Pravasi
-
കേരളത്തില്‍ 10 ഗ്രാം സ്വര്‍ണം വാങ്ങുന്ന വിലയുണ്ടെങ്കില്‍ ദുബായില്‍ 1 ഗ്രാം അധികം വാങ്ങാം
ദുബായ്:അഞ്ച് മാസത്തെ താഴന്ന് നിലയിലാണ് യുഎഇയിൽ സ്വര്‍ണ വില. യുഎഇയിലുള്ള പ്രവാസികളെ കൊണ്ട് സ്വര്‍ണം വാങ്ങിച്ചാല്‍ മലയാളിക്ക് ഏകദേശം 1 ഗ്രാം സൗജന്യം നേടാമെന്നാണ് വിലയിലെ വ്യത്യാസം കാണിക്കുന്നത്. തിങ്കളാഴ്ചയിലെ വില നിലവാരം നോക്കിയാല്‍ 22 കാരറ്റ് ഒരു ഗ്രാം സ്വര്‍ണത്തിന് 212 ദിര്‍ഹമാണ് യുഎഇയിലെ സ്വര്‍ണ വില. ഇത് രൂപയിലേക്ക് മാറ്റുമ്ബോള്‍ ചൊവ്വാഴ്ചയിലെ വിനിമയ നിരക്ക് പ്രകാരം, 4975.99 രൂപയാണ് ഒരു ഗ്രാമിന് യുഎഇയില്‍ ചെലവാക്കേണ്ടി വരുന്നത്. ഒരു പവന് വാങ്ങുമ്ബോള്‍ നല്‍കേണ്ടി വരുന്നത് ഏകദേശം 39,807.92 രൂപയാണ്. കേരളത്തിലെ സ്വര്‍ണ വിലയായ പവന് 43,280 രൂപയുമായി താരതമ്യം ചെയ്യുമ്ബോള്‍ 3,472 രൂപയോളം വ്യത്യാസം ഒരു പവനില്‍ നേടാം. പത്ത് ഗ്രാം വാങ്ങുമ്ബോള്‍ 2,120 ദിര്‍ഹമാണ് യുഎഇയിലെ വില. രൂപയിലേക്ക് മാറ്റുമ്ബോള്‍ 47,950.50 രൂപ വരും. ഇന്നത്തെ വില പ്രകാരം 54,200 രൂപയാണ് കേരളത്തില്‍ 10 ഗ്രാം 22 കാരറ്റിന് നല്‍കേണ്ടി വരുന്ന വില. ഇവിടെ വ്യത്യാസം 6,250 രൂപയാണ്.…
Read More » -
കുവൈത്തില്‍ ഫാമിലി വിസിറ്റ് വിസ ഡിസംബറില്‍ പുനരാരംഭിച്ചേക്കും; പുതിയ വിസാ നിയമത്തിനും സാധ്യത
കുവൈത്ത് സിറ്റി: കുവൈത്തില്‍ ഫാമിലി വിസിറ്റ് വിസ വര്‍ഷാവസാനത്തോടെ പുനരാരംഭിച്ചേക്കും. ഇതുസംബന്ധിച്ച പുതിയ വ്യവസ്ഥകള്‍ ഡിസംബറോടെ നിലവില്‍ വരുമെന്ന് ആഭ്യന്തര മന്ത്രാലയ വൃത്തങ്ങള്‍ സൂചിപ്പിച്ചു. കോവിഡ് കാലത്ത് കുടുംബ സന്ദര്‍ശക വിസ നല്‍കുന്നത് നിര്‍ത്തിവച്ചിരുന്നു. പിന്നീട് 2022 മാര്‍ച്ച് മുതല്‍ പുനരാരംഭിച്ചെങ്കിലും ആരോഗ്യമേഖലയിലെ മുതിര്‍ന്ന ഉദ്യോഗസ്ഥരുടെ കുടുംബാംഗങ്ങള്‍ക്കു മാത്രമാക്കി പരിമിതപ്പെടുത്തി. കുവൈത്തില്‍ വിദേശികള്‍ പെരുകുന്നതും അനധികൃത താമസക്കാരുടെ സാന്നിധ്യവുമാണ് ഫാമിലി വിസിറ്റ് വിസയ്ക്ക് നിയന്ത്രണം ഏര്‍പ്പെടുത്താന്‍ കാരണം. പുതിയ വിസാ നിയമാവലി തയാറായതായും ഉടന്‍ ആഭ്യന്തര മന്ത്രി ഷെയ്ഖ് തലാല്‍ അല്‍ ഖാലിദിന് സമര്‍പ്പിക്കുമെന്നാണ് വിവരം. കുടുംബ സന്ദര്‍ശക വിസാ കാലാവധി 3 മാസത്തില്‍ നിന്ന് 1 മാസമായി കുറയും. സന്ദര്‍ശക വിസക്കാര്‍ക്ക് പ്രത്യേക കാര്‍ഡും ഇന്‍ഷൂറന്‍സും നിര്‍ബന്ധമാക്കുന്നതാണ് മറ്റൊരു മാറ്റം. ഫാമിലി വിസയ്ക്കുള്ള ഇന്‍ഷുറന്‍സിന് 500 ദിനാറാക്കുമെന്ന (1.34 ലക്ഷം രൂപ) സൂചന പ്രവാസികളുടെ ബജറ്റിനെ തകിടം മറിക്കും. കൂടാതെ 3 ദിനാര്‍ (809 രൂപ) ഈടാക്കിയിരുന്ന വീസാ ഫീസും…
Read More » -
മതാന്ധതയിലായിരുന്ന ഒരു സമൂഹത്തിന്റെ ആധുനികതയിലേക്കുള്ള മാറ്റം; സൗദിയുടെ ഇന്നത്തെ വളര്‍ച്ചയ്ക്ക് പിന്നിൽ
കുരിശിന്റെ ചിഹ്നമുള്ളതിനാല്‍ ഷെവര്‍ലെയുടെ വാഹനങ്ങള്‍ക്ക് അപ്രഖ്യാപിത വിലക്ക് ഉണ്ടായിരുന്ന നാട്ടില്‍ ഇന്ന് കുരിശണിഞ്ഞ വിദേശ താരങ്ങള്‍ കളിക്കുന്നു.ആധുനികതയിലേക്ക് മാറുവാന്‍ ശരിയത്ത് നിയമങ്ങള്‍ പോലും റദ്ദാക്കിയ സൗദി ലോകത്തിന് പകരുന്ന പാഠമെന്ത് ? മതത്തിനുമപ്പുറം മാനവികതയ്ക്ക് പ്രാധാന്യം നല്‍കുന്ന രീതിയിലേക്ക് സൗദി മാറിയതെങ്ങനെ? ഇന്ന് ലോകത്ത് യൂറോപ്പിനെ പോലും കിടപിടിക്കുന്ന രീതിയില്‍ പുരോഗമനം നടക്കുന്ന രാജ്യമാണ് സൗദി അറേബ്യ.പൂര്‍ണ്ണമായും ഒരു ഇസ്ലാമിക രാജ്യം എന്ന നിലയില്‍ പരിഗണിക്കപ്പെടുമ്ബോഴും മത നിയമങ്ങള്‍ തീര്‍ത്ത കൂര്‍ത്ത മുനകളുള്ള വേലിക്കെട്ടുകള്‍ തകര്‍ത്തെറിഞ്ഞാണ് സൗദി ഇന്ന് കാണുന്ന ആധുനിക സൗദിയായി രൂപം പ്രാപിച്ചത്. ഒരു പക്ഷെ ലോകത്തെ മറ്റ് മുസ്ലിം രാജ്യങ്ങളിലുള്ള ദാരിദ്ര്യത്തിന്റെ ഭീകര ദൃശ്യങ്ങള്‍ സൗദി ഉള്‍പ്പെടെയുള്ള മറ്റ് മിഡില്‍ ഈസ്റ്റ് മുസ്ലിം രാജ്യങ്ങളില്‍ കാണാനാകത്തതും അതുകൊണ്ടു തന്നെയാണ്. ഈ മുന്നോട്ട് പോക്കില്‍ സൗദി അറേബ്യ കിരീടാവകാശി എംബിഎസ് എന്ന മുഹമ്മദ് ബിൻ സല്‍മാൻ, ശരീഅത്ത് നിയമങ്ങളെപ്പോലും തള്ളി എന്നത് മതത്തിനുമപ്പുറം ലോകത്തെ വിശാലമായിക്കാണുവാൻ ഇന്നത്തെ സൗദി…
