Kerala
-
തിരൂരങ്ങാടി പൊലീസ് സ്റ്റേഷന് നവീകരണം: സ്പോണ്സര്ഷിപ്പിലൂടെ സാധനങ്ങള് വാങ്ങിയെന്ന് സമ്മതിച്ച് പൊലീസ്; മുഖ്യമന്ത്രിയുടെ വാദം തള്ളി
മലപ്പുറം: തിരൂരങ്ങാടിപൊലീസ് സ്റ്റേഷന് നവീകരണത്തിന് സ്പോണ്സര്ഷിപ്പിലൂടെ സാധനസാമഗ്രികള് വാങ്ങിയതായി സമ്മതിച്ചു പൊലീസ്. തൃശ്ശൂര് റേഞ്ച് ഡിഐജി ഹരിശങ്കര് ഐപിഎസ് പരാതിക്കാരന് നല്കിയ മറുപടിയിലാണ് സ്റ്റേഷന് പരിധിയിലെ സ്ഥാപനങ്ങളില് നിന്ന് സൗജന്യമായി സാധനങ്ങള് വാങ്ങിയതായിപറയുന്നത്. എന്നാല് കടകളില് നിന്ന് സ്പോണ്സര്ഷിപ്പ് സ്വീകരിച്ചിട്ടില്ല എന്നായിരുന്നു മുഖ്യമന്ത്രി പിണറായി വിജയന് നിയമസഭയില് പറഞ്ഞിരുന്നത്. 2022ല് കെ പി എ മജീദ് എംഎല്എ നിയമസഭയില് ചോദിച്ച ചോദ്യത്തിനാണ് പൊലീസ് സ്റ്റേഷന് നവീകരണത്തിന് ആരില് നിന്നും പാരിതോഷികമായൊ അല്ലാതെയോ ഒന്നും സ്വീകരിച്ചിട്ടില്ലെന്ന് മുഖ്യമന്ത്രി മറുപടി നല്കിയത്. 3,07,2452 രൂപ തിരൂരങ്ങാടി പൊലീസ് സ്റ്റേഷന് നവീകരണത്തിന് ചെലവഴിച്ചിട്ടുണ്ടെന്നും മുഖ്യമന്ത്രി മറുപടിയില് പറയുന്നു. എന്നാല് മുഖ്യമന്ത്രിയുടെ വാദം തള്ളുന്നതാണ് തൃശ്ശൂര് റേഞ്ച് ഡി ഐ ജി ഹരിശങ്കര് ഐപിഎസ് പരാതിക്കാരന് നല്കിയ കത്തിലുള്ളത്. സ്റ്റേഷന് പരിധിയിലെ ഏതാനും സ്ഥാപനങ്ങളില് നിന്ന് സാധന സാമഗ്രികള് പൊതുനന്മ ഉദ്ദേശിച്ചു വാങ്ങിയിട്ടുണ്ടെന്ന് കത്തില് പറയുന്നു. സ്റ്റേഷനില് പിടിച്ചിട്ടിരുന്ന മണല് ലോറി യില് നിന്ന് നിര്മ്മാണത്തിനായി മണല്…
Read More » -
സമൂഹമാധ്യമങ്ങള് വഴി രാജ്യവിരുദ്ധ പ്രചാരണം; അസം സ്വദേശി ആറന്മുളയില് അറസ്റ്റില്
പത്തനംതിട്ട: സമൂഹമാധ്യമങ്ങള് വഴി രാജ്യവിരുദ്ധമായ പോസ്റ്റ് ഇട്ടെന്ന പരാതിയില് അതിഥിത്തൊഴിലാളിയെ അറസ്റ്റ് ചെയ്തു. ആറന്മുള നാല്ക്കാലിക്കല് പാലത്തിനു സമീപം മത്സ്യ വ്യാപാരം നടത്തുന്ന അസം സ്വദേശി എദ്ദിഷ് അലിയെയാണ് അറസ്റ്റ് ചെയ്തത്. ബിജെപി നേതാക്കള് ശനിയാഴ്ച ആറന്മുള പൊലീസ് സ്റ്റേഷനില് നല്കിയ പരാതിയുടെ അടിസ്ഥാനത്തില് ഇയാള്ക്കെതിരെ കേസെടുത്തിരുന്നു. ജാമ്യമില്ലാ വകുപ്പുകള് പ്രകാരമാണു കേസെടുത്തതെന്നു