India
-
ടി20 ലോകകകപ്പ് ഫെബ്രുവരി ഏഴുമുതല്; ഇന്ത്യയും പാകിസ്താനും ഒരു ഗ്രൂപ്പില്; കൊളംബോയില് തീപാറും; പാകിസ്താന്റെ എല്ലാ മത്സരങ്ങളും നിഷ്പക്ഷ വേദിയായ ശ്രീലങ്കയില്; രോഹിത്ത് ബ്രാന്ഡ് അംബാസഡര്
മുംബൈ: ഇന്ത്യ ആതിഥ്യം വഹിക്കുന്ന അടുത്തവർഷത്തെ ട്വന്റി20 ലോകകപ്പിൽ അയൽവൈരികളായ ഇന്ത്യയും പാക്കിസ്ഥാനും ഒരേ ഗ്രൂപ്പിൽതന്നെ. ഫെബ്രുവരി ഏഴിന് ആരംഭിക്കുന്ന ലോകകപ്പിന്റെ ഉദ്ഘാടന മത്സരത്തിൽ മുംബൈയിൽ നിലവിലെ ചാംപ്യൻമാരായ ഇന്ത്യ, യുഎസ്എയെ നേരിടും. ഫെബ്രുവരി 15ന് കൊളംബോയിലാണ് ഇന്ത്യ– പാക്കിസ്ഥാൻ മത്സരം. ലോകകപ്പിൽ പാക്കിസ്ഥാന്റെ എല്ലാ മത്സരങ്ങളും നിഷ്പക്ഷ വേദിയായ ശ്രീലങ്കയിലാണ്. രോഹിത് ശർമയാണ് ലോകകപ്പിന്റെ ബ്രാൻഡ് അംബാസഡർ. തുടർച്ചയായ നാലാം ട്വന്റി20 ലോകകപ്പിലാണ് ഇന്ത്യയും പാക്കിസ്ഥാനും ഗ്രൂപ്പ് റൗണ്ടിൽ നേർക്കുനേർ വരുന്നത്. നമീബിയയും നെതർലൻഡ്സുമാണ് ഗ്രൂപ്പിലെ ഇന്ത്യയുടെ മറ്റു എതിരാളികൾ. ആകെ 20 ടീമുകൾ മത്സരിക്കുന്ന ലോകകപ്പിൽ ഇന്ത്യയിൽ അഞ്ചും ശ്രീലങ്കയിൽ മൂന്നും വേദികളുണ്ട്. ഇരു ടീമുകളും ഫൈനലിലെത്തിയാൽ ഇന്ത്യയും പാക്കിസ്ഥാനും തമ്മിൽ ഈ ലോകകപ്പിൽ 3 തവണ ഏറ്റുമുട്ടും. മാർച്ച് എട്ടിന് നടക്കുന്ന ഫൈനലിന്റെ വേദിയായി അഹമ്മദാബാദ് സ്റ്റേഡിയമാണ് നിശ്ചയിച്ചിട്ടുള്ളത്. എന്നാൽ പാക്കിസ്ഥാൻ ഫൈനലിലെത്തിയാൽ കലാശപ്പോരാട്ടം കൊളംബോയിൽ നടക്കും. ∙ 2026 ട്വന്റി20 ലോകകപ്പിൽ 20 ടീമുകൾ, 8 വേദികൾ,…
Read More » -
‘പരമാധികാരത്തിനു മേലുള്ള കടന്നാക്രമണം’; പാക് വ്യോമാക്രമണത്തിന് തക്ക സമയത്തു മറുപടിയെന്ന് താലിബാന്
കാബൂള്: അഫ്ഗാനിസ്ഥാനിലെ കിഴക്കന് പ്രവിശ്യകളില് പാക്കിസ്ഥാന് നടത്തിയ വ്യോമാക്രമണത്തിന് തക്ക സമയത്ത് ഉചിതമായി മറുപടി നല്കുമെന്ന് താലിബാന് ഭരണകൂടം. ‘ഈ ലംഘനത്തെയും കുറ്റകൃത്യത്തെയും ഇസ്ലാമിക് എമിറേറ്റ് ശക്തമായി അപലപിക്കുന്നു. ഞങ്ങളുടെ വ്യോമാതിര്ത്തിയും ഭൂപ്രദേശവും ജനങ്ങളെയും സംരക്ഷിക്കേണ്ടത് നിയമാനുസൃതമായ അവകാശമാണെന്നും, തക്ക സമയത്ത് ഉചിതമായി പ്രതികരിക്കുമെന്നും ആവര്ത്തിക്കുന്നു’ താലിബാന് വക്താവ് സബീഹുള്ള മുജാഹിദ് സമൂഹമാധ്യമത്തില് പോസ്റ്റു ചെയ്ത പ്രസ്താവനയില് പറഞ്ഞു. അഫ്ഗാനിസ്ഥാനിലെ പാക്ടിക, ഖോസ്ക്, കുനാര് പ്രവിശ്യകളില് പാകിസ്ഥാന് സേന നടത്തിയ വ്യോമാക്രമണങ്ങള്, അഫ്ഗാനിസ്ഥാന്റെ പരമാധികാരത്തിന്മേലുള്ള നേരിട്ടുള്ള കടന്നാക്രമണമാണെന്നും സബീഹുള്ള കുറ്റപ്പെടുത്തി. അഫ്ഗാനിസ്ഥാനില് ചൊവ്വാഴ്ച പുലര്ച്ചെ മൂന്നു മണിയോടെ പാക്കിസ്ഥാന് നടത്തിയ ബോംബിങ്ങില് 9 കുട്ടികളും ഒരു സ്ത്രീയും കൊല്ലപ്പെട്ടെന്ന് താലിബാന് വക്താവ് സ്ഥിരീകരിച്ചു. ഇത്തരം ആക്രമണങ്ങള്ക്ക് പാക്കിസ്ഥാന്റെ നിയന്ത്രണത്തില് നില്ക്കാത്ത തരത്തില് വളരെ മോശമായ പ്രത്യാഘാതങ്ങള് ഉണ്ടാകാമെന്നും സബീഹുള്ള മുജാഹിദ് മുന്നറിയിപ്പ് നല്കി. കഴിഞ്ഞ ദിവസം പാക്കിസ്ഥാനിലെ പെഷാവറില് ചാവേര് ബോംബ് സ്ഫോടനത്തില് മൂന്നുപേര് കൊല്ലപ്പെട്ടിരുന്നു. അതേസമയം, തെഹ്രികെ താലിബാന് പാക്കിസ്ഥാന്…
Read More » -
പന്ത് ഏകദിനത്തില് സഞ്ജുവിനെ അപേക്ഷിച്ച് വമ്പന് പരാജയം; എന്നിട്ടും സെലക്ടര്മാര് പരിഗണിച്ചു; ശ്രേയസ് അയ്യരുടെയും ഗില്ലിന്റെയും അസാന്നിധ്യത്തില് ഇന്ത്യ വരുത്തുന്നത് ഗുരുതര പിഴവോ? ഈ കണക്കുകള് സത്യം പറയും
ന്യൂഡല്ഹി: ദക്ഷിണാഫ്രിക്കയ്ക്കെതിരേ ഇന്ത്യന് ടീമിനെ പ്രഖ്യാപിച്ച സെലക്ഷന് ബോര്ഡ് സഞ്ജുവിനെ ഒഴിവാക്കിയത് വമ്പന് പിഴവെന്നു ചൂണ്ടിക്കാട്ടി നിരീക്ഷകര്. പന്തിന്റെ ആക്രമണോത്സുകതയും കളി ജയിപ്പിക്കാനുള്ള അപ്രതീക്ഷിത പ്രകടനവും നിലനില്ക്കുമ്പോഴും ഏകദിനത്തില് സഞ്ജുവിനെ അപേക്ഷിച്ചു വമ്പന് പരാജയമാണെന്നും കണക്കുകള് നിരത്തി ചൂണ്ടിക്കാട്ടുന്നു. ശ്രേയസ് അയ്യരുടെ അസാന്നിധ്യത്തില് സ്ഥിരതയുള്ള ബാറ്ററുടെ സ്ഥാനമെന്താണ് ഇതിനുമുമ്പും സഞ്ജു തെളിയിച്ചിട്ടുണ്ട്. നവംബര് 30ന് റാഞ്ചിയില് ആരംഭിക്കുന്ന മൂന്നു മത്സരങ്ങളുള്ളസീരീസിലേക്ക് നവംബര് 23ന് ആണു 15 അംഗ ടീമിനെ പ്രഖ്യാപിച്ചത്. ശ്രേയസ് അയ്യര്ക്കും ഗില്ലിനും പരിക്കേറ്റതോടെ സെലക്ടര്മാര് ചെറിയ മാറ്റങ്ങളും ടീമില് വരുത്തി. ധ്രുവ് ജുറേല് തിരിച്ചെത്തിയതിനൊപ്പം കാലിന്റെ പരിക്കു മാറിയ റിഷഭ പന്തും ടീമില് ചേരും. എന്നാല്, ദക്ഷിണാഫ്രിക്കയില് ഗംഭീര സെഞ്ചുറിയോടെ കളി ജയിപ്പിച്ചിട്ടും അമ്പതോവര് ഫോര്മാറ്റില് 56.7 ശരാശരിയും 99.61 സ്ട്രൈക്ക് റേറ്റുമുണ്ടായിട്ടും സഞ്ജുവിനെ പുറത്തിരുത്തി. പന്തിനേക്കാള് സഞ്ജുവിനെ ഉള്പ്പെടുത്തേണ്ടിയിരുന്നതിന്റെ കാരണങ്ങള് ഇതാ. 1. വൈറ്റ് ബോള് ക്രിക്കറ്റില് മികച്ച പ്രകടനം വെള്ളപ്പന്തിലെ കളിയില് സഞ്ജുവിനെക്കാള് ഏറെപ്പിന്നിലാണ് റിഷഭ്…
Read More » -
‘മുസ്ലിംകള് ഓസ്ട്രേലിയ കീഴടക്കും’; പൊതു സ്ഥലങ്ങളില് മുഖം മറയ്ക്കുന്ന വസ്ത്രം വിലക്കണമെന്ന ബില് തള്ളിയതിന്റെ കലിപ്പില് ബുര്ഖ ധരിച്ച് പാര്ലമെന്റില് പ്രതിഷേധം നടത്തിയ സെനറ്റര്ക്ക് സസ്പെന്ഷന്; പ്രതിഷേധം രണ്ടാംവട്ടം
മെല്ബണ്: ബുര്ഖ നിരോധിക്കണമെന്നാവശ്യപ്പെട്ട് ബുര്ഖ ധരിച്ച് പാര്ലമെന്റില് പ്രതിഷേധം നടത്തിയ ഓസ്ട്രേലിയന് സെനറ്ററിന് സസ്പെന്ഷന്. കുടിയേറ്റ വിരുദ്ധ പാര്ട്ടിയായ വണ് നേഷനിലെ അംഗവും ക്വീന്സ്ലാന്ഡ് സെനറ്ററുമായി പോളീന് ഹാന്സനാണ് വേറിട്ട പ്രതിഷേധം വിനയായത്. പോളീന്റെ പ്രതിഷേധം നഗ്നമായ വംശീയവെറിയാണെന്ന് ആരോപിച്ച് മറ്റൊരു സെനറ്റര് രംഗത്തുവന്നതോടെയാണ് സസ്പെന്ഷന്. പൊതുസ്ഥലങ്ങളില് മുഖം മറയ്ക്കുന്ന വസ്ത്രങ്ങള് വിലക്കണമെന്ന ബില് അവതരിപ്പിക്കാന് ഏറെക്കാലമായി പോളീന് പരിശ്രമിച്ചുകൊണ്ടിരിക്കുകയായിരുന്നു. എന്നാല് ബില് തള്ളപ്പെട്ടു. ഇതിനോടുള്ള പ്രതിഷേധമായാണ് ബുര്ഖ ധരിച്ച് പ്രതിഷേധിച്ചത്. ഇത് രണ്ടാം തവണയാണ് പോളീന് പാര്ലമെന്റില് ബുര്ഖ ധരിച്ചെത്തുന്നത്. കടുത്ത മുസ്ലിം വിരുദ്ധയായ പോളീനെതിരെ ഇതിന് മുന്പും നടപടിയുണ്ടായിട്ടുണ്ട്. സഹ സെനറ്ററായ മെഹ്റീന് ഫാറൂഖിക്കെതിരെ വംശവിരുദ്ധമായ നിലപാട് സ്വീകരിച്ചതിന് പോളീനെതിരെ കേസ് പുരോഗമിച്ചുകൊണ്ടിരിക്കുകയാണ്. കേസിലെ വാദിയായ മെഹ്റീന് ഫാറൂഖി പോളീന്റെ പുതിയ പ്രതിഷേധത്തെ ‘വംശീയവെറിക്കാരിയായ സെനറ്ററിന്റെ പച്ചയായ വംശീയവെറി’ എന്നാണ് വിശേഷിപ്പിച്ചത്. പോളീനെതിരായ നടപടി വോട്ടിനിടാന് വിദേശകാര്യ മന്ത്രിയും സെനറ്റ് അധ്യക്ഷയുമായ പെന്നി വോങ്ങ് തീരുമാനിക്കുകയായിരുന്നു. 5നെതിരെ 55…
Read More » -
മുഗളന്മാര് ഹിന്ദു പാരമ്പര്യങ്ങളെ അടിച്ചമര്ത്തി, ‘തിലകം മായ്ക്കാനും പൂണൂല് ഇല്ലാതാക്കാനും ശ്രമിച്ചു’ ; ഇന്ത്യയെ മുസ്ളീംരാജ്യമാക്കാന് ശ്രമിച്ചു ; പ്രതിരോധിച്ചത് സിഖ് ഗുരുക്കന്മാരെന്ന് യോഗി ആദിത്യനാഥ്
ലക്നൗ: മുഗള് രാജാക്കന്മാര് ഇന്ത്യയിലെ ഹിന്ദുപാരമ്പര്യങ്ങള് അടിച്ചമര്ത്തി ഇസ്ളാമിക രാജ്യമാക്കാന് ശ്രമിച്ചെന്നും സിഖ് ഗുരുക്കന്മാരാണ് പ്രതിരോധിച്ചതെന്നും യുപി മുഖ്യമന്ത്രി യോഗി ആദിത്യനാഥ്. മതപരമായ പീഡനം ശക്തമാക്കുകയും ഹിന്ദു ചിഹ്നങ്ങളെയും ആചാര ങ്ങളെയും ലക്ഷ്യം വെച്ചുള്ള നീക്കങ്ങളാണ് നടത്തിയതെന്നും ബലപ്രയോഗത്തിലൂടെ മതമാറ്റം നടത്തിയതായും പറഞ്ഞു. മുഴുവന് ഇന്ത്യയെയും ഇസ്ലാമികവല്ക്കരിക്കാന് മുഗളന്മാര് ഒരു പ്രചാരണം ആരംഭിച്ചിരുന്നു. ഔറംഗസേബ് തിലകം മായ്ക്കാനും പൂണൂല് ഇല്ലാതാക്കാനും ശ്രമിച്ചു. കശ്മീരിലെ അടിച്ചമര് ത്തല് ഉള്പ്പെടെയുള്ള വ്യാപകമായ അതിക്രമങ്ങള് നടത്തി. ഈ കാലഘട്ടത്തില് ഗുരു തേജ് ബഹാദൂര് ശബ്ദമുയര്ത്തുകയും പീഡനങ്ങള്ക്കെതിരെ ഒരു തടസ്സമായി നിലകൊള്ളുകയും ചെയ്തുവെന്ന് സിഖ് ചരിത്രത്തെക്കുറിച്ച് പരാമര്ശിച്ചുകൊണ്ട് മുഖ്യമന്ത്രി പറഞ്ഞു. ഗുരുവിന്റെ അനുയായികള്ക്ക് നേരിടേണ്ടിവന്ന പീഡനങ്ങളെക്കുറിച്ച് അദ്ദേഹം വിവരിച്ചു. ”ഭായ് മതി ദാസിനെ ആദ്യം പീഡിപ്പിക്കുകയും കഷണങ്ങളാക്കി അറുക്കുകയും ചെയ്തു. ഭായ് സതി ദാസിനെ പഞ്ഞിയില് കെട്ടി തീയിട്ടു. ഭായ് ദയാലയെ തിളച്ച വെള്ളമുള്ള പാത്രത്തി ലേക്ക് എറിയുകയും ചെയ്തു. അവര് ബലിയര്പ്പിക്കപ്പെട്ടിട്ടും ഗുരു തേജ് ബഹാദൂര്…
Read More » -