Read More » -
മലയാളി ഡോക്ടര്‍ ദുബൈയില്‍ മരിച്ചു
തൃശൂർ: മലയാളി ഡോക്ടര്‍ ദുബൈയില്‍ മരിച്ചു.തൃശൂര്‍ കൊടുങ്ങല്ലൂര്‍ എറിയാട് സ്വദേശി ഡോ. അൻസിലാണ് മരിച്ചത്.35 വയസായിരുന്നു. മസ്തിഷ്കാഘാതത്തെ തുടര്‍ന്ന് ചികിത്സയില്‍ കഴിയുന്നതിനിടെ ഇന്ന് പുലര്‍ച്ചെ ഹൃദയാഘാതമുണ്ടാകുകയായിരുന്നു. അല്‍ഐനിലെ ഒരു ആയുര്‍വേദ ക്ലിനിക്കിലായിരുന്നു ജോലി.എറിയാട് ബ്ലോക്കിന് സമീപം എറമംഗലത്ത് അബൂബക്കര്‍ ഹൈദ്രോസിന്റെയും രഹന ബീഗത്തിന്റെയും മകനാണ്. ഭാര്യ: ഡോ. സഈദ. മക്കള്‍: ഹിബ, ആസിയ ഇഷ
Read More » -
ആകാശത്ത് ഓണസദ്യയുമായി എമിറേറ്റ്സ് എയർലൈൻസ്
ദുബായ്:ആകാശത്ത് ഓണസദ്യയുമായി ദുബായുടെ സ്വന്തം എമിറേറ്റ്സ് എയർലൈൻസ്.ഗൾഫ് നാടുകളിൽ നിന്ന് പല മലയാളികളും ഓണാവധിക്ക് നാട്ടിലേക്ക് എത്താറുണ്ട്,അങ്ങോട്ടുമിങ്ങോട്ടുമുള്ള യാത്രക്കിടയിൽ ഓണസദ്യ കഴിക്കാതെ പോയി എന്ന സങ്കടം ഇനിവേണ്ട.ദുബായിയുടെ സ്വന്തം എമിറേറ്റ്സ് എയർലൈൻസാണ് ഇതിന് പരിഹാരം കണ്ടിരിക്കുന്നത്. ആഗസ്റ്റ് 20 മുതൽ 31വരെ 11 ദിവസം നീളുന്ന ഓണസദ്യയ്ക്കുള്ള ഒരുക്കങ്ങളാണ് എമിറേറ്റ്സ് തുടങ്ങിയിരിക്കുന്നത്.പേപ്പർ വാഴയിലയിലാണ് സദ്യ.എമിറേറ്റ്സിലെ മലയാളി പാചക വിദഗ്ധരാണ് സദ്യ ഒരുക്കാൻ നേതൃത്വം നൽകുന്നത്. ദുബായ് – തിരുവനന്തപുരം, ദുബായ്- കൊച്ചി വിമാനങ്ങളിൽ അത്തം (ഞായർ) മുതൽ സദ്യയുണ്ട്. ഉച്ചയ്ക്കും രാത്രിയിലും ആണ് സദ്യ. അതിരാവിലെ യാത്ര ചെയ്യുന്നവർക്ക് സദ്യ ഉണ്ടാവില്ല. ഫസ്റ്റ് ക്ലാസ്, ബിസിനസ് ക്ലാസ്, ഇക്കണോമി സീറ്റുകളിൽ സദ്യ ലഭിക്കും.ഫസ്റ്റ് ക്ലാസിൽ നോൺ വെജിറ്റേറിയൻ വേണ്ടവർക്ക് 2 ഓപ്ഷൻ ഉണ്ട്. ആലപ്പുഴ ചിക്കൻ കറി അല്ലെങ്കിൽ മട്ടൺ പെപ്പർ ഫ്രൈ. ഉപ്പേരി, ശർക്കരവരട്ടി, കൊണ്ടാട്ടം മുളക്, കുത്തരി, കാളൻ, വെള്ളരിക്ക പച്ചടി, പുളിയിഞ്ചി, എരിശേരി, കൂട്ട്…