പൊലീസ് അറിയിച്ചു. പഹല്ഗാമിലെ ഭീകരാക്രമണത്തിനു ശേഷമാണ് ഇയാള് ഇന്ത്യയ്ക്കും ഭരണാധികാരികള്ക്കും എതിരെ ചിത്രങ്ങളും പരാമര്ശങ്ങളും അടങ്ങിയ പോസ്റ്റുകള് പങ്കുവച്ചത്. ഭരണാധികാരികളെ മോശമായി ചിത്രീകരിച്ചതായും പാക് അനുകൂലമായ മുദ്രാവാക്യങ്ങള് ഉള്ക്കൊള്ളുന്ന വീഡിയോകളും ചിത്രങ്ങളും സമൂഹമാധ്യമ പേജുകള് വഴി പ്രചരിപ്പിച്ചതായും അത് ക്രമസമാധാന പ്രശ്നങ്ങള് ഉണ്ടാക്കാനിടയുണ്ടെന്നും ബിജെപി ആറന്മുള മണ്ഡലം കമ്മിറ്റി പരാതിയില് പറഞ്ഞു. വല്ലന സ്വദേശി നടത്തുന്ന മീന് വ്യാപാരശൃംഖലയിലെ ജീവനക്കാരനാണ്.
Read More » -
സ്ത്രീധനത്തിന്റെ പേരില് പട്ടിണിക്കിട്ടു കൊന്നു; മരിക്കുമ്പോള് ഭാരം 21 കിലോ മാത്രം; ആമാശത്തില് ഭക്ഷണത്തിന്റെ അംശവുമില്ല; തുഷാരയെ ക്രൂരമായി കൊലപ്പെടുത്തിയ കേസില് ഭര്ത്താവിന്റെയും അമ്മയുടെയും ശിക്ഷ ഇന്ന്; ചുരുളഴിഞ്ഞത് രക്തം മരവിപ്പിക്കും കഥകള്
കൊല്ലം: സ്ത്രീധനത്തിന്റെ പേരില് ഭാര്യയെ പട്ടിണിക്കിട്ട് കൊലപ്പെടുത്തിയ കേസില് ഭര്ത്താവും ഭര്തൃമാതാവും കുറ്റക്കാരെന്നു കോടതി കണ്ടെത്തി. പൂയപ്പള്ളി ചരുവിള വീട്ടില് ചന്തുലാല് (36), മാതാവ് ഗീത ലാലി (62) എന്നിവരെയാണ് കൊല്ലം അഡീഷനല് സെഷന്സ് ജഡ്ജി എസ്.സുഭാഷ് കുറ്റക്കാരെന്നു കണ്ടെത്തിയത്. ചന്തുലാലിന്റെ പിതാവും കേസിലെ മൂന്നാം പ്രതിയുമായ ലാലിയെ (66) ഒന്നര വര്ഷം മുന്പ് ഇത്തിക്കര ആറിനു സമീപം മരിച്ചനിലയില് കണ്ടെത്തിയതോടെ കേസില് നിന്നൊഴിവാക്കി. വിവാഹം കഴിഞ്ഞ് അഞ്ചര വര്ഷം കഴിഞ്ഞാണ് തുഷാര (28) കൊല്ലപ്പെട്ടത്. പോസ്റ്റ്മോര്ട്ടത്തിലാണു കൊലപാതകത്തിന്റെ ചുരുളഴിഞ്ഞത്. മൃതദേഹത്തിന്റെ ഭാരം 21 കിലോഗ്രാം ആയിരുന്നു. ആമാശയത്തില് ഭക്ഷണത്തിന്റെ അംശം ഇല്ലായിരുന്നുവെന്നും റിപ്പോര്ട്ടില് പറയുന്നുണ്ട്. 2013ല് ആയിരുന്നു ചന്തുലാലിന്റെയും കരുനാഗപ്പള്ളി അയണിവേലില് സൗത്ത് തുഷാര ഭവനില് തുഷാരയുടെയും വിവാഹം. മൂന്നാം മാസം മുതല് സ്ത്രീധനത്തുക ആവശ്യപ്പെട്ട് തുഷാരയെയും കുടുംബത്തെയും ശാരീരികമായും മാനസികമായും പീഡിപ്പിച്ചെന്നു കണ്ടെത്തിയിരുന്നു.
Read More » -
പുറത്തുവന്നത് മഞ്ഞുമലയുടെ അറ്റം; സെറ്റുകളില് റെയ്ഡ് നടത്തണം: ലഹരി ഉപയോഗിക്കുന്നവരില് കൂടുതല് സാങ്കേതിക പ്രവര്ത്തകര്: സജി നന്ത്യാട്ട്; സിനിമയില് ശുദ്ധികലശം ആവശ്യം
കൊച്ചി: ഹൈബ്രിഡ് കഞ്ചാവുമായി പ്രമുഖ മലയാള സിനിമ സംവിധായകരായ ഖാലിദ് റഹ്മാന്,അഷ്റഫ് ഹംസ എന്നിവര് പിടിയിലായ സംഭവം ഞെട്ടിപ്പിക്കുന്നതെന്ന് ഫിലിം ചേംബര്. ലഹരിക്കെതിരെ സിനിമ സെറ്റുകളില് റെയ്ഡ് നടത്തണമെന്ന് ഫിലിം ചേംബര് ജനറല് സെക്രട്ടറി സജി നന്ത്യാട്ട് പറഞ്ഞു. സിനിമയില് ഏറ്റവും കൂടുതല് ലഹരി ഉപയോഗിക്കുന്നത് സാങ്കേതിക പ്രവര്ത്തകരാണെന്നും സജി സന്ത്യാട്ട് ആരോപിച്ചു. മഞ്ഞുമലയുടെ അറ്റം മാത്രമാണ് ഇപ്പോള് പുറത്തു വന്നത്. സിനിമയില് ശുദ്ധീകരണം അനിവാര്യമാണെന്നും സെറ്റുകളില് റെയ്ഡ് നടത്തണമെന്നും സജി ആവശ്യപ്പെട്ടു. കൊച്ചി ഗോശ്രീ പാലത്തിന് സമീപത്തെ ഫ്ലാറ്റില് നിന്ന് പുലര്ച്ചെ രണ്ടുമണിയോടെയാണ് സംവിധായകരായ ഖാലിദ് റഹ്മാന്, അഷ്റഫ് ഹംസ എന്നിവരും ഇവര്ക്കൊപ്പമുണ്ടായിരുന്ന ഷാലിഫ് മുഹമ്മദും അറസ്റ്റിലായത്. എക്സൈസ് സ്പെഷല് സ്ക്വാഡ് നടത്തിയ പരിശോധനയിലാണ് ഇവര് പിടിയിലായത്. ഹൈബ്രിഡ് കഞ്ചാവാണ് ഇവരില് നിന്നും പിടിച്ചെടുത്തത്. മൂവരുടെയും അറസ്റ്റ് രേഖപ്പെടുത്തിയശേഷം ജാമ്യത്തില് വിട്ടു. രഹസ്യവിവരത്തെ തുടര്ന്ന് എക്സൈസ് സംഘം ഫ്ലാറ്റില് പരിശോധന നടത്തുകയായിരുന്നു. അടുത്തിടെ ഇറങ്ങിയ ആലപ്പുഴ ജിംഖാനയടക്കം ഹിറ്റ് ചിത്രങ്ങളുടെ…
Read More » -
എക്സൈസ് ഉദ്യോഗസ്ഥനെയും കുടുംബത്തെയും ആക്രമിക്കാൻ ശ്രമിച്ച് ലഹരിക്കേസ് പ്രതി, രക്ഷകരായി പോലീസ്