ഇന്ത്യന് പോലീസിന്റെ ഊഴം കഴിഞ്ഞു ; വീഡിയോകോള് വിളിച്ചുള്ള പുതിയ ഓണ്ലൈന് തട്ടിപ്പ് ഇപ്പോള് ഖത്തര്പോലീസിന്റെ വേഷത്തിലും ; ആഭ്യന്തരമന്ത്രാലയത്തിന്റെ ജാഗ്രതാ നിര്ദേശം
ദോഹ : പോലീസ് വേഷത്തിലുള്ള ഓണ്ലൈന് തട്ടിപ്പിന് പുതിയമുഖം. ഇന്ത്യന് പോലീസുകാരുടെ വേഷത്തില് നടക്കുന്ന തട്ടിപ്പ് ഇപ്പോള് വേണ്ടവിധത്തില് ഏല്ക്കാതായപ്പോള് ഖത്തര് പോലീസാണെന്ന് തെറ്റിദ്ധരിപ്പിക്കുന്ന തരത്തില് വീഡിയോ കോളിലൂടെ സൈബര് തട്ടിപ്പിന് ശ്രമം നടക്കുന്നതായി ഖത്തര് ആഭ്യന്തര മന്ത്രാലയത്തിന് മുന്നറിയിപ്പ് നല്കി. വ്യാജ പോലീസ് യൂണിഫോം ധരിച്ച് വീഡിയോ കോളിനിടെ പ്രത്യക്ഷപ്പെട്ട ഒരു കേസ് നിരീക്ഷിച്ചതിനെ തുടര്ന്നാണ് മന്ത്രാലയത്തിന് ഇതുസംബന്ധിച്ച വിവരം ലഭിച്ചത്. സോഷ്യല് മീഡിയ പ്ലാറ്റ്ഫോമുകള് വഴിയാണ് രാജ്യത്തെ ഔദ്യോഗിക പദവികളും വേഷവും അനുകരിച്ച് തട്ടിപ്പിന് ശ്രമം നടക്കുന്നത്. ഇത്തരം പുതിയ ഇലക്ട്രോണിക് തട്ടിപ്പ് രീതികളെക്കുറിച്ച് ജാഗ്രത പാലിക്കണമെന്ന് ആഭ്യന്തര മന്ത്രാലയം മുന്നറിയിപ്പ് നല്കി. ഖത്തറി പൊലീസ് ഉദ്യോഗസ്ഥനായി ആള്മാറാട്ടം നടത്തുന്ന ഒരാള് വ്യാജ യൂണിഫോമില്, വ്യാജ ഐഡിയുമായി ഇരകളിലൊരാളുമായി വീഡിയോ കോളില് ബന്ധപ്പെടുന്നതിന്റെ ചിത്രം ഖത്തറിലെ സോഷ്യല് മീഡിയ പ്ലാറ്റ്ഫോമുകളില് വ്യാപകമായി പ്രചരിക്കുന്നുണ്ട്. ”വ്യക്തിഗതമോ സാമ്പത്തികമോ ആയ വിവരങ്ങളോ ഡാറ്റയോ കൈക്കലാക്കാന് ഉദ്ദേശിച്ചാണ് ഇത്തരം ശ്രമങ്ങള് നടക്കുന്നത്.സര്ക്കാര് അല്ലെങ്കില്…
Read More » -
ഇന്ത്യയെ ഇന്നിംഗ്സ് തോല്വിയിലേക്ക് തള്ളിവിടാന് അവസരമുണ്ടായിട്ടും ഒഴിവാക്കി; രണ്ടു മിനുട്ട് ആലോചിച്ച് ഫോളോ ഓണ് വേണ്ടെന്ന് ദക്ഷിണാഫ്രിക്കന് ക്യാപ്റ്റന്; ഇന്ത്യ ഏറ്റവുമൊടുവില് ഫോളോ ഓണ് വഴങ്ങിയത് 2010ല്