Read More » -
പ്രവാസം കഴിഞ്ഞ് തിരിച്ചെത്തിയവർക്ക് നോർക്ക ധനസഹായം; വിവരങ്ങൾ അറിയാം…
തിരുവനന്തപുരം: നോർക്ക-റൂട്ട്സ് മുഖേന പ്രവാസി കേരളീയരുടെ സഹകരണ സംഘങ്ങൾക്ക് ധനസഹായം നൽകുന്ന പദ്ധതിയിലേക്ക് അപേക്ഷ ക്ഷണിക്കുന്നു. പ്രവാസ ജീവിതം കഴിഞ്ഞ് തിരികെയെത്തിയവരുടെ പുനരധിവാസവും സാമ്പത്തിക ഉന്നമനവും ലക്ഷ്യമിട്ട് പ്രവർത്തിക്കുന്ന പ്രവാസി സംഘടനകളുടെ പ്രവർത്തനം മെച്ചപ്പെടുത്തുന്നതിനുവേണ്ടിയാണ് ഒറ്റത്തവണയായി ധനസഹായം നൽകുന്നത്. മൂന്നു ലക്ഷം രുപ വരെയാണ് ധനസഹായം നൽകുക. സഹകരണ സംഘങ്ങളുടെ അടച്ചു തീർത്ത ഓഹരി മൂലധനത്തിൻറെ അഞ്ച് ഇരട്ടിക്ക് സമാനമായ തുകയോ അല്ലെങ്കിൽ പരമാവധി 1 ലക്ഷം രൂപയോ ഏതാണോ കുറവ്, പ്രസ്തുത തുക ഷെയർ പാരിറ്റിയായും 2 ലക്ഷം രൂപ പ്രവർത്തന മൂലധനവും നൽകും. അപേക്ഷിക്കുന്ന സമയത്ത് സംഘത്തിൽ 50 അംഗങ്ങളെങ്കിലും ഉണ്ടായിരിക്കണം രജിസ്ട്രേഷന് ശേഷം 2 വർഷം പൂർത്തിയായിരിക്കുകയും വേണം. എ, ബി ക്ലാസ് അംഗങ്ങൾ പ്രവാസികൾ/തിരിച്ചു വന്നവരായിരിക്കണം. ബൈലോയിൽ സർക്കാർ ധനസഹായം സ്വീകരിക്കുന്നതിന് വ്യവസ്ഥ ഉണ്ടായിരിക്കണം. സംഘത്തിൻറെ മുൻ സാമ്പത്തിക വർഷത്തെ ആഡിറ്റ് റിപ്പോർട്ട് ഹാജരാക്കുകയും വേണം. പൊതു ജനതാൽപര്യമുളള ഉൽപാദന, സേവന, ഐ.ടി, തൊഴിൽ സംരംഭങ്ങൾ…
Read More » -
കുവൈത്തിൽ രണ്ട് ഇന്ത്യന്‍ തൊഴിലാളികളെ കൊല്ലപ്പെട്ട നിലയില്‍ കണ്ടെത്തി
കുവൈത്ത് സിറ്റി:കുവൈത്തിലെ അബ്ദലി ഫാമില്‍ രണ്ട് ഇന്ത്യന്‍ തൊഴിലാളികളെ കൊല്ലപ്പെട്ട നിലയില്‍ കണ്ടെത്തി.കത്തികൊണ്ട് കുത്തിയ നിലയിലായിരുന്നു മൃതദേഹങ്ങൾ കണ്ടെത്തിയത്. വ്യക്തികള്‍ തമ്മിലുള്ള പ്രശ്നമാണോ അതോ കൊലപാതകത്തിന് പിന്നില്‍ മറ്റൊരെങ്കിലുമാണോ എന്നത് വ്യക്തമല്ല. തെളിവുകള്‍ ശേഖരിച്ചു വരുന്നതായും അന്വേഷണം തുടരുകയാണെന്നും കൊലപാതകത്തിന് ക്രിമിനല്‍ കേസ് രജിസ്റ്റര്‍ ചെയ്തതായും സുരക്ഷാ ഉദ്യോഗസ്ഥര്‍ വ്യക്തമാക്കി.
