Kerala
-
ഓണത്തിന് വെളിച്ചെണ്ണ വില 300 രൂപയില് താഴെയാകും; തമിഴ്നാടും കര്ണാടകയും തുണയായി
തേങ്ങയുടെയും എണ്ണയുടെയും വിലയില് കൈ പൊള്ളിയ മലയാളികള്ക്ക് ഇനി ആശ്വസിക്കാം. തേങ്ങയുടെ വില താഴാന് തുടങ്ങിയിട്ടുണ്ട്. 85 രൂപയായിരുന്ന വില 60- 65 രൂപയില് എത്തിനില്ക്കുന്നു. മാര്ക്കറ്റുകളിലേക്ക് പച്ചത്തേങ്ങയുടെ വരവ് തുടങ്ങിയതാണ് കാരണമെന്ന് വ്യാപാരികള് പറഞ്ഞു. മൊത്തവിപണിയില് ഒരാഴ്ചയ്ക്കിടെ 15 രൂപയോളം കുറവാണ് ഉണ്ടായത്. കിലോയ്ക്ക് 50-55 രൂപ നിരക്കിലാണ് ഇവര്ക്ക് പച്ചത്തേങ്ങ ലഭിക്കുന്നത്. ഓണം പ്രമാണിച്ച് നാട്ടിന്പുറങ്ങളില് തേങ്ങയിടീല് ആരംഭിച്ചതും വിലകുറയാന് കാരണമായി. വരും ദിവസങ്ങളില് തേങ്ങാവില ഇനിയും കുറയുമെന്നാണ് വിലയിരുത്തല്. കൊപ്രയും താഴേക്ക് അഞ്ച് മുതല് ആറ് രൂപവരെ കൊപ്രയ്ക്കും വിലകുറഞ്ഞു. ഇനി വെളിച്ചെണ്ണയുടെ വിലയിലും കുറവുണ്ടാകുമെന്നാണ് വ്യാപാരികള് വിലയിരുത്തുന്നത്. പച്ചത്തേങ്ങയുടെ വില ഓണമാകുമ്പേഴേക്കും 50 രൂപയില് താഴെയാകുമെന്നാണ് വിലയിരുത്തല്. എണ്ണവില തണുക്കുന്നു തമിഴ്നാട്, കര്ണാടക എന്നിവിടങ്ങളില് തേങ്ങ ഉത്പാദനം വര്ദ്ധിച്ചതും വിലയിടിവിന് കാരണമായിട്ടുണ്ട്. പാലക്കാട് നിന്ന് ഉള്പ്പെടെ പച്ചത്തേങ്ങ വന്തോതില് എത്തുന്നുണ്ട്. തേങ്ങ വില കുറഞ്ഞ സാഹചര്യത്തില് വെളിച്ചെണ്ണ വിലയിലേക്കാണ് ഏവരും ഉറ്റുനോക്കുന്നത്. ലിറ്ററിന് 450 രൂപ…
Read More » -
മിമിക്രി താരം പാലാ സുരേഷ് മരിച്ചനിലയില്; മൂന്നുപതിറ്റാണ്ടോളം വേദികളില് നിറഞ്ഞുനിന്ന കലാകാരന്
കൊച്ചി: മിമിക്രി താരം സുരേഷ് കൃഷ്ണ (പാലാ സുരേഷ്-53) പിറവത്ത് വാടകവീട്ടില് മരിച്ച നിലയില്. ഹൃദയസംബന്ധമായ അസുഖത്തെ തുടര്ന്ന് സുരേഷ് കോട്ടയം മെഡിക്കല് കോളേജ് ആശുപത്രിയില് ചികിത്സയിലായിരുന്നു. മൂന്നുപതിറ്റാണ്ടോളമായി മിമിക്രി വേദികളില് നിറഞ്ഞുനിന്ന കലാകാരനാണ്. ഞായറാഴ്ച രാവിലെ പതിവുസമയം കഴിഞ്ഞിട്ടും എഴുന്നേല്ക്കാതിരുന്നപ്പോഴാണ് വിവരമറിഞ്ഞത്. അകത്ത് നിന്നടച്ചിരുന്ന വാതില് തള്ളിത്തുറന്ന് ഉടനടി