Local
-
നവകേരള സദസിന്റെ പോസ്റ്റര് ഒട്ടിക്കാന് ശുചീകരണ തൊഴിലാളികള്ക്ക് നഗരസഭാ സെക്രട്ടറിയുടെ നിര്ദേശം; അനുസരിക്കാത്തവര് ജോലിക്ക് വരണ്ടെന്ന് സെക്രട്ടറിയുടെ ഭീഷണി
കൊച്ചി: ജോലി സമയം കഴിഞ്ഞ് നവകേരള സദസിൻറെ പോസ്റ്റർ ഒട്ടിക്കാൻ പെരുമ്പാവൂർ നഗരസഭയിലെ ശുചീകരണ തൊഴിലാളികൾക്ക് നഗരസഭാ സെക്രട്ടറിയുടെ നിർദേശം. അനുസരിക്കാത്തവർ ജോലിക്ക് വരണ്ടെന്ന് സെക്രട്ടറി ഭീഷണിപ്പെടുത്തിയതായി തൊഴിലാളികൾ ആരോപിച്ചു. യുഡിഎഫ് ഭരിക്കുന്ന നഗരസഭയിൽ സെക്രട്ടറിയുടെ നടപടിക്കെതിരെ രൂക്ഷ വിമർശനമാണ് ഉയരുന്നത്. പുലർച്ചെ ആറ് മുതൽ ഉച്ചയ്ക്ക് ഒരു മണി വരെ നഗര ശുചീകരണം. നടുവൊടിയുന്ന ജോലി കഴിഞ്ഞ് വീട്ടിലേക്ക് മടങ്ങാനൊരുങ്ങുമ്പോഴാണ് ശുചീകരണ തൊഴിലാളികൾക്ക് കെട്ട് കണക്കിന് നവകേരള സദസിൻറെ പ്രചാരണ പോസ്റ്ററുകൾ കയ്യിലേക്ക് ലഭിക്കുക. നഗരത്തിൽ എല്ലായിടത്തും ഒട്ടിക്കണമെന്നാണ് നിർദേശം. പോസ്റ്ററുകൾ ഒട്ടിക്കുന്നതിന് പ്രശ്നമില്ലെന്നും പക്ഷേ അതിന് കൂലി കൂട്ടി നൽകണമെന്നാണ് തൊഴിലാളികൾ ആവശ്യപ്പെടുന്നത്. അല്ലെങ്കിൽ ഡ്യൂട്ടി ഓഫ് നൽകണം. അതുമല്ലെങ്കിൽ രാവിലെ ജോലിക്കിടെ തന്നെ പോസ്റ്റർ ഒട്ടിക്കാൻ അനുവദിക്കണമെന്നും തൊഴിലാളികൾ ആവശ്യപ്പെടുന്നു. എന്നാൽ, തൊഴിലാളികളുടെ മൂന്ന് നിർദേശങ്ങളും സെക്രട്ടറി തള്ളി. പോസ്റ്റർ ഒട്ടിക്കാൻ തയ്യാറാകാത്ത ശുചീകരണ തൊഴിലാളികൾ തൻറെ അനുമതിയില്ലാതെ ജോലിക്ക് പ്രവേശിക്കേണ്ടെന്ന് സെക്രട്ടറി ഭീഷണിപ്പെടുത്തിയതായും പരാതിയുണ്ട്. യുഡിഎഫ്…
Read More » -
നെടുമങ്ങാട് കെഎസ്ആർടിസി ബസ് സ്റ്റാന്റിൽ ‘പെൺപുലികൾ’ ഏറ്റുമുട്ടി; ഇരട്ടപ്പേര് വിളിച്ചെന്നാരോപിച്ചായിരുന്നു തമ്മിൽത്തല്ലിയത്
തിരുവനന്തപുരം: നെടുമങ്ങാട് കെഎസ്ആർടിസി ബസ് സ്റ്റാന്റിൽ പെൺകുട്ടികൾ തമ്മിൽ സംഘർഷം. ഇരട്ടപ്പേര് വിളിച്ചെന്നാരോപിച്ചാണ് പെൺകുട്ടികൾ തമ്മിൽത്തല്ലിയത്. ഇന്നലെ വൈകിട്ടോടെയാണ് സംഭവങ്ങളുണ്ടായത്. വിദ്യാർത്ഥികൾ സ്കൂൾ വിട്ട് തിരിച്ചു വീട്ടിൽ പോകുന്നതിനിടയിലാണ് സംഭവം. മറ്റ് വിദ്യാർത്ഥികളും യാത്രക്കാരും തമ്മിലടി കണ്ടുനിൽക്കുന്നതും ദൃശ്യങ്ങളിലുണ്ട്. മുടിയിൽ പിടിച്ച് വലിക്കുന്നതും തലയിൽ അടിക്കുന്നതുമെല്ലാം ദൃശ്യങ്ങളിൽ കാണാം. ആദ്യഘട്ടത്തിൽ സഹപാഠികളായ കുട്ടികൾ ഇരുവരെയും പിടിച്ചുമാറ്റാൻ ശ്രമിക്കുന്നതും മറ്റുളളവർ നോക്കിനിൽക്കുന്നതും ദൃശ്യങ്ങളിലുണ്ട്. സമൂഹമാധ്യമങ്ങളിൽ വീഡിയോ പ്രചരിച്ചതോടെ, പൊലീസും അന്വേഷണം തുടങ്ങിയതായാണ് വിവരം.