തിരുവനന്തപുരം: എക്സൈസ് ഉദ്യോഗസ്ഥനെയും കുടുംബത്തെയും ലഹരി കേസിൽ പിടിയിലായ പ്രതി ആക്രമിക്കാൻ ശ്രമിച്ചു. രണ്ടു ദിവസം മുമ്പ് കഞ്ചാവുമായി പിടിയിലായ അൽത്താഫാണ് ആക്രമണത്തിന് ശ്രമിച്ചത്. തലനാരിഴ്ക്കാണ് ഉദ്യോഗസ്ഥനും കുടുംബവും ആക്രമണത്തിൽ നിന്ന് രക്ഷപ്പെട്ടത്. ഉദ്യോഗസ്ഥനും കുടുംബവും കാറിൽ യാത്ര ചെയ്യുന്നതിനിടെയാണ് സംഭവം. കാറിന് പിന്നാലെ ബൈക്കിൽ അൽത്താഫ് പിന്തുടരുകയായിരുന്നു. ഇതിനിടെ ഭീഷണിപ്പെടുത്തുകയും ചെയ്തതെന്നാണ് പരാതി. കാറിനെ ചേസ് ചെയ്ത് ബാലരാമപുരം വരെ അൽത്താഫ് എത്തി. ബാലരാമപുരത്ത് വെച്ച് എക്സൈസ് ഉദ്യോഗസ്ഥൻ അറിയിച്ചതനുസരിച്ച് പൊലീസ് എത്തിയതോടെ അൽത്താഫ് പിന്തിരിഞ്ഞു. തുടര്ന്നാണ് ഉദ്യോഗസ്ഥൻ കാറിൽ യാത്ര തുടര്ന്നത്. പൊലീസ് കൃത്യസമയത്ത് എത്തിയതിനാലാണ് ആക്രമണത്തിൽ നിന്ന് ഉദ്യോഗസ്ഥനും കുടുംബവും രക്ഷപ്പെട്ടത്. വൈകിട്ട് അൽത്താഫിനെ തേടി എക്സൈസ് സംഘം വീട്ടിലെത്തിയപ്പോള് വീട്ടുകാരും സുഹൃത്തുക്കളും ചേര്ന്ന് തടഞ്ഞു. ഇതിനിടെ അൽത്താഫ് ഓടി രക്ഷപ്പെട്ടു. ആക്രമണ ശ്രമത്തിനെതിരെ നെയ്യാറ്റിൻകര പൊലീസിൽ എക്സൈസ് ഉദ്യോഗസ്ഥൻ പരാതി നൽകി.
Read More » -
ആദ്യം ഡയലോഗ് മര്യാദയ്ക്ക് പറ … കഷ്ടപെട്ട് പഠിപ്പിച്ച പിആർ ഏജൻസി പൊട്ടികരഞ്ഞു കാണും, ഇനി രാജീവ് ചന്ദ്രശേഖർ മുണ്ട് അഴിച്ച് തലയിൽ കെട്ടിയാലും കുഴപ്പമില്ലെന്ന് വി ഡി സതീശൻ
തിരുവനന്തപുരം: കേരളത്തിലെ രാഷ്ട്രീയ പാർട്ടികളെ പഠിപ്പിക്കാൻ രാജീവ് ചന്ദ്രശേഖർ വരേണ്ടെന്ന് പ്രതിപക്ഷ നേതാവ് വി ഡി സതീശൻ. രാജീവ് ചന്ദ്രശേഖർ മുണ്ട് അഴിച്ച് തലയിൽ കെട്ടിയാലും കുഴപ്പമില്ല. ഡയലോഗ് പറഞ്ഞു കൊടുത്ത പിആർ ഏജൻസി പൊട്ടികരഞ്ഞു കാണും. കഷ്ടപെട്ട് ഡയലോഗ് പഠിപ്പിച്ചിട്ട് അത് അവതരിപ്പിച്ചത് ദയനീയമായി.