പിറവം താലൂക്ക് ആശുപത്രിയിലെത്തിച്ചുവെങ്കിലും ജീവന് രക്ഷിക്കാന് സാധിച്ചില്ല. ഉറക്കത്തില് ഹൃദയസ്തംഭനം ഉണ്ടായതായാണ് നിഗമനം. പിറവം തേക്കുംമൂട്ടില്പ്പടിക്കടുത്ത് കുടുംബസമേതം വാടക വീട്ടിലാണ് താമസിച്ചിരുന്നത്. മെഗാ ഷോകളിലൂടെയും സ്റ്റേജ് ഷോകളിലൂടെയും പ്രശസ്തനായി മാറിയ പാലാ സുരേഷ് മുന് മുഖ്യമന്ത്രി ഉമ്മന് ചാണ്ടിയെ വേദിയില് അനുകരിച്ചതോടെയാണ് കൂടുതല് അറിയപ്പെട്ടത്. ഒട്ടേറെ സിനിമകളിലും സീരിയലുകളിലും ടെലിവിഷന് കോമഡി പ്രോഗ്രാമുകളിലും വേഷമിട്ടിരുന്നു. എബിസിഡി എന്ന മലയാളം സിനിമയില് ഒരു പത്ര പ്രവര്ത്തകന്റെ വേഷം ചെയ്തിരുന്നു. കൊല്ലം നര്മ ട്രൂപ്പില് പ്രൊഫഷണല് ആര്ട്ടിസ്റ്റായിരുന്നു. കൊച്ചിന് രസികയിലും സജീവമായിരുന്നു.
Read More » -
ഗോവിന്ദനെതിരെ സിപിഎമ്മില് പടയൊരുക്കം; കത്ത് വിവാദത്തിന് പിന്നില് ഇ.പി? ജ്യോത്സ്യന് വിവാദം ഉന്നയിച്ചത് പി.ജെ
കണ്ണൂര്: സിപിഎം സംസ്ഥാന സെക്രട്ടറി എം.വി ഗോവിന്ദനെതിരെ പാര്ട്ടിയില് പടയൊരുക്കം.കണ്ണൂര് നേതാക്കള്ക്കിടയിലെ വിഭാഗീയതാണ് ഗോവിന്ദനെതിരായ നീക്കങ്ങള്ക്ക് പിന്നില് .കത്ത് വിവാദത്തിന് പിന്നില് ഇ.പി ജയരാജനെന്നാണ് സംശയിക്കുന്നത്. പരാതിക്കാരനായ ഷെര്ഷാദിനെ ഇ പി ജയരാജന് ഫോണില് വിളിച്ച് കത്തിലെ വിവരങ്ങള് ആരാഞ്ഞതായാണ് വിവരം. പോളിറ്റ് ബ്യൂറോയ്ക്ക്നല്കിയ പരാതി കോടതി രേഖ ആയതില് സംസ്ഥാന സെക്രട്ടറി എം.വി ഗോവിന്ദന്റെ മകന് പങ്കുണ്ടെന്നാണ് ആരോപണം. കത്ത് ചോര്ന്നതിനെതിരെജനറല് സെക്രട്ടറി എം എ ബേബിക്ക് ചെന്നൈ വ്യവസായി മുഹമ്മദ് ഷാര്ഷാദ് പരാതി നല്കിയിരുന്നു.ഈ രേഖ പുറത്തുവന്നതിന് പിന്നില് ഗോവിന്ദന്റെ മകന് ശ്യാമിന് ബന്ധമുണ്ടെന്ന ആരോപണമാണ് ചെന്നൈ വ്യവസായി ഉന്നയിക്കുന്നത്. പാര്ട്ടിക്ക് നല്കിയ കത്ത് എങ്ങനെ മാനനഷ്ടക്കേസില് തെളിവായി എന്ന ചോദ്യമാണ് സിപിഎം നേതാക്കളില് ഉയരുന്നത്. സിപിഎമ്മിന്റെ മുന് മന്ത്രിമാര്ക്കെതിരെയും നിലവിലെ മന്ത്രിമാര്ക്കെതിരെയും പോളിറ്റ്ബ്യൂറോയ്ക്ക് മുഹമ്മദ് ഷര്ഷാദ് നല്കിയ പരാതിയില് ആരോപണങ്ങളുണ്ട്. രാജേഷ് കൃഷ്ണ ഇവര്ക്കെല്ലാം പലതരത്തില് പണം നല്കിയിട്ടുണ്ടെന്നാണ് പരാതിയില് പറയുന്നത്. ഈ വിവാദത്തിന് പിന്നാലെ ഇ.പി…
