NEWS
-
ആത്മഹത്യയെന്ന് ബന്ധുക്കൾ: തലയോട്ടി അടിച്ചു തകർത്ത് ക്രൂരമായി കൊലപ്പെടുത്തി എന്ന് തെളിവുകളോടെ പൊലീസ്
തൂങ്ങിമരിച്ചു എന്നു പറഞ്ഞ് ബന്ധുക്കൾ ആശുപത്രിയിലെത്തിച്ച യുവാവിൻ്റെ മരണം ക്രൂരമായ കൊലപാതകമെന്ന് ഒടുവിൽ തെളിഞ്ഞു. പീരുമേട് പള്ളിക്കുന്ന് വുഡ് ലാൻസ് എസ്റ്റേറ്റിലെ കൊല്ലമറ്റത്തു ബാബുവിന്റെ മകൻ ബിബിനാണ് (29) ബന്ധുക്കളുടെ മുന്നിൽവച്ച് മർദ്ദനമേറ്റു കൊല്ലപ്പെട്ടത്. സഹോദരിയുടെ മകളുടെ പിറന്നാൾ ആഘോഷത്തിനിടെ ഇയാൾ ക്രൂരമർദനമേറ്റു കൊല്ലപ്പെടുകയായിരുന്നു എന്ന് പൊലീസ് കണ്ടെത്തി. കസ്റ്റഡിയിലെടുത്ത 5 പേർ മുൻകൂട്ടി തയാറാക്കിയ തിരക്കഥയുടെ അടിസ്ഥാനത്തിൽ മൊഴി നൽകിയതിനാൽ അവസാന പ്രതിപ്പട്ടികയ്ക്കു രൂപം നൽകാൻ പൊലീസിനു കഴിഞ്ഞിട്ടില്ല. ബിബിന്റെ സഹോദരി വിനീതയുടെ മകളുടെ പിറന്നാൾ ആഘോഷിക്കാൻ കുടുംബാംഗങ്ങൾക്കു പുറമേ വിനീതയുടെ പുരുഷ സുഹൃത്തുക്കൾ ഉൾപ്പെടെയുള്ളവരും വീട്ടിൽ എത്തിയിരുന്നു. ഇവിടെവച്ചു വാക്കുതർക്കത്തെ തുടർന്നു ബിബിനെ മർദ്ദിക്കുകയായിരുന്നു. നാഭിക്കു ചവിട്ടേറ്റു വീണ ബിബിനു തലയ്ക്കും അടിയേറ്റു. ഈ സമയം പിതാവും അമ്മാവനും ഉൾപ്പെടെയുള്ളവർ സ്ഥലത്തുണ്ടായിരുന്നു. കുഴഞ്ഞുവീണ ബിബിനെ പീരുമേട് താലൂക്കാശുപത്രിയിൽ എത്തിച്ചു. ഡോക്ടർ പറഞ്ഞപ്പോഴാണത്രേ ബിബിൻ മരിച്ചെന്ന് അറിയുന്നത്. വീട്ടിലെ ശുചിമുറിയിൽ കെട്ടിത്തൂങ്ങി നിൽക്കുന്നതായി കണ്ടു എന്നായിരുന്നു ബന്ധുക്കൾ …
Read More » -
മൊഴി ഓര്‍മയില്ലെന്ന് 3 പേര്‍, കേസിന് താത്പര്യമില്ലെന്ന് 5 പേര്‍; ഹേമകമ്മിറ്റി റിപ്പോര്‍ട്ടില്‍ അമിക്കസ് ക്യൂറി
കൊച്ചി: ഹേമ കമ്മിറ്റി റിപ്പോര്‍ട്ടിലെ നിയമനിര്‍മാണ ശുപാര്‍ശകളില്‍ കോടതിയെ സഹായിക്കാന്‍ അമിക്കസ് ക്യൂറിയെ നിയമിച്ച് ഹൈക്കോടതി. അഡ്വ. മിത സുധീന്ദ്രനെയാണ് കോടതി അമിക്കസ് ക്യൂറിയായി നിയമിച്ചത്. ഹേമ കമ്മിറ്റി റിപ്പോര്‍ട്ടിന്റെ അടിസ്ഥാനത്തില്‍ 26 കേസുകളെടുത്തെന്ന് സര്‍ക്കാര്‍ കോടതിയെ അറിയിച്ചു. ജസ്റ്റിസ് എ.