രാജീവ് ചന്ദ്രശേഖർ എംപി ആയത് ബാക്ഡോറിലൂടെയാണ്. കൂടുതൽ പറയിപ്പിക്കേണ്ടെന്ന് വി ഡി സതീശൻ പറഞ്ഞു. കെഎം എബ്രഹാമിനെതിരായ സിബിഐ എഫ്ഐആർ കണ്ടെത്തലുകൾ ഗുരുതരം. കെഎം എബ്രഹാം തൽസ്ഥാനത്ത് തുടരുന്നത് സംസ്ഥാനത്തിന് അപമാനകരം. സ്വയം രാജി വെക്കണം. അല്ലെങ്കിൽ മുഖ്യമന്ത്രി രാജി ആവശ്യപ്പെടണം. രാജി ചോദിക്കാൻ മുഖ്യമന്ത്രിക്ക് ഭയമാണോ? ലാവ്ലിൻ കേസിലെ സാക്ഷി എന്ന ഭയമുണ്ടോ മുഖ്യമന്ത്രിക്കെന്നും സതീശൻ ചോദിച്ചു. പതിനായിരം സെക്കന്റ് കോൾ റെക്കോർഡ് ചെയ്ത് സൂക്ഷിക്കുകയാണ് കെഎം എബ്രഹാം. ഗുരുതരമായ ഫോൺ ചോർത്തൽ നടന്നുവെന്നും അദ്ദേഹം വിമർശിച്ചു.
Read More » -
കാർ അപകടത്തിൽ പരുക്കേറ്റ ഭാര്യയെ ഉപേക്ഷിച്ച് ഭർത്താവ് മുങ്ങി, അപകടം ഭാര്യയെ അപായപ്പെടുത്താൻ മനഃപൂർവം സൃഷിച്ചതോ എന്നു സംശയം
ഇടുക്കി: ഉപ്പുതറയ്ക്കടുത്ത് ആലടിയിൽ അപകടത്തിൽപ്പെട്ട കാറിൽനിന്നു ഭാര്യയെ ഉപേക്ഷിച്ച് ഭർത്താവ് രക്ഷപ്പെട്ടു. ആലടി സ്വദേശി സുരേഷാണ് രക്ഷപ്പെട്ടത്. ഇയാളെ പിന്നീട് പൊലീസ് കസ്റ്റഡിയിലെടുത്തു. ഗുരുതരമായി പരുക്കേറ്റ ഭാര്യ നവീനയെ കോട്ടയം മെഡിക്കൽ കോളജിലേക്കു മാറ്റി. മദ്യലഹരിയിലായിരുന്ന സുരേഷ് അപകടത്തിനു തൊട്ടു മുൻപ് വാഹനത്തിൽനിന്നു ചാടുകയായിരുന്നു. ഇന്നലെ (ശനി) രാത്രിയാണ് അപകടമുണ്ടായത്. ഇന്ന് രാവിലെയാണു കാറില് സ്ത്രീ കുടുങ്ങിക്കിടക്കുന്ന കാര്യം മറ്റുള്ളവര് അറിയുന്നത്. നാട്ടുകാർ വിവരമറിയിച്ചതിനെ തുടർന്ന് ഉപ്പുതുറ പൊലീസ് സ്ഥലത്തെത്തിയാണ് നവീനയെ ആശുപത്രിയിൽ കൊണ്ടുപോയത്. ഭാര്യയെ അപായപ്പെടുത്താൻ വേണ്ടി സുരേഷ് മനഃപൂർവം അപകടമുണ്ടാക്കി എന്നാണ് പൊലീസ് സംശയിക്കുന്നത്. എന്നാൽ ഭാര്യ സ്റ്റിയറിങ്ങില് പിടിച്ചു വലിച്ചതാണ് അപകടത്തിനു കാരണമെന്നാണ് ഇയാള് പറയുന്നത്. വിശദമായ അന്വേഷണം നടക്കുകയാണെന്ന് ഉപ്പുതറ പൊലീസ് അറിയിച്ചു.