Read More » -
എരുമേലിയിൽ അജ്ഞാതവാഹനം ഇടിച്ച് പ്രഭാത സവാരിക്ക് പോയ ഓട്ടോ ഡ്രൈവർ മരിച്ചു
എരുമേലി കുറവാമൂഴിയിൽ അജ്ഞാത വാഹനം ഇടിച്ച് പ്രഭാത സവാരിക്ക് പോയ ഓട്ടോ ഡ്രൈവർ മരിച്ചു. ഇന്ന് (വ്യാഴം) രാവിലെ 05:40 ന് അജ്ഞാത വാഹനം തട്ടിയാണ് ജ്യോതി ഓട്ടോറിക്ഷ ഡ്രൈവറായ തൊമ്മൻ എന്ന് വിളിക്കുന്ന ടി.ഡി മജീഷ് (43) മരിച്ചത്. ഗുരുതരമായി പരിക്കേറ്റു കിടന്ന മജീഷിനെ ഉടനടി സ്ഥലത്ത് എത്തിയ മോട്ടോർ വാഹന വകുപ്പ് ഉദ്യോഗസ്ഥർ ആശുപത്രിയിൽ എത്തിച്ചെങ്കിലും, അമിത രക്തസ്രാവം മൂലം മരണപ്പെടുകയാണുണ്ടായത്. അപകടത്തിന് കാരണമായ വാഹനത്തെ സംബന്ധിച്ച് അന്വേഷണം നടന്നുവരുന്നു.. പുലർച്ചെ 5.40 നാണു കുറവാമൂഴി വായനശാലക്ക് മുൻപിൽ വച്ച് അപകടം സംഭവിച്ചത്. അതുവഴി ഡ്യൂട്ടിക്ക് വന്ന സേഫ്സോൺ ഡ്രൈവർ ഫൈസൽ പി എം കണ്ട്രോൾ റൂമിൽ വിവരം അറിച്ചു. ഉടനടി സ്ഥലത്തെത്തിയ കണ്ട്രോൾ റൂം എം.വി.ഐ ജയപ്രകാശ്, എ.എം.വി.ഐ ബി വരുൺ, രാജേഷ് വി കുന്നിൽ, നന്ദു എന്നിവർ ചേർന്ന് കാഞ്ഞിരപ്പള്ളി 26 ലെ മേരി ക്യൂൻസ് ആശുപത്രിയിൽ മജീഷിനെ എത്തിച്ചെങ്കിലും ജീവൻ രക്ഷിക്കാനായില്ല…
Read More » -
അങ്കണവാടി വര്ക്കര്, ഹെല്പ്പര് തസ്തികളിലേക്ക് അപേക്ഷിക്കാം
കൊല്ലം ജില്ലയിലെ ആലപ്പാട് ഗ്രാമപഞ്ചായത്തില് അങ്കണവാടികളിലേക്ക് ഹെല്പ്പര്, വര്ക്കര് തസ്തികളിലേക്ക് പഞ്ചായത്തിലെ താമസക്കാരായ വനിതകള്ക്ക് അപേക്ഷിക്കാം. വര്ക്കര് തസ്തികയില് എസ് എസ് എല് സി പാസായവര്ക്കും ഹെല്പ്പര് തസ്തികയിലേക്ക് അല്ലാത്തവര്ക്കും അപേക്ഷിക്കാം. സര്ട്ടിഫിക്കറ്റുകളുടെ പകര്പ്പുകള് സഹിതമുള്ള അപേക്ഷ നവംബര് 30നകം കരുനാഗപ്പള്ളി ഐ സി ഡി എസ് കാര്യാലയത്തില് നല്കണം. പ്രായപരിധി: 18-46. വിശദ വിവരങ്ങള് കരുനാഗപ്പള്ളി ഐ സി ഡി എസ് ഓഫീസില് നിന്നും ആലപ്പാട്പഞ്ചായത്ത് കാര്യാലയത്തില് നിന്നും ലഭിക്കും. ഫോണ് 8281999102.