ഗുവാഹത്തി: രണ്ടാം ടെസ്റ്റിന്റെ ഒന്നാം ഇന്നിങ്സില് ഇന്ത്യ 201ന് ഓള്ഔട്ടായതോടെ ആതിഥേയരെ ഫോളോ ഓണ് ചെയ്യിപ്പിക്കാന് (വീണ്ടും ബാറ്റിങ്ങിന് അയയ്ക്കുക) ദക്ഷിണാഫ്രിക്കന് ക്യാപ്റ്റന് ടെംബ ബവൂമയ്ക്ക് അവസരം ഉണ്ടായിരുന്നിട്ടും വിനിയോയിച്ചില്ല. എന്നാല് അംപയര്മാര് ഫോളോ ഓണിനെപ്പറ്റി ചോദിച്ചപ്പോള് ‘രണ്ടു മിനിറ്റ്, ടീമുമായി ആലോചിക്കട്ടെ’ എന്നായിരുന്നു ബവൂമയുടെ മറുപടി. പിന്നാലെ ഡ്രസിങ് റൂമിന് അടുത്തേക്ക് ഓടിയ ബവൂമ, പരിശീലകന് ഉള്പ്പെടെ ഉള്ളവരോടു ചോദിച്ച ശേഷം ഫോളോ ഓണ് വേണ്ടെന്നും തങ്ങള് ബാറ്റ് ചെയ്തോളാമെന്നും അംപയര്മാരെ അറിയിച്ചു. ഇന്ത്യയെ ഇന്നിങ്സ് തോല്വിയിലേക്ക് തള്ളിവിടാന് അവസരം ഉണ്ടായിട്ടും ഫോളോ ഓണ് ഉപേക്ഷിച്ച ബവൂമയുടെ തീരുമാനം കമന്റേറ്റര്മാര്ക്കും കൗതുകമായി. നാട്ടില് നടന്ന ടെസ്റ്റില്, 2010ലാണ് ഇന്ത്യ അവസാനമായി ഫോളോ ഓണ് വഴങ്ങിയത്. അന്നും ദക്ഷിണാഫ്രിക്ക തന്നെയായിരുന്നു എതിരാളി. മത്സരത്തില് ഇന്നിങ്സിനും 6 റണ്സിനും ഇന്ത്യ തോറ്റിരുന്നു. ഇതടക്കം 3 തവണയാണ് ഇന്ത്യ സ്വന്തം നാട്ടില് ഫോളോ ഓണ് നേരിടേണ്ടിവന്നത്. ഒന്നാം ഇന്നിങ്സില് ഇന്ത്യയെ 201ന് പുറത്താക്കി 288…
Read More » -
സുബീന് ഗാര്ഗിന്റേതു അപകട മരണമല്ല, കൊലപാതകം; സ്ഥിരീകരിച്ച് മുഖ്യമന്ത്രി; പിന്നില് ഞെട്ടിക്കുന്ന കാരണങ്ങള്; ‘ഒരാള് കൊലപ്പെടുത്തി, മറ്റുള്ളവര് സഹായിച്ചു’
കൊല്ക്കത്ത: യുവജനങ്ങളുടെ ആരാധനാപാത്രമായ അസമീസ് ഗായകന് സുബീന് ഗാര്ഗിന്റെ (52) മരണം കൊലപാതകമെന്ന് അസം സര്ക്കാര്. മുഖ്യമന്ത്രി ഹിമന്ദ ബിശ്വ ശര്മ ഇക്കാര്യം നിയമസഭയെ അറിയിച്ചു. സ്കൂബ ഡൈവിങ്ങിനിടെയാണ് സുബീന് ഗാര്ഗ് മരിച്ചത്. സിംഗപ്പൂരിലെ നോര്ത്ത് ഈസ്റ്റ് ഇന്ത്യ ഫെസ്റ്റിവലില് പാടാനെത്തിയ സുബീന്, സ്കൂബ ഡൈവിങ്ങിനിടെയാണ് പരുക്കേറ്റത്. ആശുപത്രിയില് എത്തിച്ചെങ്കിലും മരണം സംഭവിച്ചു. ”സുബീന് ഗാര്ഗിന്റേത് അപകടമരണം അല്ലെന്നും കൊലപാതകമാണെന്നും അസം പൊലീസിന്റെ അന്വേഷണത്തില് കണ്ടെത്തി. ഒരാള് ഗാര്ഗിനെ കൊലപ്പെടുത്തി. മറ്റുള്ളവര് സഹായിച്ചു. അഞ്ചോളംപേരെ അറസ്റ്റു ചെയ്തു.”