Read More » -
ഭാര്യ ശ്രീജയുടെ നാട്ടില്‍ ഓണംകൂടാൻ പാക് പൗരൻ എത്തും
കോട്ടയം: ഇലക്ഷൻ ചൂടിൽ തിളച്ചു മറിയുന്ന പുതുപ്പള്ളിയിലേക്ക് ഓണം കൂടാൻ പാക് പൗരൻ എത്തുന്നു.പുതുപ്പള്ളിക്കാരി ശ്രീജയുടെ ഭർത്താവും യുഎഇയിലെ അജ്മാനിൽ ജോലി ചെയ്യുന്ന പാകിസ്താൻ പൗരനുമായ തൈമൂര്‍ താരിഖ് ഖുറേഷിയാണ് ഓണം കൂടാൻ കേരളത്തിലേക്ക് എത്തുന്നത്. ധാരാളം മലയാളി സുഹൃത്തുക്കളുള്ള തൈമൂറിന്റെ ഏറെനാളത്തെ ആഗ്രഹമാണ് കേരളത്തില്‍ ഓണം കൂടണമെന്നത്.നാല് മാസങ്ങള്‍ക്ക് മുൻപാണ് വിസക്ക് അപേക്ഷിച്ചത്. ഏറെ പരിശ്രമങ്ങള്‍ക്കൊടുവിലാണ് ഇത് സാധ്യമായതെന്ന് ശ്രീജ പറഞ്ഞു. ഓണത്തിന് തൊട്ടടുത്ത ദിവസങ്ങളില്‍ തൈമൂറും കേരളത്തിലേക്ക് യാത്രതിരിക്കും. 60 ദിവസം ഇന്ത്യയില്‍ തങ്ങാനാണ് വിസ ലഭിച്ചിരിക്കുന്നത്. രണ്ടുവര്‍ഷം മുൻപ് ഒരു ഓണക്കാലത്ത് ഭാര്യക്കൊപ്പം മലയാളികള്‍ക്ക് ഓണാശംസകള്‍ നേര്‍ന്ന് ടിക് ടോക്കില്‍ വൈറലായതോടെ കേരളത്തിലൊരു ഓണം എന്നത് തൈമൂറിന്റെ സ്വപ്‌നമായിരുന്നു.