കെ. ജയശങ്കരന്‍ നമ്പ്യാര്‍, ജസ്റ്റിസ് സി.എസ്. സുധ എന്നിവരടങ്ങിയ ബെഞ്ച് കേസ് പരിഗണനയ്ക്ക് എടുത്തപ്പോഴാണ് സര്‍ക്കാര്‍ കോടതിയെ ഇക്കാര്യം അറിയിച്ചത്. 18 കേസുകളില്‍ മൊഴി നല്‍കിയവര്‍ സാവകാശം ആവശ്യപ്പെട്ടു. കേസുമായി മുന്നോട്ടുപോകാന്‍ താത്പര്യമില്ലെന്ന് അഞ്ചുപേര്‍ അറിയിച്ചു. മറ്റ് മൂന്നുപേര്‍ തങ്ങള്‍ അങ്ങനെയൊരു മൊഴി ഹേമ കമ്മിറ്റിക്ക് നല്‍കിയതായി ഓര്‍ക്കുന്നില്ലെന്ന് അന്വേഷണ സംഘത്തെ അറിയിച്ചുവെന്നും അഡ്വക്കറ്റ് ജനറല്‍ കോടതിയെ അറിയിച്ചു. വനിതാ ചലച്ചിത്ര പ്രവര്‍ത്തകരുടെ സംഘടനയായ വുമണ്‍ ഇന്‍ സിനിമ കളക്ടീവ് (ഡബ്യു.സി.സി.) നിയമനിര്‍മാണത്തിനുള്ള കരട് നിര്‍ദേശം കോടതിയില്‍ സമര്‍പ്പിച്ചു. ഇത് പരിഗണിക്കാമെന്ന് കോടതി വ്യക്തമാക്കി. പ്രത്യേക അന്വേഷണ സംഘത്തിന്റെ അന്വേഷണം ശരിയായ രീതിയിലാണ് മുന്നോട്ടുപോകുന്നതെന്ന് കോടതി നിരീക്ഷിച്ചു. നവംബര്‍ 21-ന്…
Read More » -
സിനിമയില്‍ അഭിനയിക്കണം; ജയിലില്‍ കഴിയുന്ന പ്രതിയുടെ മുടിവെട്ടരുതെന്ന് കോടതി
കൊല്ലം: ജില്ലാ ജയിലില്‍ തടവില്‍ കഴിയുന്ന പ്രതിയുടെ മുടി വെട്ടരുതെന്നു കോടതി ഉത്തരവ്. ചലച്ചിത്ര രംഗത്ത് പ്രവര്‍ത്തിക്കുന്ന ആര്‍.എസ്.ജ്യോതിയുടെ (38) മുടി ജയിലധികൃതര്‍ വെട്ടരുതെന്നാണ് കൊല്ലം ചീഫ് ജുഡീഷ്യല്‍ മജിസ്ട്രേട്ട് കെ.വി.നൈന ഉത്തരവായത്. ജുഡീഷ്യല്‍ കസ്റ്റഡിയില്‍ കഴിയവേ അധികൃതര്‍ മുടി വെട്ടാന്‍ ശ്രമിച്ചതിനെതിരെയാണ് കോടതിയെ സമീപിച്ചത്. തമിഴ് സിനിമയില്‍ അഭിനയിക്കുന്നതിനു വേണ്ടിയാണ് മുടി വളര്‍ത്തിയതെന്നു പറയുന്നു. ട്രെയിന്‍ യാത്രയ്ക്കിടയില്‍ മോശമായി പെരുമാറി എന്നു കാണിച്ചു യുവതി നല്‍കിയ പരാതിയില്‍ കൊല്ലം റെയില്‍വേ പൊലീസ് ആണ് പ്രതിയെ അറസ്റ്റ് ചെയ്തത്. പ്രതിക്കു വേണ്ടി അഭിഭാഷകരായ വേണു ജെ.പിള്ള, വൈശാഖ് വി.നായര്‍, എസ്.ശ്രീജിത്ത് എന്നിവര്‍ ഹാജരായി.
Read More » -
ദുരിതബാധിതര്‍ക്കു പുഴുവരിച്ച ഭക്ഷ്യധാന്യങ്ങള്‍: മേപ്പാടി പഞ്ചായത്ത് ഓഫീസിലേക്ക് ഡിവൈഎഫ്‌ഐ മാര്‍ച്ച്, സംഘര്‍ഷം
വയനാട്: മുണ്ടക്കൈ-ചൂരല്‍മല ദുരന്തബാധിതര്‍ക്കു പുഴുവരിച്ച അരി വിതരണം ചെയ്തു എന്നാരോപിച്ച് മേപ്പാടി പഞ്ചായത്ത് ഓഫീസിലേക്ക് ഡിവൈഎഫ്‌ഐ നടത്തിയ മാര്‍ച്ച് അക്രമാസക്തമായി. പഞ്ചായത്തില്‍നിന്നു വിതരണം ചെയ്തത് പുഴുവരിച്ച് പ്രാണികള്‍ നിറഞ്ഞതും കേടുവന്നതുമായ ഭക്ഷ്യധാന്യങ്ങളും പഴഞ്ചന്‍ വസ്ത്രങ്ങളുമാണെന്നാണ് ഡിവൈഎഫ്‌ഐയുടെ പരാതി. പഴയ വസ്ത്രങ്ങളും പുഴുവരിച്ച അരിയുമായി ഓഫിസിലെത്തിയ ഡിവൈഎഫ്‌ഐ പ്രവര്‍ത്തകര്‍ പഞ്ചായത്ത് പ്രസിഡന്റിന്റെ മുറിയിലേക്കു കയറി പ്രതിഷേധമറിയിച്ചു. മേശയും കസേരയും തട്ടിമറിച്ചിട്ടു. സ്ഥലത്ത് സംഘര്‍ഷാവസ്ഥ തുടരുകയാണ്. യുഡിഎഫാണ് മേപ്പാടി പഞ്ചായത്ത് ഭരിക്കുന്നത്. ലഭിച്ച അരിയും റവയും ഉള്‍പ്പെടെയുള്ള സാധനങ്ങള്‍ ഉപയോഗിക്കാനാവില്ലെന്ന് ഗുണഭോക്താക്കള്‍ പറയുന്നു. മൃഗങ്ങള്‍ക്കു പോലും നല്‍കാന്‍ കഴിയാത്ത ഭക്ഷ്യവസ്തുക്കളാണ് നല്‍കിയിരിക്കുന്നതെന്നും വസ്ത്രങ്ങള്‍ ഉപയോഗിച്ചവയാണെന്നും ദുരന്ത ബാധിതരും ആരോപിച്ചു.
Read More » -
മുന്‍കാമുകനെ വകവരുത്താന്‍ കടുംകൈ; 16കാരിയുടെ പ്രതികാരത്തില്‍ ജീവന്‍ നഷ്ടമായത് അഞ്ച് പേര്‍ക്ക്
അബുജ: മുന്‍കാമുകനോടുളള പക തീര്‍ക്കാന്‍ പെണ്‍കുട്ടിയുണ്ടാക്കിയ കൊടിയ വിഷം കലര്‍ന്ന സൂപ്പ് കഴിച്ച അഞ്ച് പേര്‍ക്ക് ദാരുണാന്ത്യം. നൈജീരിയയിലെ എഡോ സ്റ്റേറ്റിലാണ് ഞെട്ടിപ്പിക്കുന്ന സംഭവം അരങ്ങേറിയത്. സംഭവത്തില്‍ കാമുകി ഐഷാ സുലൈമാനെ (16) അറസ്റ്റ് ചെയ്തിട്ടുണ്ട്. പെണ്‍കുട്ടിയുടെ കാമുകന്‍ ഇമ്മാനുവല്‍ എലോജിയും (19) നാല് സുഹൃത്തുക്കളുമാണ് കൊല്ലപ്പെട്ടത്. ഡെയ്ലി സ്റ്റാര്‍ റിപ്പോര്‍ട്ട് ചെയ്തനുസരിച്ച് അഞ്ച് പേരെ വീട്ടിനുളളിലെ മുറിക്കുളളില്‍ മരിച്ച നിലയില്‍ കണ്ടെത്തുകയായിരുന്നു. കുടുംബാംഗങ്ങളെ നാളുകളായി പുറത്ത് കാണാതിരുന്നതിനെ തുടര്‍ന്ന് പ്രദേശവാസികള്‍ നടത്തിയ അന്വേഷണത്തിലാണ് മൃതദേഹങ്ങള്‍ കണ്ടെത്തിയത്. പിന്നാലെ പൊലീസ് നടത്തിയ അന്വേഷണത്തിലാണ് യുവതിയുടെ പ്രതികാര കഥ പുറത്തുവന്നത്. മുന്‍ കാമുകനോടുളള പക തീര്‍ക്കാന്‍ വേണ്ടിയാണ് സൂപ്പില്‍ കൊടിയ വിഷം കലര്‍ത്തിയത്. യുവാവിനെ കൊലപ്പെടുത്തുകയായിരുന്നു ലക്ഷ്യമെന്ന് ചോദ്യം ചെയ്യലില്‍ പ്രതി മൊഴി നല്‍കി. എഡോ സ്റ്റേറ്റ് പൊലീസ് വക്താവ് മോസസ് യാമുവും സംഭവത്തില്‍ പ്രതികരിച്ചു. സംഭവത്തില്‍ വിശദമായ പരിശോധന നടന്നുവരികയാണ്. അഞ്ച് പേര്‍ ദുരൂഹ സാഹചര്യത്തില്‍ മരിച്ചത് ഭക്ഷ്യവിഷബാധയോ ജനറേറ്ററില്‍ നിന്ന്…
Read More » -
ഒരുമാസം മുമ്പു നാട്ടിലെത്തിയ പ്രവാസി യുവാവ് ട്രെയിന്‍ ഇടിച്ച് മരിച്ചതില്‍ ദുരൂഹത; കൂട്ടുകാര്‍ വിളിച്ചിട്ടാണു പുറത്തുപോയതെന്നും അന്വേഷിക്കണമെന്നും ആവശ്യം
മലപ്പുറം: പ്രവാസി യുവാവ് കുറ്റിപ്പുറത്ത് ട്രെയിന്‍ ഇടിച്ചു മരിച്ചതില്‍ ദുരൂഹതയെന്നും അന്വേഷണം വേണമെന്നും ബന്ധുക്കള്‍. കുറ്റിപ്പുറം ഗവ. ആശുപത്രിക്ക് സമീപം താമസിക്കുന്ന മേലേതില്‍ ഇക്ബാലാ(25)ണ് കഴിഞ്ഞ ദിവസം മരിച്ചത്. ചൊവ്വാഴ്ച്ച രാത്രി 11.45ഓടെയാണു സംഭവം. ചെമ്പിക്കല്‍ മഞ്ചാടിയില്‍ വെച്ചു ഒരാളെ ഗാന്ധിധാം എക്‌സ്പ്രസ് തട്ടിയെന്ന വിവരത്തിന്റെ അടസ്ഥാനത്തില്‍ കുറ്റിപ്പുറം പോലീസ് നടത്തിയ പരിശോധനയിലാണു ഇക്ബാലിനെ ഗുരുതര പരുക്കുകളോടെ കണ്ടെത്തിയത്. സംഭവ സമയത്ത് ജീവനുണ്ടായിരുന്നു. തുടര്‍ന്നു തൊട്ടടുത്തുള്ള സ്വകാര്യാശുപത്രിയില്‍ എത്തിച്ച ശേഷമാണു മരണം സംഭവിച്ചത്. കുറ്റിപ്പുറം റെയില്‍വേ സ്റ്റേഷനില്‍ ട്രെയിന്‍ തട്ടിയ നിലയിലായിരുന്നു ഇക്ബാലിനെ കണ്ടെത്തിയത്. കഴിഞ്ഞ ദിവസം 8 മണിയോടെ കൂട്ടുകാരന്‍ വിളിച്ചിട്ടാണ് ഇക്ബാല്‍ പുറത്തേക്ക് പോയത്. പിന്നീടാണ് മരണവിവരം വീട്ടുകാര്‍ അറിയുന്നത്. ഇക്ബാല്‍ റെയില്‍വേ ഭാഗത്തേക്ക് പോകാനുള്ള ഒരു സാധ്യതയും ഇല്ലെന്നും കൂടെയുണ്ടായിരുന്നത് ആരൊക്കെ ആയിരുന്നു എന്നുള്ളതൊന്നും അറിയില്ലെന്നുമാണ് ബന്ധുക്കള്‍ പറയുന്നത്. ഇക്ബാലിന്റെ കൂടെയുണ്ടായിരുന്ന സുഹൃത്തുക്കളെ ഫോണില്‍ ബന്ധപ്പെടാന്‍ ശ്രമിച്ചെങ്കിലും അവര്‍ ആരും ഫോണെടുത്തില്ലെന്നും ബന്ധുക്കള്‍ പറയുന്നു. വിദേശത്തുനിന്നും ഒരു…
Read More » -
അടികിട്ടിയ കുട്ടിയെ നോക്കി ചിരിച്ചത് പ്രകോപനമായി; അധ്യാപകന്‍ വയറ്റിലടിച്ച കുട്ടി ആശുപത്രിയില്‍, പരാതി
തൃശൂര്‍: വയറ്റില്‍ അധ്യാപകന്റെ ചൂരലടിയേറ്റ ആറാംക്ലാസ് വിദ്യാര്‍ഥി ആശുപത്രിയിലായി. മതിലകം സെയ്ന്റ് ജോസഫ്‌സ് സ്‌കൂളില്‍ ചൊവ്വാഴ്ച ഉച്ചയ്ക്കുശേഷമാണ് സംഭവം. രക്ഷിതാക്കളുടെ പരാതിയെത്തുടര്‍ന്ന് പള്ളിവളവ് സ്വദേശിയായ കെ.ജെ. ആന്റണി എന്ന അധ്യാപകന്റെ പേരില്‍ കേസെടുത്തു. ക്ലാസില്‍ പിറകിലിരുന്നു സംസാരിച്ച മറ്റൊരു കുട്ടിയെയാണ് അധ്യാപകന്‍ ആദ്യം അടിച്ചത്. ഈ കുട്ടിയെ നോക്കി ചിരിക്കുന്നതുകണ്ട് പ്രകോപിതനായാണ് രണ്ടാമത്തെ കുട്ടിയെ മര്‍ദിച്ചതെന്നാണ് പരാതിയിലുള്ളത്. പടിയൂര്‍ സ്വദേശിയായ കുട്ടിക്കാണ് മര്‍ദനമേറ്റത്. കുട്ടിയുടെ വയറിന്റെ ഭാഗത്ത് അടിയേറ്റ പാടുണ്ട്. മുന്‍പും അധ്യാപകനില്‍നിന്ന് ഇത്തരം പെരുമാറ്റമുണ്ടായിട്ടുണ്ടെന്നാണ് പറയുന്നത്. പലതവണ അധ്യാപകനെ താക്കീത് ചെയ്തിരുന്നതായും സംഭവത്തില്‍ സ്‌കൂള്‍ മാനേജര്‍ക്ക് പരാതി നല്‍കുമെന്നും പ്രധാനാധ്യാപകന്‍ പറഞ്ഞു.