പ്രതിപക്ഷത്തിന്റെ അടിയന്തര പ്രമേയത്തിനു മറുപടിയായി മുഖ്യമന്ത്രി പറഞ്ഞു. കൊലപാതകത്തിലേക്കു നയിച്ച കാരണങ്ങള് ജനത്തെ ഞെട്ടിക്കുമെന്നും അദ്ദേഹം കൂട്ടിച്ചേര്ത്തു. മരണത്തെക്കുറിച്ച് അന്വേഷിക്കാന് പ്രത്യേക പൊലീസ് സംഘത്തെ നിയോഗിച്ചതിനു പുറമേ ഹൈക്കോടതി സിറ്റിങ് ജഡ്ജിയുടെ മേല്നോട്ടത്തിലുള്ള അന്വേഷണവും സര്ക്കാര് പ്രഖ്യാപിച്ചിരുന്നു. ഗായകന്റെ മാനേജരും സംഘത്തിലുള്ളവരുമാണ് അറസ്റ്റിലായത്. ഗായകന്റെ സുരക്ഷാ ഉദ്യോഗസ്ഥരും അറസ്റ്റിലായി. ഇമ്രാന് ഹഷ്മിയും കങ്കണ റനൗട്ടും അഭിനയിച്ച ഗാങ്സ്റ്റര് സിനിമയിലെ ‘യാ അലി’ എന്ന ഹിറ്റ്…
Read More » -
‘ബംഗാളില് എന്നെ ലക്ഷ്യം വെച്ചാല്, ഞാന് രാജ്യത്തെ പിടിച്ചു കുലുക്കും’: വോട്ടര് പട്ടികാ പുതുക്കലിന് മുന്നോടിയായി ബിജെപിക്ക് മമതയുടെ മുന്നറിയിപ്പ് ; കേന്ദ്ര തിരഞ്ഞെടുപ്പ് കമ്മീഷന് ബിജെപി കമമീഷനായി മാറിയെന്നും ആരോപിച്ചു
ന്യൂഡല്ഹി: ബംഗാളില് തന്നെ ബിജെപി ലക്ഷ്യം വെയ്ക്കുകയാണെങ്കില് താന് രാജ്യത്തെ മുഴുവന് പിടിച്ചുകുലുക്കുമെന്ന് ബംഗാള് മുഖ്യമന്ത്രി മമതാബാനര്ജി. തെരഞ്ഞെടുപ്പിന് ശേഷം താന് രാജ്യം മുഴുവന് സഞ്ചരിക്കുമെന്നും പറഞ്ഞു. തന്റെ ആളുകള്ക്ക് എതിരേയുള്ള ഏതാക്രമണത്തെയും തനിക്ക് നേരെയുള്ള എതിര്പ്പായി കണക്കാക്കുമെന്നും മമതാ ബാനര്ജി പറഞ്ഞു. ബോംഗാവോണില് നടന്ന എസ്ഐആര് വിരുദ്ധ റാലിയില് സംസാരിച്ച തൃണമൂല് കോണ്ഗ്രസ് നേതാവ്, ഒരൊറ്റ പേര് പോലും വോട്ടര് പട്ടികയില് നിന്ന് നീക്കം ചെയ്യാന് തിരഞ്ഞെടുപ്പ് കമ്മീഷന് അധികാരമില്ലെന്ന് ജനങ്ങള്ക്ക് ഉറപ്പ് നല്കുമെന്നും ഭയപ്പെടരുതെ ന്ന് അഭ്യര്ത്ഥിക്കുകയും ചെയ്തു. തെരഞ്ഞെടുപ്പ് കമ്മീഷന് ബിജെപിയുടെ നിര്ദേശപ്രകാരം പ്രവര്ത്തിക്കുകയാണെന്നും ബിജെപി അവരുടെ പാര്ട്ടി ഓഫീസില് നിന്ന് ലിസ്റ്റ് തയ്യാറാക്കുകയും അതിനനുസരിച്ച് തിരഞ്ഞെടുപ്പ് കമ്മീഷന് തീരുമാനമെടുക്കുകയും ചെയ്യുകയാണ്. തിരഞ്ഞെടുപ്പ് കമ്മീഷന്റെ ജോലി നിഷ്പക്ഷമായിരിക്കുക എന്നതാണ്. എന്നാല് അത് ‘ബിജെപി കമ്മീഷന്’ ആകരുത് എന്നും മമത മാതുവ സമുദായത്തെ അഭിസംബോധന ചെയ്തുകൊണ്ട് പറഞ്ഞു. തന്റെ ഹെലികോപ്റ്റര് യാത്ര റദ്ദാക്കിയത് റാലിയില് എത്തുന്നത് തടയാനുള്ള ബിജെപി…