Read More » -
പരസ്യമായി മദ്യപാനം; അബുദാബിയില്‍ മലയാളികള്‍ പിടിയില്‍
അബുദാബി: പൊതുസ്ഥലങ്ങളില്‍ മദ്യപിച്ചതിന് മലയാളികള്‍ ഉള്‍പ്പെടെ ഒട്ടേറെ വിദേശികള്‍ അറസ്റ്റിലായി. ഇത്തരം പ്രവണതകള്‍ വ്യാപകമായ പശ്ചാത്തലത്തില്‍ പരിശോധന ശക്തമാക്കി. ലേബര്‍ ക്യാംപ്, ബാച്ച്ലേഴ്‌സ് താമസ കേന്ദ്രങ്ങള്‍ എന്നിവ കേന്ദ്രീകരിച്ചാണ് പരിശോധന. ഇന്നലെ മുസഫ ഷാബിയ 12ല്‍ നടന്ന പരിശോധനയില്‍ 5 പേരെ പോലീസ് അറസ്റ്റ് ചെയ്തു. താമസസ്ഥലങ്ങള്‍ക്ക് സമീപം തുറസ്സായ സ്ഥലങ്ങളില്‍ മദ്യപിച്ചതിനാണ് ഇവരെ പിടികൂടിയത്. പ്രതികളെ പ്രോസിക്യൂഷന് കൈമാറി. കോടതി വിധി അനുസരിച്ച് തടവോ പിഴയോ രണ്ടും ചേര്‍ത്തോ ശിക്ഷ ലഭിക്കും. വ്യക്തിഗത ആവശ്യത്തിനു മദ്യം വാങ്ങാന്‍ (മുസ്ലിം അല്ലാത്തവര്‍ക്ക്) യുഎഇയില്‍ (ഷാര്‍ജയില്‍ ഒഴികെ) അനുമതിയുണ്ട്. താമസസ്ഥലത്തോ അംഗീകൃത ഹോട്ടലിലോ ടൂറിസം കേന്ദ്രങ്ങളിലോ മദ്യപിക്കാം. തുറസ്സായ സ്ഥലങ്ങളില്‍ മദ്യപിക്കരുതെന്നാണ് നിയമം. വ്യക്തികള്‍ മദ്യം വില്‍ക്കുന്നതും ശേഖരിക്കുന്നതും നിയമലംഘനമാണ്. മദ്യപിച്ച് വാഹനം ഓടിച്ചാല്‍ തടവിനു പുറമെ 50,000 ദിര്‍ഹം (11.31 ലക്ഷം രൂപ) വരെ പിഴയും ലഭിക്കാം. ചില കേസുകളില്‍ നാടുകടത്തലുമുണ്ടാകും. ഷാര്‍ജ എമിറേറ്റില്‍ മദ്യം വാങ്ങാനോ വില്‍ക്കാനോ ഉപയോഗിക്കാനോ പാടില്ലെന്നാണ്…
Read More » -
അബുദാബിയിൽ റോഡരികിൽ മരിച്ചനിലയിൽ കണ്ടെത്തിയത് ആലുവ സ്വദേശിയെ
അബുദാബി: റോഡരികിൽ മരിച്ചനിലയിൽ കണ്ടെത്തിയത് ആലുവ സ്വദേശിയായ യുവാവിനെ.ആലുവ കോട്ടപ്പുറം സ്വദേശി അടക്ക്യാപ്പറമ്ബില്‍ നിസാര്‍ (47) ആണ് മരിച്ചത്. ഈ മാസം ആറിനാണ് നിസാറിനെ റോഡില്‍ മരിച്ചനിലയില്‍ കണ്ടെത്തിയത്. ആദ്യം മൃതദേഹം തിരിച്ചറിഞ്ഞിരുന്നില്ല.അബുദാബിയിലെ സാമൂഹിക പ്രവര്‍ത്തകൻ ഷകീവ് ഹംസയുടെ ഇടപെടലാണ് ബന്ധുക്കളെ കണ്ടെത്താൻ സഹായിച്ചത്. വെള്ളിയാഴ്ച സഹോദരനടക്കമുള്ള കുടുംബമെത്തി മൃതദേഹം തിരിച്ചറിഞ്ഞു. മരിച്ച നിസാര്‍ 15 വര്‍ഷമായി പ്രവാസിയാണ്. പരേതനായ ഉസ്മാന്റെയും ഫാത്തിമയുടെയും മകനാണ്. ഭാര്യ: കല്ലുംപുറത്ത് അലിയാര്‍ നിഷ, മക്കള്‍: ഹെന, നോയ.കബറടക്കം നാട്ടില്‍.
Read More »