Read More » -
അടിസ്ഥാന രഹിതം; സംസ്ഥാന സെക്രട്ടേറിയറ്റില് പങ്കെടുക്കുന്നത് വിലക്കിയെന്ന വാര്ത്ത തള്ളി പി.കെ. ശ്രീമതി; മാധ്യമങ്ങള് വാര്ത്ത പിന്വലിക്കണമെന്നും ആവശ്യം
തിരുവനന്തപുരം: സിപിഐഎം സംസ്ഥാന സെക്രട്ടേറിയറ്റില് പങ്കെടുക്കുന്നതില് നിന്ന് പിണറായി വിജയന് വിലക്കിയെന്ന വാര്ത്ത തള്ളി പി.കെ. ശ്രീമതി. തന്നെ കുറിച്ച് വന്ന വാര്ത്തകള് അടിസ്ഥാനരഹിതമെന്നും പിന്വലിക്കണമെന്നും പി.കെ. ശ്രീമതി ഫേസ്ബുക്കില് കുറിച്ചു. പി.കെ. ശ്രീമതിയെ സംസ്ഥാന സെക്രട്ടേറിയേറ്റ് യോഗത്തില് പങ്കെടുക്കുന്നതില് നിന്ന് മുഖ്യമന്ത്രി പിണറായി വിജയന് വിലക്കിയെന്ന വാര്ത്തകള് ഇന്ന് രാവിലെയാണ് പുറത്ത് വന്നത്. പ്രായപരിധിയില് ഇളവ് ലഭിച്ച് കേന്ദ്ര കമ്മിറ്റി അംഗമായി തുടരുകയാണെങ്കിലും സംസ്ഥാനത്ത് ഇളവൊന്നും നല്കിയിട്ടില്ലെന്ന് ചൂണ്ടിക്കാട്ടിയാണ് പിണറായി ശ്രീമതിയെ വിലക്കിയത് എന്നാണ് വാര്ത്ത വന്നത്. ജനറല് സെക്രട്ടറിയും സംസ്ഥാന സെക്രട്ടറിയും പറഞ്ഞതനുസരിച്ചാണ് എത്തിയതെന്ന് ശ്രീമതി പറഞ്ഞെങ്കിലും പിണറായി വഴങ്ങിയില്ലെന്നും പറയുന്നു. വാര്ത്തകള്ക്ക് പിന്നാലെയാണ് പി.കെ. ശ്രീമതിയുടെ പ്രതികരണം. കഴിഞ്ഞ വെളളിയാഴ്ച നടന്ന സെക്രട്ടേറിയേറ്റില് ശ്രീമതി പങ്കെടുത്തില്ല. എന്നാല് ഇന്നലെത്തെ സംസ്ഥാന സമിതിയില് പങ്കെടുത്തു. ശ്രീമതിയെ വിലക്കിയത് സ്ഥീരീകരിക്കാന് നേതാക്കളും തയാറായിട്ടില്ല. 75 വയസ് പിന്നിട്ട പി.കെ. ശ്രീമതി ജനാധിപത്യ മഹിളാ അസോസിയഷന്റെ അഖിലേന്ത്യാ പ്രസിഡന്റ്് എന്ന നിലയിലാണ്…
Read More » -
ഇടുക്കിയിൽ അപകടത്തിൽപ്പെട്ട വാഹനത്തിൽ ഭാര്യയെ ഉപേക്ഷിച്ച് ഭർത്താവ് മുങ്ങി , ഗുരുതരമായി പരിക്കേറ്റ യുവതിയെ ആശുപത്രിൽ പ്രവേശിപ്പിച്ചു, അപകടം മനഃപൂർവമെന്ന് പൊലീസ്
ഇടുക്കി: ഇടുക്കി ഉപ്പുതറ ആലടിയിൽ അപകടത്തിൽപ്പെട്ട വാഹനത്തിൽ ഭാര്യയെ ഉപേക്ഷിച്ച് ഭർത്താവ് രക്ഷപ്പെട്ടു. രാവിലെ എട്ട് മണിയോടെയാണ് അപകടം ഉണ്ടായത്.ആലടി സ്വദേശി സുരേഷ് ആണ് ഭാര്യയെ ഉപേക്ഷിച്ച് രക്ഷപ്പെട്ടത്. അപകടത്തിൽ ഗുരുതരമായി പരിക്കേറ്റ സ്ത്രീയെ ആശുപത്രിയിൽ പ്രവേശിപ്പിച്ചു. മനപ്പൂർവ്വം അപകടം ഉണ്ടാക്കിയതായാണ് എന്നാണ് പൊലീസ് സംശയിക്കുന്നത്. സംഭവത്തിൽ ഉപ്പുതറ പൊലീസ് അന്വേഷണം തുടങ്ങി. പരിക്കേറ്റ നവീനയെ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.