Read More » -
ഇന്‍സ്റ്റഗ്രാമില്‍ പരിചയം, ഹോട്ടലിലെത്തിച്ച് പീഡനം; ഗര്‍ഭഛിദ്രം നടത്തിയെന്നും യുവതിയുടെ പരാതി, അറസ്റ്റ്
കാസര്‍ഗോട്: മട്ടന്നൂര്‍ സ്വദേശിനിയായ യുവതിയെ കാഞ്ഞങ്ങാട്ടെത്തിച്ച് പീഡിപ്പിച്ചുവെന്ന കേസില്‍ ഒരാളെ ഹൊസ്ദുര്‍ഗ് പോലീസ് അറസ്റ്റുചെയ്തു. മഡിയനിലെ സിനാന്‍ (23) ആണ് അറസ്റ്റിലായത്. കേസില്‍ ഉള്‍പ്പെട്ട ഇയാളുടെ സുഹൃത്ത് ഇത്യാംസ് ഒളിവിലാണ്. ഇന്‍സ്റ്റഗ്രാമില്‍ പരിചയപ്പെട്ട യുവതിയെ ഒന്നിലേറെ തവണ കാഞ്ഞങ്ങാട്ടെ ഹോട്ടല്‍ മുറിയിലെത്തിച്ച് പീഡിപ്പിച്ചുവെന്നാണ് കേസ്. നിര്‍ബന്ധിച്ച് ഗര്‍ഭഛിദ്രം നടത്തിയെന്നും യുവതി നല്‍കിയ പരാതിയില്‍ പറഞ്ഞു. മട്ടന്നൂര്‍ പോലീസിനാണ് ആദ്യം പരാതി നല്‍കിയത്. സംഭവം നടന്നത് കാഞ്ഞങ്ങാട്ടായതിനാല്‍ പരാതി ഹൊസ്ദുര്‍ഗ് പോലീസിന് കൈമാറുകയായിരുന്നു.
Read More » -
പൊലീസ് സ്റ്റേഷനുകളില്‍നിന്ന് സര്‍ക്കാരിന് കോടികള്‍ വരുമാനമുണ്ടാക്കാം, ചെയ്യേണ്ടത് ഇതെല്ലാം
കോഴിക്കോട്: തുരുമ്പെടുത്തും ഇഴജന്തുക്കള്‍ താവളമാക്കിയും പൊലീസ് സ്റ്റേഷന്‍ വളപ്പുകളില്‍ നശിക്കുന്നത് കോടികളുടെ കസ്റ്റഡി വാഹനങ്ങള്‍. വിവിധ കേസുകളിലും അപകടങ്ങളിലും പൊലീസും എക്സൈസും പിടിച്ചെടുക്കുന്ന തൊണ്ടിമുതലാണ് തുരുമ്പെടുത്ത് തീരുന്നത്. നഗരത്തിലെ സ്റ്റേഷനുകളില്‍ മാത്രം ഇത്തരത്തില്‍ 1000 ത്തോളം വാഹനങ്ങളുണ്ട്. ഓരോ സ്റ്റേഷനുകളിലും 200ലധികം വാഹനങ്ങള്‍ വരും. പ്രതികള്‍ ഉപേക്ഷിച്ചതുള്‍പ്പെടെ ഏറെയും ഇരുചക്രവാഹനങ്ങളാണ്. വര്‍ഷങ്ങളായി സ്റ്റേഷന്‍ വളപ്പിലും പരിസരത്തുമായി പിടിച്ചിട്ടിരിക്കുന്ന വാഹനങ്ങള്‍ ഇപ്പോള്‍ ഇഴജന്തുകളുടെയും തെരുവുനായ്ക്കളുടെയും താവളമാണ്. റോഡരികിലെ വാഹനങ്ങള്‍ സാമൂഹിക വിരുദ്ധരും താവളമാക്കുന്നു. റോഡിരികില്‍ പിടിച്ചിടുന്ന വാഹനങ്ങള്‍ ഗതാഗത തടസമുണ്ടാക്കുന്നതായും ആരോപണമുണ്ട്. ഇത്തരം വാഹനങ്ങളുടെ ടയറുകള്‍, ബാറ്ററി, മ്യൂസിക് സിസ്റ്റം