. വിമാനം വെടിവെച്ചിട്ടതാണോ അതോ തകര്ന്നു വീണതാണോ എന്ന് ഇതുവരെ നിര്ണ്ണയിച്ചിട്ടില്ലാത്തതിനാലും വിമാനത്തില് എത്ര പേരുണ്ടായിരുന്നു എന്ന് അറിയാത്തതിനാലും വിമാനം തകര്ന്ന സാഹചര്യങ്ങള് ഇപ്പോഴും അവ്യക്തമാണ്. നേരത്തേ അപകടരമായി തകരാര് സംഭവിച്ച മറ്റൊരു വിമാനം അടിയന്തര ലാന്ഡിംഗ് നടത്തിയിരുന്നു. പ്രസിഡന്റ് ഡൊണാള്ഡ് ട്രംപിനെ സ്ഥിതിഗതികള് അറിയിച്ചിട്ടുണ്ടെന്ന് വൈറ്റ് ഹൗസ് പ്രസ് സെക്രട്ടറി കരോലിന്…
Read More » -
ആര്എസ്എസ് ക്യാമ്പുകള് ആക്രമിക്കും, വീടുകള് തകര്ക്കും: അതിര്ത്തി സംഘര്ഷങ്ങള്ക്ക് ഇടയില് ഇന്ത്യക്കെതിരെ വീണ്ടും ഭീഷണിയുമായി പാകിസ്ഥാന് പ്രതിരോധ മന്ത്രി; പിടിച്ചു നില്ക്കാനുള്ള തത്രപ്പാടെന്ന് പരിഹസിച്ച് വിദഗ്ധര്
ന്യൂഡല്ഹി: ഭാവിയിലുണ്ടാകുന്ന ഏതൊരു സംഘര്ഷവും മുമ്പുണ്ടായിരുന്ന പരിധികള്ക്ക് അപ്പുറത്തേക്കു വ്യാപിക്കുമെന്നും വീടുകളും ആര്എസ്എസ് ക്യാമ്പുകളും ഉള്പ്പെടെ തകര്ക്കുമെന്നും പാകിസ്ഥാന് പ്രതിരോധ മന്ത്രി ഖവാജ ആസിഫ്. ഒരു പ്രസംഗത്തിലാണ് ഖവാജ ഇന്ത്യക്കെതിരേ കത്തിക്കയറിയതെന്ന് സീ ന്യൂസ് റിപ്പോര്ട്ട് ചെയ്തു. ”ഇത്തവണ സംഘര്ഷം 200 മുതല് 250 കിലോമീറ്റര് വരെയായി പരിമിതപ്പെടില്ല. ഞങ്ങള് അവരുടെ (ഇന്ത്യ) ഭൂപ്രദേശത്ത് കടന്നുകയറുകയും അവരുടെ വീടുകള്ക്കുള്ളില് വെച്ച് തകര്ക്കുകയും ചെയ്യും. ‘അബ് ഹം അന്തര് ഘര് മേം ഘുസ് കേ മാരേംഗെ ഉന്കോ (ഇനി ഞങ്ങള് അവരുടെ വീടുകളില് കയറി അവരെ അടിക്കും). ഇന്ഷാ അള്ളാ (ദൈവം ഇച്ഛിച്ചാല്), അവര് വീണ്ടും ശ്രമിച്ചാല്, കഴിഞ്ഞ വര്ഷത്തേക്കാള് വലിയ അപമാനം അവര് നേരിടേണ്ടിവരും’- ഖവാജ പറഞ്ഞു. അദ്ദേഹം തുടര്ന്നു: ”നിങ്ങള് ഇന്ത്യയെക്കുറിച്ചാണ് സംസാരിക്കുന്നത്, അറിഞ്ഞുകൊള്ളുക, ദൈവം ഇച്ഛിച്ചാല്, അവര് വീണ്ടും ശ്രമിച്ചാല്, മുന്പത്തേക്കാള് കൂടുതല് അപമാനം അവര് അനുഭവിക്കും. ഇത്തവണ അത് പഴയതുപോലെ 200-250 കിലോമീറ്ററില് ഒതുങ്ങില്ല, യുദ്ധം കൂടുതല്…
Read More » -