Read More » -
കേരളത്തില് വടക്കന് ജില്ലകളില് മഴ ശക്തമാകും: രണ്ടിടത്ത് ഓറഞ്ച് അലര്ട്ട്; തൃശൂരില് ഇന്ന് അവധി
തിരുവനന്തപുരം: കേരളത്തിലെ വടക്കന് ജില്ലകളില് ഇന്നും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. കാസര്കോട്, കണ്ണൂര് ജില്ലകളില് ഇന്ന് ഓറഞ്ച് അലര്ട്ടാണ്. മലപ്പുറം, കോഴിക്കോട്, വയനാട് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. ഈ അഞ്ച് ജില്ലകളില് മാത്രമാണ് മഴ മുന്നറിയിപ്പുകള് ഉള്ളത്. അതേസമയം രണ്ട് ദിവസമായി പെയ്യുന്ന ശക്തമായ മഴയുടെ പശ്ചാത്തലത്തില് തൃശൂര് ജില്ലയില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട്. ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച അവധി. പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കുമെന്ന് ജില്ലാ ഭരണകൂടം അറിയിച്ചു. സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. സ്കൂള്തലത്തിലുള്ള പരീക്ഷകള്ക്കും അവധി ബാധകമാണ്. നാളെ നടക്കേണ്ട ഓണപ്പരീക്ഷയുടെ തിയതി പിന്നീട് അറിയിക്കും. എന്നാല് മുന്കൂട്ടി നിശ്ചയിച്ച മറ്റ് പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല. മഴ മുന്നറിയിപ്പുകളില്ലെങ്കിലും തിരുവനന്തപുരം, കൊല്ലം, പത്തനംതിട്ട, തൃശൂര്, മലപ്പുറം,…
Read More » -
കൊച്ചിയില് എയര് ഇന്ത്യ വിമാനം റണ്വേയില് നിന്ന് തെന്നിമാറി; വിമാനത്തില് ഹൈബി ഈഡനും
കൊച്ചി: കൊച്ചിയില് നിന്ന് ഡല്ഹിയിലേക്ക് പുറപ്പെടേണ്ടിയിരുന്ന എയര് ഇന്ത്യയുടെ എഐ 504 വിമാനം റണ്വേയില് നിന്ന് തെന്നിമാറിയതിനെ തുടര്ന്ന് ടേക്ക് ഓഫ് നിര്ത്തിവച്ചു. രാത്രി 10.15ന് ബോര്ഡിങ് ആരംഭിച്ച വിമാനം ടേക്ക് ഓഫിനായി റണ്വേയിലേക്ക് നീങ്ങുമ്പോഴായിരുന്നു സംഭവം. യാത്രക്കാരില് ഒരാളായ ഹൈബി ഈഡന് എംപി തന്റെ ഫേസ്ബുക്ക് പോസ്റ്റിലൂടെയാണ് ഈ വിവരം ആദ്യം പുറത്തുവിട്ടത്. എന്ജിന് തകരാറാണ് പ്രശ്നത്തിന് കാരണമെന്ന് വിമാനജീവനക്കാര് അറിയിച്ചതായി ഹൈബി ഈഡന് പറഞ്ഞു. ”ക്യാപ്റ്റന് വന്ന് സംസാരിച്ചു. എന്ജിന് സംഭവിച്ച സാങ്കേതിക തകരാര് ടെക്നീഷ്യന്സ് പരിശോധിക്കുകയാണ്. 