Read More » -
ഓടിക്കൊണ്ടിരിക്കെ ബസിൽനിന്ന് വീണുമരിച്ച കണ്ടക്ടറുടെ കുടുംബത്തിന് കൈത്താങ്ങാൻ ബസ് തൊഴിലാളികളും ഉടമകളും; പറക്കമുറ്റാത്ത 3 കുഞ്ഞുങ്ങള്ക്ക് താങ്ങാവാൻ കാരുണ്യയാത്ര, ഫുൾചാർജ് നൽകി വിദ്യാർഥികൾ
മലപ്പുറം: ഓടിക്കൊണ്ടിരിക്കെ ബസിൽനിന്ന് വീണുമരിച്ച കണ്ടക്ടറുടെ കുടുംബത്തിന് കൈത്താങ്ങാൻ ബസ് തൊഴിലാളികളും ഉടമകളും. നവംബർ 14നാണ് ജോലിക്കിടെ നാട്ടുകൽ 53ആം മൈലിൽ മണലുംപുറം തലയപ്പാടിയിൽ ഫൈസൽ ബാബുവിന് (38) ബസിൽ നിന്ന് വീണ് ഗുരുതരമായി പരിക്കേറ്റത്. 15ന് മരണം സംഭവിച്ചു. പെരിന്തൽമണ്ണ വഴി സർവീസ് നടത്തുന്ന 70 ഓളം ബസിലെ ജീവനക്കാര് ഫൈസല് ബാബുവിന്റെ കുടുംബത്തിന് കൈത്താങ്ങാവാൻ കാരുണ്യയാത്ര നടത്തുകയാണ്. പെരിന്തൽമണ്ണ – മണ്ണാർക്കാട് റൂട്ടിലോടുന്ന പി.എം.എസ് ബസിലെ കണ്ടക്ടറായിരുന്നു ഫൈസൽ ബാബു. ബസിന്റെ വാതിലിൽ നിന്ന് റോഡിലേക്ക് വീണാണ് അപകടമുണ്ടായത്. ഭാര്യയും മൂന്ന് ചെറിയ മക്കളുമുണ്ട് ഫൈസൽ ബാബുവിന്. ജീവനക്കാരുടെ കൂലിയടക്കം ഒരു ദിവസത്തെ കളക്ഷൻ ഇവർ സഹായ നിധിയിലേക്ക് കൈമാറും. മൂന്ന് ദിവസങ്ങളായിട്ടാണ് കാരുണ്യ യാത്ര നടത്തുന്നത്. തിങ്കളാഴ്ച 30 ബസുകൾ സർവീസ് നടത്തി. വിദ്യാർഥികളടക്കം ഫുൾ ചാർജും അവരുടെ വിഹിതവും നൽകിയതായി ബസ് തൊഴിലാളികൾ പറഞ്ഞു. പെരിന്തൽമണ്ണയിൽ നിന്ന് മണ്ണാർക്കാട്, ആലിപ്പറമ്പ്, ചെത്തല്ലൂർ, മുറിയംകണ്ണി, കരിങ്കല്ലത്താണി വഴി…
Read More » -
ശബരിമലയിൽ പോലീസിന്റെ നേതൃത്വത്തിലുള്ള പുണ്യം പൂങ്കാവനം ശുചീകരണ പരിപാടി ഇത്തവണയില്ല; പവിത്രം ശബരിമലയുമായി തിരുവിതാംകൂർ ദേവസ്വം ബോർഡ്