Read More » -
തെറ്റായ വ്യാഖ്യാനങ്ങള്ക്ക് ഇടനല്കും; മുഖ്യമന്ത്രിയുടെ അത്താഴ വിരുന്നില്നിന്ന് പിന്മാറി ഗവര്ണര്മാര്; ക്ഷണിച്ചത് ആഴ്ചകള്ക്കു മുമ്പ്; പങ്കെടുക്കില്ലെന്ന അറിയിച്ചത് ദിവസങ്ങള്ക്കു മുമ്പ്
തിരുവനന്തപുരം: മുഖ്യമന്ത്രി വിളിച്ച അത്താഴ വിരുന്നില്നിന്ന് പിന്മാറി ഗവര്ണര്മാര്. കേരള ബംഗാള് ഗോവ ഗവര്ണര്മാരെയാണ് ഞായറാഴ്ച ക്ലിഫ് ഹൗസില് മുഖ്യമന്ത്രി വിരുന്നിനു ക്ഷണിച്ചിരുന്നത്. ഡിന്നറില് പങ്കെടുത്താല് തെറ്റായ വ്യാഖ്യാനങ്ങള്ക്ക് ഇട നല്കുമെന്ന് ഗവര്ണര്മാര് വിലയിരുത്തി. ആഴ്ചകള്ക്ക് മുന്പാണ് മുഖ്യമന്ത്രി പിണറായി വിജയന് മൂന്ന് ഗവര്ണര്മാരെ വരുന്നിനായി ക്ഷണിച്ചത്. കേരള ഗവര്ണര് രാജേന്ദ്ര വിശ്വനാഥ് ആര്ലേക്കര്, സി.വി. ആനന്ദബോസ്, ഗോവ ഗവര്ണര് പി.എസ്. ശ്രീധരന് പിള്ള എന്നിവരാണ് പിന്മാറിയത്. ഒരാഴ്ചയ്ക്ക് മുന്പാണ് ഗവര്ണര്മാര് നോ പറഞ്ഞത്. ആദ്യം അസൗകര്യം അറിയിച്ചത് കേരള ഗവര്ണറാണ്. പിന്നാലെ മറ്റു രണ്ടു പേര് കൂടി പങ്കെടുക്കില്ലെന്ന് ഔദ്യോഗികമായി അറിയിച്ചു. മുഖ്യമന്ത്രി മകളുടെ പേരില് ഉള്പ്പടെ രാഷ്ട്രീയ വിവാദങ്ങളില് ഉള്പ്പെട്ട സാഹചര്യത്തില് ഇത്തരമൊരു വിരുന്നില് പങ്കെടുക്കേണ്ടെന്നാണ് ഗവര്ണര്മാരുടെ തീരുമാനം എന്നാണ് വിവരം. നേരത്തെ ഡല്ഹി കേരള ഹൗസില് നിര്മലാ സീതാരാമനുമായി മുഖ്യമന്ത്രി നടത്തിയ കൂടിക്കാഴ്ചയില് കേരള ഗവര്ണര് പങ്കെടുത്തതില് ഉള്പ്പടെ പ്രതിപക്ഷം ചില ആരോപണങ്ങള് ഉന്നയിച്ചിരുന്നു. ഇത്തരത്തിലുള്ള…
Read More »