10.40നാണ് വിമാനം ടേക്ക് ഓഫ് ചെയ്യേണ്ടിയിരുന്നത്. ടേക്ക് ഓഫിന് തൊട്ടുമുന്പത്തെ റണ്ണിങിനിടെയാണ് ബ്രേക്ക് ചെയ്ത വിമാനം തെന്നിമാറിയത്. വിമാനം റണ്വേയില് നിന്ന് പാര്ക്കിങിലേക്ക് മാറ്റിയിട്ടുണ്ട്. എന്ജിന് വൈബ്രേഷന് പ്രശ്നം ഉണ്ടെന്നാണ് അറിയാന് സാധിച്ചത്. ഒരു മണിക്കൂറായി യാത്രക്കാര് വിമാനത്തില് തുടരുകയാണ്. പ്രശ്നം പരിഹരിച്ച വൈകാതെ പുറപ്പെടുമെന്നാണ് കരുതുന്നത്.” ഹൈബി ഈഡന് പറഞ്ഞു.
Read More » -
വിസ വാഗ്ദാനം ചെയ്ത് ലഹരി നല്കി പീഡിപ്പിച്ചു, ദൃശ്യം പകര്ത്തി; വക്കം സ്വദേശിയായ യുവതിയുടെ പരാതിയില് പ്രവാസി വ്യവസായിക്കെതിരേ കേസ്
തിരുവനന്തപുരം: വക്കം സ്വദേശിയായ യുവതിയെ വിദേശത്തേക്കുള്ള വിസ വാഗ്ദാനം ചെയ്ത് പ്രലോഭിപ്പിച്ച് പീഡിപ്പിച്ചെന്ന പരാതിയില് പ്രവാസി വ്യവസായിക്കെതിരെ അയിരൂര് പൊലീസ് കേസെടുത്തു. പ്രവാസിയും വര്ക്കലയില് ടൂറിസം സ്ഥാപന ഉടമയുമായ ചെമ്മരുതി തച്ചോട് ഗുരുകൃപയില് ഷിബുവിനെതിരെയാണ് പരാതി നല്കിയത്. യുവതിയെ ഇയാളുടെ വീട്ടിലെത്തിച്ച് ലഹരി കലര്ത്തിയ ശീതള പാനിയം നല്കി ബോധരഹിതയാക്കിയ ശേഷം പീഡിപ്പിച്ചെന്നും വീഡിയോ ചിത്രീകരിച്ചെന്നുമാണ് എഫ്ഐആറില് പറയുന്നത്. അതിജീവിത ഉന്നത പൊലീസ് അധികാരികള്ക്കും മുഖ്യമന്ത്രിക്കും പരാതി നല്കിയതിന്റെ അടിസ്ഥാനത്തിലാണ് നടപടി. യുവതി കേസ് കൊടുത്തതോടെ അതിജീവിതയ്ക്കും അതിജീവിതയുടെ അഭിഭാഷകനുമെതിരെ പണം തട്ടാനുള്ള ശ്രമം ആരോപിച്ച് ഷിബു പരാതി നല്കി. ഈ പരാതിയിലും അയിരൂര് പൊലീസ് കേസെടുത്തിട്ടുണ്ട്. എന്നാല് ഈ പരാതി വ്യാജമാണെന്നും ഒളിവിലുള്ള പ്രതിയെ പിടികൂടി നടപടികള് സ്വീകരിക്കണമെന്നും യുവതി ആവശ്യപ്പെട്ടു. കേസില് അന്വേഷണം പുരോഗമിക്കുന്നതായി അയിരൂര് എസ്.എച്ച്.ഒ പറഞ്ഞു.