പത്തനംതിട്ട: ശബരിമലയിൽ പോലീസിൻറെ നേതൃത്വത്തിലുള്ള പുണ്യം പൂങ്കാവനം ശുചീകരണ പരിപാടി ഇത്തവണ തുടങ്ങിയില്ല. ഇതോടെ പവിത്രം ശബരിമല എന്ന പുതിയ ശുചീകരണ പരിപാടിയുമായി തിരുവിതാംകൂർ ദേവസ്വം ബോർഡ് രംഗത്തെത്തി. 2011ൽ ഐജിപി വിജയൻറെ നേതൃത്വത്തിൽ തുടങ്ങിയ പുണ്യം പൂങ്കാവനം പദ്ധതിയാണ് മുടങ്ങിയത്. പ്രധാനമന്ത്രിയുടെ മൻകി ബാത്തിൽ വരെ പരാമർശിക്കപ്പെട്ട പദ്ധതി പോലീസ് സ്ഥലപ്പത്തെ അസ്വാരസത്തെ തുടർന്ന് തടസ്സപ്പെട്ടു എന്നാണ് സൂചന. ഇതോടെയാണ് തിരുവിതാംകൂർ ദേവസ്വം ബോർഡ് പവിത്രം ശബരിമല എന്ന പദ്ധതിയുമായി രംഗത്തെത്തിയത്. സന്നിധാനം പമ്പ തുടങ്ങിയ പ്രദേശങ്ങളിൽ പദ്ധതിയുടെ ഭാഗമായി തീർത്ഥാടകരും വളണ്ടിയർമാരും ശുചീകരണം നടത്തും.സന്നിധാനത്ത് മാലിന്യം പൂർണമായി ഇല്ലാതാക്കി പ്ലാസ്റ്റിക് വിമുക്ത മേഖലയാക്കി മാറ്റുകയാണ് പവിത്രം ശബരിമല ശുചീകരണ യജ്ഞത്തിൻറെ ലക്ഷ്യം.
Read More » -
അമിത വേഗതയിലെത്തിയ തമിഴ്നാട് ട്രാൻസ്പോർട്ട് ബസ് ബൈക്ക് യാത്രക്കാരനെ ഇടിച്ച് വീഴ്ത്തി; അപകടത്തില് യുവാവ് മരിച്ചു
തിരുവനന്തപുരം: തിരുവനന്തപുരം പാറശ്ശാല കാരാളിയിലുണ്ടായ വാഹനാപകടത്തില് യുവാവ് മരിച്ചു. അമിത വേഗതയിലെത്തിയ തമിഴ്നാട് ട്രാൻസ്പോർട്ട് ബസ് ബൈക്ക് യാത്രക്കാരനെ ഇടിച്ച് വീഴ്ത്തുകയായിരുന്നു. ബസ് നിയന്ത്രണം വിട്ട് എതിർ ദിശയിലുടെ വന്ന ബൈക്കിലേക്ക് ഇടിച്ച് കയറുകയായിരുന്നു. പാറശ്ശാല മുറിയ തോട്ടം സ്വദേശി കിരൺ പ്രസാദ് സംഭവ സ്ഥലത്ത് വെച്ച് തന്നെ മരിച്ചെന്ന് നാട്ടുകാര് പറയുന്നു. അതേസമയം, ആലപ്പുഴ ബൈപാസിൽ മിനിബസും മിനി ലോറിയും കൂട്ടിയിടിച്ച് നിരവധി പേർക്ക് പരുക്കേറ്റു. മിനി ബസ് ഡ്രൈവറുടെ പരിക്ക് ഗുരുതരമാണ്. കൊല്ലത്തുനിന്ന് കൃപാസനത്തിലേക്ക് വന്ന മിനി ബസും മീനുമായി പോയ മിനി ലോറിയുമാണ് കൂട്ടിയിടിച്ചത്. ബസിന് തൊട്ടു മുന്നിൽ പോയ കാർ പെട്ടെന്ന് ബ്രേക്കിട്ടപ്പോൾ കാറിൽ ഇടിക്കാതിരിക്കാൻ വെട്ടിച്ചപ്പോൾ ലോറിയിൽ ഇടിക്കുകയായിരുന്നു.
Read More » -
വിവാഹവേദിയിൽ വധൂവരന്മാരുടെ ബന്ധുക്കൾ ഏറ്റുമുട്ടി, നാട്ടുകാർക്കും പൊതിരെകിട്ടി; ഇത്തവണ വില്ലൻ പപ്പടമല്ല, ഗാനമേള!