അമേരിക്കയുടെ ‘സ്റ്റെല്ത്ത്’ സാങ്കേതിക വിദ്യക്ക് അന്ത്യമോ? ലോകത്തെ ഏറ്റവും ചെലവേറിയ രണ്ടാം യുദ്ധ വിമാനവും ഇറാന് വെടിവച്ചിട്ടു? എഫ് 35ന് എതിരേ പാസീവ് ട്രാക്കിംഗ് തന്ത്രമെന്ന് വിദഗ്ധര്; അജ്ഞാത സംവിധാനം എന്ത്? യുഎസ് പൈലറ്റ് കസ്റ്റഡിയിലെന്ന് സൂചന
ടെഹ്റാന്: പാശ്ചാത്യ സൈനിക കേന്ദ്രങ്ങളെ ഞെട്ടിച്ച് ഇറാന്റെ വെളിപ്പെടുത്തല്. ഇറാനിയന് മാധ്യമ ഏജന്സിയായ തസ്നീം (Tansim) നടത്തിയ അവകാശവാദം പാശ്ചാത്യ സൈനിക വൃത്തങ്ങളില് കടുത്ത ആശങ്ക പടര്ത്തിയിരിക്കുകയാണ്. റിപ്പോര്ട്ട് പ്രകാരം, പടിഞ്ഞാറന് ഇറാന് മുകളില് ഐആര്ജിസി എയ്റോസ്പേസ് ഫോഴ്സ് തകര്ത്ത എഫ്-35 ലൈറ്റനിംഗ്-II (F-35 Lightning II) വിമാനത്തിലെ യുഎസ് പൈലറ്റ് നിലവില് ഐആര്ജിസിയുടെ കസ്റ്റഡിയിലാണ്. ഒരു പൈലറ്റിനെ നഷ്ടപ്പെട്ട കാര്യം പെന്റഗണ് ഇതുവരെ സ്ഥിരീകരിച്ചിട്ടില്ലെങ്കിലും, ഇറാനിയന് ആക്രമണത്തില് കേടുപാടുകള് സംഭവിച്ചതിനെത്തുടര്ന്ന് മാര്ച്ച് 19-ന് മറ്റൊരു എഫ്-35 വിമാനം ‘അടിയന്തര ലാന്ഡിംഗ്’ നടത്തിയ സംഭവത്തിന് പിന്നാലെയാണിത്. അമേരിക്കയുടെ ‘സ്റ്റെല്ത്ത്’ സാങ്കേതിക വിദ്യയും കോഡും ഇറാന് ക്രാക്ക് ചെയ്തെന്ന സൂചനയും പുറത്തുവന്നു. സ്റ്റെല്ത്ത് സാങ്കേതികവിദ്യ ഔദ്യോഗികമായി ‘മരിച്ചോ’? ചരിത്രത്തിലെ ഏറ്റവും നൂതനവും ചെലവേറിയതുമായ സ്റ്റെല്ത്ത് യുദ്ധവിമാനമായ എഫ്-35 തകര്ത്തെന്ന റിപ്പോര്ട്ട് സൂചിപ്പിക്കുന്നത്, ‘ലോ-ഒബ്സര്വബിലിറ്റി’ (low-observability) എന്നത് പഴയതുപോലെ ഒരു അജയ്യമായ കവചമല്ല എന്നാണ്. ഒരു വിമാനത്തിന്റെ റഡാര് ക്രോസ്-സെക്ഷന് (ആര്സിഎസ്) കുറച്ചുകൊണ്ടാണ് സ്റ്റെല്ത്ത്…
Read More » -
18 ബാലിസ്റ്റിക് മിസൈലുകൾ, നാല് ക്രൂയിസ് മിസൈലുകൾ, 47 ഡ്രോണുകൾ… അബുദാബിയിൽ ഇറാൻ ആക്രമണത്തിൽ 5 ഇന്ത്യക്കാരടക്കം 12 പേർക്ക് പരുക്ക്, ദുബായിലെ ഹിന്ദു ക്ഷേത്രവും ഗുരുദ്വാരയും ക്രൈസ്തവ ആരാധനാലയങ്ങളും താൽക്കാലികമായി അടച്ചു