Read More » -
കനത്ത മഴ: തൃശൂര് ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി; സ്കൂള് തലത്തിലുള്ള പരീക്ഷകള്ക്കും അവധി ബാധകം
തൃശൂര്: കനത്ത മഴ തുടരുന്ന സാഹചര്യത്തില് തൃശൂര് ജില്ലയിലെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച അവധി പ്രഖ്യാപിച്ചു. ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കുമെന്ന് ജില്ലാ കളക്ടര് അറിയിച്ചു. സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. സ്കൂള്തലത്തിലുള്ള പരീക്ഷകള്ക്കും അവധി ബാധകമാണ്. നാളെ നടക്കേണ്ട ഓണപ്പരീക്ഷയുടെ തിയതി പിന്നീട് അറിയിക്കുന്നതായിരിക്കും. മുന്കൂട്ടി നിശ്ചയിച്ച മറ്റ് പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല. തുടര്ച്ചയായി പെയ്യുന്ന മഴയില് ജില്ലയില് പല സ്ഥലങ്ങളിലും വെള്ളക്കെട്ട് രൂപപ്പെട്ടിട്ടുണ്ട്. ബന്ധപ്പെട്ട വകുപ്പുകളുടെയും റിപ്പോര്ട്ടിന്റെയും അടിസ്ഥാനത്തില് മുന്കരുതല് നടപടിയുടെ ഭാഗമായിയാണ് നടപടിയെന്ന് കളക്ടര് അറിയിച്ചു. ഓണ പരീക്ഷകളുടെ ആഴ്ചകള് ആണ് ഇത്. ഈ അവധി വീട്ടില് ഇരുന്നു പഠിക്കുവാനും റിവിഷനും മറ്റുമായി ഉപയോഗപ്പെടുത്തണമെന്ന് കളക്ടര് അഭ്യര്ഥിച്ചു.
Read More » -
പ്രശസ്ത വെടിക്കെട്ട് കലാകാരന് കുണ്ടന്നൂര് സുരേഷ് മരിച്ച നിലയില്
തൃശൂര്: പ്രശസ്ത വെടിക്കെട്ട് കലാകാരന് കുണ്ടന്നൂര് സുരേഷിനെ തൂങ്ങിമരിച്ച നിലയില് കണ്ടെത്തി. ഇന്ന് പുലര്ച്ചെയാണ് സംഭവം. വീടിന്റെ ടെറസില് തൂങ്ങി മരിച്ചനിലയില് കുണ്ടന്നൂര് സുരേഷിനെ കണ്ടെത്തുകയായിരുന്നു. തൃശ്ശൂര് പൂരം ഉള്പ്പെടെ പ്രസിദ്ധമായ പൂരങ്ങളില് വെടിക്കെട്ടിന് നേതൃത്വം നല്കിയ വ്യക്തിയാണ് കുണ്ടന്നൂര് സുരേഷ്.