തിരുവനന്തപുരം: വിവാഹ സൽക്കാരത്തിനിടയിൽ ഗാനമേളയെച്ചൊല്ലി വേദിയിൽ കൂട്ടത്തല്ല്. പിടിച്ചുമാറ്റാൻ ചെന്ന നാട്ടുകാർക്ക് നേരെയും ആക്രമണമുണ്ടായി. ബാലരാമപുരം പെരിങ്ങമ്മലയിലെ സി.എസ്.ഐ പെരിങ്ങമ്മല സെൻ്റിനറി മെമ്മോറിയൽ ഹാളിൽ നടന്ന വിവാഹ സൽക്കാരത്തിനിടയിലാണ് വധുവിൻ്റെയും വരൻ്റെയും ബന്ധുക്കൾ ചേരി തിരിഞ്ഞ് ഏറ്റുമുട്ടിയത്. വിവാഹ സൽക്കാരത്തിൻ്റെ ഭാഗമായി ഓഡിറ്റോറിയത്തിൽ ഗാനമേള നടന്നിരുന്നു. ഇതിന് ചുവടുവച്ച് ഒരു സംഘം ആളുകൾ ഡാൻസ് കളിച്ചതോടെയാണ് സംഭവങ്ങളുടെ തുടക്കം. ഇതിനെ ഒരു വിഭാഗം എതിർത്തു. ഇതോടെ വധുവിൻ്റെയും വരൻ്റെയും ഭാഗത്തുള്ളവർ ചേരി തിരിഞ്ഞ് ഓഡിറ്റോറിയത്തിന് മുന്നിൽ വെച്ച് ഏറ്റുമുട്ടുകയായിരുന്നുവെന്ന് നാട്ടുകാർ പറഞ്ഞു. ബഹളം കേട്ട് ഓടിയെത്തിയ സമീപവാസികളും വഴിയാത്രക്കാരും ചേർന്ന് ഇവരെ പിടിച്ചു മാറ്റാൻ ശ്രമിച്ചതോടെ ഒരു സംഘം നാട്ടുകാർക്ക് നേരെ തിരിയുകയായിരുന്നു എന്ന് പറയുന്നു. വിവരം അറിഞ്ഞ് പൊലീസ് എത്തുന്നതിനു മുമ്പ് തന്നെ അക്രമി സംഘം രക്ഷപ്പെട്ടിരുന്നു. സംഭവത്തിൽ ആരും പരാതി നൽകിയിട്ടില്ല എന്നും പരാതി ലഭിച്ചാൽ തുടർ നടപടികൾ സ്വീകരിക്കുമെന്നും ബാലരാമപുരം പൊലീസ് പറഞ്ഞു.
Read More » -
യുഡിഎഫ് ഭരിക്കുന്ന നിലമ്പൂർ ബ്ലോക്ക് പഞ്ചായത്തിൽ പ്രസിഡന്റിന്റെ ഏകാധിപത്യ നിലപാട്; ഭരണ സമിതി യോഗത്തിൽ പ്രതിഷേധിച്ച എൽഡിഎഫ് മെമ്പർമാരെ പിന്തുണച്ച് ലീഗും ഇറങ്ങി പോയി
മലപ്പുറം: നിലമ്പൂർ ബ്ലോക്ക് പഞ്ചായത്ത് പ്രസിഡന്റിന്റേത് ഏകാധിപത്യ നിലപാടിൽ പ്രതിഷേധിച്ച് യുഡിഎഫ് ഭരിക്കുന്ന ബ്ലോക്ക് പഞ്ചായത്ത് ഭരണ സമിതി യോഗത്തിൽ നിന്ന് എൽഡിഎഫ് മെമ്പർമാരെ പിന്തുണച്ച് ലീഗും ഇറങ്ങി പോയി. ബ്ലോക്ക് പഞ്ചായത്തിലെ വിവിധ പരിപാടികൾ രാഹുൽ ഗാന്ധി എംപി ഉദ്ഘാടനം ചെയ്യുന്നതിൽ നിന്നും വിട്ടു നിൽക്കുമെന്നും ലീഗ് മെമ്പർമാർ അറിയിച്ചു. കേരള ബാങ്ക് ഡയറക്ടർ ബോർഡിൽ ലീഗ് എംഎൽഎയായ ഹമീദിനെ ഉൾപ്പെടുത്തിയതിനെ തുടർന്നുണ്ടായ വിവാദം കെട്ടടങ്ങും മുമ്പാണ് നിലമ്പൂരിലെ പ്രശ്നമെന്നും