Read More » -
പിഎം ശ്രീ സ്കൂളല്ല സര്ക്കാര്ശ്രീ സ്കൂളുകള് വരട്ടെ; സര്ക്കാര് സ്കൂളുകള് ഇല്ലാത്ത സ്ഥലങ്ങളില് സ്കൂളുകള് സ്ഥാപിക്കാന് കേരളത്തോട് സുപ്രീംകോടതി; നൂറുശതമാനം സാക്ഷരതയുള്ള സംസ്ഥാനം സര്ക്കാര് സ്കൂളിനെ എന്തിന് എതിര്ക്കണമെന്നും സാക്ഷരകേരളത്തോട് സുപ്രീം കോടതിയുടെ ചോദ്യം; മഞ്ചേരിയിലെ എളാമ്പ്രയില് അടിയന്തരമായി എല്പി സ്കൂള് സ്ഥാപിക്കാന് സംസ്ഥാന സര്ക്കാരിന് സുപ്രീം കോടതിയുടെ നിര്ദേശം
ന്യൂഡല്ഹി: സാക്ഷരകേരളമെന്ന് അഹങ്കരിക്കുന്ന കേരളത്തില് സര്ക്കാര് സ്കൂള് ആവശ്യമില്ലെന്ന് വാദിച്ച സംസ്ഥാന സര്ക്കാരിനെതിരെ ആഞ്ഞടിച്ച് സുപ്രീം കോടതി. മഞ്ചേരി എളാമ്പ്രയില് സര്ക്കാര് എല്പി സ്കൂള് ആരംഭിക്കാന് മഞ്ചേരി മുന്സിപ്പാലിറ്റി സംസ്ഥാന വിദ്യാഭ്യാസ വകുപ്പിനെ സമീപിച്ചിരുന്നു. എന്നാല് മുനിസിപ്പാലിറ്റിയുടെ ആവശ്യം വിദ്യാഭ്യാസ വകുപ്പ് നിരാകരിച്ചു. ഇതിനെതിരെ പ്രദേശവാസികള് ഹൈക്കോടതിയെ സമീപിക്കുകയും ഹൈക്കോടതി സ്കൂള് സ്ഥാപിക്കാന് ഉത്തരവിറക്കുകയും ചെയ്തു. ഇതിനെതിരെ സംസ്ഥാന സര്ക്കാരാണ് സുപ്രീം കോടതിയെ സമീപിച്ചത്. എളാമ്പ്ര മേഖലയില് നടത്തിയ ശാസ്ത്രീയ പരിശോധനയില് വിദ്യാര്ഥികള്ക്ക് വിദ്യാഭ്യാസത്തിന് ആവശ്യമായ സൗകര്യങ്ങള് ഉണ്ടെന്നും അതിനാല് പുതിയ സ്കൂള് ആവശ്യമില്ലെന്നും സംസ്ഥാന സര്ക്കാര് സുപ്രീം കോടതിയെ അറിയിച്ചു. വിദ്യാര്ഥികള്ക്ക് മറ്റ് സ്ഥലങ്ങളില് പോയി പഠിക്കണമെങ്കില് അതിനുള്ള സൗകര്യം ഒരുക്കാമെന്ന് സംസ്ഥാന സര്ക്കാര് കോടതിയെ അറിയിച്ചു. എന്നാല്, സര്ക്കാരിന്റെ ഈ നിലപാടിനെ ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ് മാല ബാഗ്ചി എന്നിവര് അടങ്ങിയ ബെഞ്ച് വിമര്ശിച്ചു. പുലര്ച്ചെ അഞ്ചുമണിക്ക് ബസ് കയറിപ്പോകുന്ന വിദ്യാര്ഥികള് മടങ്ങിവരിക രാത്രി വൈകി…
Read More »