Read More » -
‘ഇവിടെ കുറച്ച് വാനരന്മാര് ഇറങ്ങിയല്ലോ…മറുപടി കമ്മിഷന് പറയും, അവരോട് അവിടെപോയി ചോദിക്കാന് പറയൂ’
തൃശൂര്: വോട്ടര്പട്ടിക വിവാദത്തില് മറുപടി പറയേണ്ടത് തിരഞ്ഞെടുപ്പ് കമ്മിഷനാണെന്നും അവര് ഇന്ന് മറുപടി പറയുമെന്നും കേന്ദ്രമന്ത്രി സുരേഷ്ഗോപി. മന്ത്രിയായതിനാലാണ് വിവാദങ്ങളില് മറുപടി പറയാത്തതെന്നും ശക്തന് തമ്പുരാന്റെ പ്രതിമയില് മാല ചാര്ത്തിയശേഷം മാധ്യമങ്ങളോട് മന്ത്രി പറഞ്ഞു. വിവാദങ്ങളില് ആദ്യമായാണ് സുരേഷ് ഗോപി പ്രതികരിക്കുന്നത്. ”നിങ്ങള് ഉന്നയിച്ച വിഷയങ്ങള്ക്ക് ചീഫ് ഇലക്ഷന് കമ്മിഷന് മറുപടി പറയും. എന്തുകൊണ്ട് ഞാന് മറുപടി പറഞ്ഞില്ല? മറുപടി പറയേണ്ടത് അവരാണ്. ഞാന് മന്ത്രിയാണ്. ആ ഉത്തരവാദിത്തം ഞാന് ഭംഗിയായി നിറവേറ്റിയിട്ടുണ്ട്. മറുപടി പറയേണ്ടവര് ഇന്ന് മറുപടി പറയും. ചോദ്യങ്ങള് കൂടുതലുണ്ടെങ്കില് അവരോട് ചോദിക്കാം. അല്ലെങ്കില് കേസ് സുപ്രീംകോടതിയില് എത്തുമ്പോള് അവിടെ ചോദിക്കാം. ഇവിടെ കുറച്ച് വാനരന്മാര് ഇറങ്ങിയല്ലോ ഉന്നയിക്കലുമായി. അവരോട് അവിടെപോയി ചോദിക്കാന് പറയൂ”സുരേഷ്ഗോപി പറഞ്ഞു. ‘വോട്ട് മോഷണ’ വിവാദത്തില് മറുപടി ഇന്ന്; തെരഞ്ഞടുപ്പ് കമ്മീഷന്റെ വാര്ത്താസമ്മേളനം ഉച്ചകഴിഞ്ഞ് 3ന് ശക്തന്റെ പ്രതിമയില് ഹാരം അര്പിച്ചതില് പ്രതികരണം ഇങ്ങനെ: ”ഹൃദയം പറഞ്ഞു, ചെയ്തു. ശക്തന്റെ ആ ശക്തി തിരിച്ച്…
Read More » -
തുറവൂര് ഉയരപ്പാതയുടെ ബീമുകള് വീണു; തലനാരിഴയ്ക്ക് ഒഴിവായത് വന് ദുരന്തം, ഗതാഗതക്കുരുക്ക്
കൊച്ചി: തുറവൂര് ഉയരപ്പാത നിര്മാണത്തിന്റെ ഭാഗമായി സ്ഥാപിച്ചിരുന്ന ഇരുമ്പ് ബീമുകള് അഴിച്ചു മാറ്റുന്നതിനിടയില് നിലം പതിച്ചു. തുറവൂര് ജംക്ഷനില് ഇന്ന് രാവിലെ ആറരയോടെ ആയിരുന്നു സംഭവം. ആളപായമില്ല. ബീമുകള് കൊണ്ടുപോകാനായി തൂണിനടിയില് പാര്ക്ക് ചെയ്തിരുന്ന പുള്ളര് ലോറി തകര്ന്നു. കോണ്ക്രീറ്റ് ഗര്ഡറുകള്ക്ക് താങ്ങായി താല്ക്കാലികമായി സ്ഥാപിച്ച ബീമുകള്ക്ക് 80 ടണ് ഭാരമാണ് ഉള്ളത്. ബീമുകള് ഇറക്കുമ്പോള് ഗതാഗതം തടസ്സപ്പെടുത്തിയതിനാല് വന് ദുരന്തം ഒഴിവാക്കുകയായിരുന്നു. ഇതുമൂലം ദേശീയപാതയില് തുറവൂര് ജംഗ്ഷന് ഗതാഗത കുരുക്കിലായി.
Read More »