ശ്രദ്ധേയം. അതേസമയം, മുസ്ലിം ലീഗ് യുഡിഎഫ് മുന്നണി വിടില്ലെന്ന് പ്രസിഡന്റ് സാദിഖലി തങ്ങളും കുഞ്ഞാലിക്കുട്ടിയും ആവർത്തിച്ച് വ്യക്തമാക്കിയിരുന്നു. ഹകരണം സഹകരണ മേഖലയിൽ മാത്രമെന്ന് പികെ ബഷീർ എംഎൽഎ പറഞ്ഞു. വരുന്ന തിരഞ്ഞെടുപ്പുകളിലെല്ലാം ലീഗ് യുഡിഎഫിൻ്റെ ഭാഗമായുണ്ടാകും. ലീഗ് യുഡിഎഫ് വിടുമെന്ന പ്രചാരണം അടിസ്ഥാന രഹിതമാണ്. മുന്നണി വിടുമെന്ന പ്രചാരണമുണ്ടാക്കുന്നത് മാധ്യമങ്ങളെന്നും പി കെ ബഷീർ എം എൽ എയും വ്യക്തമാക്കി. അതിനിടെ, മുസ്ലിം ലീഗ് നേതാവ് എൻ എ…
Read More » -
കേരള ഫിഷറീസ് സർവകലാശാലയില് ലേഡീസ് ഹോസ്റ്റലിലെ ശുചിമുറിയില് ഒളിക്യാമറ: പ്രതിഷേധം ശക്തമാവുന്നു
കൊച്ചി: കേരള ഫിഷറീസ് സർവകലാശാലയില് ലേഡീസ് ഹോസ്റ്റലിലെ ശുചിമുറിയില് ഒളിക്യാമറ വച്ച സംഭവത്തിൽ പ്രതിഷേധം ശക്തമാവുന്നു. കുറ്റവാളിയെ പിടികൂടണമെന്നും സുരക്ഷ ഉറപ്പാക്കണമെന്നുമാവശ്യപെട്ട് സമരത്തിെനാരുങ്ങുകയാണ് വിദ്യാര്ത്ഥിനികള്. കുഫോസ് ഹോസ്റ്റലിന്റെ ഒന്നാം നിലയിലെ ശുചിമുറിയിൽ വെള്ളിയാഴ്ച രാത്രിയിലാണ് മൊബൈൽ ഫോണ് ക്യാമറ കണ്ടെത്തിയത്. ക്യാമറ കണ്ട പെണ്കുട്ടി ബഹളം വെച്ചതോടെ ഒളിച്ചു നിന്നയാള് ഫോണുമായി ഓടി രക്ഷപ്പെട്ടു. സംഭവത്തിൽ പനങ്ങാട് പൊലീസ് അന്വേഷണം ആരംഭിച്ചിട്ടുണ്ടെങ്കിലും പ്രതിയെക്കുറിച്ച് ഇതുവരെ സൂചനകളൊന്നും ലഭിച്ചിട്ടില്ല. ഹോസ്റ്റലിൽ മതിയായ സുരക്ഷയില്ലെന്നാണ് വിദ്യാർത്ഥികളുടെ ആരോപണം. 157 കുട്ടികളുള്ള ഹോസ്റ്റലിൽ ഒരു സെക്യൂരിറ്റി ജീവനക്കാരൻ മാത്രമാണുള്ളത്. സിസിടിവികള് കാലങ്ങളായി പ്രവർത്തന രഹിതം. ഹോസ്റ്റൽ പരിസരമാകട്ടെ കാട് മൂടിയ അവസ്ഥയിലും. രാത്രിയിൽ വേണ്ടത്ര വെളിച്ചം പോലുമില്ല. ഇതാണ് സാമൂഹ്യവിരുദ്ധരുടെ ശല്യം വര്ദ്ധിക്കാൻ കാരണമെന്ന് വിദ്യാര്ത്ഥിനികള് പറഞ്ഞു. വിദ്യാർത്ഥികളുടെ പരാതിയിൽ ശക്തമായ നടപടി സ്വീകരിക്കുമെന്ന് യൂണിവേഴ്സിറ്റി അധികൃതർ പറഞ്ഞു. ഉറപ്പ് പാലിക്കപ്പെട്ടില്ലെങ്കിൽ പഠിപ്പ് മുടക്കുന്നത് അടക്കമുള്ള സമരത്തിലേക്ക് കടക്കാനാണ് വിദ്യാർത്ഥികളുടെ തീരുമാനം
Read More »