ദുബായ്: ഗൾഫ് രാജ്യങ്ങളിലേക്ക് ഇറാന്റെ അതിശക്തമായ വ്യോമാക്രമണം. അബുദാബിയിലെ അജ്ബാനിൽ മിസൈൽ അവശിഷ്ടങ്ങൾ വീണ് അഞ്ച് ഇന്ത്യക്കാരടക്കം 12 പേർക്ക് പരുക്കേറ്റു. കുവൈറ്റിൽ എണ്ണ ശുദ്ധീകരണ കേന്ദ്രവും കുടിവെള്ള- വൈദ്യുതി വിതരണ കേന്ദ്രവും ഇറാൻ ആക്രമിച്ചു. പിന്നാലെ സുരക്ഷാ നടപടികളുടെ ഭാഗമായി ദുബായിലെ ഹിന്ദു ക്ഷേത്രവും ഗുരുദ്വാരയും ക്രൈസ്തവ ആരാധനാലയങ്ങളും താൽക്കാലികമായി അടച്ചിട്ടുണ്ട്. അതേസമയം കഴിഞ്ഞ 24 മണിക്കൂറിനിടെ യുഎഇ, കുവൈത്ത് എന്നിവിടങ്ങളിലേക്ക് അതിശക്തമായ ആക്രമണമാണ് ഇറാൻ നടത്തിയത്. യുഎഇ തലസ്ഥാനമായ അബുദാബിയിലെ അജ്ബാനിൽ നടത്തിയ മിസൈൽ ആക്രമണം യുഎഇ ചെറുത്തെങ്കിലും മിസൈൽ അവശിഷ്ടങ്ങൾ വീണാണ് അഞ്ച് ഇന്ത്യക്കാർക്കും ഏഴ് നേപ്പാൾ സ്വദേശികൾക്കും പരുക്കേറ്റത്. ഇതിൽ ഒരാളുടെ നില ഗുരുതരമാണ്. ഇതോടെ യുഎഇയിൽ ഇറാന്റെ ആക്രമണത്തിൽ പരുക്കേറ്റവരുടെ എണ്ണം 203 ആയി ഉയർന്നു. അജ്ബാനിലാണ് രാജ്യത്തെ പ്രധാന സൗരോർജ പ്ലാന്റുകളിലൊന്ന് പ്രവർത്തിക്കുന്നത്. 18 ബാലിസ്റ്റിക് മിസൈലുകൾ, നാല് ക്രൂയിസ് മിസൈലുകൾ, 47 ഡ്രോണുകൾ എന്നിവ ഉപയോഗിച്ചായിരുന്നു ആക്രമണ ശ്രമമെന്ന് യുഎഇ പ്രതിരോധ…
Read More » -
ഉടന് പണമില്ലെങ്കില് എണ്ണയുമില്ല; വാങ്ങാന് ആളുകള് ഇഷ്ടംപോലെ! ഇന്ത്യയിലേക്ക് പുറപ്പെട്ട ഇറാനിയന് എണ്ണക്കപ്പല് ചൈനയിലേക്ക് വഴിതിരിച്ചു വിട്ടു; പണമിടപാടിലെ പ്രതിസന്ധിയെന്ന് പ്രാഥമിക സൂചന; ഷിപ്പ് ട്രാക്കിംഗ് രേഖകള് പുറത്ത്
ന്യൂയോര്ക്ക്: ഇന്ത്യയിലേക്കു പുറപ്പെട്ട ഇറാനില്നിന്നുള്ള എണ്ണക്കപ്പല് ചൈനയിലേക്കു തിരിച്ചുവിട്ടെന്നു റിപ്പോര്ട്ട്. ഏഴുവര്ഷത്തിനിടെ ആദ്യമായി ഇറാനില്നിന്ന് ഇന്ത്യയിലേക്കു പുറപ്പെട്ട ടാങ്കറായിരുന്നു ഇതെന്നും സൂചനയുണ്ട്. 2002-ല് നിര്മ്മിച്ചതും 2025-ല് യുഎസ് ഉപരോധം ഏര്പ്പെടുത്തിയതുമായ അഫ്രാമാക്സ് (Aframax)കപ്പലായ പിംഗ് ഷുന് (Ping Shun), 6 ലക്ഷം ബാരല് ഇറാനിയന് എണ്ണയുമായി ഇപ്പോള് ചൈനയിലെ ഡോങ്യിംഗിലേക്ക് (Dongying) പോകുന്നതായാണ് ഷിപ്പ് ട്രാക്കിംഗ് ഡാറ്റകള് സൂചന നല്കുന്നത്. ഈ ആഴ്ച ആദ്യം, ടാങ്കര് ഗുജറാത്തിലെ വാഡിനാറില് എത്തേണ്ടിയിരുന്നതാണ് ഇതെന്നാണ് കെപ്ലര് (Kpler) ഡാറ്റ കാണിക്കുന്നു. വാഷിംഗ്ടണ് അടുത്തിടെ നല്കിയ ഉപരോധ ഇളവിനെത്തുടര്ന്ന്, കടലിലുള്ള ഇറാനിയന് എണ്ണ ചരക്കുകള് വാങ്ങുന്നതിനുള്ള സാധ്യതകള് ഇന്ത്യന് റിഫൈനറികള് പരിശോധിക്കുന്നതിനിടെയാണ് പുതിയ സംഭവം. യുഎസ് ഉപരോധത്തെത്തുടര്ന്ന് 2019 മുതല് ഇന്ത്യ ഇറാനില്നിന്ന് എണ്ണ ഇറക്കുമതി ചെയ്തിരുന്നില്ല. ഈ ഷിപ്പ്മെന്റ് ഇന്ത്യയിലെത്തിയിരുന്നെങ്കില് 2019നുശേഷം നടത്തുന്ന ആദ്യ ഇറക്കുമതിയാകുമായിരുന്നു. കഴിഞ്ഞ മൂന്ന് ദിവസമായി കപ്പല് വാഡിനാറിലേക്ക് വരികയായിരുന്നു കപ്പല്. എന്നാല് ലക്ഷ്യസ്ഥാനത്തിന് അടുത്തെത്തിയപ്പോള് ഇന്ത്യയെ ഒഴിവാക്കി ചൈനയിലേക്ക്…
Read More » -
വരുന്നൂ ഭീമന് പക്ഷി! ഇറാന്റെ ഷാഹെദ് ഡ്രോണുകളെ കടത്തി വെട്ടാന് ഇന്ത്യ; നിരീക്ഷണത്തിനും ആക്രമണത്തിനും ഒരേപോലെ ശേഷി; 2000 കിലോമീറ്റര് നിര്ത്താതെ പറക്കും
ന്യൂഡല്ഹി: ഉക്രെയ്നും റഷ്യയും തമ്മിലുള്ളതോ അല്ലെങ്കില് ഇറാന് അമേരിക്കയ്ക്കും ഇസ്രായേലിനും എതിരെ നടത്തുന്നതോ ആയ സമീപകാല യുദ്ധങ്ങളിലെ പ്രധാന ആയുധം ഡ്രോണുകളാണ്, ഇവ നിരീക്ഷണത്തിനും ലക്ഷ്യങ്ങള്ക്കെതിരായ ആക്രമണങ്ങള്ക്കും ഉപയോഗിക്കുന്നു. ഇറാനിയന് ഷാഹെദിനേക്കാള് വലുതും, ആയുധങ്ങള് വഹിക്കാന് ശേഷിയുള്ളതും, നിരീക്ഷണത്തിനായി ഉപയോഗിക്കാന് കഴിയുന്നതുമായ ഒരു ഡ്രോണ് ഹിന്ദുസ്ഥാന് എയറോനോട്ടിക്സ് (HAL) തയ്യാറാക്കുകയാണെന്ന് എച്ച്എഎല് (HAL) ചെയര്മാനും മാനേജിംഗ് ഡയറക്ടറുമായ ഡോ. ഡി കെ സുനില് പറഞ്ഞു. എച്ച്എഎല് ‘ലാര്ജര് ബേര്ഡ്’ പല ഇന്ത്യന് സ്വകാര്യ മേഖലയിലെ കമ്പനികളും ചെറിയ ഡ്രോണുകളെക്കുറിച്ച് ആലോചിക്കുമ്പോള്, എച്ച്എഎല് കൂടുതല് ‘ചെറുതായ’ (compact) ഷാഹെദുമായി താരതമ്യപ്പെടുത്തുമ്പോള് ഒരു ‘വലിയ പക്ഷി’ (larger bird) നിര്മ്മിക്കുന്നതിനുള്ള പ്രവര്ത്തനത്തിലാണെന്ന് ഡോ. സുനില് പറഞ്ഞു. തന്ത്രപരമായ തലത്തില് നിരീക്ഷണ ശേഷി വര്ദ്ധിപ്പിക്കുന്നതിനായി ഇന്ഫന്ട്രി ബറ്റാലിയനുകള്ക്ക് ഡ്രോണുകള് നല്കിക്കൊണ്ട് ഡ്രോണുകളുടെ ഉപയോഗം വര്ദ്ധിപ്പിക്കാന് ഇന്ത്യന് സൈന്യം ഇതിനകം തീരുമാനിച്ചിട്ടുണ്ട്. ഇതിനുപുറമെ, ഇന്ത്യന് സായുധ സേനയ്ക്ക് ഇസ്രായേലി ഹെറോണും (Heron) സെര്ച്ച് II (Search II)-ഉം…
Read More »