തുടങ്ങിയവ കളവുപോകുന്നത് നിത്യ സംഭവമാണ്. കൂട്ടിയിടുന്ന വാഹനങ്ങള്‍ തീപിടിത്തത്തിനും കാരണമാകുന്നു. വാഹനങ്ങള്‍ നീക്കം ചെയ്യാന്‍ സ്പെഷ്യല്‍ ടീമും, വേര്‍തിരിച്ചുള്ള ഡാറ്റയും ഇല്ലാത്തതാണ് പൊലീസിന് തലവേദനയും പേരുദോഷവും ഉണ്ടാക്കുന്നത്. സര്‍ക്കാര്‍ നിര്‍ദ്ദേശം കടലാസില്‍ പിടിച്ചെടുക്കുന്ന വാഹനങ്ങള്‍ കോടതി ആവശ്യപ്പെട്ടാലല്ലാതെ കസ്റ്റഡിയില്‍ സൂക്ഷിക്കരുതെന്ന സര്‍ക്കാര്‍ നിര്‍ദ്ദേശം പലപ്പോഴും പാലിക്കപ്പെടുന്നില്ല. പിടിച്ചെടുത്ത വാഹനത്തിന്റെ ഫോട്ടോയെടുത്ത് രണ്ടാഴ്ചയ്ക്കകം…
Read More » -
ആശുപത്രിയുടേതിനു പകരം സ്വന്തം ക്യുആര്‍ കോഡ് കാണിച്ച് 52.24 ലക്ഷം തട്ടി; കാഷ്യറായ യുവതി പിടിയില്‍
ചെന്നൈ: ക്യുആര്‍ കോഡില്‍ കൃത്രിമം കാണിച്ച് 2 വര്‍ഷത്തിനിടെ അരക്കോടിയിലേറെ രൂപ തട്ടിയെടുത്തെന്ന പരാതിയില്‍ അണ്ണാനഗറിലെ സ്വകാര്യ ആശുപത്രി കാഷ്യറായ യുവതി പിടിയില്‍. ആശുപത്രിയുടെ ബാങ്ക് അക്കൗണ്ടിന്റെ ക്യുആര്‍ കോഡിനു പകരം തന്റെ ബാങ്ക് അക്കൗണ്ട് ക്യുആര്‍ കോഡ് കാണിച്ച് 52.24 ലക്ഷം രൂപ തട്ടിയെന്ന കേസില്‍ തിരുവാരൂര്‍ സ്വദേശി എം.സൗമ്യയാണു (24) പിടിയിലായത്. ആശുപത്രി ബാങ്ക് അക്കൗണ്ടിന്റെ ക്യുആര്‍ കോഡ് പ്രവര്‍ത്തിക്കുന്നില്ലെന്നു വിശ്വസിപ്പിച്ചായിരുന്നു തട്ടിപ്പ്. ക്രൈംബ്രാഞ്ച് അറസ്റ്റു ചെയ്ത യുവതിയെ റിമാന്‍ഡ് ചെയ്തു. പല ബില്ലുകളും രജിസ്റ്ററില്‍ രേഖപ്പെടുത്തിയിട്ടില്ലെന്ന് ഇന്റേണല്‍ ഓഡിറ്റില്‍ കണ്ടെത്തിയതിനെ തുടര്‍ന്ന് അണ്ണാനഗറില്‍ ഫെര്‍ട്ടിലിറ്റി ഹോസ്പിറ്റല്‍ നടത്തുന്ന ഡോ.ബി.മൈഥിലി നല്‍കിയ പരാതിയിലാണ് അറസ്റ്റ്. കഴിഞ്ഞ മേയ് മുതല്‍ സംശയം തോന്നിയ ആശുപത്രി അധികൃതര്‍ ഒരു മാസത്തെ രേഖകള്‍ പരിശോധിച്ചപ്പോള്‍ ചില രോഗികളുടെ വിവരങ്ങള്‍ റജിസ്റ്ററില്‍ ചേര്‍ത്തിട്ടില്ലെന്നു കണ്ടെത്തി. 2022 ഫെബ്രുവരി മുതല്‍ സൗമ്യ പണം തട്ടുന്നതായും തെളിഞ്ഞു.
Read More »